السيراتو اتقلبت اربع مرات

[Seifmando]

1000 حمداً لله على سلامتك
ولو راكب بي ام الفئة السابعة برضه المكتوب مكتوب والباقى كله اسباب

متزعلش على حاجة لان حاجة بتفدي حاجة والحمد لله على كل حال

[masterzmind]

اللللللللف سلامة عليك يا باشا وفداااااااااااااااك اللللللللف عربية والله الحمد لله انك انت كويس ...

بس انا مش فاهم ما هو سبب قلب العربية بهذه الطريقة هل الكوتش فرقع فالعربية انحرفت الى الايمن والايسار وكم السرعة 100 حاجة غريبة اوى ممكن نقول 140 اما 100 دى غريبة ... هى حاجة بتاعت ربنا الحمد لله على كل شىء

[Karim_Monir]

لا قوة الا بالله
الحمد لله على خروجك بالسلامة من الموقف ده وكله يتعوض

[M.Hassan47]

شكرا بجد ياجماعة والحمدلله على كل شئ وقدر الله وماشاء فعل

وانا قبلها كنت ماشى على 160 بس هديت ماعرفش بقى السرعة وصلت لكام لأنى ملحقتش الاحظها وانا فعلا مكنتش رابط الحزام وغالباً اصلاً مش بربطه والإيرباج مش فتحت ‘‘ وانا كنت سامع ان الإيرباج مش بتفتح الا لما الحزام يبقى مربوط وانا مش عارف هل العيب فى العفشة او فى الكاوتش مش عارف لأنى حاليا فى السرير ومش متابع . بس اياً كان دا قدر والحمدلله على كل شئ.

[toty_305]

الكوري لا دين له .....ربنا معاك

[egy9090]

يا جماعة
أنا أعرف واحد انقلبت سيارته بسبب انفجار الاطار و كان نافخ الكاوتش نيتروجين
أظن انه يوجد احتمال لحدوث تفاعل بينه و بين الكاوتش يؤدى الى تاكل داخلى او تشقق للاطار
يرجى التأكد من اضرار النيتروجين قبل استخدامه
و ربنا يحفظنا جميعا

[tarekmomo]

حمد الله على سلامتك الحمد لله انك خرجت منها على خييييييييييير

[M7amD_7amDy]

الف سلامة عليك وحمدالله على سلامتك

قدر الله وما شاء فعل

[sara2001]

حمد لله على سلامتك والحمد لله ان حضرتك بخير
ده قدر الحادثه بتحصل في ثواني
عربيه جيب شيروكي اتقلبت قدامي على المحور في الإتجاه المقابل وزحفت على الرصيف اللي في النص وكانت هتعديه لولا ستر ربنا والطريق كان زحمه ومفيش حد ماشي بسرعه لدرجة ان عربيه زي دي تتقلب

[eng_maged]

حمدالله على سلمتك
بس هو مفيش امان في جميع الاحوال متنساش انك ماشي على اربع فرد هوا

[momen_ivf]

قدر الله وما شاء فعل
لاسف السيراتو شوفت ليها حوادث كتير اوي
ديما بقول السرعة ملهاش كبير
ربنا يخلف عنك يارب

[momen_ivf]

قدر الله وما شاء فعل
لاسف السيراتو شوفت ليها حوادث كتير اوي
ديما بقول السرعة ملهاش كبير
ربنا يخلف عنك يارب

[M.Hassan47]

الحمدلله ياجماعة والله على كل اللى يجيبه ربنا انا راضى بكل اللى يجيبه لأن هو وحده اللى نجانى من الموت
بس اللى مضايقنى ان العربية عاملة بس 15 الف كيلو ومكنتش من النوع اللى بيهين العربية فى السواقة غير بس هى السرعة الزياده بس كانت دايما بحذر
وبالنسبة لموضوع النيتروجين ده بصراحة مش عارف هل ليه دخل او لا بس صحيح انا اخر مره كنت ظابط نيترو على 30 مش عارف بردو اذا كان ليه علاقة ولا لا لأنى غالباً كنت بظبط على 28 او 29 ومش عارف اذا كان الكاوتش اللى جنبى فرقع ولا لا لأنى مسمعتش بس بعد الحادثة لقيته على الأرض واللى ورا اتقطع اما خبط فى الرصيف ...
وكنت عايز استفسر عن سعر السقف والبابين وطبعا هما بيبقوا استيراد صح؟
وربنا يقدم اللى فيه الخير

[mahmoud9177]

الف سلامة عليك وفداك مليون عربية اهم حاجة انت والباقى يتعوض ان شاء الله (قل لن يصيبنا الا ما كتبة الله لنا )

[احمد المصرى]

انا شفت العربيه دى بنفسى الساعه 7.30 صباحا وكانت على وشك انها تتشال بالونش ومن ساعتها وانا بقول ايه ال حصل علشان تنقلب كدا وحسب ال انا شفته وال انت بتقوله العربيه دى ممتازه علشان انت الحمد لله حى بس السرعه ال انت بتقولها دى كبيره اوى على الطريق دا دا كبيروا اوى 100 او اقل


والحمد لله انت بخير لان المنظر بجد كان مش كويس ومن ساعدها وانا بقول ايه ال حصل علشان تنقلب كدا