بفكر ابيع السيراتو واشتري هوندا سيفك 2009

[ahmedhussein85]

كنت بفكر ابيع السيراتو واشتري هوندا سيفك 2009 وحابب اعرف رايكم (علشان بجد تعبت)

[M.Akef]

خدها من علي طرف لساني بس لما شفت السفك عربيه موتور و عفشه و دركسيون مفيش في الفضيه اي كماليات :((

[Hosam_Optrawy]

تعبت من ايه طيب

[ahmedhussein85]

انا بجد زهقت من الكماليات وعايز عربية محترمة

[Hosam_Optrawy]

طيب ماتفكر فى اوكتافيا او جيتا ( مش DSG )

عشان تحس باختلاف i

[masterzmind]

يا باشا الهوندااااا دى معشوقه الشباب انا بحب العربيه دى احسن عربية ركوبه بعد ال bmw وده رأى

[Kareem.ElAraby]

شوف ال vti
بس الحق عشان الشكل الجديد نزل و سامع أسعار غريبه

[devil_storm]

ممكن تشوف الفيرنا بردة و اكيد حتحس بفرق
بهزر طبعا ..... السيفك محترمة طبعا ولا غبار عليها بس لو معاك ثمنها, انا عن نفسى شايف انها متستهلش و سعرها مبالغ فية

[ahmedhussein85]

والله (يا حسام باشا) انا تعبت من كل حاجة في العربية دي وطبعا انا معاك ان كل العربيات الجديدة فيها مشاكل بس انا لما كنت راكب عربية بنص تمنها كنت مستريح اكتر من كدة...انا كان معايا اسبيرانزا a516 والله العظيم كانت احسن منها بمراحل كنت بجري بيها 190 العربية لازقة في الارض ومحسساك بالامان دا مش معناه ان السيراتو مبتجريش بالعكس السيراتو موتورها جامد جدا بس اول ما تبتدي تعدي ال 130 هتحس انك راكب مرجيحة وهتلاقي العربية بتعوم يمين وشمال وسهل جدا انها تتقلب بيك طبعا بعد الشر عليك..وكمان الاسبيرانزا كنت بركنها يومين ثلاثة في اي مكان مكنتش بقلق عليها علشان صعب جدا تتسرق اما السيراتو يوميا في عربيتين ثلاثة بيتسرقو وطبعا الكلام دا من قبل الثورة علشان محدش يقول الانفلات الامني والكلام دا غير بقى المشاكل الصغيرة الي عارفينها الي تقريبا بتحصل في 60% من العربيات السيراتو وكفاية كدا علشان محدش يفتكر اني داخل اهاجم السيراتو والكلام الغريب دا بس والله العظيم دا اقل تقيم للعربية دي انا بجد كرهتها ولو رجع بيا الزمن مكنتش اشتريتها علشان كدة عايز الحق اصلح غلطتي وابيعها واركب عربية محترمة

[more_try2]

حضرتك عربيتك موديل كام وبردو مفهمتش ايه المشاكل ال فيها غير العوامان لان انا معايا 2008 ومش شايف العيوب دى ولا حضرتك بتتكلم عن الشكل الجديد ارجو التوضيح علشان نستفيد ونعرف عيوبها ال يمكن لسه مظهرتش عندى خاصه ان عربيتى لسه معملتش 20000
جزاك الله خيرا

[ahmedhussein85]

عربيتي موديل 2009 الشكل الجديد ومتقلقش يا باشا الشكل القديم دا احسن من الشكل الجديد بكتيير ماعدا الشكل طبعا ربنا يباركلك فيها.

[more_try2]

عربيتي موديل 2009 الشكل الجديد ومتقلقش يا باشا الشكل القديم دا احسن من الشكل الجديد بكتيير ماعدا الشكل طبعا ربنا يباركلك فيها.

ويباركلك فى عربيتك يا رب بس انت عامل حساب فرق اسعار قطع الغيار عن التغير لهوندا انا اعرف ان اسعارها عاليه شويتين

[Formulator]

طيب ماتفكر فى اوكتافيا او جيتا ( مش DSG )

+1
وبرضه السيفيك اللى هو ميال ليها تمااااااااااااااام,
وممكن فورد فوكس, مازدا3.. عربيتين جامدين.
وياسلااااااام لو لقى رينو فلوينس يكون سعرها معقول (مش كسر زيرو يعنى, بس هتبقى جديدة)..؟!!

كل العربيات دى هتحلل مشكلتك مع السيراتو, على الأقل الثبات فـ السرعات, وموضوع السرقة..!!

لو هنتكلم عـ السيفيك تحديدا: هتحس بفرق جااااااااااااامد فـ السرعة, والهاندلينج والثبات طبعا..؟؟!!!
وبرضه جودة التقفيل والـdurability وجودة الـmaterials لصالح السيفيك..
يعيبها فقط انها واطية عـ الأرض, وقطع الغيار غالية سيكا.. بس هوندا
[/QUOTE][/Q

انا عن نفسى شايف انها متستهلش و سعرها مبالغ فية

اسمحلى اختلف معاك فـ الرأى ده..
معظم العربيات الكورى فـ مصر سعرها مبالغ فيه بطريقة مستفزة..؟؟!!!
سيراتو, الانترا 2012 وكروز..

لما دول يتباعوا بالأسعار دى (بتوصل 155-160 ألف)
يبقى مش كتييييييييير على الهوندا السيفيك انها بتتباع بـ188 ألف.. (طبعا الـVTi)

بس لما شفت السفك عربيه موتور و عفشه و دركسيون مفيش في الفضيه اي كماليات :((

كنت هرد الرد ده فـ المشاركة اللى فوق على طووووووول, بس قولت اخليه ليك انت.. ههههههههه

معظم اللى بيشتروا سيراتو فـ مصر.. بيشتروها عشان أى حاااااااااجة... غير اللى انت قولت عليهم..؟؟!!!
يعنى بيجيبها عشان الشكل, الأوبشنز وسعر اعادة البيع..؟!!
لكن اللى عايز "عربية" .. يستمتع بيها كـ سواقة وركوبة.. بيعمل أيـــــــــــــــــه؟؟!!! :
بيروح يشترى سيفيك LXi فاضية (اللى مش عاجباك).. ومايشتريش سيراتو أو الانترا 2012 ولو fully-loaded بالأوبشنز..؟!!
انا اعرف ناس كتييييييييييير عملت كده, سواء اشترى هوندا او حاجة أوروبى..

دا مش معناه ان السيراتو مبتجريش بالعكس السيراتو موتورها جامد جدا بس اول ما تبتدي تعدي ال 130 هتحس انك راكب مرجيحة وهتلاقي العربية بتعوم يمين وشمال وسهل جدا انها تتقلب بيك طبعا بعد الشر عليك

لو دى بالتحديد أكبر مشاكلك مع السيراتو.. (اللى هى الثبات فـ السرعات).. السيفيك (أو الجيتا, أوكتافيا زى ماقالك حسام).. هيحلولك المشكلة دى نهائيا..

[ahmedhussein85]

شكرا لكل واحد اهتم بالموضوع ومستني المزيد من الاراء يا رجالة كيا

[M.Akef]

السيراتو الي قرفني منها العفشه النشفه فقد لكن انا عاوز اغير عشان اركب مركه كبيره و الخيار بين مرسيدس 200 1994 و السفك ال2009 انا كان معايا بومه 2009 فضيه احساس بالفقر لا يوصف السفك هتكون محتاجه مصاريف كتير عشان تقرب بس من امكانيات السيراتو لكن المرسيدس ال94 الكراسي فيها سخانات يا معلم :)))
و كمان عشان الدفع الخلفي و الجوده الاعلي بكتير من اليباني و الكوري عموما
بس علي فكره فرق السرعه مش رهيب يعني هي اه بتطلع بفرق ملحوظ لكن السيراتو اسرع من اغلب عربيات فئتها معاد الانترا و السفك و الكورولا ال1.6 :)