بفكر ابيع السيراتو واشتري هوندا سيفك 2009

[ma7oo]

للاسف السيراتو عربية شكلها حلو وكنت بتمى لما نزلت انها تكون من جوا وكعربية زى برا بس الحمدلله انى مجبتهاش وجبت حاجة تانية احسن وناس كتير اعرفها جبتها وباعتها للاسف الحلو ميكملش :(

[Hosam_Optrawy]

والله (يا حسام باشا) انا تعبت من كل حاجة في العربية دي وطبعا انا معاك ان كل العربيات الجديدة فيها مشاكل بس انا لما كنت راكب عربية بنص تمنها كنت مستريح اكتر من كدة...انا كان معايا اسبيرانزا a516 والله العظيم كانت احسن منها بمراحل كنت بجري بيها 190 العربية لازقة في الارض ومحسساك بالامان دا مش معناه ان السيراتو مبتجريش بالعكس السيراتو موتورها جامد جدا بس اول ما تبتدي تعدي ال 130 هتحس انك راكب مرجيحة وهتلاقي العربية بتعوم يمين وشمال وسهل جدا انها تتقلب بيك طبعا بعد الشر عليك..وكمان الاسبيرانزا كنت بركنها يومين ثلاثة في اي مكان مكنتش بقلق عليها علشان صعب جدا تتسرق اما السيراتو يوميا في عربيتين ثلاثة بيتسرقو وطبعا الكلام دا من قبل الثورة علشان محدش يقول الانفلات الامني والكلام دا غير بقى المشاكل الصغيرة الي عارفينها الي تقريبا بتحصل في 60% من العربيات السيراتو وكفاية كدا علشان محدش يفتكر اني داخل اهاجم السيراتو والكلام الغريب دا بس والله العظيم دا اقل تقيم للعربية دي انا بجد كرهتها ولو رجع بيا الزمن مكنتش اشتريتها علشان كدة عايز الحق اصلح غلطتي وابيعها واركب عربية محترمة

تمام فهمتك , ومفيش داعى نتكلم عالسيراتو لان مهما اتكلمنا خلاص انت قفلت منها نفسيا ومش هاتقتنع غير باللى انت حاسس بيه دلوقتى , خلينا نفكر فى البدايل اللى تستاهل انك تغير

رأيى زى ماقولتلك عايز تحس بتغيير فى طعم واحساس السواقه وتغير المدرسه يبقى خليك فى فانتازيا او جيتا

لكن متبيعش عربيتك وتخسر فلوس وتكمل عليها عشان تركب سيفيك مستعمله واقدم من عربيتك وكمان اقل فئه , وكمان مش هاتحس بالفرق الشاسع

[M.Akef]

تمام فهمتك , ومفيش داعى نتكلم عالسيراتو لان مهما اتكلمنا خلاص انت قفلت منها نفسيا ومش هاتقتنع غير باللى انت حاسس بيه دلوقتى , خلينا نفكر فى البدايل اللى تستاهل انك تغير

رأيى زى ماقولتلك عايز تحس بتغيير فى طعم واحساس السواقه وتغير المدرسه يبقى خليك فى فانتازيا او جيتا

لكن متبيعش عربيتك وتخسر فلوس وتكمل عليها عشان تركب سيفيك مستعمله واقدم من عربيتك وكمان اقل فئه , وكمان مش هاتحس بالفرق الشاسع

+111111111
المرشيدس مرشيدس يا باشا

[devil_storm]

+111111111
المرشيدس مرشيدس يا باشا

واحد صحبى جاب مرسيدس موديل 95 بهدلتة... العربية بتسخن و التكييف صرف علية اد كدة و لسة بايظ... متفتكرش ان المرسيدي القديم قوى دة حيريحك, معاك ثمن مرسيدس حديث موديل 2005 او اعلى ماش لكن عربية بقالها 17 سنة قلتها احسن و مشاكلها حتكون كتير و قطع غيارها نار.

[M.Akef]

:((((
اكيد العربيه الي هو جبها مش نظيفه يا باشا :(
انا عاوز اجيب حاجه كانت مرفوعه ان شاء الله و لو دي مشيه 17 سنه امال المعدله 78تعمل ايه بقا و ما شاء الله لو نظيفه مع انها مشيه اكثر من 30 سنه و ركوبتها انظف من عربيات كتير و منهم بتعتي ما شاء الله علي الراحه و الثبات رائعين
انا عارف انها اكيد هتحتاج مني مصاريف لكن لو بصيت هتلقيها كدا كدا خربانه السيراتو قطع غيرها غاليه من غير اي حاجه و كمان سنه او اتنين هتفتح في المصاريف طب ما اجيب عربيه اصرف عليها مره و انساها 5 او 7 سنين علي الاقل احسن :)
الحقيقه انا كان عندي نفس وجهة نظرك لكن لما ركبت معدلات و زلاموكهات نظيفه غيرت رئيي d:

[SAMEH_FOUAD]

المشكلة ان الشعب المصرى اول حاجة بيدور عليها فى العربية الاوبشن مع انة لو فكر كدة هتلاقى كدة نسبة الاستخدام مابتعداش 40% من كل الاوبشن اللى موجود

اهم حاجة فى العربية ( محرك مع ثبات عالى - جودة عالية فى التقفيل - تحمل وقلة اعطال - شكل يكون كويس ومناسب - امان يكفى - راحة فى الركوب وعلى المسافات الطويلة - abs - 2 airbag - immoplizier ) كدة اقولك انت معاك عربية فعلا عمرك ماهتزهق منها لكن بقى عربية تديك اوبشن مالوش حصر وشكل حلو اوى وتغفل نقطة الثبات والراحة والاعتمادية يبقى كدة انت بتشترى عربية لعبة او من الاخر بيقولك العربية دية تحسس عليها لانها مش بتاعة بهدلة

معلش دة رأى عموما فى العربيات اول حاجة ابصلها ( محرك - ثبات - اعتمادية - شكل ) دول اساس العربية لو مش موجودين يبقى انت بتدفع فلوسك فى شكل واوبشن وعربية بتمشى وخلاص

لانى بجد بكون متضايق جدا من الناس كلها بتهتم بالشكل والاوبشن قبل اى حاجة تانى وبلاحظة موجود ان لسة تكون العربية منزلتش مصر ولمجرد شافوا الشكل والكماليات تلاقى دفعتين تلاتة خلصوا قبل حتى مايعرفوا العربية دية اداءئها عامل اية

معلش انى خرجت شوية عن الموضوع بس لقيت فية ناس مهتمية اوى بالاوبشن على حساب اى حاجة تانى

[M.Hassan47]

بيع من غير تفكير

[dreslam]

انا اؤيد وبشده اللي حضرتك عايز تعمله

[egyptiandiver]

Honda is Honda

[ahmedhussein85]

thanx for all

[mido]

و انت ضامن تلاقى هوندا 2009 بحاله كويسه و سعر كويس؟