قفلت عداد السيراتو يا نمور كيااااااااااااااا..........بال صور .خمس نجوم

[moha4tec]

خليك حنين ع العربية ده حديد بياكل في بعضه ...

كلمة سمعتها من ناس عواجيز في القيادة

يا باشا الموضوع كان صدفه و مش هعمل كده تانى اصلا و السرعه دى مجرد انى وصلتها و صورتها و خلاص على كده عمرى ما هكررها تانى لا بيها و لا بيغيرها .و انا مقرصتش عليها هى بتجمع ل 190 عادى من غير قرص بس ابطا بعد ال 160 شويه و ابطا من 190 ل 200 و تتقل لحد ال 205 و ال 213 دى كانت فى منزل . و الحمد لله مشيك عليها كلها قبل ما انزل و مكنش فى دماغى اصلا موضوع الجرى ده .اللى كان فى تفكيرى انى اروح اتفرج و اصور الحدث بتاع السباقات و اقضى يوم جميل فقط .اغلب الطريق كان 120 فى حدود الرادار .انا مجريتش الا لحظات بسيطه جدا بس عموما مش ناوى اكررها لو حتى صدفه .

[moha4tec]

خد بالك ياباشا العمر مش بعزقة :)

مشكور جدا على النصيحه و معاك حق فعلا

[moha4tec]

تصدق انا حبيت ياسر الصياد لله في الله كده :]
عاوزين بقي أماكن الرادارات في بلدك
و ربنا يحفظ طريقنا كلنا يا رب !

و انا كمان بحبه لله فى لله و هو انسان محترم و زوق و مبيكدبش و ليه تجار حلوه و افقه واسع .و تعديلاته جميله
معرفش اماكن رادارات اصلا .بس كان فى موضوع معمول تقريبا فى القسم العام و كمان كان الاعضاء منزلين خريطه بمواقع الرادارات الثابته و المتحركه كمان تنزل على ال جى بى اس
اعمل سيرش و انت هتلاقيها و دى افضل و لما بتقرب من هذه الاماكن بيديك تحزير فى الجى بى اس ده كان كلامهم

[moha4tec]

وحش السيراتو
ربنا يباركلك فيها

ربنا يخليك و يكرمك ,و انا مش وحش ولا حاجه و مش من هوات الجرى اصلا لانى الايام اللى فاتت كنت بجرب امشى بالراحه و احاول اوفر بنزين لان ده افضل و كنت بلاحظ لو الطريق نصف مزدحم ان اللى بيجرى مبيبقاش مركز اوى و كان يجرى و يحرق و مبيفرقش عنى كتير
لانى كنت بمشى بدوس براحه على البنزين و تسحب لسرعه تحت ال 90 على الدائرى و اشيل رجلى وقت اللزوم و مكنتش بحتاج ادوس على الفرامل اصلا و دى بعض الحجات اللى اتعلمتها من مواضيع فى المنتدى لتوفير البنزين و الحمد لله جابت نتيحه كويسه الحمد لله و فرقت فعلا كتير
و مؤخرا عرفت ان بنزينة وطنيه فيها انضف بنزين على مستوى مصر و بيقعد معايا اكتر من 500 كم على مختلف الطرق تشكيله ,و اى بنزينه تانيه العربيه مبتكملش ال 400 كم و لو طريق سفر 420 بالكتير اوى .
يبقى العيب فى البنزين مش كده

[moha4tec]

متعملهاش تانى

اكيد مفيش تانى و ان شاء الله عمرى ما هعملها تانى انا حرمت .و ربنا سترها على المره دى و توبه خلاصصصصصصصصصص

[moha4tec]

لا اله الا انت سبحانك انى كنت من الظالمين
ربنا يسترها معاك

مشكور جدا على النصيحه و الدعاء و فعلا انا حاسس ان اللى عملته ملوش لزمه اصلا و الحمد لله انى بخير
و فى اخر اليوم خدت عين محترمه بس مش فى العربيه لكن فى حاجه تانيه مهمه بالنسبالى و عكننت على اوى لحد دلوقتى

[yasserelsayad]

مبروك يا معلم :) .. بس انا سبقتك من سنة ونص كدا :)

[moha4tec]

ليه كده يا محمد ياريت بلاش تعملها مرة تانية ولا تفكر فيها من الاساس
وانا وانت وناس كتير عرفين ان العربية غدارة
علشان خاطر ابنك بلاش تعملها تانى

استاذ ابو ليلى
مشكور على النصيحه و على المجهود ووقوف حضرتك جنبى فى نفس اليوم ده بليل و فعلا انا عرفت رجاله بجد فى المنتدى ده و لا خاب من استشار و نفسى فى يوم اقدر ارد لحضرتك جزء من جمايلك معايا .
و مش هجرى تانى ,انا كنت بجرب حاجه و خلاص .التجار الجايه على توفير البنزين مش الجرى .

[moha4tec]

ربنا يسترها عليييييييييييييييييك

ربنا يسمع منك امين يا رب و مشكور على الدعاء

[moha4tec]

انا كمان عاوز اعمل صيانة كاملة تفوق العربية لو تدلني علي مكان كويس يبقي كتر خيرك ولو علي الخاص علشان عاوز منك نمرة محمد شوقي ضروري mshawki

حضرتك لو عربيتك وكيل توجه على ابو رواش ياسرالصياد بيشكر فيه جدا جدا لو خليجى و معاك ضمان خليك تبع المراكز بتاعته
و لو خليجى و ملكش ضمان يبقى ممكن تروح لاى ميكانيكى فاهم فى الكيا عموما و قوله ينضفلك البوابه بتاعة البنزين بالاسبراى بتاع التنضيف المصوص ليها و يراجعلك على السوائل و يشيكلك على البوجيهات و ينضفلك تيل الفرامل و يربطلك عفشه و تغير الزيت قبل معاده و تركب فلتر كا اند ان مستطيل زى بتاع العربيه الاصلى .و تحط نوع زيت نضيف كاسترول او رالفولين او ليكويمولى .انا حاطط كاسترول و هو كويس و افضل من شيل و امارات مصر . و بعد كده ان شاء الله هحط فالفولين او ليكوي مولى +اضافة السيراتك الجديده باذن الله .و لو عرفت تحط فلتر زيت كا اند ان يبقى تمام اوى اوى .
هكلم محمد شوقى و استاذنه انى ابعتلك النمره الاول (حضرتك عرفت منان انى معايا نمرته اصلا ؟؟؟؟؟؟؟ ههههههههههههه)

[moha4tec]

ربنا يباركلك فيها السيراتوهايه بس بلاش 220 والحركات دي افتكر انك ماشي على هوااااااااااااااااااا

مشكور اخى الكريم على النصح و ان شاء الله ؤبنا يستر طريقنا كلنا

[moha4tec]

ربنا يستر طريقك وبلاش فعلا تكررها تانى مهما كان نوع العربيه اللى معاك عشان زى ماقالوا الرجاله احنا ماشيين على هوا

+11111111111111111111111111111111111
معاك كل الحق

[moha4tec]

مبروك يا معلم :) .. بس انا سبقتك من سنة ونص كدا :)

الله يبارك فيك .
يا معلم انا عارف انك بتجرى علطول .امال انا عرفت معلومة الرادار من مين؟؟؟؟؟؟؟
مهو انت يا كبير صح و الا ناسى .بس انت اصلى اوى و الصدفه خدمتنى .
عوزين شوية ملاحظات جديده زى موضوع الرادار اللى انت قولتلى عليه كده
و انت كنت جبت كام يا ياسر فى العداد اكتر حاجه نفس السرعه و الا اكتر شويه .
و متخدش كلامى ده و تروح تجرى و تصور انا مصدقك من غير حاجه فى كذا حوار و عارف انك معلم و يعتمد عليك .
و انا شفت كل الفيديوهات بتاعتك و مواضيعك .و انت بتسوق ما شاء الله و محدش بيسخنك بسهوله .فاكر مقابلة الرحاب .بعد لما سبتك عدى من جنبى احمد الكسار صاروخ و بيشد معايا و فجاة لقينا نفسنا بنشد ووصلنا ل 180 بغرز ,ولمانا الدور و مشينا 90 .
الحمد لله و انا مش ناوى اجرى تانى باذن الله الا لو هصور مثلا من 0 الى 100 تانى.

[yasserelsayad]

الله يبارك فيك .
يا معلم انا عارف انك بتجرى علطول .امال انا عرفت معلومة الرادار من مين؟؟؟؟؟؟؟
منط انت يا كبير صح و الا ناسى .بس انت اصلى اوى و الصدفه خدمتنى .
عوزين شوية ملاحظات جديده زى موضوع الرادار اللى انت قولتلى عليه كده
و انت كنت جبت كام يا ياسر فى العداد اكتر حاجه نفس السرعه و الا اكتر شويه .
و متخدش كلامى ده و تروح تجرى و تصور انا مصدقك من غير حاجه فى كذا حوار و عارف انك معلم و يعتمد عليك .
و انا شفت كل الفيديوهات بتاعتك و مواضيعك .و انت بتسوق ما شاء الله و محدش بيسخنك بسهوله .فاكر مقابلة الرحاب .بعد لما سبتك عدى من جنبى احمد الكسار صاروخ و بيشد معايا و فجاة لقينا نفسنا بنشد ووصلنا ل 180 بغرز ,ولمانا الدور و مشينا 90 .
الحمد لله و انا مش ناوى اجرى تانى باذن الله الا لو هصور مثلا من 0 الى 100 تانى.

حبيبى والله انا برخم عليك بس :) لكن عارف انك شديد باردوا.
انا اكتر حاجة صورتها كانت تقريبا 210 بس الرقم دا اتكسر كذا مرة ووصلت لحد قبل الـ 220 على طول وما شاء الله كنا 5 فى العربية :) متسألنيش ازاى.

انا اصلا كنت لسه بفكر اصور فيديو تسارع من 100 لـ 210 قريب ان شاء الله

http://www.nilemotors.net/Nile/175275-210.html

[moha4tec]

حبيبى والله انا برخم عليك بس :) لكن عارف انك شديد باردوا.
انا اكتر حاجة صورتها كانت تقريبا 210 بس الرقم دا اتكسر كذا مرة ووصلت لحد قبل الـ 220 على طول وما شاء الله كنا 5 فى العربية :) متسألنيش ازاى.

انا اصلا كنت لسه بفكر اصور فيديو تسارع من 100 لـ 210 قريب ان شاء الله

http://www.nilemotors.net/nile/175275-210.html

ههههههههههه
انت حبيبى بس انا شكلى كده سخنتك و بصراحه خايف عليك ,خلى بالك من نفسك .
العربيه على السرعات العاليه جبت بيها 200 قبل كده على الدائرى و كنا 4 و كنت مستغرب بردو . و كانت ممكن تجيب اكتر بس الطريق كان خلص.
خلى بالك من نفسك و ابقى قولى كده قبليها و انا امشى جنبك و حد من اصحابك يركب معايا و يصورك اه رايك .
بس نقى طريق نضيف و فاضى .و ربنا يسترها علينا كلنا