مجانين سرعه

[Shazlovic]

نضف بوابة الهوا و حساس الايدل كنترول وفلتر هوا ديد او نضفه لو شغال او فلتر k&n و شوف بوجيهاتك اخبارها اه .لو عاوزه تتغير غيرها و هات ngkالعاديه و ظبط فتحتها على 0.8 ملى .و اعمل صياناتك فى معادها و اظبط ضغط الكاوتش على 32 نيتروجين .و نضف الموتور و الردياتير بالهوا كويس و شوف زيوتك اخبارها اه لو عوزه تتغير غيرها .و حط فلتر زيت من التوكيل لانه برا مضروب و بيبوظ العربيه .و لو عديت ال 40 الف كم ابقى غير فلتر البنزين بتاعك و نشوف بعدها .
و ابقى ادعيلى .
النتيجه طبعا الله اعلم .
حسب السواق و حالة كل عربيه منهم
نصيحه منى ابعد عن الجرى و الشد لانك فى الاحوال كلكوا هتخسروا .
لو انت كسبت اصحابك هيزعلوا منك و هيبقوا عوزين يشدوا معاك تانى فى اى وقت و ممكن تحصل حوادث و تكرهوا بعض اكتر .و لوحصل العكس انت هتزعل و هتبقى عاوز ترد كرامتك و ممكن تكره اصحابك و تكره عربيتك .
فى اى ظرف انتم كلكم خسرانين .

انا هعمل كل ده و اركن العربيه ...معاك حق فعلا ممكن تقفل قفله بايخه ونبقي كلنا خسرانين ...ربنا يكرمك

[Hmatchy]

انا فى مرة حصل معايا موقف من سنة تقريبا
كنت راجع من اسكندرية و كان بعد الثورة بكام اسبوع فطبعا ولا فى رادار ولا عسكرى واحد على الطريق
طبعا انا كانت باخود الطريق 160-170 و ممكن 190 لو ماشى من غير تحويلة
كان فى تحويلة حارتين و انت داخل على بوابة القاهرة و انا ماشى 160 و ماشى فى امان الله و علشان اركز اكتر كنت بنزل قدام كل عربية اعدى منها علشان مبصش فى المرايه كتير
وعمال ماشى حوالى 4 او 5 دقايق كدة لحد ما بصيت فى مراية الصالون لقيتها سوده بتلمع ومفيش تفاصيل
ببص فى مراية الجنب لقيت ورايا عرية جيب مش قادر احدد نوعها
المهم المعلم لازق فيا لدرجة انى خفت ارفع رجلى من على البنزين زودت وبقيت ماشى 190-200 وغرز ورا بعضها
لحد ما الطريق مرة واحدة بقى فاضى وانا فى الحارة اليمين وصاحبنا ده وارايا وكنا ساعة مغربية فيدوب حسيتو وهو بيقلبلى نور فى المرايا الشمال رحت مديلو اشارة يمين(بعرفو انى قاعد هنا شوية علشان ده اخرى) وكنا ماشين 200
راح جى على شمالى لقيتها دودج دورينجو الله اعلم هو داس بنزين ولا سقط غيار المهم لقيتوا طار من جمبى كان نفسى افتح الشباك و اقولو عيب تبقى 8 سلندر وتتشطر على 1500 سى سى بس مكانش هيسمعنى و اتقابلنا تانى عند زحمة المحور و ساعتها سلكت نفسى وعديت منوا ومشفتوش تانى

[minicooper20]

+111

أقفش, أمسك الواد ده يا كوبر..؟؟؟!!!!!!
دى اسمها فيات tipo (وهى فعلا تقدر تقول عليها تمبرا هاتش).. هأسألك سؤال مهم جداااااااااااا بقى:

انهى واحدة فيهم.. الحمراء ولا الرمادى (بجنوط أبارث حمراء)؟؟؟!!

الواد اللى بالـtipo الحمراء ده علم على عربيتى جاااااااااااامد جدا (مكنتش أنا اللى سايق, واحد صاحبى سوااااااااق)..؟؟!!!
جرى وشد عـ الدائرى لحد 160-170, (والطريق زحمة)..

الواد بتاع الـtipo كان بيسيب صاحبى يعدى منه.. وفجأة تلاقيه جاى حااااااارق من ورانا ويعدى صاروخ, انسى.. لا كيككات ولا تسقيط كان بيعرف يجيبه؟؟؟!!
صاحبى اللى سايق كان هيعيط..
أعتقد العربية دى متسقطلها موتور 1400 turbo أو هى 2000, موتور فيات 2-كامة.. على بودى أخف من البرافو.. والواد كان سواق الصراحة.

لو قابلته.. أوعى تشد معاه تانى, مع انى لو قابلته.. هحاول أحط عليه (يمكن الـk&n والكاوتش الأدرينالين والفرامل الـebc فرقوا سيكا)..

ههههههههههههههههههههههههههه
هى الحمرا دى و الواد دقنه خفيفه كده و غطسان فى الكرسى
ده حظو حلو انى كنت جايب سندوتش من هارديز و كان الساندوتش مبهدلنى ههههههههههههه
دنى بدورعليه والله نفسى اشوفو عاشان اقلو عيب عليك و احط عليه حطه يبطل بعدها يجرى
بس لعلمك العربيه عندو هاتش فا بيخد الغرزقطم اوى لدرجه انو دخل غرزه هاند بس هيروح فين دى مصر اوضه وصاله
وحشنى يا حبى والله

[the9ranger]

ايوه كده حسسونى انى مش لوحدى الى اتظبط

[Formulator]

و على فكره سيراتو 2000 سىسى تربو تعلم على اى عربيه ممكن تشوفها فى مصر

مفيش سيراتو/فورت 2.0 Turbo أصلا..؟؟!!!
لو قصدك على موتور الهيونداى 2.0 Turbo 275HP بتاع السوناتا, (وبينزل على السبورتاج والأوبتيما).. انما على السيراتو, لأ.
لو تقصد الشركة اللى بتركب تربو على موتور الـ2.0 156HP.. بتوصله 190-200 حصان iirc
دى شركة تعديل اسمها TurboKits.. بتتربن المواتير الستوك, لكن الفورت اكبر موتور بينزل عليها ستوك هو 2.4 173HP.. مفيش تربو؟؟؟!!

و عوزك تشوف الصور كويس جدا جدا ,و تملى عينك من كمية الكؤس اللى فازت بيها السيراتو كوبيه فى السباقات .خلى بالك كل العربيات اللى كانت مشاركه كلها مواتير كبيره و تربو و نيتروس و كل حاجه تتخيلها من عفشه اسبور لسيستم فرامل اسبور و جنوط و رول كايدج .و غيرها .
و الماركات كانت المشاركه منها .بى ام و هوندا و مازدا و مينى كوبر و حجات تانيه مش عارف اسمها .فى 2010 او 2009 السيراتو كانت بتاخد المركز التانى سعات و الاول سعات .2011 السيراتو دايما الاول بدون منافس لدرجة ان العربيتين الوحيدتين السيراتو اللى كانوا فى السبق دخلو مع بعض و باقى المركات مرميين ورا بكتير

مفيش الكلام ده يا باشا؟؟!!! يعنى ماينفعش تقول معلومات غير صحيحة..
هى بدأت تشارك من موسم 2010 فى الـGrand-Am, فى الـStreet Tuner's Class.. وكانت بتطلع من الـTop-10
فـ موسم 2011 عملت أول فوز فـ تاريخ كيا
المركز الثانى overall, والمركز الأول فـ الفئة بتاعتها.. (اللى فيها مازدا MX-5 miata, هوندا سيفيك Si و BM 3er)..!!
وأصلا مصنع كيا معدلش (وما يعرفش يعدل) أى حاجة فـ العربيتين اللى دخلوا, ده كماااااان دفعوا 4 مليون دولار للـRacing-shop اللى عدلهم العربيتين..؟؟!!!

و السيراتو كوبيه المتعدله دى من مصنعها بتتباع ب 34 الف دولار بالتركيب .
او 28 الف دولار و انت تركب التعديلات بتاعتها .
تمن العربيه فقط من غير تعديل تقريبا 14 الف دولار .و التعديلات بالباقى و بياخدو 6000 دولار تركيب .
انا اتفرجت و زهلت من اللى شفته و عوزك تتفرج كويس هما عملين اه فى فلتر الهوا و عملين اه فى الفرامل .لانهم افتكسوا حاجه جديده فى الفرامل تخليها متسخنش خالص .و عملين وقود خاص .و حلو مشكلة التعويم الخلفى بس انا لسه معرفتش الحل اه .و قالوا ان المشكله كانوا فكرينها من العفشه الخلفيه فى البار نفسه و طلعوا غلطانين .يبقى كده على الاقل عرفنا ان المشكله مش فى البار .ممكن تكون من نوع السوست او الزاويه او درجة النشوفيه او اى حاجه تانيه .

برضه e Respect.. الأرقام اللى حضرتك قايلها مش مضبوطة.
انا ممكن أقولك على تفاصيل كل التعديلات اللى عملتها شركة Kinetic Motorsports فـ الكوب 2.4 عشان تدخل سباقات الـGrand-Am Continental Challenge:

- البودى: تقوية الشاسيه وتركيب الـroll-cage

- العفشة: Koni Height/Damping Adjustable, سوست الـrate بتاعها أعلى و lowering للعربية 3.5"

- الموتور:
بلوك الـ2.4 وركبوا عليه الـFlywheel بتاع الـ2.0 (غيروا الـDMF لـSingle-mass أخف), وطلمبة الزيت بتاع الـ2.0 برضه.. (تحميل أقل عـ الموتور).
بساتم Mahle رفعت الـCompression Ratio من 10.7:1 الى 11.2:1
عملوا Re-profile للكامات, شالوا الـbalancer-shafts خالص..
غيروا حاجات فـ الـWiring Harness (ضفيرة الكهرباء).

- الفرامل:
سابوا الماستر والكاليبرات والديسكات اللى ورا زى ماهم..
غيروا الديسكات قدام لديسكات Alcon grooved, والتيل كله اتغير لـCobalt racing pads..؟؟!!!
يعنى مش افتكاسة ولا حاجة, قعدوا يغيروا فـ الـGrade/Compound بتاع التيل, والـdrill/groove بتاع الديسكات.. لحد ما وصلوا لـcombinatio مابتسخنش..؟؟!!!
زى كده الـEBC GreeStuff وطالع Yello Stuff وأجمد حاجة Red Stuff..!!

تانى للتأكيد: هيونداى-كيا شركة مالهاش فـ الـMotorsports, ومعندهاش التكنولوجى ولا الخبرة والمعرفة بتاع التعديل والسباقات,
فـ استعانوا بـStreet Tuner عشان يعملهم اللى مابيعرفوش يعملوه, ومالهمش فيه..؟؟!!!

[Formulator]

ههههههههههههههههههههههههههه
هى الحمرا دى و الواد دقنه خفيفه كده و غطسان فى الكرسى
ده حظو حلو انى كنت جايب سندوتش من هارديز و كان الساندوتش مبهدلنى ههههههههههههه
دنى بدورعليه والله نفسى اشوفو عاشان اقلو عيب عليك و احط عليه حطه يبطل بعدها يجرى
بس لعلمك العربيه عندو هاتش فا بيخد الغرزقطم اوى لدرجه انو دخل غرزه هاند بس هيروح فين دى مصر اوضه وصاله
وحشنى يا حبى والله

هو ده.. واد تييييييييييييييييييييييت
والله كنت عايز أقولك دقنه خفيفة كده, وتقريبا لابس نظارة iirc
والـTipo أصلا عربية جامدة, كفاية انها الـplatform اللى عملوا عليه الألفا 156 الأسطورية..
الموتور الجامد + الوزن الخفيف + الهاتش القطم ده = Fast Fiat
طب وبعدين يامعلم فـ الواد اللى معلم على المنتدى كله ده..؟؟؟!! آه لو قابلته تانى..
بس على رأيك.. مصير سواق الفيات يتلاقى..!! وساعتها مش هسيبه.

وانت أكتر يا كوبر, فينك.. مشاركاتك قليلة ليه؟؟؟!!

[the9ranger]

اكيد هنقابلو على الدائرى انا بروح واجى عليه كل يوم وحفظت مواصفات العربيه علشان لو قابلتو اقلكو ايه الى حصل

[محمد قاسم]

بالصدفة الشديدة جدا,شوفوا اللينك ده

http://www.nilemotors.net/Nile/218551-fiat-tipo-2000-cc-sale.html

بنفس الجنوط الأبارث الحمرا

[lanos2004]

طب انا بقه بالانوس ما فيش حد بيطلع منى لانوس 1500سى سى بتوع التربو يبعدوا عنى والى عاوز يجرب مواتير انا موجود بس يبقه يجيب معاه مناديل علشان هيروح معيط

[minicooper20]

هو ده.. واد تييييييييييييييييييييييت
والله كنت عايز أقولك دقنه خفيفة كده, وتقريبا لابس نظارة iirc
والـTipo أصلا عربية جامدة, كفاية انها الـplatform اللى عملوا عليه الألفا 156 الأسطورية..
الموتور الجامد + الوزن الخفيف + الهاتش القطم ده = Fast Fiat
طب وبعدين يامعلم فـ الواد اللى معلم على المنتدى كله ده..؟؟؟!! آه لو قابلته تانى..
بس على رأيك.. مصير سواق الفيات يتلاقى..!! وساعتها مش هسيبه.

وانت أكتر يا كوبر, فينك.. مشاركاتك قليلة ليه؟؟؟!!

لوقبلتو هصورهولك فيديو و هو شيايف الستوب بيتاعى ههههههههههههههه بس
و الله يا حبى كنت مسافر و كمان المنتدى و حال البلد مش مشجع اوى
لاكن هبدا اشارك اهو يا كبير و ربنا يسهل

طب انا بقه بالانوس ما فيش حد بيطلع منى لانوس 1500سى سى بتوع التربو يبعدوا عنى والى عاوز يجرب مواتير انا موجود بس يبقه يجيب معاه مناديل علشان هيروح معيط

ههههههههههههههههههههههههههههههههههه
طيب بالنسبه للمانديل فلورا و لا فاين

[lanos2004]

ههههههههههههههههههههههههههههههههههه
طيب بالنسبه للمانديل فلورا و لا فاين [/QUOTE]
اى مناديل ولو ما فيش يجيب ملايه السرير

[amrelsaqqa]

بص يا باشا من الاخر كدة لما تيجى تشد مع حد ما تحسبهاش بوزن عربيتك كام وموتورك كام حصان وكام صباب

هنفترض انك طلعت من البي ام والفكترا و الكورسا والميجان

لا قدر الله في اي ظرف مفاجئ يكفى انه هيدوس فرامل وهيقف وانت لا

فكر الف مرة وخلى بالك ان ده بيبقى شيطان

وربنا يكفيك شر طريقك

[lanos2004]

لسه واقف على الدائرى على سرعه 170 اى نعم الكوتش كان بيولع بس وقفت مسطرة وبعدين وقت الخطر لا بتفرق بى ام ولا مرسيدس كله فى الطراوة طب والله قبل مطب ومع مرسيدس s500 وقفت قبله وهوة العربيه abs فضل شغال وعربيته زحفت ولبس المطب وكان موقف كوميدى مع اننا دخلين المطب بنفس السرعه

[M.Akef]

بص يا باشا من الاخر كدة لما تيجى تشد مع حد ما تحسبهاش بوزن عربيتك كام وموتورك كام حصان وكام صباب

هنفترض انك طلعت من البي ام والفكترا و الكورسا والميجان

لا قدر الله في اي ظرف مفاجئ يكفى انه هيدوس فرامل وهيقف وانت لا

فكر الف مرة وخلى بالك ان ده بيبقى شيطان

وربنا يكفيك شر طريقك

+1111111111
فعلا انا لحظتها ان لو العربيه الي ادامك اعلي منك و بالزات الماني و الي سيقها محترف فأنت هتكون بتهزق نفسك علي الفاضي و هو هيعد يتفرج عليك و يقول يا عيني صعبان علي الكتكوته


اما بالنسبه للموضوع انا عملت واحد زيه ابل كدا اصلا و قلت فيه الي اتنفخت منهم ممكن تدور في مواضيعي و تتفرج علي فضيحي

[lanos2004]

طب انا عاوز السيراتو دى اشوف اخرها ايه مع الانوس 1500 16vحد قال انا هنا