تجربة قيادة :: كيا سيراتو ::

[Mohamed Bander]

السلام عليكم يا جماعه

انا خلاص كنت استقريت علي السيراتو بس ايه موضوع ثباتها الضايع ده

خلاصة الكلام ثابته ولا نص نص ولا ضايعه زي ما الاخ ahmedesmat1987 ما بيقول؟

[Ahmod]

شكرا يا باشا علي الرد انا كان قصدي الياريس اللي معاك فعلا

العفو يا باشا وهي طبعا السيراتو افضل والحق لازم يتقال

لكن لو حضرتك مثلا بتقارن وناوي تشتري ممكن تكون الياريس مناسبة اكتر لحضرتك لو مش فارق معاك موضوع التسارع والكماليات !

بحيث انها افضل في النعومة والراحة كذلك استهلاك البنزين وسعر اعادة البيع

انما غير كدة السيراتو تكسب

اموت انا فى تقل الدركسيون

تقرير ممتاز يا حبى بجد

ربنا يخليك تسلم على مرورك

تقرير و تجربة أحلى من بعض ..

الله يخليك من ذوقك

فعلا انا معايا سيراتو 2010 خليجى وبحس بتقل فى الدركسيون والعفشة الناشفة اللى بتهد ظهرى لما بنزل منها

هو تقل الدركسيون ممكن اكون انا لاحظته لاني متعود على دركسيون الياريس الكهرباء ! عشان كدة حسيت بفرق ! اما موضوع نشوفية العفشة ده ملاحظتهاش بصراحة نظرا لان التجربة كانت مدتها قصيرة وفي طريق كويس

[Ahmod]

حبيبي يا احمد يا مظبطنا انا مختلف معاك شويه لكن متفق في ان السيراتو عربيه عائليه ممتازه :)

تسلملي يا كبير

واكيد لازم يكون فيه اختلافات بسيطة نظرا لاني التجربة كانت مدتها قصيرة فوارد يكون فيه حجات انا مانتبهتش ليها !

خاصا اني مثلا لما قلت ان صوت الماتور هادي ! انا قارنته بصوت الماتور عندي وانا مركب فلتر K&N ! فلازم يكون اهدى كتييييير مع ان فيه ناس قالتلي لاء السيراتو صوت ماتورها عالي ! بس انا فعلا ماحستش ان صوت الماتور عالي نهائيا

لسه حالا كنت داخل اعمل موضوع عن تجربه سيراتو طبق الاصل من الى انت بتتكلم عليها لسه نازل منها طازه.................الباور فعلا تقيل جدا لدرجه تغيظ.................الثبات فى الضايع خصوصا لو ماشى 110 وخدت غرزة نتش
الفرامل كويسه جدا قبل ال 120 بعد كدا مش مطمنلها مش عارف ليه..........نسيت اقول العفشه فيها صوت غريب خصوصا لو كلت نقره فى الارض.......................بالنسبه للمميزات ....شيك جدا من جوة ومن بره خصوصا لو رافع فتحه السقف لفوق........الساوند سيسستم ممتاز............الاستيب ترونك كان ناقصه كمان نقلتين وشكرا

الباور فعلا تقيل ! لكن مش مع حضرتك في نقطة ان ثابتها ضايع

انا ماجربتش اخد بيها غرز بس ماحستش ان ثابتها في الضياع كدة زي ماحضرتك مابتقول ! هو فقط ضايقني موضوع الثبات على مطبات الهوا او الطرق اللى طالعة ونازلة غير كدة كان الثبات مرضي جدا بالنسبة ليا

وموضوع الفرامل ده مش متفق معاك نهااااااااااااائي ! ياراجل ده انا اكتر حاجة عجبتني فيها الفرامل بسم الله ماشاء الله باللمس بتوقف العربية !

وبصراحة انا اللى اعرفه ان الفرامل اما قوية على كافة السرعات او ضعيفة وضعفها بيبان حتى ولو على سرعة قليلة ! انما فرامل قوية تحت وعلى السرعات العالية ضعيفة دي جديدة عليا

جايز السيراتو اللى حضرتك سوقتها فيها مشكلة في الفرامل + العفشة لاني ماسمعتش اي اصوات اثناء سواقتي ليها والفتيس اللى زيادة نقلتين موجود في الموديلات الاحدث ! 6 سرعات

معلش كان ليا تعليق تانى الباور تقيل مش مشكله جنوط ولا كوتشات .............التويوتا الشيب الجديد جنوط 17 كوتشات عريضه جدا اعرض من السيراتو والباور جيلى بالكاستر ......... دى ميكا نيكا تاسيس الباور وهما مغلتوش لانها لو اخف من كدا كانت هتدرب الفيرنا فى الرقم القياسى لعدم الثبات لان فعلا ثباتها مضايقنى جدا.......وخصوصا انى قبل ما اجربها كنت راكب اللنترا 2011 الشيب القديم اللى انا باعتبرها ضايعا ثبات ومش هتصدقو لو قولتلكو اتها اول فئه فاضيه من غير جنوط ولا اى بى اس...........وكانمت ارسى من السيراتو

انا ماشفتش كورولا نازلة بجنط 17 قبل كدة ! لو تقصد انه معدلها ومركبلها جنوط 17 وكاوتش اعرض من السيراتو يعني تقصد مركب كاوتش 225 ؟ ؟

مش عارف بصراحة اذا كان باور الشيب الجديد كهرباء ولا زيت لان الشيب القديم كان زيت ! بس الكورولا معروفة من اكتر العربيات في نعومتها فلازم تكون انعم من السيراتو مافيش كلام

ولو اني برضوا استبعد انها تكون ناعمة مع كاوتش 225 وجنط 17 !

السيراتو عربية نجحت عندنا وبقى ليها سوق كبير
انا لحد دلوقتي سوقتها زي 2 كيلو فا مش هقدر احكم عليها
انما هي عربية كويسة و زيها زي اي عربية ليها مميزات و عيوب
بس تسلم ايدك على التقرير الجامد دا و ربنا يبارك ل ياسر في عربيتة

ربنا يخليك وهي فعلا من اكتر العربيات نجاحا في السوق المصري ولازم كل عربيات فيها مميزات وفيها عيوب

السلام عليكم يا جماعه

انا خلاص كنت استقريت علي السيراتو بس ايه موضوع ثباتها الضايع ده

خلاصة الكلام ثابته ولا نص نص ولا ضايعه زي ما الاخ ahmedesmat1987 ما بيقول؟

والله لو حضرتك تقصد ثابتة في السواقة الرياضية الغرز والملفات ! فانا مش هقدر اديلك كلام تقدر تعتمد عليه نظرا لاني ماجربتهاش في السواقة الرياضية

لكني كان ثابتها بالنسبة ليا مرضي وكويس ! ضايقني فيها اني حسيتها اكنها بترتفع قليلا من ورا في اثناء الطرق اللى طالعة ونازلة "مطبات الهوا"

غير كدة ملاك العربية يفيدوك اكتر مني

معلش اعذرنى .. دا اى كلام فى اى حتة

[SAMEH_FOUAD]

حلو التقرير يابو حميد

بس مش عارف حاسس انك كنت بتقارن مابين الياريس وبين السيراتو اثناء الاختبار ومش هتنفع المقارنة دية لان دية فئة ودية فئة تانية خالص عموما دية تجربتى للسيراتو لمسافة 100 كيلو وزيادة طلعت بالاتى :

1- تابلوة شكلة حلو بس خامات بلاستيك وحشة

2- اوبشن كتير

3- ثبات لحد 120 بعد كدة العربية بتخف وخصوصا مطبات الهواء مأثرة بشكل ملحوظ على العربية

4- العربية بتلعب من ورا مع فواصل الكبارى

5- عفشة ناشفة ومرهقة سوءا بال 15 او 16 او 17 وكل مابيكبر الجنط بتسوء اكتر

6- فرامل كويسة بس مش للدرجة انك تقول ممتازة

7- صوت محرك عالى مع الشد او تخطى ال 3500 لفة وبيبقى صوتة وحش مش محبب

8- فتيس جيد جدا ولكن الشعور بالنقلات موجود ومحسوس

9- تقفيل جيد

10- عزل جيد جدا

11- تسارع المحرك كويس مش قوى ومش ضعيف بس بيقل السحب جامد بعد تخطى ال130 مش عارف لية

12- المقاعد غير مريحة للمسافات الطويلة

13- اوبشنها كبير وكتير وتعتبر مناسبة لسعرها جدا يعنى احسن سعر مقابل القيمة

14- مساحة الجلوس فى السيارة افضل فى الامام عن الخلف بس المساحة مظبوطة

15- الرؤية للطريق جيدة والمرايات الجانبية جايبة الطريق كويس جدا

16- التكييف كويس جدا بس بياخد وقت على ماتحس بتغير الجو داخل السيارة + بيأثر على السيارة فى التسارع والسحب + بيعلى صوت المحرك

دية السيراتو بأختصار على الاقل من وجهة نظرى ومن وجهة نظر ناس كتير

[tarek_rcc]

السيراتو عربية نجحت عندنا وبقى ليها سوق كبير

معلش مش عندنا بس ....
السيراتو من أكثر السيارات مبيعا بدول الخليج

http://bestsellingcarsblog.com/2012/01/27/saudi-arabia-full-year-2011-toyota-hilux-and-camry-on-top-hyundai-shines/#more-14157

وطبعا احنا ظالمين السيراتو بشوارعنا وبطريقة سواقتنا ....
يعنى الموضوع مش سيارة ... دة طريق وسائق ....
Saudi Arabia Full Year 2011:
Pos Model S 2011 %
1 Toyota Hilux 44,744 7.5%
2 Toyota Camry 38,940 6.6%
3 Toyota Corolla 38,708 6.5%
4 Hyundai Accent (JAN11) 28,634 4.8%
5 Hyundai Elantra 23,462 3.9%
6 Toyota Yaris 20,992 3.5%
7 Hyundai Sonata 20,181 3.4%
8 Ford Crown Victoria 16,488 2.8%
9 Isuzu D-Max 16,318 2.7%
10 Hyundai Elantra (MAR11) 14,962 2.5%
11 Toyota Land Cruiser 14,894 2.5%
12 Chevrolet Tahoe 13,423 2.3%
13 Toyota Fortuner 13,275 2.2%
14 GMC Yukon 12,174 2.0%
15 Kia Cerato 9,749 1.6%
16 Honda Accord (incl Coupe) 9,208 1.5%
17 Kia Rio 8,801 1.5%
18 Toyota Land Cruiser P/U 8,719 1.5%
19 Ford Expedition 8,225 1.4%
20 GMC Yukon XL 8,034 1.4%
21 Ford Explorer 8,023 1.3%
22 Toyota Hiace 7,514 1.3%
23 Isuzu NPR 7,274 1.2%
24 Nissan Sunny – RSM 7,130 1.2%
25 Toyota Innova

[Ahmod]

حلو التقرير يابو حميد

بس مش عارف حاسس انك كنت بتقارن مابين الياريس وبين السيراتو اثناء الاختبار ومش هتنفع المقارنة دية لان دية فئة ودية فئة تانية خالص عموما دية تجربتى للسيراتو لمسافة 100 كيلو وزيادة طلعت بالاتى :

1- تابلوة شكلة حلو بس خامات بلاستيك وحشة

التابلوه شيك وبصراحة يا سامح ماحستش ان الخامات بلاستيك بالعكس كنت حاسس الخامات جودتها حلوة خاصة مع الكاربون اللى موجود في التلبوه والابواب كان مدي شكل جميل

2- اوبشن كتير

طبعا اوبشن بالهبل بس بصراحة انا ماركزتش مع الاوبشن اوي وكنت مركز بالاداء

3- ثبات لحد 120 بعد كدة العربية بتخف وخصوصا مطبات الهواء مأثرة بشكل ملحوظ على العربية

ماوصلتش لسرعة فوق ال 120/130 عشان اقدر احكم على الثبات على السرعات العالية بس كان ثابتها مرضي لحد السرعة دي

4- العربية بتلعب من ورا مع فواصل الكبارى

ده فعلا حسيته وضايقني منها ! بتحس في اثناء مرورك على مطبات الهوا او الطرق اللى مش متساوية بعدم ثبات لحظي اثناء مالعربية مابترفع من ورا !

5- عفشة ناشفة ومرهقة سوءا بال 15 او 16 او 17 وكل مابيكبر الجنط بتسوء اكتر

برضوا مش هقدر احكم على نقطة النشوفية لان التجربة كانت مدتها قصيرة بس فقط اللى لاحظته تقل الدركسيون

6- فرامل كويسة بس مش للدرجة انك تقول ممتازة

الفرامل كانت مرضية جدا جدا بالنسبة ليا يمكن بالنسبة لعربيتك ال SIR اكيد اقل في الاداء بس انا شايفها ممتازة جدا مع الماتور ال 1.6 ! وهتقدر توقف العربية على اي سرعة بدون مشاكل ! ومافتكرش انك محتاج فرامل اقوى من كدة لماتور 1.6 !

7- صوت محرك عالى مع الشد او تخطى ال 3500 لفة وبيبقى صوتة وحش مش محبب

بالعكس انا مالاحظتش ارتفاع صوت الماتور ! هو اكيد صوت اي ماتور بيعلى مع الحرق بس مش لدرجة انه يتقال عليها ماتورها صوته عالي خاصا لان العزل ممتاز ! لو هتقارنه مثلا بصوت ماتور الفيرنا ! يبقى تقول السيراتو ماتورها مالوش صوت

8- فتيس جيد جدا ولكن الشعور بالنقلات موجود ومحسوس

الشعور بالنقلات خفيف مع عدم الحرق بس بتبدأ تحس بيها اكتر لما تحرق بالعربية بتحس ان العربية عايزة تنط من النقلة للتانية وده بصراحة من اكتر الحجات اللى خلتني مستمتع بالجري بيها !

9- تقفيل جيد



10- عزل جيد جدا



11- تسارع المحرك كويس مش قوى ومش ضعيف بس بيقل السحب جامد بعد تخطى ال130 مش عارف لية

بصراحة يا سامح عربية ياسر اقوى سيراتو انا ركبتها لحد دلوقتي في نقطة التسارع اللهم لا حسد ربنا يحفظهاله ! اعتقد انت ممكن تغير رايك في نقطة المحرك دي لو جربت عربيته !

12- المقاعد غير مريحة للمسافات الطويلة

مجربتهاش مسافات طويلة فمش عارف !

13- اوبشنها كبير وكتير وتعتبر مناسبة لسعرها جدا يعنى احسن سعر مقابل القيمة

بالظبط كدة ! انا شايفها من اكتر العربيات اللى تقدر تقول انها افضل سعر مقابل القيمة !

14- مساحة الجلوس فى السيارة افضل فى الامام عن الخلف بس المساحة مظبوطة

انا ركبت ورا قبل كدة في سيراتو تانية غير بتاعة ياسر بس ملاحظتش الفرق والمساحة الداخلية بتاعتها كويسة العربية تعتبر واسعة نسبيا

15- الرؤية للطريق جيدة والمرايات الجانبية جايبة الطريق كويس جدا

+1

16- التكييف كويس جدا بس بياخد وقت على ماتحس بتغير الجو داخل السيارة + بيأثر على السيارة فى التسارع والسحب + بيعلى صوت المحرك

مجربتش التكييف !

دية السيراتو بأختصار على الاقل من وجهة نظرى ومن وجهة نظر ناس كتير

سامح باشا منورني والله

وانا ماكنتش بقارن ولا حاجة لاني عارف ان دي فئة ودي فئة تانية

بس بشكل تلقائي انت بتحس باي افضلية موجودة ! يعني اقصد ان الفروق بتبقى واضحة ليك وده اللى بيخليك تاخد بالك منها ! يعني مثلا اول مابدات اتحرك بالعربية حسيت الدركسيون تقيل ! لاني متعود على دركسيون اخف منه ممكن غيري مثلا عربيته دركسيونها اتقل بالتالي كان ممكن يقول على الدركسيون انه خفيف ! ! وهكذا ...

بس انا كنت في حاجتين مركز فيهم "التسارع والثبات" لان دول عليهم جدل كبير بخصوص السيراتو ! ناس تقول زي الفل وناس تقول مراجيح !

وطبعا تجربة لما تسوق عربية 100 كيلو غير لما تسوق العربية مشوار بسيط فاكيد انت ملاحظاتك ادق خاصا في نقطة العفشة والثبات بحكم انك سوقتها مسافة كبيرة !

بس كإجمالا انا شايفها عربية ممتازة بالنسبة لسعرها وتستاهل تمنها ! وطبيعي ان اي عربية يكون فيها عيوب ! واعتقد عيوب السيراتو بالنسبة ليا او من وجهة نظري : تقل الدركسيون -- انها بتعلى من ورا مع مطبات الهوا ومش عارف مع كتر المشاوير كنت هحس بإرهاق ونشوفية في العفشة ولا لاء ! ! غير كدة فهي عربية ممتازة

[Formulator]

Ahaaaaaaaa
ده الرجالة كلها هنا, وأنا بدور عليكم فـ المنتدى.. وانتو راشقين هنا.
semsem kane, yasserelsayad, minicooper20 يا welcome ياشباب.
@ Ahmod التقرير جاااااااااااااامد يا دوك, بصرف النظر انى مختلف معاك فـ بعض النقاط.. بس تمام.

على فكرة انا مش بحب البور الكهرباء خالص بحس انى مش عارف اتحكم فى العربية
وبعدين فى مرة هخليك تسوق البى ام عشان تعرف يعنى ايه دريكسيون تقيل :)

اموت انا فى تقل الدركسيون

لا لأ, يا أساتذة
دركسيون ثقيل فـ عربية RWD وباور Electro-Hydraulic..
غير دركسيون ثقيل فـ عربية FWD وباور هيدروليك.

معلش كان ليا تعليق تانى الباور تقيل مش مشكله جنوط ولا كوتشات .............التويوتا الشيب الجديد جنوط 17 كوتشات عريضه جدا اعرض من السيراتو والباور جيلى بالكاستر ......... دى ميكانيكا تاسيس الباور

هو نصف الكلام صح, والباقى عليه كومنتات (بعد اذن حضرتك طبعا),
مفيش كورولا بجنط 17", هى 16" وكاوتش 205
وماينفعش نقارن باور السيراتو بالكورولا.. لأن الكيا باور هيدروليك, والتويوتا باور كهرباء..

بس باور الكورولا الكهرباء (الخفيف زيادة عن اللزوم ده).. أحد اسوأ علب الدركسيون اللى ممكن تتعامل معاها,
خصوصا لو انت سواق Enthusiasm وبتحب يبقى الدركسيون فيه Drive-Feeling واحساس بالطريق.. التوجيه والتحكم ضاااااااايع فـ دركسيون الكورولا, مفيش الـDirect-Steering و معزول عن العجل والأسفلت تماما.. ودى معروفة عن التويوتا عموما..

لكن متفق معاك انها صنعة وهندسة متطورة, فيها Black-Art مش أى حد يعرفه..
زاوية الـRack على الـPinion, مكان علبة الباور على الـSteering-Column...وكده etc
وللأسف, كلتا الشركتين (تويوتا وكيا) مالهمش فيها.. ههههههههههههههه

معلش اعذرنى .. دا اى كلام فى اى حتة

hehehehehehe ههههههههههههههههههههههه
جااااااااااااااامد أوى الكومنت ده, قالك: فـ أى حته..؟؟!!! هههههههههههههههه

وبصراحة انا اللى اعرفه ان الفرامل اما قوية على كافة السرعات او ضعيفة وضعفها بيبان حتى ولو على سرعة قليلة ! انما فرامل قوية تحت وعلى السرعات العالية ضعيفة دي جديدة عليا

لأ يا Ahmod مش شرط على فكرة,
ممكن تبقى الفرامل تمام على السرعات القليلة و فـ الأستخدام العادى..
لكن فـ السرعات العالية, استخدام متكرر وHard-braking.. ونشوف بقى هيحصلها Fading ولا لأ..؟؟!!!
فـ السرعات العالية أو السواقة الـAggressive بيبان بقى قدرة الفرامل على تحمل الضغوط, وتشتيت الحرارة.. والمقاومة للـFade
ولا هتسخن ومش هتمسك كويس, وده اللى حصل معايا فـ السيراتو والألنترا الجديدة من الآخر..

7- صوت محرك عالى مع الشد او تخطى ال 3500 لفة وبيبقى صوتة وحش مش محبب

+1
معاك أوى..
فيه فرق بين صوت عالى مزعج, وبين Engine/Exhaust Note تحب تـRevv الموتور وتحرق عـ الغيارات عشان تسمعها..

11- تسارع المحرك كويس مش قوى ومش ضعيف بس بيقل السحب جامد بعد تخطى ال130 مش عارف لية

+111
برضه صح,
أنا قولت كتير قبل كده ان التسارع بتاعها فيه كذا نقطة بيحصل فيها Drop, منهم الـ130 اللى انت قولتها..
زى ماتقول كده Torque-dip أو عيب فـ البرمجة بتاع الـECU, سوء اختيار Gear-Ratio.. ماتعرفش؟؟!!!

ودى جربتها فـ كذا سيراتو.. 4/6 سرعات, وبرضه مع كام واحدة شديت معاهم.. تلاقيه بيقع منك فـ وسط الشداية..؟؟!!! ههههههههههههه

[Ahmod]

منورنا والله يا دكتور !

لأ يا Ahmod مش شرط على فكرة,
ممكن تبقى الفرامل تمام على السرعات القليلة و فـ الأستخدام العادى..
لكن فـ السرعات العالية, استخدام متكرر وHard-braking.. ونشوف بقى هيحصلها Fading ولا لأ..؟؟!!!
فـ السرعات العالية أو السواقة الـAggressive بيبان بقى قدرة الفرامل على تحمل الضغوط, وتشتيت الحرارة.. والمقاومة للـFade
ولا هتسخن ومش هتمسك كويس, وده اللى حصل معايا فـ السيراتو والألنترا الجديدة من الآخر..

انا فاهم كلامك وطبعا الاستخدام العادي غير السواقة الرياضية ! بس اللى حسيته في فرامل عربية ياسر ! وانا قلت عربية ياسر وماقولتش السيراتو لاني مش عارف هو معدل في التيل او مغير في حاجة في الفرامل ولا لاء

اللى حسيت ان الفرامل ممتازة وماينفعش يتقال عليها اي comments ! اانا اقصى سرعة وصلتلها 120/130 ومجرد كنت بلمس ! ! الفرامل عشان اهدي ماكنتش محتاج اكتر من كدة !

7- صوت محرك عالى مع الشد او تخطى ال 3500 لفة وبيبقى صوتة وحش مش محبب

+1
معاك أوى..
فيه فرق بين صوت عالى مزعج, وبين Engine/Exhaust Note تحب تـRevv الموتور وتحرق عـ الغيارات عشان تسمعها..

11- تسارع المحرك كويس مش قوى ومش ضعيف بس بيقل السحب جامد بعد تخطى ال130 مش عارف لية

بس صوت ماتور السيراتو ماحستش انه الصوت اللى يتقال عليه مزعج ! انا ماجربتش اسمعه وانا فاتح الشباك ونظرا لان العزل ممتاز فكان صوت الماتور بالنسبة ليا كويس حتى مع الحرق !

ولو هتقارنه بالمواتير المزعجة على سبيل المثال الفيرنا <<< معقدني اوي صوت الماتور بتاعها

هتلاقيه نسمة ! الفيرنا انا على سرعة 60/70 بكون مديها الخامس عشان ارتاح من الصداع ! تخيل ؟؟

+111
برضه صح,
أنا قولت كتير قبل كده ان التسارع بتاعها فيه كذا نقطة بيحصل فيها Drop, منهم الـ130 اللى انت قولتها..
زى ماتقول كده Torque-dip أو عيب فـ البرمجة بتاع الـECU, سوء اختيار Gear-Ratio.. ماتعرفش؟؟!!!

ودى جربتها فـ كذا سيراتو.. 4/6 سرعات, وبرضه مع كام واحدة شديت معاهم.. تلاقيه بيقع منك فـ وسط الشداية..؟؟!!! ههههههههههههه

انا شايف ان ده طبيعي بالنسبة لاي ماتور صغيرة 1.6 ! لازم يكون فيه Drawbacks في ال acceleration بتاعه خاصا لو 4 نقلات ! ! امال ال Turbo اتعمل ليه ؟ ؟ ؟ عشان يحل المشاكل اللى زي دي

انا عندي في الياريس ال Drop بيحصل عند سرعة 80 و 120 !

ال Intake حللي موضوع ال Drop عند سرعة 80 ومابقتش احس بيه ! ويارب ال Exhaust يحللي ال Drop عند ال 120 ويحسن التسارع فوق ال 160 سيكا ! يبقى كدة تمام التمام

وماينفعش نقارن مابين عربية N/A وعربية Turbo ! لازم يقع منك في النص ! ده هو يبقى كويس لو فضل ماسك معاك لحد نص الشدة !

[TheUnknown]

منورنا والله يا دكتور !



انا فاهم كلامك وطبعا الاستخدام العادي غير السواقة الرياضية ! بس اللى حسيته في فرامل عربية ياسر ! وانا قلت عربية ياسر وماقولتش السيراتو لاني مش عارف هو معدل في التيل او مغير في حاجة في الفرامل ولا لاء

اللى حسيت ان الفرامل ممتازة وماينفعش يتقال عليها اي comments ! اانا اقصى سرعة وصلتلها 120/130 ومجرد كنت بلمس ! ! الفرامل عشان اهدي ماكنتش محتاج اكتر من كدة !

تقرير كويس اوى تسلم ايدك,ده لو اتكتب فى الجرنال مبيعات السيراتو هتزيد

-انا معاك ان فرامل السيراتو قوية,و كويسة حتى مع الaggressive braking كانت بتأدى كويس.اانقذتنى فى كذا موقف.

-صوت الموتور فى السيراتو مكنتش بركز معاه اوى عشان هو مش مسموع اوى جوه على الحرق,لكن فى الاوبل بحب اسمع الموتور جدا!!

-بالنسبة للثبات انا اكثر حاجة بتضايقنى كانت مفاصل الكبارى(الحته اللى ما بين الاوتوستراد و البحر الاعظم على دائرى المعادى كنت واخدها فوق ال100 حسيت انى فى مراجيح الناس اللى ورا قالت كدا ) و مطبات الهواء

-الباور ده يعتبر خفيييف بالنسبة للاوبل اللى معايا!و احساسها بالطريق مش زى الاوبل خالص.الاوبل اى حاجة على الطريق هتحس بيها.انا سوقت الياريس,الباور بتاعها كان خفيف زيادة عن اللزوم.

-التسارع فى السيراتو بعد 130-140(فتيس 6 سرعات)فى drop غريب بيحصل.

[ahmedesmat1987]

معلش اعذرنى .. دا اى كلام فى اى حتة

اه تصدق اصلى مركبتش اى عربيه فى حياتى غير السيراتو عشان كده بقول اى كلام من اى حته................... مع العلم ممكن اكون بالغت شويه فى بعض النقاط لاكن اللى متاكد انى مدتهوش حقه كمان ثابتها ضاااااااااااايع بعد 120 وانت راجل راكب بى ام وفاهم كويس يعنى ايه ثبات.............وبعد ازنك بعد كدا اقل ما يقال على مبدا احترام الحديث تطبيقه باحترام بدون تعصب ولا سخريه واعتقد ان لو الواحد عايز يثبت حاجه يتناقش بالادله والبراهين ........مش بهزار وتريقه..........انا بعرف اتريق بردو بس بحترم نفسى اولا ثم اللى بيخاطبنى دا ثانيا..........

[ahmedesmat1987]

معلش ودا راى الشخصى الالنترا 2010 افضل بمراحل من وجه نظرى من السيراتو واللى بصراحه اتصدمت فيها بعد ما كنت بانلها ابراج فى خيالى

[ahmedesmat1987]

[

هو نصف الكلام صح, والباقى عليه كومنتات (بعد اذن حضرتك طبعا),
مفيش كورولا بجنط 17", هى 16" وكاوتش 205
وماينفعش نقارن باور السيراتو بالكورولا.. لأن الكيا باور هيدروليك, والتويوتا باور كهرباء..

بس باور الكورولا الكهرباء (الخفيف زيادة عن اللزوم ده).. أحد اسوأ علب الدركسيون اللى ممكن تتعامل معاها,
خصوصا لو انت سواق Enthusiasm وبتحب يبقى الدركسيون فيه Drive-Feeling واحساس بالطريق.. التوجيه والتحكم ضاااااااايع فـ دركسيون الكورولا, مفيش الـDirect-Steering و معزول عن العجل والأسفلت تماما.. ودى معروفة عن التويوتا عموما..

لكن متفق معاك انها صنعة وهندسة متطورة, فيها Black-Art مش أى حد يعرفه..
زاوية الـRack على الـPinion, مكان علبة الباور على الـSteering-Column...وكده etc
وللأسف, كلتا الشركتين (تويوتا وكيا) مالهمش فيها.. ههههههههههههههه


طول عمرى بحترم ردودك لانها دايما بتبقى سليمه وعن درايه ومعرفه وخبره لاكن معلش الشت منك المره دى فى النقطه دى تحديدا.........................انهى كورولا اللى الباور بتعها كهربه................انا والله بركابها من 2002 لحد 2010 جميع الفئات مانوال واوتو خليجى جنوب افريقى ويابانى تحديدا ملاقيتش حكايه ال الباور الكهربا دى

[minicooper20]

ahaaaaaaaa
ده الرجالة كلها هنا, وأنا بدور عليكم فـ المنتدى.. وانتو راشقين هنا.
semsem kane, yasserelsayad, minicooper20 يا welcome ياشباب.
@ ahmod التقرير جاااااااااااااامد يا دوك, بصرف النظر انى مختلف معاك فـ بعض النقاط.. بس تمام.




لا لأ, يا أساتذة
دركسيون ثقيل فـ عربية rwd وباور electro-hydraulic..
غير دركسيون ثقيل فـ عربية fwd وباور هيدروليك.

حبيب قلبى وحشنى والله
يا دوك منا فاهم انا تعليقى لما ياسر قال تعلا اركبك ال بى ام و انا اوريك تقل الدركسيون
لاكن منا عندى فالباراتى الدركسيون تقيل برضو
و ال بى ام بيتقل بالتدريج
لاكن انا بتكيف اوى لما بحس بالاسفلت فى ايدى
كلو كوم و باور الانترا كوم حسيسنى انى فى دريم بارك هههههههههههههههههه
تحس ان عليت الدركسيون مبوشه من كتر الهز بس و انا بركن حلاوه ههههههههه
كان ليا شدايه مع برافو بس مردتش اكتبها لازعلاك منى يا دوك

[AHMED1718]

تعيش وتجرب يابوب

ممكن بعد كده يتقال عليك عميل ويطالبو بسحب منك الثقة

[ابو ليلى]

تقرير جميل يا احمد مع ان التجربة متعتبرش كاملة بس سؤال واحد بس

هل حسيت ان السيراتو محتاجة سواقة خاصة ؟