تجربة قيادة :: كيا سيراتو ::

[M.Akef]

مين اللى قال ان الأوكتافيا أثبت من الجيتا؟؟!!!
الاثنين نفس الشاسيه والعفشة, والوزن وااااااااحد تقريبا.
بالعكس بقى دى الجيتا الـHighLine, بالجنط 17" والـESP أثبت من الفانتازيا.. وفيه فرق جااااااااامد كمان فـ الهاندلينج للـVW..؟؟!!!

أنا اعرف كويس أوى, ان VW رغم التطابق الميكانيكى بين البراندات: فولكس, سيات واسكودا..
الا انها بتحافظ دايما انها تعمل فروق (فـ حتة الهاندلينج تحديدا) للماركات الأعلى..؟؟؟!!

اقرأ ريفيوهات الجولف GTi والسيات ليون Cupra مثلا, وانت تشوف اختلافات زى ما يكونوا مش من شركة واحدة ونفس الشاسيهات والمواتير..؟؟!!!
وكذلك هتلاقى الأودى الـEquivalent أعلى منهم كلهم...

انا الحقيقه كل ما اقرء ردود ليك بحس اني مش بفهم حاجه اكثر و اكثر
واضح ان الموضوع فعلا كبير جدا و مش مقتصر علي العربيه دنجل ولا مقصات و انا كل شويه افكر مادام الموضوع محسوم كدا ليه بيعدو يجربو العربيات!!

طب ياريت معلشي توضح لي في اختصار بين العفشه بتاعت الانترا و الفرنا و الملتي و السفك لانك قلت السفك 5 لينك و كان في رد ابل كدا بتقول الجتا 4 لينك باين ايه المقصود انا لما بروح للعفشجي بيقول لي يا باشا العربيه دي علي دنجل او يا باشا العربيه دي علي مقصات و اعتبرت اني كدا فلحوس عفشه

عن الجتا و الاوكتفيا انا لا سقت دي ولا سقت دي لكن كلام ناس ملاك و ناس سقتها ان الاوكتفيا اثبت و اظن الاوكتفيا فيها esp و جنط 17 بردو بس مادام هما نفس كل حاجه ليه الاوكتفيا اسرع من الجتا و انا شخصيا لحظت ده لما شديت مع الاثنين الاوكتفيا كانت بتقول كلام افضل بكتير

[minicooper20]

لا ياكبير الجيتا عمرها مكانت ناشفه لاكن لو انتا طالع من كرولا مثلا على جيتا هتحس انها ناشفه شويه لاكن لوطال من جولف مثلا هتقول دنا كنت راكب جرار
ده عن تجربه

[M.Akef]

طب هي ولا الاوكتفيا انعم؟

[Ahmod]

بس يا ريس لو سقت الكورولا او اليارس هتلاقي نفس المشكله بردو لو العربيه عامت مش بتلم نفسها!!
انا مستغرب ان الصني بردو دنجل و الناس بتقول ثابته و انا ركبت واحده 2001 و كانت فعلا كويسه
ايه السبب بقا ؟!

مافيش يا باشا الكلام ده !

الكورولا والياريس والعربيات اللى عفشتها ناعمة عموما ! بتبقى اسهل عربيبات تلم نفسها في حالة التعريض

لان العفشة ناعمة فالمساعد بياخد ويدي معاك بسهولة ! بالتالي لما بتعرض بتتلم بسهولة وده عن تجربة كذا مرة تعرض بيا الياريس والحمد لله بتتلم بدون اي تدخل مني ! بالعكس ! ده انا سعات بتصرف غلط مع الربكة والاقي رجلي داست على الفرامل ! وده غلط كبير انك تفرمل اثناء ما العربية معرضة ! لكنها بتلم نفسها بسرعة وربنا بيستر

[Hosam_Optrawy]

اممممممممممممممم, أوتوماتيك و"كاسيت"؟؟!!!
أكيد مش قصدك عـ البرافو؟؟ يا اما حضرتك بقى ماتعرفش؟؟؟!!
عموما اقل فئة دلوقتى بـ160 ألف Pkg5, واللى بعدها بـ173 ألف pkg6..

هقولك بس على الأوبشنز اللى أكيييييييييد الكورى مايعرفهاش (لا سيراتو ولا الانترا الجديدة):
- Re-configurable Multi-fucntion Display كفاية عرض ضغط التربو وكمية الباور المستخدمة دى.
- Cruise Control
- Cornering Fog-Light
- Follow Me Home
- City Parking Power-Assist
- Bi-Xenon Headlights
- TPMS حساس عـ الجنط من جوا, يقولك عجلة نايمة.. عجلة ضغطها زيادة
- Bi-Zone Climate Control (بالمناسبة انتو عندكو تكييف ورا فـ السيراتو ولا لأ)..
وطبعا مش هتكلم فـ USB وبلوتوث والكلام الفاضى ده.. ولا هتكلم فـ أيرباجز وأمااااااان وكده.

ياعم لما السيراتو تنزل بـ فوانيس Lensــات (مش هقول زينون), ومثبت سرعة الأول, ابقى تعالى كلمنى..؟؟!!! هههههههههههههه

الاوبشنز دى كلها عاديه وموجوده فى i30 سييد النترا سيراتو كلهم 1.6 بس فى كوريا طبعا مش فى مصر

مفهمتنيش, اللى قصدى عليه الباور الكهرباء, فيه زرار City بيخلى الدركسيون ميه فـ ايدك.. عيل صغنن يلف الدركسيون Lock-to-Lock فـ ثوانى..
عشان كده بنتكلم فـ الباور الكهرباء, لما يكون معمول صح الصح.. (من اللى اخترعوه).

صور من عداد ال i30 الجديده









Normal و Comfort و Sport , عندك انت الكلام دا مش تقولى City

[medo111]

هي الناس لحد الوقتي لسه متخيله ان الاوبل بيسخن ربنا يسامحه التوكيل العار الي كفيل يبوظ سمعه اي حاجه بس الراجل الي انت شوفته دا مش شرط يكون سخونه وبتاع ممكن تكون العربيه واخده هوا زي اي عربيه وممكن يكون مش فاهم فيها حاجه اساسا وهي دي نفس مشكله اغلبيه التوكيلات للماركات الي فيها تكنولوجيا عاليه مش بيفهمو فيها
عموما انا عايز اقول حاجه بخصوص الباور الكهربا الي كنتو بتتكلمو فيه الباور الكهربا في اوبل من 2003 في الاسترا الي اساسا العربيات دي بتنزل عندنا بعدها بفتره ومفهوش مشاكل ولا هو خفيف وبيعوم ولا الكلام دا خالص وبتحس بالطريق في الدركسيون عادي جدا ومفيهوش مشاكل زي الماركات الي لسه بتحط الزيت عشان في مشاكل في الكهربا وبيبوظ
ومشكله السيراتو مش انها ضعيفه وبتعوم والكلام دا الي فهمته عنها انها بتحتاج كل فتره يتبص علي العفشه وتظبط زوايا صيانه دوريه يعني عشان متعملش مشاكل في السواقه الماتور انا معرفش عنو حاجه
تقبلو مروري

[minicooper20]

الاوبشنز دى كلها عاديه وموجوده فى i30 سييد النترا سيراتو كلهم 1.6 بس فى كوريا طبعا مش فى مصر



صور من عداد ال i30 الجديده









normal و comfort و sport , عندك انت الكلام دا مش تقولى city :b4_282:

ايه ده يا حسام بيه
الريد زون من 4500 لقه تقريبا ليه هى 800 سى سى ولا ايه
حبيبى والله

[Hosam_Optrawy]

ايه ده يا حسام بيه
الريد زون من 4500 لقه تقريبا ليه هى 800 سى سى ولا ايه
حبيبى والله

800 هههههههههههه

ماشى ياكبير براحتك هالاحق عليك وعلى فورمولاتور يلا مش مشكله انتوا حبايبى برضه

دا الموتور الديزل ياكبير

[M.Akef]

مافيش يا باشا الكلام ده !

الكورولا والياريس والعربيات اللى عفشتها ناعمة عموما ! بتبقى اسهل عربيبات تلم نفسها في حالة التعريض

لان العفشة ناعمة فالمساعد بياخد ويدي معاك بسهولة ! بالتالي لما بتعرض بتتلم بسهولة وده عن تجربة كذا مرة تعرض بيا الياريس والحمد لله بتتلم بدون اي تدخل مني ! بالعكس ! ده انا سعات بتصرف غلط مع الربكة والاقي رجلي داست على الفرامل ! وده غلط كبير انك تفرمل اثناء ما العربية معرضة ! لكنها بتلم نفسها بسرعة وربنا بيستر

اممممم انا الحقيقه مجربتش اعوم بيهم ابل كدا لكن لما جربت الاثنين هما ريشه علي الطريق و بيخمسو كويس جدا جدا و ده دليل انهم بيفقدو ثباتهم بسرعه(طبعا هو مش مبني علي اي اساس علمي لكن دا واقع ملموس اي عربيه امامي ثبتها كويس مش بتخمس!)

هي الناس لحد الوقتي لسه متخيله ان الاوبل بيسخن ربنا يسامحه التوكيل العار الي كفيل يبوظ سمعه اي حاجه بس الراجل الي انت شوفته دا مش شرط يكون سخونه وبتاع ممكن تكون العربيه واخده هوا زي اي عربيه وممكن يكون مش فاهم فيها حاجه اساسا وهي دي نفس مشكله اغلبيه التوكيلات للماركات الي فيها تكنولوجيا عاليه مش بيفهمو فيها
عموما انا عايز اقول حاجه بخصوص الباور الكهربا الي كنتو بتتكلمو فيه الباور الكهربا في اوبل من 2003 في الاسترا الي اساسا العربيات دي بتنزل عندنا بعدها بفتره ومفهوش مشاكل ولا هو خفيف وبيعوم ولا الكلام دا خالص وبتحس بالطريق في الدركسيون عادي جدا ومفيهوش مشاكل زي الماركات الي لسه بتحط الزيت عشان في مشاكل في الكهربا وبيبوظ
ومشكله السيراتو مش انها ضعيفه وبتعوم والكلام دا الي فهمته عنها انها بتحتاج كل فتره يتبص علي العفشه وتظبط زوايا صيانه دوريه يعني عشان متعملش مشاكل في السواقه الماتور انا معرفش عنو حاجه
تقبلو مروري

ممكن فعلا انا تكون فكره لزقه في دماغ الناس من زمان و انها تكون حاله منفرده
عندك حق فعلا التوكيلات هي الي بتبوظ سمعه العربيات و بتحرمنا من ركبها بسبب الصيانه و قطع الغيار :(

[SAMEH_FOUAD]

- الـstabilizer-bar اللى جوا القنطرة.. متثبت بلحامات ومش متحرك..؟!!
(المفروض يبقى ليه حرية حركة من الأطراف, عشان يغير توزيع الـload فـ الملفات)..؟؟؟!!

اقفش دية ياباشا

السبب دة علية عامل كبير جدا فى عومان العربية بالذات على الفواصل لان العربية مابتعملش absorb للصدمة اللى خدتها عشان كدة بتتحرك مع الفواصل

[AHMED1718]

اقفش دية ياباشا

السبب دة علية عامل كبير جدا فى عومان العربية بالذات على الفواصل لان العربية مابتعملش absorb للصدمة اللى خدتها عشان كدة بتتحرك مع الفواصل

وارد جدا كلامكو اقرب حاجة للمنطق

بس يا سمسم انتا مصدقت ولا ايه
هاهاهاهاهاهاها

الغريب بقا يارجالة انا رحت حتة مفتوحة بعربية سيراتو جنط 17 الحتة دى فيه الطريق غير مستوى تقريبا بس متسفلت وفيها نقر كده وبقيت اجرى واكسر بزاوية 90
وحاولت اخلى العربية تلف معايا من غير هاند بسرعة 100
النتيجة انها معرضتش حتى
بس طلعت ببلونتين ولبست فردتين
بس متغلاش على عيون الموضوع اللطيف ده
هيا فعلا لما بتيجي على نقرة ف ملف احساس رخم شوية بس لو انتا معملتش اى رد فعل وكملت مبيحصلش حاجة هيا النطرة بس وخلاص اتعودنا عليها معدتش بتخض زى اول مرة ركبناها فيها

[S O P H O S]

تجربة جميلة من شخص اجمل
منور هنا وفي كل مكان
مش كده ولا ايه

[minicooper20]

طب هي ولا الاوكتفيا انعم؟

الاتنين واحد الوكتفيا اعلى فبتحسسك انها انعم

800 هههههههههههه

ماشى ياكبير براحتك هالاحق عليك وعلى فورمولاتور يلا مش مشكله انتوا حبايبى برضه

دا الموتور الديزل ياكبير

على راسى يا حسام بيه

[mohamedkordy]

هوا انتوا بتكلموا على سيراتو. دا انا مره كنت ماشى على ١٠٠ وجيت افادى بلاعه العربيه لقيتها زباله زباله زباله ثبات ايه اللى بتتكلموا عليه بس دى مينفعش تتصنف عربيه اصلا

[Hosam_Optrawy]

هوا انتوا بتكلموا على سيراتو. دا انا مره كنت ماشى على ١٠٠ وجيت افادى بلاعه العربيه لقيتها زباله زباله زباله ثبات ايه اللى بتتكلموا عليه بس دى مينفعش تتصنف عربيه اصلا

كل واحد حر فى رأيه ولك حرية التقييم , بس بلاش زباله والكلام دا