رابطة الوحوش ملاك السيفيا (ج3)

[Ahmed_Ramadan]

انا متهيالى صوت خشونه ده من الشكمان خلى بتاع الشكمان كده يبوصلك عليه بصه

الصوت قدام........... إن شاء الله هعدى على جورج قريب علشان عاوز أغير بلى الفتيس بالمرة

[أحمد الجندى]

مبروك و تدوبهم فى عرق العافية
-على فكرة صوت السير ده ظهر عندى بقاله يومين لوحده و بدون سابق إنذار
-و عندى خبطة كنت بتكلم عليها فى المشاركة اللى فاتت يا ريت تبص عليها و تقولى هى نفس اللى عندك و لا لأ ؟؟

الله يبارك فيك
شكل مشكلة الخبط عندك سببها القواعد لأن نفس اللى أنت بتقابله هو نفسه اللى كان عندى خبط فى الدواسات فى الأول والتانى ... ولما غيرتهم الخبط راح

[أحمد الجندى]

على فكرة من ضمن الحاجات خليت الميكانيكى يبص على زيت الفتيس اللى كان عامل زى الميا بصيت لقيت لزوجته شدت شوية عن الأول حتى ان الراجل قالى ماهو كويس أهو بقيت مش فاهم ايه اللى غيره كده وخلاه متماسك

ولما قلتله ينزل منه شوية قالى ما ينفعش علشان لو فك الطبة الزيت كله حاينزل فأنا عايز اعرف اخلينى بالزيت المتعدد ده على زيادته وخواصه ولا فى ضرر على الفتيس منه ؟

[engwms]

خلي حد يكشفلك علي مروحة البلاور اللي ورا درج التابلوه ونضف الكويل الداخلي والسربنتينة اللي ورا الردياتير

رحت عند واحد كهربائى وطلع المشكلة ف الفيوز غيرناه واشتغلت مروحة البلاور تمام

[Ahmed_Ramadan]

الله يبارك فيك
شكل مشكلة الخبط عندك سببها القواعد لأن نفس اللى أنت بتقابله هو نفسه اللى كان عندى خبط فى الدواسات فى الأول والتانى ... ولما غيرتهم الخبط راح

هو الفكرة ان من شهرين كنت عند جورج الميكانيكى و بص عليهم و قاللى دول جداد...أنا شاكك ان فى حاجة منهم عاوزة تتربط علشان الموضوع ده حصل بعد أما مشيت فى حتة مكسرة و أنا مسافر

[Ahmed_Ramadan]

رحت عند واحد كهربائى وطلع المشكلة ف الفيوز غيرناه واشتغلت مروحة البلاور تمام

طيب مسألتش على موضوع التنضيف ده ؟؟

[engwms]

طيب مسألتش على موضوع التنضيف ده ؟؟

انا قلت اشوف الاول هى عيب كهربا ولا لأ
بعد كده هاخد العربية اوديها عند بتاع تكييف يقيسلى الشحن ويظبط الدنيا
وربنا يسهل

[Ahmed_Ramadan]

انا قلت اشوف الاول هى عيب كهربا ولا لأ
بعد كده هاخد العربية اوديها عند بتاع تكييف يقيسلى الشحن ويظبط الدنيا
وربنا يسهل

ربنا معاك و ابقى وافينا بالتفاصيل

[engwms]

عندى مشكله منغصة عليا العربية
لمبة ال check engine مجننانى تظهر فجأه وانا ماشى ابطل الموتور وادور تانى
تختفى امشى فترة جامدة تظهر تانى مع ان كل حاجة تمام

[أحمد الجندى]

هو الفكرة ان من شهرين كنت عند جورج الميكانيكى و بص عليهم و قاللى دول جداد...أنا شاكك ان فى حاجة منهم عاوزة تتربط علشان الموضوع ده حصل بعد أما مشيت فى حتة مكسرة و أنا مسافر

بص يا باشا هى القواعد اللى بتتباع جديدة للسيفيا فيها حاجة مش مظبوطة يعنى أنا من ال 3 قواعد اللى جيبتهم واحدة دوخت عقبال ما لقيت زيها لان فيه منها كذا شكل والتانية كانت اعرض من اللى راكبة واضطرينا نعملها عند الخراط والثالثة هى اللى كانت بنت حلال وركبت علطول ..... فأنا كنت ناوى لو القواعد الجديدة قلت بأصلها اجيب الطقم استيراد وأريح بالى ... وعلى فكرة كان فيه نظرية عند ماكس لما شاف عربيتى وقت التخبيط وهى ان مكان الصواميل ممكن يبقى واسع فبيسبب القصة دى وهو ممكن يوضحلك وجهة نظره احسن منى

[mas0h]

عاوز احط زيت ليكومولى يا جماعة, تنصحونى بأيه؟
حد جربه قبل كده؟
يا ريت تفيدونى بتجاربكم, انا المفروض هغير زيت قريب وكنت بستعمل زيت شل الاصفر ابو 120 جنيه العادى.
لما اغير لزيت تخليقى زى ليكوى مولى اعمل ايه وانا بفضى الزيت القديم؟ يعنى افضيه عادى لحد ماينزل كله وبعد كده احط الزيت الجديد ولا فيه حاجة معينة بتتعمل علشان تنظف مكان الزيت القديم؟
انا عربيتى عاملة اكتر من 170 الف كيلو بس الموتور تمام الحمد لله.

[أحمد الجندى]

عاوز احط زيت ليكومولى يا جماعة, تنصحونى بأيه؟
حد جربه قبل كده؟
يا ريت تفيدونى بتجاربكم, انا المفروض هغير زيت قريب وكنت بستعمل زيت شل الاصفر ابو 120 جنيه العادى.
لما اغير لزيت تخليقى زى ليكوى مولى اعمل ايه وانا بفضى الزيت القديم؟ يعنى افضيه عادى لحد ماينزل كله وبعد كده احط الزيت الجديد ولا فيه حاجة معينة بتتعمل علشان تنظف مكان الزيت القديم؟
انا عربيتى عاملة اكتر من 170 الف كيلو بس الموتور تمام الحمد لله.

أنا لسه مغير لليكوى موالى النهاردة وحاسس بفرق بس علشان تاخد تقييم تمام اسأل الناس اللى بقالها مدة بتستخدمه زى عصام وباين غزالى

وبالنسبة لتعمل ايه وقت التغيير أنا عن نفسى نزلت الزيت القديم وحطيت الجديد علطول لأنى مش مقتنع بالفلاش وكان فيه موضوع انه ضرره اكتر من فايدته زائد كذا حد اشتكى منه لما عمله ..... بس فيه ناس شايفه انه مهم ولازم يتعمل وده اللى عصام عمله لما جه يغير الزيت فأنت دور وشوف ايه اللى مقنع بالنسبة ليك واعمله

[eldmrane]

انا ليا راي في موضوع التخبيط اللي في الماتور انا عربيتي اوتوماتيك بس لما كنت بكبس بلقي تخبيط قدام جامد اوي علي سرعة مش بيبقي موجود وطبعا افتكرت قواعد ماتور بس طلع حاجة تانية خالص القواعد الكوتش بتاعت القنطرة كانت بايشة وطلع كل دة منها وغيرتهم ال4 ب 40 جنية والدنيا بقيت زي الفل الحمد لله

[mas0h]

أنا لسه مغير لليكوى موالى النهاردة وحاسس بفرق بس علشان تاخد تقييم تمام اسأل الناس اللى بقالها مدة بتستخدمه زى عصام وباين غزالى

وبالنسبة لتعمل ايه وقت التغيير أنا عن نفسى نزلت الزيت القديم وحطيت الجديد علطول لأنى مش مقتنع بالفلاش وكان فيه موضوع انه ضرره اكتر من فايدته زائد كذا حد اشتكى منه لما عمله ..... بس فيه ناس شايفه انه مهم ولازم يتعمل وده اللى عصام عمله لما جه يغير الزيت فأنت دور وشوف ايه اللى مقنع بالنسبة ليك واعمله

طيب يا باشا من فضلك لما اشترى اجيب ايه بالظبط؟ يعنى الجركن اللى حضرتك اشتريته مكتوب عليه ايه؟

[SPY123]

انا ليا راي في موضوع التخبيط اللي في الماتور انا عربيتي اوتوماتيك بس لما كنت بكبس بلقي تخبيط قدام جامد اوي علي سرعة مش بيبقي موجود وطبعا افتكرت قواعد ماتور بس طلع حاجة تانية خالص القواعد الكوتش بتاعت القنطرة كانت بايشة وطلع كل دة منها وغيرتهم ال4 ب 40 جنية والدنيا بقيت زي الفل الحمد لله

بقولك ايه يا باشا انا عندى قى الكيك داون بحس برجه كده وكان القواعد بتاعت الفتيس او قواعد المتور فيها حاجه والمشكله دى مجننانى ولما بفتح التكييف ساعات الغيار التانى بيعض كده ولما تكون العربيه فيها 3 او 4 برده بحسها ساعات انا المشكله دى مجننانى فى ناس بتقولى فتيس وانا برده اتوماتيك وغيرت القواعد بتاعت الفتيس بس برده محصلش حاجه رغم ان القواعد كانت بايزه مفكرتش خالص فى قواعد القنطره ديه فلو هوا ده الى كان بيحصل معاك ياريت تقولى ده انا رايح بكره ان شاء الله عشان افك الحساسات بتاعت الفتيس واجيب حساسات تانيه استيراد واجرب يمكن العيب فى الحساسات