رابطة الوحوش ملاك السيفيا (ج3)

[roland_yamaha]

الف شكر يا رولاند هوا فعلا الصوت جاى من ورا درج الطابلوه على طول وانا كنت شوفت فيديو على يوتيوب ان الفلتر فى اغلب العربيات بيبقى ورا درج الطابلوه بصيت لاقيت حته مقفوله تقريبا كده فعلا مافيش فلتر تكييف فى السيفيا المهم اصلا السنه ال ىفاتت فى اول الصيف التكييف كان تلاجه واستغربت ان تكييف السيفيا حلو كده على اخر الصيف كان بقى ضعيف اوى طبعا الشتاء كله مقفول فتحته قبل شم النسيم بكام يوم لاقيته مافيش اى هوا ساقع خالص هوا عادى جدا بعدها بيومين قولت اشوف تانى لاقيت الصوت ده ورا الطابلوه تفتكر ده عاوز يتشحن؟؟؟ ولا ممكن يكون سير وهيتكلف قد ايه؟؟؟

اكيد هتشحن فريون عشان اكيد حصل تسريب بس الاول لازم تعالج التسريب ده ويعالج صوت التنفيس اللي بتسمعه ده ومفيش سير ولا حاجة
التنضيف والشحن ممكن يخشله في 250 جنيه لو مفيش شغل تاني

[Ahmed_Ramadan]

حل المشكلة صوت ده بسيط جدا وتكلفته في حدود 15 جم للجنب الواحد وعند واحد اسمه عمرو بتاع العفشه في حلمية الزيتون . وهو من الاخر الوحيد اللي بيعرف يعملها وبتاخد وقت حوالي عشرة دقائق بيفك مسمار في صدر العربية من تحت وبيركب حاجة كوتش معينه ومبترجعش تاني وهو عيب مشهور قوي في السيفيا .

تحياتي للجميع
(حل المشكلة صوت ده بسيط جدا وتكلفته في حدود 15 جم للجنب الواحد وعند واحد اسمه عمرو بتاع العفشه في حلمية الزيتون . وهو من الاخر الوحيد اللي بيعرف يعملها وبتاخد وقت حوالي عشرة دقائق بيفك مسمار في صدر العربية من تحت وبيركب حاجة كوتش معينه ومبترجعش تاني وهو عيب مشهور قوي في السيفيا.)



طيب ممكن رقمه و مكانه علشان الصوت ده عندى بقاله فترة عند العجلة اللى ورا شمال

وكده لازم الموضوع ده يتعمل فى الناحيتين ورا مش الناحية اللى بسمع منها الصوت بس مش كده ؟؟

[misho2008]

مبروك يا باشا ربنا يديك خيرها ويكفيك شرها

الف شكر يا باشا هى العربية عسل والناس السيفياوية كمان عسل

[mas0h]

يا جماعة الدركسيون عندى تقيل مع ان مفيش زيت بينقص ولا فيه تسريب من الاسكاطرة والمكنة بتاعة البور صوتها طبيعى ومبتزنش, فى واحد عفشجى قاللى ممكن يكون بلف الاسكاطرة فيه مشكلة. المشكةل دى عندى من ساعة مااشتريت العربية من سنة تقريبا وبعدين من كام يوم يوم سقت عربية واحد صاحبى زى بتاعتى كيا شوما 99 لقيت البور بتاعه خفيف اوى عن بتاعى. افيدونى أفادكم الله. ممكن تكون المشكلة فين. مع العلم ان اللى كنت شارى العربية منه كان قاللى ان فيها بارات عاوزة تتكبس او تتغير وانا معرفش ايه البارات دى المهم ودتها لعفشجى قاللى العربية زى الفل مفيهاش حاجة. بس ممكن تكون مكنة البور ضعيفة.

[max_ziro]

[QUOTE=dobe66;3874253930]

شيك على الزيت دى مش مشكلة بنزين دة زيت .[/QUO

انا بحط زيت شيل الاصفر ال 5000 بس انا بحسو خفيف اوى اية رايك

شيل الاصفر 3 الاف فقط .
و كل 3 غيارات فلتر .

[max_ziro]

يا جماعة الدركسيون عندى تقيل مع ان مفيش زيت بينقص ولا فيه تسريب من الاسكاطرة والمكنة بتاعة البور صوتها طبيعى ومبتزنش, فى واحد عفشجى قاللى ممكن يكون بلف الاسكاطرة فيه مشكلة. المشكةل دى عندى من ساعة مااشتريت العربية من سنة تقريبا وبعدين من كام يوم يوم سقت عربية واحد صاحبى زى بتاعتى كيا شوما 99 لقيت البور بتاعه خفيف اوى عن بتاعى. افيدونى أفادكم الله. ممكن تكون المشكلة فين. مع العلم ان اللى كنت شارى العربية منه كان قاللى ان فيها بارات عاوزة تتكبس او تتغير وانا معرفش ايه البارات دى المهم ودتها لعفشجى قاللى العربية زى الفل مفيهاش حاجة. بس ممكن تكون مكنة البور ضعيفة.

الطرمبة لو ضعيفة هتلاقى الدركسيون خفيف مع دوسة البنزين
اما لو عندك ناحية اخف من التانية يبقى كويل سيلات الاسكاطرة الداخلية
اما ثقل عام دة لازم عشان نعرف نفيدك و نقولك كلام صح لازم نعرف الثقل دة تقريبا اد اية
ممكن يكون من البارات ممك يكون زوايا بايظة ممكن يكون اكثر من حاجة .

[mas0h]

الطرمبة لو ضعيفة هتلاقى الدركسيون خفيف مع دوسة البنزين
اما لو عندك ناحية اخف من التانية يبقى كويل سيلات الاسكاطرة الداخلية
اما ثقل عام دة لازم عشان نعرف نفيدك و نقولك كلام صح لازم نعرف الثقل دة تقريبا اد اية
ممكن يكون من البارات ممك يكون زوايا بايظة ممكن يكون اكثر من حاجة .

جربت احرك الدركسيون وانا دايس على دوراسة البنزين برضه تقيل والناحيتين زى بعض على فكره. طيب اقولك على التقل اد ايه بالظبط ياعم ماكس اوزنه يعنى؟ :) مش عارف بصراحة بس كنت راكب امبارح سبرانزا m11 بتاعة صاحبى لقيت الدركسيون خفيف خالص عن بتاعى ونفس النظام مع عربية واحد صاحبى تانى معاه كيا شوما 1999 وانا بتعتى 2000. الموضوع ده عاوز اعرف حله علشان لو بسيط مستناش علشان ميأثرش على مكنة البور او الاسكاطرة. انت شايف ايه يا كبير؟

[mas0h]

فى حاجة تانية عاوز اسأل عليها بخصوص نفس الموضوع, هو المفروض مكنة الباور بتقلب الزيت جامد يعنى لو فتحت الغطا والعربية شغالة هلاقى الزيت بيتحرك بوضوح, علشان عندى مش بلاحظ اى حركة للزيت جوه العلبة بتاعت الزيت؟

[ramy01011]

ممكن معلومات عن العربية دي و صور ليها و اسعارها في المستعمل في رينج كام؟

[max_ziro]

فى حاجة تانية عاوز اسأل عليها بخصوص نفس الموضوع, هو المفروض مكنة الباور بتقلب الزيت جامد يعنى لو فتحت الغطا والعربية شغالة هلاقى الزيت بيتحرك بوضوح, علشان عندى مش بلاحظ اى حركة للزيت جوه العلبة بتاعت الزيت؟

عربيات و عربيات
عندنا مبتظهرش العملية دى .

[max_ziro]

ممكن معلومات عن العربية دي و صور ليها و اسعارها في المستعمل في رينج كام؟

انت اكيد بتهرج
عندك 3 اجزاء عيش حياتك ..

[omrcad]

انا جبت غطاء قماش للعربية بـ 90 جنيه
وجبت مساحات ويبر بـ 20 جنيه
واخيرا طقم دواسات بـ 65 جنيه
دى اسعار شوية حاجات جبتها امبارح حبيت اشاركها معاكم
وكنت عاوز اعرف سعر تيل الفرامل الامامى بكام

انا جايب طقم امامى بـ 55

[engwms]

قبل الصيف كان التكييف شغال تمام
من كام يوم شغلت التكييف اشتغل تمام ومافيش مشاكل
فجأه وبدون اسباب مفيش هوا طالع من الهوايات بس انا حاسس بالتكييف اكنه شغال ومحمل ع الموتور
بس مفيش هوا طالع من الهوايات
ايه هو السبب فى المشكلة دى؟؟؟

[أحمد الجندى]

وأنا عمال اقول بقالى يومين مش لاقى ولا مشاركة فى رابطة السيفيا بغير العادة ... اتاريكم فتحتم الجزء الثالث وطاحنين فيه من ورايا

[أحمد الجندى]

ماكس يا ماكس واضح ان حساس الايدل عندى توفى
النهاردة كنت نازل مشوار دورت العربية وسيبتها تسخن شوية عقبال ما اشيل التراب اللى عليها جيت اتحرك لقيت الار بى ام على 1.5 على غير عادته المهم قلت يمكن لما تسخن تنزل تانى فضلت ماشى وعينى على الار بى ام وبرضو مش راضى ينزل والعربية استهلكت بنزين ونزلت شرطتين فى مشوار عبيط ، المهم عصام قالى ده كده شكله حساس الايدل ومش حتلاقى بتاع السيفيا جديد بس ممكن تركب بتاع الفيرنا ولو استيراد فأنت وحظك وبما اننا النهاردة الحد فمفيش حد فاتح علشان اسأله ....