رابطة الوحوش ملاك السيفيا (ج3)

[max_ziro]

السلام عليكم و رحمه الله
انا جديد بصراحه فى المنتدى الطيب ده لكن طبعا كنت بقرأ اللى فيه...

كنت حابب بس خبرتكم و استشير فى أمر لإنى قد أصبح من اهل هذه الرابطه :)
فى سياره (بتاعة أخويا ف هوضامن و أمين و بثق فيه :) ) ف مضمون حاجات كتيره اوى فيها، هى كيا سيفيا 1999 الكورى و هى فول اوبشن و اوتوماتيك و تكييف و الحاجات ده.
النقاط اللى انا خايف منها انها عامله 224 ألف كيلو..


لما قمنا بقياس الموتور لقيناه: 85% و 85% و 85% و 70%

عدا ذلك هى ناعمه و مافيهاش مشاكل و كل شئ تمام.

آه، شئ آخر هى بس مبهدله فى حاجات معينه، يعنى مثلا الزجاج تقيل شويه الكاسيت محتاج يترمى :) حاجات كماليات زى كده، ف لو هاغيرها و اجيب مثلا كاسيت نضيف و اعلى ماكينه الزجاج أو اخليها جامده او اسرعها و كده ممكن يبقى التكلفه كام.

ياترى إيه السعر المناسب ليها؟ و هى لونها طبعا ذهبى (الشامبين)

قبل الأخيرا، هل فعلا ممكن يبقى فى مشكله فى الجير بوكس انه يبوظ بسبب عدد الكيلوهات ده؟ على فكره هى زى ما قلت لكم ناعمه جدا و محترمه و مافيهاش مشاكل الحمد لله.

أخيرا :) لو هاديها وش نضافه ممكن تكلفنى كام؟

انا شاكر جدا لوقتكم فى قراءه هذا البوست.
سلام

طلما نضيفة زى ما بتقول توكل على الله و كل الحجات دى مش هتكلف 3000 ب الرش

[max_ziro]

يا شباب
عندى لمبات زينون شبورة بتاعت السيفيا النادرة و كمان اللون النادر 4300 :))
دول ب 200 لو حد محتاجهم يقولى يا شباب

[علاء111]

طب و السعر؟

طلما نضيفة زى ما بتقول توكل على الله و كل الحجات دى مش هتكلف 3000 ب الرش

أولا جزاكم الله خيرا
ثانيا، تعتقد متوسط السعر اللى اشتريها بيه كام؟

سلام

[eldmrane]

كل سنة وانتو طيبين والله وحشني الرابطة بجد المفجاءة بقي انا بقلب في العربيات دلوقتي ركبت كيا ريمو 2002 اوووووووووووف يا جماعة اول مرة اركب عربية كوري احسها عايزة تطير وتجري اداء عالي ثبات اووف اكتر من الشوما بجد بكتير في كل حاجة ماتور بجد هاااااااااااايج لو دعمو قطع غيارها والله لجيب واحدة تحففففة انا معايا واحدة بردو نضيفة اوووووي لو حد عايزها هنا في الرابطة اولي من اي حد

[highgrif]

السلام عليكم

أنا عندى مشكلة فى عداد السيفيا 99 اتوماتك مهما ازود سرعة المؤشر مش بيزيد عن 60-80 حتى على gps ببقى جايب 130 و هو بردة 60 و لو فى امكانية حد من الوحوش اساتذتنا الكبار اقدر اكلمة فى التليفون يبقى كتر خيركم

[the9ranger]

يا شباب
عندى لمبات زينون شبورة بتاعت السيفيا النادرة و كمان اللون النادر 4300 :))
دول ب 200 لو حد محتاجهم يقولى يا شباب

اللمبه بس ولا الفانوس كامل باللمبه علشان انا هجنن على فوانيس شبوره ليها

[max_ziro]

اللمبه بس ولا الفانوس كامل باللمبه علشان انا هجنن على فوانيس شبوره ليها

لمض بس ياباشا الشبورة موجودة من اول 200 ل 400 الاصلى

[roland_yamaha]

السلام عليكم

أنا عندى مشكلة فى عداد السيفيا 99 اتوماتك مهما ازود سرعة المؤشر مش بيزيد عن 60-80 حتى على gps ببقى جايب 130 و هو بردة 60 و لو فى امكانية حد من الوحوش اساتذتنا الكبار اقدر اكلمة فى التليفون يبقى كتر خيركم

المشكلة دي يا إما من حساس السرعة هتلاقيه راكب في الفتيس يا إما العداد نفسه بايظ وعاوز يتغير
إبدأ بالأسهل وأكشف علي حساس السرعة الأول

[علاء111]

محدش ليه بس عايز يكمل رده عليا
كل عام و انتم بخير

[max_ziro]

أولا جزاكم الله خيرا
ثانيا، تعتقد متوسط السعر اللى اشتريها بيه كام؟

سلام

ياباشا على حسب الحالة محدش شايف حاجة بعينة لو تقدؤ تصورها يبقى زى الفل

[Cavallero]

سلام عليكم يا اعضاء الرابطة الكرام :)

كل سنه وانت طيبين وعيد سعيد عليكم جميعا ومعلش لو متأخره شويه :)

بإذن الله ناوي اشتري كيا سيفيا اوتوماتيك موديل 99 أو 2000 لسه بدور ... كنت باسمع ان فيها مشاكل وانها هتطلع عيني عشان قطع غيارها مش متوفرة كتير والكلام اللي يسم البدن ده ... خايف جدا اشتريها مع اني معجب بها جدا بس جوهر العربيه انتوا ادري به طبعا ............ان شاء الله هتبقي اول عربيه بالنسبه لي ... كنت عايز نصايحكم بخصوص العربيه دي .... انا خبرتي في العربيات زيروووووووووو ....... هل اذا طلبت مساعدة منكم اذا فيه حد قدامه عربيه حالتها حلوه ويكون عارف صاحبها ويكون عارف عيوبها .... بمعني اصح كأنك بتجيب عربيه لأخوك ومش عايز يبقي مضحوك عليه ... شكرا مقدما لآهتمامكم يا رجاله وان شاء الله تبقي بدايه معرفة خير ان شاء الله عشان انا في نيتي اسألكم في حاجات كتيييييير قوي وهتعبكم معايا معلش ... شكرا جزيلا :)

أخوكم أسامة

[misho2008]

سلام عليكم يا اعضاء الرابطة الكرام :)

كل سنه وانت طيبين وعيد سعيد عليكم جميعا ومعلش لو متأخره شويه :)

بإذن الله ناوي اشتري كيا سيفيا اوتوماتيك موديل 99 أو 2000 لسه بدور ... كنت باسمع ان فيها مشاكل وانها هتطلع عيني عشان قطع غيارها مش متوفرة كتير والكلام اللي يسم البدن ده ... خايف جدا اشتريها مع اني معجب بها جدا بس جوهر العربيه انتوا ادري به طبعا ............ان شاء الله هتبقي اول عربيه بالنسبه لي ... كنت عايز نصايحكم بخصوص العربيه دي .... انا خبرتي في العربيات زيروووووووووو ....... هل اذا طلبت مساعدة منكم اذا فيه حد قدامه عربيه حالتها حلوه ويكون عارف صاحبها ويكون عارف عيوبها .... بمعني اصح كأنك بتجيب عربيه لأخوك ومش عايز يبقي مضحوك عليه ... شكرا مقدما لآهتمامكم يا رجاله وان شاء الله تبقي بدايه معرفة خير ان شاء الله عشان انا في نيتي اسألكم في حاجات كتيييييير قوي وهتعبكم معايا معلش ... شكرا جزيلا :)

أخوكم أسامة

انا معايا سيفيا 2002 وقبلها لانوس 2001 احب اقولك انها عربية جميلة جدا
وقطع غيارها متوفرة اغلى من الدايو شوية مش كتير بس في فرق طبعا ما بين الدايو والكيا
بس بلاش اتوماتيك خليك في حاجة تكون مانيوال وحالتها كويسة

ربنا يوفقك

[Cavallero]

انا معايا سيفيا 2002 وقبلها لانوس 2001 احب اقولك انها عربية جميلة جدا
وقطع غيارها متوفرة اغلى من الدايو شوية مش كتير بس في فرق طبعا ما بين الدايو والكيا
بس بلاش اتوماتيك خليك في حاجة تكون مانيوال وحالتها كويسة

ربنا يوفقك

والله يا استاذ ميشو انا من الناس اللي معندهاش جين السواقة في دمها .. فلما سوقت الأوتوماتيك حسيت اني اتجرأت في الشارع وسوقت مسافات لا بأس بها في اول طلعات ليا في السواقة ... عشان كده انا لاغي تماما فكره المانيوال عشان مش بحب السواقة اصلا ... الموضوع بالنسبالي اربع عجلات ودركسيون يوصلوني من نقطة لنقطه :) .... عامة الف الف شكر علي نصيحتك الغالية طبعا وشكرا لاهتمامك بالرد عليا :)

[misho2008]

يا اجدع ناس
كنت بفكر في بيع عربيتى المواصفات كألاتى
النوع : كيا سيفيا
الموديل : 2002
مانيوال
فريكة برة بالكامل ما عدا الكبوت اللون شامبين ( في تجريحات وخبطة في الباب الشمال بس تترد على البارد - والباب اليمين ورا ) انا مش حابب ارشها عشان ناس كتير قالتلى بلاش
العداد: 160000
الحالة العامة ممتازة والحمد لله
تم تغيير قواعد ماتور 2 - ديسك اسطوانة وبلية - طقم رشاشات استيراد - سير كاتية وباقى السيور والبلى - بلى عجل امامى - تيل فرامل امامى - فلتر هوا وبنزين وبوجيهات - سلوك بوجيهات
التكييف جيد جدا
الطابلوة سليم
كراسى جلد
انا المالك التانى

العربية تحتاج الى بلية عجل خلفى يمين - رجلشة الفرامل الخلفية -

نهاية الرخصة 5 -1 - 2015

تقريبا تبقى بكام

معلش الكاوتش حالتة كويسة يعنى 10000 كليو ولازم يتغير


سبب البيع : بفكر في الرينو سينيك 2005 عجبانى صراحة مع ان مشاكلها كتير

ربنا يوفق الجميع

[hatim_lotfey]

السلام عليكم يا جماعة

أنا بحاول اتصل بالأستاذ محمد السيد بتاع كهرباء السيارات نمرة بترن وماحدش بيرد والنمرة التانية مقفولة وكنت عايز أتأكد من الرقم بتاعه علشان عايز اروح له ضروري ممكن حد يساعدني؟