رابطة الوحوش ملاك السيفيا (ج3)

[max_ziro]

موجودين صينى عند حلمى سليمان و لو هتجيبهم متركبش عليهم زينون علشان هيسيحوا .... أنت عربيتك لونها إيه ؟

الجندى دمشق 400 جنية اصلى

[max_ziro]

أه افتكرت عربيتك .... أصل ماكس عنده إكصدام راكب فيه فوج بتاع ال d-max بس لون عربيته فضى

اتباع ياباشا ل استاذ احمد من اسكندرية

[max_ziro]

كل سنة وانتم طيبين يا رجالة السيفيا السابقين والحاليين او الاحقين وربنا يعود الايام علينا باليمن والبركات و عيد سعيد على الجميع ان شاء الله طيب ما فيش مقابلة عالماشى كدة بالمناسبة الحلوة دية ولا اية وانا مش بأديا حاجة غير انى اقول يا رب حتى تتحقق الامنية ان شاء الله وكل سنة وانتم طيبيين



يا مسهل

و انت طيب ياباشا
ولله انفسى ممكن بعد العيد
انا شغال العيد كلة :(

[medo_chemist]

شباب السيفيا الكبير قوي
استفساريين
1* انهي افضل البطارية الجافة ولا السايلة واية الفرق بينهم اية
2* التسارع بتاع العربية بتاعت ضعيف شوية اعمل اية علشااااااااااان اتغلب علي المشكلة دى

[Ahmed_Ramadan]

شباب السيفيا الكبير قوي
استفساريين
1* انهي افضل البطارية الجافة ولا السايلة واية الفرق بينهم اية
2* التسارع بتاع العربية بتاعت ضعيف شوية اعمل اية علشااااااااااان اتغلب علي المشكلة دى

الجافة ... علشان ملهاش صيانة بتركبها و بتنساها لحد أما تجيب أخرها و بل تقعد تشوف مستوى مياه النار و تزود و لو سربت تبهدل الحوض و الكلام ده (مع العلم إن الجافة برضه جواها كيماويات سائلة بس التركيبة مختلفة عن السايلة)

2- فلاتر (هوا و بنزين) - بوجيهات بسلوك - نضف البوابة و الرشاشات - زيت الموتور

[Ahmed_Ramadan]

اتباع ياباشا ل استاذ احمد من اسكندرية

إحنا عاوزين نخدم بس .... البضاعة لسه عندك ؟

[ekg]

كل سنةوانتم طيبين يا شباب وعيد اضحى مبارك وربنا يعيده على الجميع وانتم بالف صحة وسلامة

[ekg]

اسمحولى اشارك بموضوع صغير
السنتر لوك كان معلق وماكينة زجاج السواق كانت تقيلة جدا المهم رحت لواحد قالى السنتر هيتغير ويكلف 150 جنية وماكينة الزجاج كمان هتتغير وتتكلف 250 جنيه بصراحة حسيت انه حرامى سيبنه ورحت لواحد فى شارع الأربعين من جسر السويس واسمه بيومى والشهرة بيبو بصراحة راجل محترم جداً قالى ماكينة السنتر هتتغير وتتكلف 65 جنيه نوعها تايوانى وفى صينى ب50 طبعاً ركبت التايوانى وبالنسبة لماكينة الزجاج الراجل فكها حتة حتة وجبت منظف الصدأ وقعدت انا وهو ننظف مجارى الماكينة لغاية مابقت صاروخ وبقت زى الفل الحمد لله مع العلم انه كان عايز يركبلى ماكينة يابانى استيراد ب 250 جنيه بس طبعا الماديات المهم الموضوع انتهى بتركيب السنتر التايوانى ونضفت ماكينة الزجاج كله ب 130 جنية بالمصنعية والفك والتركيب . ده تليفونه 01004233256 - 01270468846 وعلى فكرة انا قلتله على موضوع الرابطة وكان مبسوط وقالى انا تحت امركم .
آسف طولت عليكم

[ekg]

انا غيرت فلتر هوا وبنزين وتيل الفرامل كان محجر شوية مع سرعة العربية مثلا 80 او 90 كم تيجى تحمل فرامل الطارة كانت بترعش المهم رحت للميكانيكى بص عليهم قالى التيل محجر بس كان لسة فيه لحمية كتيرة تحس انه جديد زيرو المهم صنفره انا كنت فاكر هيجيب فرخ صنفرة خشنة لقيته مسك التيل وقعد يحكه فى الأسفلت قالى ده احسن من الصنفرة وفعلا طلعت اجرب زى الفل الفرامل 100 100 والرعشة راحت

فلتر الهوا 25 جنيه اصلى = فلتر البنزين 5 جنيه اوربى = المصنعية 40 جنيه اديته 50 عشان الراجل يعيد

[dobe66]

انا غيرت فلتر هوا وبنزين وتيل الفرامل كان محجر شوية مع سرعة العربية مثلا 80 او 90 كم تيجى تحمل فرامل الطارة كانت بترعش المهم رحت للميكانيكى بص عليهم قالى التيل محجر بس كان لسة فيه لحمية كتيرة تحس انه جديد زيرو المهم صنفره انا كنت فاكر هيجيب فرخ صنفرة خشنة لقيته مسك التيل وقعد يحكه فى الأسفلت قالى ده احسن من الصنفرة وفعلا طلعت اجرب زى الفل الفرامل 100 100 والرعشة راحت

فلتر الهوا 25 جنيه اصلى = فلتر البنزين 5 جنيه اوربى = المصنعية 40 جنيه اديته 50 عشان الراجل يعيد

هو فلتر الهوا بتاع السيفيا الاصلى بى 50 جنية اما ابو 25 دة المضروب دية حاجة ليك علشان تكون فاهم بس فلتر البنزين ابو 5 جنية دة مش فاهمو بصراحة انا كنت جايبو من كام شهر بى 70 جنية الاصلى برضو
حبيت اوضح مع كامل احترامى

[Ahmed_Ramadan]

هو فلتر الهوا بتاع السيفيا الاصلى بى 50 جنية اما ابو 25 دة المضروب دية حاجة ليك علشان تكون فاهم بس فلتر البنزين ابو 5 جنية دة مش فاهمو بصراحة انا كنت جايبو من كام شهر بى 70 جنية الاصلى برضو
حبيت اوضح مع كامل احترامى

كلامك مظبوط 100% و غالبا فلتر الهوا ده كورى و فلتر البنزين ده مصرى من بتاع الفيرنا و اللانوس

[black_louts200]

السلام عليكم ورحمة الله
يا شباب انا عندي مشكله مجنن اهلي وهي ان كل يوم الصبح لما بدور العربيه مش بدور واضل دايس علي المارش كتير وفي نفس الوقت بكارك بدواسة البنزين لحد ما بدور ولو دتارت وما بيكونش فيه اي مشكله انها تدور تاني كأن ما فيش اي حاجه واسافر بيها عادي جدا مع العلم اني بعمل كل حاجه فيها بنفسي .... قلت العيب ممكن يكون من ضغط طرمبة البنزين رحت اشتريت ماتور اصلي من التوكيل بتاع بوش وركبته بنفسي ولسه المشكله زي ما هي قلت يمكن العيب من الرشاشات كان عندي طقم واخده من واحد صاحبي مغير ماتور ونظفته بنفسي وبرضه المشكله زي ما هي كشفت علي البطاريه زي الفل والدينموا ميه ميه ممكن حد يقولي يا تري العيب ممكن يكون من ايه ؟؟؟؟

[the9ranger]

شوف حساس الكرنك ممكن يكون بيهيس

[محمد البخ]

كنت عاوز حد نظيف يصلح السنتر الاصلى لانى مش عاوز اجيب التيوانى ولا الصينى وبخاف من اللعب فى الضفيرة

[علاء111]

السلام عليكم و رحمه الله
انا جديد بصراحه فى المنتدى الطيب ده لكن طبعا كنت بقرأ اللى فيه...

كنت حابب بس خبرتكم و استشير فى أمر لإنى قد أصبح من اهل هذه الرابطه :)
فى سياره (بتاعة أخويا ف هوضامن و أمين و بثق فيه :) ) ف مضمون حاجات كتيره اوى فيها، هى كيا سيفيا 1999 الكورى و هى فول اوبشن و اوتوماتيك و تكييف و الحاجات ده.
النقاط اللى انا خايف منها انها عامله 224 ألف كيلو..


لما قمنا بقياس الموتور لقيناه: 85% و 85% و 85% و 70%

عدا ذلك هى ناعمه و مافيهاش مشاكل و كل شئ تمام.

آه، شئ آخر هى بس مبهدله فى حاجات معينه، يعنى مثلا الزجاج تقيل شويه الكاسيت محتاج يترمى :) حاجات كماليات زى كده، ف لو هاغيرها و اجيب مثلا كاسيت نضيف و اعلى ماكينه الزجاج أو اخليها جامده او اسرعها و كده ممكن يبقى التكلفه كام.

ياترى إيه السعر المناسب ليها؟ و هى لونها طبعا ذهبى (الشامبين)

قبل الأخيرا، هل فعلا ممكن يبقى فى مشكله فى الجير بوكس انه يبوظ بسبب عدد الكيلوهات ده؟ على فكره هى زى ما قلت لكم ناعمه جدا و محترمه و مافيهاش مشاكل الحمد لله.

أخيرا :) لو هاديها وش نضافه ممكن تكلفنى كام؟

انا شاكر جدا لوقتكم فى قراءه هذا البوست.
سلام