تعالوا نعرف ايه هوا ال gdi .. وليه بنزين 95 الافضل ..

[الغزالى]

اولا مساء الخير اعضاء
قسم كيا العزيز ....
-------------------------------------
نخش فى الجد بقى ... كتير مننا سمع عن الماتور
ال GDI ... الى نازل فى الاسبورتاج وكان فى جدل عن البنزين المستخدم هل 95 ولا 92 والتوكيل يقول اه 92 شغال وناس تقول لاء لازم 95
فتعالو بينا نحاول نعرف ايه هوا الماتور ده وازاى بيشتغل وهيا ايه تكنولوجيا ال GDI
اساسا وهل هيا جديده ولا قديمه ...
بس قبل نخش فى التفاصيل خلينا اقول ان
ال GDI : اختصار ل Gasoline Direct Injection
--------------------------------------------------------------------
نجيب بئى من الاول قصه المواتير ... من اول الكاربراتير عشان نعرف ايه ال GDI ده وايه ميزته ومدى تتطوره عن المحركات الحاليه سواء الانجيكشن او المحركات الكاربرتير القديمه ...
المحركات الكابراتير
( فكره بيسطه بس عن طريقه حرق البنزين )
بتشتغل ازاى او بتحرق البنزين ازاى ...
عن اطريق انها تسحب هوا من الفلتر وبعدين تجمعه فى حوض تخلطه بالبنزين ...
فى منقطه اسمها المكربن او الكابراتير ... وبعد كده يتبعت على الاسطوانات عشان يتم عمليه الحرق ... ده نظام الحرق فى الكاربراتير بطريقه بيسطه جدا
-----------------
نخش بعد كده على المحركات البتسخدم تكنولوجيا ال EFI
او ال Electronic fuel Injection
او نظام الحرق الالكترونى ... وده الى موجود فى معظم العربيات الحاليه
بيشتغل عن طريق سحب الهوا لجوا البستم او الاسطوانه وبتخلط البنزين بالهوا جواها وبتم عمليه الاحتراق ... ودى طريقه الاحتراق جوه المحرك

البنزين والهوا بيتخلطوا على سطح البستم والبوجيه بيولع المخلوط ده
----------------------
نخش بئى على ال GDI
الى هوا اساس موضوعنا
ايه بئى حكايه الماتور ده
الماتور ده موجود من فتره فى عربيات زى الفولكس وماتورهم ال FSi
هوا هوا نفس ال GDI بس الاختلاف ان هيونداى وكيا عملوا تعديلات عليه ...
برضو خلينا نعرف اكتر عن طريقه عمل المحرك ده ...
المحرك ده بيعتمد على ان البنزين بيخش على سطح البستم مباشره من التانك بدون رشاشات او اعوامل مساعده زى نظام ال EFI كده ..
ايه برضو يا غزغز الى انت بتقوله ده .. مش عارف توصلنا برضو ايه ال GDI
ده ... فامعلش اتفرجوا على الفيديو ده
عشان نفهم بالشرح احسن
[youtube]http://www.youtube.com/watch?v=64yLyc8HSEQ&feature=player_embedded#![/youtube]
-------
طيب فهمنا ايه طيب الجديد يعنى فى ال GDI
طالما هوا تكنولوجيا موجوده من فتره
لا اقولكم بئى هيونداى وكيا عملوا ايه فى الماتور ده
اولا غيروا فى قطع الماتور نفسه عشان يلائم التعديلات الى هما عملوها
فاعملوا فتحه فى الرأس عشان البنزين يخش على طول من غير رشاشات
ها وبعدين ... حطوا طرمبه بنزين ميكانيكيه مع الطرمبه كهربا العاديه بتشتغل مع الماتور اول لما يدور ( عشان تضخ البنزين بكميه اكبر )
ها ... البستم كبروا حجمه وخلوه مجوف عشان عمليه الاحتراق هاتم جواه فعشان يستقبل اكبر كميه من الوقود والهوا فى نفس الوقت يستحمل الضغط الى هايحصل جواه
------
طيب استفادنا ايه من الرغى الكتير اوى الى فوق ده
لا اقولك
الماتور ده على RPM قليل بيكون عزمه عالى
الماتور ده بيضمن ان كل الى بيخش من بنزين وهوا بيتحرق فبتاخد اعلى كفائه وقدره من المحرك
-------------------------------------------------
طيب ليه برضو بنقول بنزين 95 الافضل مش 92
compression ratio (10.3:1 versus 9.1:1)
وبرضو عشان نحافظ على عمر المحرك .. لان زى ماقولت كل حاجه بتخش جوه البستم بتتحرق فاكيد انتوا فاهمين ال 92 فيه ايه .. من شوائب وبلاوى
فامفيش مشكله انك تستخدم 92 بس لازم كل فتره حوالى 5000 كيلو تحط منظف للدوره البنزين ...
--------
اتمنى الموضوع يعجبكوا .. معلش هوا حاجه بيسطه بس على قد فهمى للموضوع والى فاهم احسن منى فى الماتور ده ياريت يعدل غلطى على طول من غير مايستأذن

[S O P H O S]

الله اكبر
تسلم ايدك
عالموضوع المفيد والرائع ده
تقبل مروري

[SonaSteel]

تسلم ايدك يا غزغز ..... روح يابني
ربنا ياخدك ....... ويوديك بيت عدلك :)))))

[Gelgel2004]

تسلم ايدك يا غزغز ..... روح يابني
ربنا ياخدك ....... ويوديك بيت عدلك :)))))

الله ينور - انت بتقول كيلام زى الفل
و مؤيد و مرحب ببيت العدل دى
فكر لسه ادامك فرصه

[DarkMagician]

موضوع متميز تسلم ايدك عليه بس نقطة استخدام المنظف هي مهمة بس حتى لو انت بتستخدم بنزين 95

لان الشوائب موجودة في كلو لكن المنظف لا يغني عن 95 هو بينضف الشوائب لكن مبيدكش كفائة البنزين نفسو

ثم انك تستخدم المنظف اعتقد لازم تغير بوجيهات بعديها وزيت وتنضف فلتر البنزين فحتكلف نفسك اكتر من 95

:d
تسلم ايدك على الموضوع الجميل المفيد :)

[medo_sirion]

والله وكبرت وبقيت بتتكلم فى البنزين كمان :)

[max_ziro]

تسلم ايدك ياد يا غزغز ايوة كدة نشط الدنيا حبة .

[S H @ F T]

المحرك ده بيعتمد على ان البنزين بيخش على سطح البستم مباشره من التانك بدون رشاشات او اعوامل مساعده زى نظام ال EFI كده ..
ايه برضو يا غزغز الى انت بتقوله ده .. مش عارف توصلنا برضو ايه ال GDI
ده ... فامعلش اتفرجوا على الفيديو ده
عشان نفهم بالشرح احسن
[/COLOR][/COLOR][youtube]http://www.youtube.com/watch?v=64yLyc8HSEQ&feature=player_embedded#![/youtube]
-------
طيب فهمنا ايه طيب الجديد يعنى فى ال GDI
طالما هوا تكنولوجيا موجوده من فتره
لا اقولكم بئى هيونداى وكيا عملوا ايه فى الماتور ده
اولا غيروا فى قطع الماتور نفسه عشان يلائم التعديلات الى هما عملوها
فاعملوا فتحه فى الرأس عشان البنزين يخش على طول من غير رشاشات
ها وبعدين ... حطوا طرمبه بنزين ميكانيكيه مع الطرمبه كهربا العاديه بتشتغل مع الماتور اول لما يدور ( عشان تضخ البنزين بكميه اكبر )
ها ... البستم كبروا حجمه وخلوه مجوف عشان عمليه الاحتراق هاتم جواه فعشان يستقبل اكبر كميه من الوقود والهوا فى نفس الوقت يستحمل الضغط الى هايحصل جواه
------ -------------------------------------------------
طيب ليه برضو بنقول بنزين 95 الافضل مش 92
compression ratio (10.3:1 versus 9.1:1)
وبرضو عشان نحافظ على عمر المحرك .. لان زى ماقولت كل حاجه بتخش جوه البستم بتتحرق فاكيد انتوا فاهمين ال 92 فيه ايه .. من شوائب وبلاوى
فامفيش مشكله انك تستخدم 92 بس لازم كل فتره حوالى 5000 كيلو تحط منظف للدوره البنزين ...
--------
اتمنى الموضوع يعجبكوا .. معلش هوا حاجه بيسطه بس على قد فهمى للموضوع والى فاهم احسن منى فى الماتور ده ياريت يعدل غلطى على طول من غير مايستأذن

بعد اذنك اصلح كام معلومة
1- المواتير الGDI بيبقى فيها رشاشات بس بتكنولوجيا مختلفة شوية عن اللي نعرفها
هي بتبقى مقاربة شوية لرشاشات الديزل (common rail)
وهي بترش فعلا على البستم على طول
2-كيا لم تعدل أي شيئ ولم تضف طلمبة ميكانيكية لأنها من أساسيات الGDI
ولا يوجد محرك GDI بدون طلبة ميكانيكية لأن الGDI يتطلب ضغط بنزين يصل الى 140 بار بينما الطلمبة الكهربائية تولد 3-4 بار فقط
3-موضوع 95 مش عشان شوائب ولا نضافة ولا حتىcompression ratio
لأن 10.3 لا تتطلب 95 ولكن 92 يفي بالغرض اما ال95 فمن اول 11:1

لكن الGDI لازم نستخدم معاه 95 عشان موضوع ضغط البنزين العالي
ولا أنصح بمنظف الدورة لأنه بيبوظ الدورة مش بينظفها

واسف على الاطالة

[ابو ليلى]

موضوع مهم يا غزالى تسلم ايدك

[moha4tec]

مشكور على المجهود العالى
و مشكور على تصحيح المعلومات باقى الاعضاء

[ahmedeihab]

الله ينور
^_^

[yoko]

بعد اذنك اصلح كام معلومة
1- المواتير الgdi بيبقى فيها رشاشات بس بتكنولوجيا مختلفة شوية عن اللي نعرفها
هي بتبقى مقاربة شوية لرشاشات الديزل (common rail)
وهي بترش فعلا على البستم على طول
2-كيا لم تعدل أي شيئ ولم تضف طلمبة ميكانيكية لأنها من أساسيات الgdi
ولا يوجد محرك gdi بدون طلبة ميكانيكية لأن الgdi يتطلب ضغط بنزين يصل الى 140 بار بينما الطلمبة الكهربائية تولد 3-4 بار فقط
3-موضوع 95 مش عشان شوائب ولا نضافة ولا حتىcompression ratio
لأن 10.3 لا تتطلب 95 ولكن 92 يفي بالغرض اما ال95 فمن اول 11:1

لكن الgdi لازم نستخدم معاه 95 عشان موضوع ضغط البنزين العالي
ولا أنصح بمنظف الدورة لأنه بيبوظ الدورة مش بينظفها

واسف على الاطالة

+1
بس المنظف مش بيدر لو تم إستخدامة صح وبالعقل

[ابو ليلى]

+1
بس المنظف مش بيدر لو تم إستخدامة صح وبالعقل

طب قلنا يا احمد ممكن نستخدمه ازاى علشان ميبقاش فيه ضرر

[yoko]

هتجيب السيكلو ماكس 44 قبل الصيانه وهتفول التانك للأخر (لحد ما المسدس يفصل يعني) وتحط الماكس 44 وتمشي بيها عادي
لكن الغلط البهوات الي بيحطوا على ربع تانك والكلام ده لإنه بيبقى مركز جدا وبيبوظ الدنيا وهو أصلا مكتوب عليه ميتحطش العبوه كامله غير على أكتر من 60 لتر بنزين وأقل من 120 لتر يعني عندنا على التفويله الكامله يعتبر مركز أكتر من المفروض

[Formulator]

3-موضوع 95 مش عشان شوائب ولا نضافة ولا حتىcompression ratio
لأن 10.3 لا تتطلب 95 ولكن 92 يفي بالغرض اما ال95 فمن اول 11:1

لكن الGDI لازم نستخدم معاه 95 عشان موضوع ضغط البنزين العالي
ولا أنصح بمنظف الدورة لأنه بيبوظ الدورة مش بينظفها

بعد إذنك أصحح كام معلومة فـ "التصحيح"
1- لما هو الـ95 يستعمل من أول CR 11:1.. أمال الـ97/98-99/100 أوكتان اتعمل لعربيات أيه؟؟؟!!!
على كده مفيش حد هيحط بنزين أعلى من الـ95 غير الفيررارى واللامبورجينى اللى مواتيرهم 12.5:1..؟؟؟!!!

أصلا المواتير اللى بـCR من 10:1 وطالع.. المفروض يحط 95 (وده مش كلامى، كل العربيات الجديدة بقولك recommended 95 أو مش أقل من 95)..!!

2- ده لو اتفقنا أساسا ان اللى بيحدد الأوكتان بتاع البنزين اللى مفروض يستخدم هو الـCompression-Ratio..

ولا حتى ضغط البنزين العالى للطلمبة الـHPFP (زى مانت بتقول)، لأن الطلمبة لو اتحطلها 92 هتحقنه بنفس الضغط (الـ130-140 بار) برضه..؟!!
(يعنى على كده مواتير اللألفاروميو الـJTS والـTBi الجديدة تستخدم 97/98 على الأقل) لأن الـPump بتحقن البنزين على 200 بار..؟؟!!!

3- الأهم من الـCR والـinjection يافندم:
- الـState-of-Tune بتاع الـECU.. خريطة البنزين والهواء متضبطة تشتغل بأوكتان أيه؟؟
- الـTiming-Advance Map.. أو الـModule/ الجدول بتاع الـignition-advance

الـStrategy هتبقى Aggressive عايزة تستفيد بالأوكتان العالى، وتقدم الـTiming وبالتالى باور أعلى..
ولا هتبقى متحفظة.. بتشتغل بـKnock-Threshold واطى, وبتقلل الـTiming-Advance فـ أول فرصة (وبالتالى باور أقل)..

الأثنين دول أهم من الـCR والـinjection-Type فـ تحديد درجة الأوكتان المستخدم..
فيه عربيات كتييييييييير مش حقن-مباشر، والـCR بتاعتها 9.5-9.7/9.8 ولاااااااااازم 95، وهتلخبط استخدمت 92..؟؟!!!

ياجدعان أصلا الـ95 ده أقل حاجة،
هو اسمه برا Unleaded أو Regular,
ويوم ماينطقوه بيبقى Premium-Unleaded..
لسه فيه الـSuper-Unleaded و الـ100 أو الـRacing..!!!

Regards،