هستلم سيراتو النهاردة :-)

[Dr.Makram]

السلام عليكم
انشاء الله هستلم النهاردة سيراتو 2013 خليجى (اللى هى اردنى )
عايز اعرف اعمل ايه و اركب ايه و فين اول ماطلع من المعرض؟؟؟

[moha4tec]

شيك على كل حاجه الاول و يكون معاك حد .
و استلم فى نور النهار
و تانى يوم ترخصها
و شيك على الجنط الاستبن و مقاس الكوتش كمان .
و فرش الابواب
و هل العربيه فيها خدوش و الا لا و بص على الموتور و بص تحت العربيه .و افتح فرش الشنطه
و شيك على العده و المانيوال و شنطه الاسعافات .
و سعر العربيه كام و امكاناتها اه .
و اشترى لها غطا و اركنها فى جراججججججججججججججججج و متسبهاش فى الشارع نهائى على الاقل لحد ما ترخص
و تشترى كلابش الدركسيون مع الفرامل اللى هو كبير و تقيل و محمل صلب ده .
ب 150 جنيه تقريبا
و بعد ما ترخص تنزل شارع دمشق تخليهم يفيمولك الفوانيس الاماميه شفاف عشان الرمله من الطريق الدائرى و طرق السفر و كده . و تدى العربيه غسله كويسه فى البنزينه .
و ترفعها و تبص عليها من تحت قبل ما ترخص
و متخليش ابد حد يغلسك الموتور بميه ابدا ابدا و متغسلش العربيه الا لما تكون بارده .عشان الطنابير و الفوانيس هتسرطن .و الطنابير هتعمل ريجه . و تمون من بنزينه نضيفه .و تشيك على عدد الكم اللى العربيه ماشياه و كده .
و ربنا معاك
لو عاوز اى حاجه كلمنى 01000989080
و السلا مختام

[moha4tec]

و يا ريت لو هتشترى سيراتو اشترى السعودى .

[Dr.Makram]

قضى الأمر... انا شفتها و ركبتها مع صديق ليا و راضى الحمد لله بيها لأن سعرها اخر ما استطعت تجميعه..:-(
شكرا جدا لأهتمامك و انشاء الله هتابعكم بالجديد
بس ليا سوال .. هى ايه الحاجات اللى بتنزل اصلا مع العربيات دى

[Dr.Makram]

بالنسبة للترخيص.. الورق هيجى كمان يومين مش فاهم ليه ..

[Dr.Makram]

العربية ABS ,1 airbag , DVD , camera
السعر 109000 لما حجزت و دلوقتى 111000
جنط 15 طاسات NEXEN

[akmm]

الف مبروك ..........

[kareem_eg]

الف مبروك , ربنا يديك خيرها و يكفيك شرها

[wael61]

الف مبروك وربنا يديك خيرها ويعد عنك شرها

[temo85]

بالنسبة للترخيص.. الورق هيجى كمان يومين مش فاهم ليه ..

بالنسبة للورق اللى هيجي كمان يومين , انا كنت شارى من سمير ريان و قالى هترخص بعد بكرة قلتله ماشى جيت عند الخزنة و انا بدفع قلتله هيفضل 2000 جنية مش هدفعهم غير لما ورق العربية يجى و بمضى على ايصال امانة بيهم بتاع المبيعات اتثبت لمدة دقيقة كده و قالى براحتك و احنا مش نصابين و قعد يحور كتير قلتله و انا مش دافع تمنها كاش عشان تقولى الورق و يومين و بتاع , المهم استلمتها السعة 3 العصر و بقدرة قادر لقيته بيكلمنى الساعه 10 بليل و قالى الراجل مستنيك بكره فى المرور الصبح عشان ترخص قلتله هو الورق جه قالى اه بعت جبتهولك مخصوص ياباشا و بتاع :) و فعلا رخصت بعد ما أستلمت بأقل من 24 ساعة
نصيحة بقى مبلغ لحد ما ورقها يجى

[medoghaly]

الف مبروك يا باشا و يا ريت بقي تقريرك الحلو و متنسا كلبش دركسيون و غطا ليها و ربنا يباركلك فيها

[h.soliman]

الف مبروك يا باشا وربنا يباركلك فيها ويكفيك شرها بص يا باشا انا لسه جايب اختها ابل العيد باسبوع والعربيه ما شاء الله ممتازه المهم اول حاجه تروح تعملها انك تدخل اى بنزينه وتظبط ضغط الاطارات لانى انا فضلت حوالى 4 ايام راكب العربيه حاسس انى راكب دبشه وكان العربيه بدون عفشه فكنت بقول لنفسى يمكن العفشه لسه ناشفه عشان العربيه جديده بس جيت بحكى مع واحد صحبى الى روح شيك على ضغط الاطارات لان معظم العربيات الزيرو بتكون منفوخ زياده وفعلا روحت لايت الاربع عجلات منفوخين على 41psi طبعا ظبطهم على 30 لقيت العفشه اختلفت تماما وبقت بسم الله ماشاء الله ناعمه جدا

[m2nmsn]

الف مبروك وربنا يديك خيرها ويعد عنك شرها

[Madovicc]

الف مبروك يا باشا ربنا يكفيك شرها و يديك خيرها ... انا لسه مستلم النهاردة اختها ب 110 من المصرية العيب الوحيد و هو مش عيب بس نفسيا بس بالنسبالي ان الكاميرا و السي دي التاتش متركبين مش جاييت معاها بس برضه هو وقر عليك 3000 من الوكيل و كمان وفر عليك تمنهم ووجع دماغ تركيبهم ودي كفاية ... حاول تشتري ضمان ضد عيوب الصناعة في اقرب وقت من شركة aaa دي احسن حاجه عشان تبقا مأمن نفسك انا عملت كده

[salodas]

ألف مبروك يا باشا ...
أنا اشتريت من سمير ريان من سنتين سيراتو فول أوبشن على أساس أنها سعودى وده بالفعل الى كان مكتوب على القايم (طبقا للمواصفات الخليجيه السعودية) ولكن لما أشتركت فى المنتدى والشباب عرفونى حاجة أسما الفين نمبر ... أكتشفت أنها عمانى .... بس عاوز الحق أنا مش حاسس بأى فرق والحمد لله .
ربنا يوفق ونصيحة بلاش لعب فى العربية خليها زى ماهى