هستلم سيراتو النهاردة :-)

[Dr.Makram]

بالنسبة للورق اللى هيجي كمان يومين , انا كنت شارى من سمير ريان و قالى هترخص بعد بكرة قلتله ماشى جيت عند الخزنة و انا بدفع قلتله هيفضل 2000 جنية مش هدفعهم غير لما ورق العربية يجى و بمضى على ايصال امانة بيهم بتاع المبيعات اتثبت لمدة دقيقة كده و قالى براحتك و احنا مش نصابين و قعد يحور كتير قلتله و انا مش دافع تمنها كاش عشان تقولى الورق و يومين و بتاع , المهم استلمتها السعة 3 العصر و بقدرة قادر لقيته بيكلمنى الساعه 10 بليل و قالى الراجل مستنيك بكره فى المرور الصبح عشان ترخص قلتله هو الورق جه قالى اه بعت جبتهولك مخصوص ياباشا و بتاع :) و فعلا رخصت بعد ما أستلمت بأقل من 24 ساعة
نصيحة بقى مبلغ لحد ما ورقها يجى

حصل معايا الموقف ده امبارح و ماستلمتش و شيلت نص تمن العربية لحد ما يخلص الورق و الضمان و التأمين و هيسلمنى الجمعة انشاء الله

[Dr.Makram]

الف مبروك يا باشا و يا ريت بقي تقريرك الحلو و متنسا كلبش دركسيون و غطا ليها و ربنا يباركلك فيها

من عينى بس لما استلم لأنى اجلت الاستلام لحد ما يخلصوا ورقها بالكامل

[Dr.Makram]

الحلقة التانية :
اولا كل الشكر لأستاذ محمد (المشرف) اللى اهتم بالموضوع جدا لدرجة انه كان عايز يجى معايا و انا بستلم بس لسوء حظى انا ماوضحتلوش فين المعرض فتوهنا عن بعد
روحت اشوف العربية كانت لسة نازلة من الكساحة ( تقريبا دى العربية الكبيرة اللى بتنقل العربيات ) جيت اراجع على الكاوتشات لقيت الاستبن نازل جنط صغير ( بيقولوا ده استايل اوروبى ) مقاسه 15 زى باقى الكاوتشات بس 125 مش 195 زى باقى العربية ( كاوتش موتوسيكل صغير من الاخر ) استغربت جدا و فتحت كل العربيات الكيا اللى لسة داخلة المعرض لقيتها كلها كده !!!
كلمت استاذ محمد ربنا يكرمه قاللى ماتستلمش .. من هنا من هنا نزلت من سعر العربية تمن تبديل الجنط و الكاوتش ده بجنط و كاوتش هانكوك زى اللى نازل مع العربية
و لقيت الورق مش كامل ( عرفت من كذا معرض ان ده عادى و انى استلم مفيش مشكلة) طب استلم بقى و اقعد بعربية مش معاها مبايعة ولا تخليص جمركى و لا ضمان ولا تأمين اربع ايام ليه؟؟ّ!!
دفعت نص تمن العربية و خليتوا يكتب عليها مباعة و قولتلوا النص التانى لما استلم كل حاجة

[Dr.Makram]

اما بالنسبة للعربية نفسها .. فأنا اخترت لون نبيتى (بناء على طلب الانسة مورين بنتى ذات الثلاث سنوات ) مع انى كنت هموت على النحاسى بس ضريبة الجواز و الخلفة معلش
فرشها حلو من جوه و مشدود صح .. جربت الكاميرا (صورتها بتظهر فى ال ال سى دى مش فى المرايا اللى فى النص زى الهاى لاين )و دى اختراع بالنسبالى ( 13 سنة لانوس 99) .. شاشة ال ال سى دى بتاعة ال دى فى دى ظريفة و حجمها مناسب جدا ...التابلوه فخم كالعادة ..شاشة كمبيوتر الرحلات صغيرة شوية بس طبعا منظر العدادات تحفة .... المانيوال اللى عامل زى معجم مختار الصحاح موجود :-) الكوريك و المفك و دراع الكوريك موجودين ... بينزل معاها من المعرض طقم دواسات محترم و غطاء للعربية (دول اللى خدت بالى منهم بس مستنى الفواحة :-)

[Dr.Makram]

سالت امبارح على الانذار او اى حاجة صوتيات هعملها فى العربية ... قالولى هاتها و ركبها فى مركز تبع الضمان (اللى انا مشتريه ) و على فكرة هى نفس المراكز بتاعة الوكيل ... اشوف حد محترف ولا بتوع المراكز دى بيقوموا بالغرض ؟

[kofta]

جرررب الموتووور كويس و دوس بنزين على الاخر و هى واقفة و شوفها هتفصل ولا لا و لو فصل جرب امشى بيها شوفها هتجرى ولا مخنوقة ... عشان انا اضحك علية و العربية عندى مفيش سحب و لا تفصيل ولا اى حاجة لبست من الاخرررر

خلى بالك بس

[Dr.Makram]

الف مبروك يا باشا ربنا يكفيك شرها و يديك خيرها ... انا لسه مستلم النهاردة اختها ب 110 من المصرية العيب الوحيد و هو مش عيب بس نفسيا بس بالنسبالي ان الكاميرا و السي دي التاتش متركبين مش جاييت معاها بس برضه هو وقر عليك 3000 من الوكيل و كمان وفر عليك تمنهم ووجع دماغ تركيبهم ودي كفاية ... حاول تشتري ضمان ضد عيوب الصناعة في اقرب وقت من شركة aaa دي احسن حاجه عشان تبقا مأمن نفسك انا عملت كده

انا اشتريت من معرض القرش فى مصر الجديدة
الضمان هشتريه من عنده شركة ميدل ايست ودى متعاقدة مع مراكز الصيانة بتاعة الوكيل و اشتريته ب 2000 جنية لل 3 سنوات
انا عارف ان شكل الكاسيت بتاعها الاصلى اشيك مع التابلوه بس برضه ال دى فى دى ليه طعم مميز :-)
سؤالى لحضرتك :
الاستبن اخباره ايه .. نفس مقاس الاربع جنوط ولا اصغر؟؟؟