عربية سيئة السمعة

[Tmhami]

أولا ألف مبروك لرجوع حقك
بسس أنا حابب أعرف العيوب بالتفصيل علشان أنا من ملاك الريو و عامل حوالى 500 كم و معنديش مشاكل غير أن أحيانا بحس أن فى سخونه فى منتصف العربيه و طبعا أستهلاك البنزين هوا تقريبا 1600

فياريت تقولى على العيوب بالتفاصيل علشان لو طلعت عندى برضه حروح التوكيل و أعمل مشكله برضه

و أخر حاجه أنت كاتب 1250 جنيه ,لأيه المبلغ ده؟

[romagti]

أولا ألف مبروك لرجوع حقك
بسس أنا حابب أعرف العيوب بالتفصيل علشان أنا من ملاك الريو و عامل حوالى 500 كم و معنديش مشاكل غير أن أحيانا بحس أن فى سخونه فى منتصف العربيه و طبعا أستهلاك البنزين هوا تقريبا 1600

فياريت تقولى على العيوب بالتفاصيل علشان لو طلعت عندى برضه حروح التوكيل و أعمل مشكله برضه

و أخر حاجه أنت كاتب 1250 جنيه ,لأيه المبلغ ده؟

السلام عليكم يا استاذ Tmhami

باختصار شديد العيوب اللى عندى انا وبعض الملاك يمكن تكون خاصة بالدفعات الاولى فى 2012 ولان الموضوع طويل شويه استأذنك تقرأ اللى مكتوب فى الصفحة الاولى و ان شاء الله ميكونش فى اى حاجة فى عربيتك ويسترها معالك ويكفيك شرها بأذن الله.

1250 جنية دى مصاريف فحص السيارة من اللجنة الفنية فى كلية الهندسة.

[Tmhami]

ألف شكر لرد حضرتك و أنشاء الله حقك يرجعلك كامل

[temo85]

بجد انت عملت حاجه اكتر من ممتازة حتى لو قالوا ان العربية مفيش فيها حاجه بس دى اشارة للتوكيلات ان العميل مش هيسكت على حقه لان احنا هنا الدنيا ماشيه بالمقلوب يعنى التوكيل هو اللى بيتنك على العميل ومش فاهمين ابسط المبادىء ولا فاهمين يعنى ايه customer satisfaction ولا عارفين حاجه ... بجد انت عملت شىء رائع و أحييك عليه ربنا معاك :)

[romagti]

بجد انت عملت حاجه اكتر من ممتازة حتى لو قالوا ان العربية مفيش فيها حاجه بس دى اشارة للتوكيلات ان العميل مش هيسكت على حقه لان احنا هنا الدنيا ماشيه بالمقلوب يعنى التوكيل هو اللى بيتنك على العميل ومش فاهمين ابسط المبادىء ولا فاهمين يعنى ايه customer satisfaction ولا عارفين حاجه ... بجد انت عملت شىء رائع و أحييك عليه ربنا معاك :)

شكرا لحضرتك يا استاذ temo احنا كلنا المفروض نبيقى كدة لان كلنا بنتعب فى فلوسنا واللى متعبش فى فلوسة مش هيتعب نفسة انة يحافظ عليها
اتمنى من كل قلبى اننا فى بلدنا العزيزة اللى انا مش عايز امشى واسيبها اننا نتعامل بما يرضى الله زى ما بقى الدول بتعامل مواطنيها او حتى الاجانب المقيمين فيها على سبيل الضيافة والانسانية و ان شاء الله ربنا دائما مع الحق و اصحابة.

[ibizaman]

ايه الفلوس الى هتستردها بتاعه ايه بالظبط معلش مش فاهم وضحلى لوسمحت

[2CODE]

ايه الفلوس الى هتستردها بتاعه ايه بالظبط معلش مش فاهم وضحلى لوسمحت

اه والله يعني هيدولك الفلوس كلها ولا ايه ؟ طالما انت هتصلح العربية في مركز الخدمة يبقي ايه اللي هتسترده ؟ مبلغ اللجنة اللي هو 1250 جنية ولا ايه ؟

[D/FARID CERATO]

اه والله يعني هيدولك الفلوس كلها ولا ايه ؟ طالما انت هتصلح العربية في مركز الخدمة يبقي ايه اللي هتسترده ؟ مبلغ اللجنة اللي هو 1250 جنية ولا ايه ؟

يا باشا مهو كاتب في المشاركة اللي فاتت تكلفة كشف اللجنة علي سيارته

[D/FARID CERATO]

يا باشا انت مية مية و راجل محترم و اسمحلنا نتعرف عليك أكتر

[SaimOnatoR]

أنا معايا ريو و زعلت جداً من تعميم حضرتك لان ممكن تكون المشكلة في سيارتك تحديدا. بس أنا بحييك على إصرارك على حقك و انك مكونتش سلبي، بالتوفيق بإذن الله.

[romagti]

يا باشا انت مية مية و راجل محترم و اسمحلنا نتعرف عليك أكتر

يا دكتور الشرف لينا بمعرفة حضرتك وكل الناس اللى زى الفل هنا فى المنتدى صباح الخير جميعا

[romagti]

أنا معايا ريو و زعلت جداً من تعميم حضرتك لان ممكن تكون المشكلة في سيارتك تحديدا. بس أنا بحييك على إصرارك على حقك و انك مكونتش سلبي، بالتوفيق بإذن الله.

صباح الخير يا فندم انا مش عايز حضرتك تزعل منى بس بواقع التجربة المريرة اللى انا فية ويا رب تخلص علشان انا زهقت لكن مش هشسيبهم حتى لو مصلحوهاش علشان ربنا اكبر من الكل طالما الحمد لله عربيتك مفيهاش حاجة يبقى انسى اللى انا كتبتة واستمتع بيها بأذن الله وتديك خيرها وبس وربنا يوفقنا جميعا.

[D/FARID CERATO]

انا معاك يا باشا متسيبش حقق مهما حصل

[romagti]

السلام عليكم جميعا

الحمد لله رحت فرع ابو رواش و استلمت فلوس فحص اللجنة 1250 جنية الذى تم دفعهم من قبل و تم الكشف على السيارة لمراجعة العيوب مرة اخرى ولكن النتيجة:

تم تركيب قطعة من الكاوتش داخل السيارة ملزوقة فوق الصاج بجانب الاستبن علشان عزل الحرارة ؟؟؟ انا مش فاهم بصراحة العزل بيبقى المفروض يركب قبل ما الحرارة تدخل العربية مش بعد ما تدخل و تستريح معانا بس دة كان ردهم ان اساسا الحرارة طبيعية ان المكان دة داخل السيارة فى الشنطة يبقى سخن من علبة الشكمان

طيب يا جماعة هو اساس طبيعى ان يبقى فى سخونة اسفل الكنبة وتزداد بنسبة كبيرة جدا داخل الشنطة.

تم عمل تزبيط للسوفت وير للمرة الالف و لكن ايضا لا يوجد تحسن فى الاستهلاك او السحب يوجد بة ضعف مش زى اول مرة ما عملوها.

بالنسبة لصوت الخبط اللى فى العفشة لا تغيير اطلاقا لان ردهم ان دة الصوت الطبيعة للمساعد علشان غاز على زيت مع ان المساعد الامامى هو نفسة الخلفى غاز على زيت طيب لية مفيش صوت من الناحية الخلفية؟؟؟ غير مقتنع اطلاقا بهذا الصوت

الفرامل تم تزبيطها عن طريق تفريغ الهواء و رجلشة التيل الخلفى مسكت شوية بس لسة مجربتهاش كويس علشان الزحمة

من المفترض انة سوف يتم تحديد ميعاد جديد مع حماية المستهلك لتحديد لجنة فحص مرة اخرى لاعادة فحص السيارة و التأكد من زوال العيوب او عدم حلها وانا كدة لم تحل العيوب ومن ثم سوف يتم بعدها ان شاء الله ان كان لينا عمر باقى الاجراءات القانونية تجاة شركة كيا يمكن على عمر الاحفاد تكون قربت تنتهى المشكلة (( الروتين السلحفائى )).


تم الاتصال الان من دقيقة لكى يتم تحديد ميعاد جديد حيث رد الشركة انة قد تم زوال جميع الاسباب و اصلاحة و تم استرداد المبلغ

هو فعلا تم استرداد المبلغ لكن لم تحل جميع العيوب نهائيا اللهم وفقنا.

[D/FARID CERATO]

يا مسهل