الكارينز ............ سؤال ما يتسألش

[Khaled_Nowaihy]

هو مش ميعاد الصيانة قرب خلاص ابقى روح بيها السبع واحكى ليهم على اللى حصل

السبع ماعندهمش علبة دركسيون متاحة ..... عشان كده قال لى أروح مركز القطامية ... ال 45000 قربت ورايح لهم تانى

غريبه اوى اشمعنى على غيار معين يعنى اشمعنى على الخامس بس !! ياريت تكشف و تقولنا ياباشا عشان نستفاد

إن شاء الله وربنا يهديهم ويقولوا فيها ايه بالضبط

[ام البنات]

انا عندى نفس المشكلة ..بتظهر لى رعشة فى الدريكسيون عند المائة كيلو ..وعند الفرامل المفاجئة ..ولسه ما كشفتش ..انما فيه واحد متخصص قالى لى انها اما مشكلة طنابير ..او قواعد موتور ..والله اعلم

[khaled_legend]

روح و شوف ايه اللي هيتم و قولنا

[IsmailIbrahim]

أ. خالد جرتب ترصص العجل, اصل انا كان عندي رعشة في الدركسيون في السرعات العالية وروحت الترصيص وبقيت تمام والحمد الله !!!!

[Khaled_Nowaihy]

ازيك يا أ. إسماعيل ......... كل سنة وحضرتك وجميع الأعضاء بخير
العربية اترصصت 3 مرات ...... والمشكلة رجعت تظهر تانى برضه

[Khaled_Nowaihy]

آخر الأخبـــــــــــــــار

السلام عليكم ورحمة الله وبركاته

وصلت لل 45000 وروحت القطامية وقلت لهم عن الرعشة اللى على سرعة 100-110 وان مركز السبع قالوا فيها علبة دركسيون
لا جديد فى الموضوع .... رفعوا العربية على الونش وقعدوا يفحصوها من تحت ويمرجحوها وهى متعلقة ......... وفى الآخر فكوا الأربع عجلات وعملوا ترصيص للمرة الرابعة وكتبوا لى توصية باستعدال الجنوط !!!!

هو أنا ناقص احتمالات ؟؟؟ كاوتش وللا ترصيص وللا علبة دركسيون وللا طنابير وللا قواعد موتور
وكمان تطلع لى حكاية استعدال الجنوط دى ؟؟؟؟

وقابلت المهندس صلاح عيد وقلت له العربية اترصصت قبل كده 3 مرات ودى رابع مرة ... وايه حكاية استعدال الجنوط دى كمان ؟؟؟ دى عمرها ما اتخبطت
قال المفروض لما تغير الكاوتش تعمل ترصيص وضبط زوايا واستعدال جنوط عشان تبقى المنظومة كلها جديدة ومضبوطة
وقال الطرق فى مصر وحشة جداً ولو كان لاقى علبة دركسيون مش سليمة كان غيرها من نفسه و طلع معايا المهندس أشرف حسين نجرب العربية وجرى بيها وجاب 100-110-120 ........ ما فيش رعشة ..... الحمد لله
وقال لى ان رأيه (الشخصى) إنها مش محتاجة تعديل جنوط لأنها كويسة !!!!

وخدت العربية وماشى بيها من يوم 27 للنهاردة مفيش أى رعشة
على الله ترجع تانى بقى

هو كان قال لى عن مكان فيه جهاز لاستعدال الجنوط بس مش فاكر قال اسمه ايه بالضبط وللا فين حتى

حد يعرف تتعمل فين الحكاية دى ؟؟

[MMMERO]

السلام عليكم يا استاذ خالد
تيجى نوحينا ومتقولش علشان نعمل الواجب لية كدة يا استاذ خالد
على العموم إن شاء الله ما نرجع تانى اما بالنسبة لاستعدال الجنوط كان فية واحد فى الملك الصالح على ما اتذكر بس معتقدش انها هى المشكلة لانك بتقول لما رجعت كانت رجعت على الخامس فقط وليس الرابع (ودى اصلا حاجة غريبة)

[Khaled_Nowaihy]

ازيك يا باشمهندس ... واحشنى قوى والله
الرعشة كانت بتبان على الخامس
فعلاً العربية بتختلف لما أكون ماشى على الرابع بسرعة 100-110 غير لوكنت ماشى بنفس السرعة على الخامس
عموماً ها شوف هاترجع تانى وللا لأ.

[Ahmed_Adham]

عايز اعرف نهايه الموضوع ده طلعت ايه بصراحه

[Mohamed.Muslim]

عايز اعرف نهايه الموضوع ده طلعت ايه بصراحه

ياريت عشان انا كمان عايز أعرف

[adelghanem]

متابع باهتمام

[Khaled_Nowaihy]

السلام عليكم ورحمة الله وبركاته
اعتذر لحضراتكم عن نسيانى وعدم استكمال الموضوع

المشكلة ببساطة كانت ضغط الهواء فى الكاوتش
لما الضغط بيقل فى الكاوتش باحس بالرعشة دى على طول + تصفير الكاوتش فى الملفات + الدركسيون بيبقى تقيل شوية

الميزة الوحيدة لانخفاض ضغط الكاوتش هى عدم الإحساس بالمطبات !!!!

نصيحة تراجعوا ضغط الكاوتش باستمرار

[spidars]

حضرتك بتظبطه علي كام والجنط مقاس كام لاني 16 وبظبطه علي 35

[Khaled_Nowaihy]

باضبطه على 32 زى ما هو مكتوب على قائم الباب
والجنط تقريبا 15 أو 16 (مش فاكر بالضبط الرقم)

[Ahmed_Adham]

حضرتك بتظبطه علي كام والجنط مقاس كام لاني 16 وبظبطه علي 35

ال 16 بتتظبط على 35 لو بتحمل ناس ورا معظم الوقت و 33 لو مش بتحمل ناس ورا كتير.