السيراتو وبنزين 90

[moha4tec]

لا الموضوع ولا 90 ولا 92 الموضوع ان البنزينة ديه بنزينها نضيف عن تجربه ومعظم بنزينات شل لما بأمون من شل بأحس أن سحب العربية أفضل

كلام موزون و مظبوط
اتفق معك

[the9ranger]

يا جماعه تقريبا سيارتنا مش مجهزه لبنزين 95 صلا زى مثلا انا قريت كتالوج الدايو مكتوب افضل بنزين ليها بنزين 86 فتقريبا علشان كده الموتور بيضبط نفسو على نوع البنزين وبيضبط شراره البوجيهات على الحرق على حسب نوع البنزين الموصى به فى الكتالوج بتاع السياره وده هيديك افضل اداء مع البنزين الخاص بتاعك انما لو حطيط بنزين اكثر فى الاوكتان زى مثلا 92 او 95 مش هتستفيد خالص من الاوكتان العالى ده بس ممكن يكون انضف على الفلاتر بس والله اعلم

[lanos2004]

غريبه لما بحط بنزين 95 عربيتى مع انها مش سيراتو وعربيه تكنولوجيا قديمه -بتوصل توب سبيد الى 220---ولو بنزين 92 اخرها 210
هوة تقريبا نضافه البنزين هى الاهم

[yoko]

أولا مفيش علاقة بين رقم الاوكتان ونضافة البنزين أو تاثير على الطركبة والرشاشات
تاني حاجة ده إحتمال كبير إحساس لإن الاوكتان لما بيقل صوت العربيه بيعلى فبيديك إحاء إن العربيه بتجري ولما بتحط 95 الصوت بيقل جدا فبتحس إن العربيه مش بتجري
ولو حطيت 95 والعربيه إتخنقت يبقى البنزين مغشوش

[yasserelsayad]

أولا مفيش علاقة بين رقم الاوكتان ونضافة البنزين أو تاثير على الطركبة والرشاشات
تاني حاجة ده إحتمال كبير إحساس لإن الاوكتان لما بيقل صوت العربيه بيعلى فبيديك إحاء إن العربيه بتجري ولما بتحط 95 الصوت بيقل جدا فبتحس إن العربيه مش بتجري
ولو حطيت 95 والعربيه إتخنقت يبقى البنزين مغشوش

+1
مظبوط انا لما بحط 95 صوت الموتور بيقل خالص حتى لو حارق وكمان السحب بيختلف مش بس الصوت

[moha4tec]

انا بقول ان البنزينه دى بنزينها نضيف جدا . انا جربت ال 92 هناك كان محترم و نضيف و عمل معايا كم كتير و رقم قياسى .

[moha4tec]

ال 95 فعلا بيهدى صوت الموتور خالص و بينعمه جدا
و سحب افضل بس ستهلاك اعلى او بمعنى تانى ال 95 بيخلص اسرع من ال 92 او ان ال 95 بيتطاير اسرع او بيتحرق اسرع

[temo85]

بس متنساش ان حوار لخبطة الأوكتان ده بيأثر على أداء البوجيهات و مش صح لخبطة الأوكتان كل شوية المفروض تثبت درجة الأوكتان و البنزينة كمان

[yoko]

بس متنساش ان حوار لخبطة الأوكتان ده بيأثر على أداء البوجيهات و مش صح لخبطة الأوكتان كل شوية المفروض تثبت درجة الأوكتان و البنزينة كمان

معلش مفيش الكلام ده خالص

[moha4tec]

معلش مفيش الكلام ده خالص

لا موجود و باثر على البوجيهات
و ابست دليل على كده لما تكون فى البنزينه و تحط الاوكتان بوستر بتلاقى بعد اسبوع او فتره معينه العربيه اتخنقت و لما تيجى تشوفها بعد شهر و تبص على البوجيهات بتلاقيها رايحه فى داهيه
الاضافات على تانك البنزين غير منظف الدوره كامله بيبوظ البوجيهات و يعمل رواسب عليها و بيلغبط الحريق .

[yoko]

لا موجود و باثر على البوجيهات
و ابست دليل على كده لما تكون فى البنزينه و تحط الاوكتان بوستر بتلاقى بعد اسبوع او فتره معينه العربيه اتخنقت و لما تيجى تشوفها بعد شهر و تبص على البوجيهات بتلاقيها رايحه فى داهيه
الاضافات على تانك البنزين غير منظف الدوره كامله بيبوظ البوجيهات و يعمل رواسب عليها و بيلغبط الحريق .

الأوكتان بوستر بيبوظ البوجيهات دي حقيقة لإنه مركبات تأثيرها زي تاثير الأوكتان لكن مش أوكتان فعلا لكن الفرق بين ال90 وال92 وال95 أوكتان بجد

[KIAK9]

طب يعنى اثبت على كده وامون بعد كده 90 ؟ ولا ايه الكلام ؟

وهل التفويله 95 مش موفره علشان بتطير بسرعه وسعرها اغلى ؟

[yoko]

طب يعنى اثبت على كده وامون بعد كده 90 ؟ ولا ايه الكلام ؟

وهل التفويله 95 مش موفره علشان بتطير بسرعه وسعرها اغلى ؟

متحطش 90 عشان ميبهدلش الموتور
وال95 في السيراتو مالوش لازمة غير تهدية صوت الموتور

[temo85]

الأوكتان بوستر بيبوظ البوجيهات دي حقيقة لإنه مركبات تأثيرها زي تاثير الأوكتان لكن مش أوكتان فعلا لكن الفرق بين ال90 وال92 وال95 أوكتان بجد

طيب بالنسبه للstp اللى هو منظف الدورة ايه رأيك فيه ؟؟ هل لازم أغير البوجيهات بعد ما احطه

[Ahmed_Adham]

طيب بالنسبه للstp اللى هو منظف الدورة ايه رأيك فيه ؟؟ هل لازم أغير البوجيهات بعد ما احطه

أنا جربت STP و Abro والاتنين معملوش اي مشاكل بس بصراحه مش حاسس بفرق ملحوظ في أداء العربيه عشان كده مش ناوي أجيب منظفات البخاخات دي تاني.