السيراتو وبنزين 90

[KIAK9]

انا بيحصلى حاجه غريبه فى العربيه

معيا سيراتو 2010 صادفت امون بنزين 90 بلاقى العربيه ولا كانها فيها بنزين 95 اداء ممتاز وحلو جدا

لما بمون بنزين 92 بلاقى الاداء عادى مش وحش طبعا

بس ليه بنزين 90 اداءئه حلو كده لو كده الواحد يوفر فلوسه ويحط 90


ولا ايه رايكم فى الموضوع ده ؟

[moha4tec]

انت بتكلم بجد
و بتمون من اى بنزينه و يا ريت اسمها و عنوانها
من 90 ل 92, 10 قروش فقط

[KIAK9]

انت بتكلم بجد
و بتمون من اى بنزينه و يا ريت اسمها و عنوانها
من 90 ل 92, 10 قروش فقط

بزينة شل طريق مصر الاسماعيليه منزل الدائرى اتجاه مدينة العبور

بس فعلا حاجه غريبه العربيه ما شاء الله بتسحب اوى

[sayedmagic]

انابقئا مره مونت 95 اقسم بالله حسيت اني حاطت سولار العربية حسيت انه مكتومة مش بتسحب غير لما اقرص علي الدوسة

[abdo7000]

سبحان الله اكيد في حاجة مميزة في البنزين 90

[KIAK9]

على فكره دي تانى مره تحصل بس اول مره قولت يمكن بتوهم نفسك هههههههههههههه

لكن المره ديه صادفت الظروف انى امون 90 علشان مكنش فيه 92 ولقيتها للوووز

بس المشكله خايف على الرشاشات والفلتر بتاع البنزين

[temo85]

انا كان لسه على بالى الموضوع ده قريب والله اول ما سمعت ان الدعم هيترفع من على ال 92 و ال 95 قلت طيب منجرب ال90 بس كنت خايف وبما ان ال 90 كويس معاك اكيد مش هيكون فى تأثير على الرشاشات و الفلتر كده كده بيتوسخ حتى مع الناس اللى بتحط 92 على طول

[temo85]

هل فى اى صوت كركرة مع او من غير التكييف بعد ما حطيت 90 ؟

[MB1986]

انابقئا مره مونت 95 اقسم بالله حسيت اني حاطت سولار العربية حسيت انه مكتومة مش بتسحب غير لما اقرص علي الدوسة

الكلام ده حصل معايا وكل ما اقابل واحد معاه النترا او سيراتو اسأله حصله كده ولا لأ؟؟
بجد بعد ما حطيت ال 95 العربية سحبها ضاع و نفس اللى بتحكى فيه ده بالظبط لازم اقرص و من غير ما اشغل تكييف العربية مكتومة كأنك مشغل التكييف و بتجر حاجه و السرعة القصوى متعديش ال 160 مهما قرصت

[temo85]

يعنى كده ال 90 احسن من ال 95 , انا مبقتش فاهم حاجه

[lenovo]

انابقئا مره مونت 95 اقسم بالله حسيت اني حاطت سولار العربية حسيت انه مكتومة مش بتسحب غير لما اقرص علي الدوسة

تصدق بالله أنا حصلي نفس الموقف ولكن عربيتي ريو الشكل الجديد . قولت أحط ٩٥ أكيد حاحس بفرق وقمت مفضي التنك وفولت ٩٥ . والله ندمت حسيت أن العربية مكتومة بشكل غريب :) .. اللي أنا حاسو أنهم بيغشوا البنزين ٩٥ هههه

[moha4tec]

بزينة شل طريق مصر الاسماعيليه منزل الدائرى اتجاه مدينة العبور

بس فعلا حاجه غريبه العربيه ما شاء الله بتسحب اوى

مصدقك
البنزينه دى مونت منها مره و التفويله عملت رقم وهمى 670 كم فى الفول تانك و كنت بجرى و معدى ال 130 و السحب تمام جدا و الاستهلاك عجيب و كنت حاطط 92
البنزينه دى خرافه بنزينها نضيف جدا تحلف بيه فعلا

[KIAK9]

تمام اديكو عرفتو سر شويبس

[Ahmed_Adham]

حاجه تحير فعلا. أكيد فيه غش فى البنزين في بنزينات معينه ده اللي بيدى انطباع ان 90 أو 92 احسن من 95 طب حد قارن ال 95 مع ال 92 من نفس المحطه؟

[khaledit]

لا الموضوع ولا 90 ولا 92 الموضوع ان البنزينة ديه بنزينها نضيف عن تجربه ومعظم بنزينات شل لما بأمون من شل بأحس أن سحب العربية أفضل