الكارينز هتخليني اشهر افلاسي

[houseiny]

يا جماعو هو استهلاك البنزين في الكارينز ممكن يكون عالي بالشكل المبالغ فيه ده ، ده الأوروبي المعروف عنه أنه سفاح بنزين معملش المعدل الفظيع ده
انا عربيتي عاملة 2600 كيلو موديل 2013. انبارح فولت من بنزينة امارات اللي عند كارفور المعادي وصفرت عداد التريب زقولت اشوف هتعمل قد إيه ، عملت كام مشوار نصهم جوه اليلد في الحلمية والزاوية وشبرا ونصهم على الدائري واوتو ستراد ، العربية خلصت 3/4 التنك وعملت 307 كيلو يعني تقريباً كل ربع للتنك عمل 102 كيلو انا هتجنن ، يعني اللتر ممشيني 7 كيلو ده انا لو راكب عربية 8 سلندر مش هتعمل كده ناهيك بقى عن السحب اللي زي النيله ، يعني لو عايز اطلع من عربية نقل مزنقة عليه يبقى انا بحلم ولازم اعمل سعاد واقف استناها لحد اما تلزقني في الرصيف
العربية حلوة وشيك من جوة وثابتة وواسعة وكرسي مريح بشكل رائع وشنطة ملعب كرة قانوني بس استهلاك البنزين فظظظظظظظظظظظظظظيييييييييييييع ، انا كانا معايا جيتز 1600 كنت بمشي عليها على طول حرق وغرز وكانت اوتوماتيك وكان اللتر ممكن يعمل معاي حوالي 12 كيلو الفرق كبير أوي مع ان الفرق في الوزن حوالي 400 كيلو فقط. الجيتز وزنها 1100 كيلو والكارينز 1500 كيلو والموتور 1600 مع ان الهور س باور بتاع الكارنز أعلى. مش عارف انا ببالغ ولا هي فعلاً بتاكل بنزين بشكل مش طبيعي.

[youssef_u]

حاول فضي التانك ع قد ما تقدر و فول من محطة بنزين تانيه وممكت تحط منظف رشاشات عالتفويله و لو استمرت المشكله روح التوكيل ممكن تكون مشكلة في السوفتوير

[Deshahcoka]

يعم اموال انا اعمل ايه ؟ السيراتوا بتستهلك 14 لتر كل 100 كيلوا جوا البلد بدون حرق ... و معمولها صيانة و بنوجهات و الباوبة نضيفة و الفلتر جديد بنزين و هوا و بنزين نضيف !

اعمل ايه انا بقى :( ياريت مساعد يا رجالة :(

[hugan]

البنزين فيه حاجه مش طبيعيه
بيطير بسرعه رهيبه جدا بعيدا عن الاستهلاك
او ان العربيه فيها مشكله وبتستهلك بنزين عالي
ومش عارف ايه السبب

[AlGazar2]

لسه يا باشا استهلاك البنزين و السحب كل ده هيتحسن لما تعمل 3 - 5 الاف كيلو ان شاء الله و استخدم زيت شيل الترا او اى نوع زيت تخليقى نضيف هيحسن الاستهلاك شوية

[AlGazar2]

هى مال المشكلة بقت عامه كده ليه انا عندى النوبيرا برضه استهلاكها 6 سلندر

التانك كامل بيمشينى 430 كيلو و متغيرلها بوجيهات و فلاتر و منضف البوابة و كل حاجة

[shady_hamdy]

انا ملاحظ انا البنزين هوا السبب لانى مرة الاستهلاك عندى مرة 7 لتر لكل 100 و مرة 10 لتر و بنفس طريقة السواقة و الظروف

[S O P H O S]

علي فكرة يا باشا البنزين الايام دي اساسا بيطير
في حاجة مش طبيعة
والله اعلم ..

[hossam_elwani]

علي فكرة يا باشا البنزين الايام دي اساسا بيطير
في حاجة مش طبيعة
والله اعلم ..

غريبه حيحطو فيه سبرتو مثلا !!!!!!!!!!!

[temo85]

انا سمعت الموضوع ده كتير فى الكارينز عشان عربيه تقيله وزنا و سحب تقيل لنفس السبب

[mselim1975]

على فكرة بالنسبة لموضوع السحب أظن انه بيتحسن بعد كده فعلا لأن انا عربيتى 2013 برضه بس لسه عامله 300 كم وكنت ماشى مرة وجنبى كارينز وطالعين من اشارة بعد ما فتحت لقيته ما شاء الله شرخ وانا طبعا العربية لسه فى التليين بس فيه فرق فى السحب أظن سيتحسن مع الاستخدام بس طبعا مش هيبقى زى السيارات الرياضية الأخرى لأن الكارينز مش بتاعة سحب وجرى

[Mohab555]

خلى التانك يقرب يخلص و فول من بنزينه تانية .... و خلى بالك العربية لسه جديدة يعنى الاستهلاك الامثل للبنزين مش هيبان عنددك غير بعد 10.000 كم ... و بعدين مشكلة البنزين فعلا الى كل الاقسام الصديقة هنا فى المنتدى بيشتكوا منها تدل على ان البنزين فيه حاجة من طبيعية اكيد ... مش كل عربيات الاعضاء الكرام بايظة يعنى ولا ايه ؟؟؟

[zomprakes]

انا ملاحظ انا البنزين هوا السبب لانى مرة الاستهلاك عندى مرة 7 لتر لكل 100 و مرة 10 لتر و بنفس طريقة السواقة و الظروف

نفس الموضوع عندي انا شاكيك فعلا ان البنزين نفسو فية حاجة لان الايام دي العربيات كله بتشتكي من موضوع البنزين دا حتي الزيرو انا حاسيس ان البنزين هو اللي فية حاجة

[zomprakes]

خلى التانك يقرب يخلص و فول من بنزينه تانية .... و خلى بالك العربية لسه جديدة يعنى الاستهلاك الامثل للبنزين مش هيبان عنددك غير بعد 10.000 كم ... و بعدين مشكلة البنزين فعلا الى كل الاقسام الصديقة هنا فى المنتدى بيشتكوا منها تدل على ان البنزين فيه حاجة من طبيعية اكيد ... مش كل عربيات الاعضاء الكرام بايظة يعنى ولا ايه ؟؟؟

كنت لسة بقول كدة مش معقول كل العربيات فيها مشاكل

[lanos2004]

جوه البلد احسب بالساعه مش المسافه
يعني مثلا انا بوصل الاسكندريه من البوابه البوابه في اقل من ساعه--ومن مصر الجديده الي المهندسين في ساعتين علي الاقل
فولها واطلع جرب علي طريق صحراوي او بعد الساعه ٣ بليل جوه البلد