الكارينز هتخليني اشهر افلاسي

[Ahmed_Adham]

بالنسبه للاستهلاك أنا بعمل 10 كيلو للتر استخدام مختلط وعلى فكره أنا رجلي تقيله على البنيزين ومش بنقل الا على 4000 rpm والاتوماتيك عندي اتعود على كده بعد ما كانت بتنقل على 3000 ومشكله البنزين اللي بتحصلي أحيانا هيه ان في تفويله مثلا العربيه متبقاش بتسحب كويس بس محصلش عندي موضوع ان الاستهلاك يزيد ده الحمد لله. وعلى فكره البنزين الوحش مش مرتبط بمحطه معينه يعني ممكن مره تكون محطه كويسه ومره مش كويسه.

بالنسبه للتسارع الكارينز مش بتاعت جري بس لو عايز تعدي من نقل مضايقاك مثلا حول على المانيوال وسقط نقله بسحب الفتيس مره واحده على ( - ) وبعدين هتلاقي العربيه بتشد ولما تعدي حول على الاوتوماتيك تاني. ولو عايزها تتعود على الجري شويه سوقها مانيوال فتره وانقل بعد 4000 rpm في نقله التالت والرابع وبعدين الاوتو كمان هيطبع معاك على كده.

ملاحظه: ظبط ضغط العجل على 33 قدام و 35 ورا وشيك على الضغط مره كل اسبوع بس تكون العربيه لسه بارده عشان الكاوتش بيتقاس ضغطه دايما على البارد. الضغط الصح للعجل بيديك سحب صح واستهلاك بنزين مظبوط.

[lanos2004]

الكارينز بتجرى حلو جدااا جداااا على فكرة-وبتوصل 190 بسهوله

[Land_Cruiser]

هو غير ان العربيه لسه بتلين برضه موضوع البنزين بيفرق جامد فى السحب و الاستهلاك و شكل البنزين اللى حضرتك حطيته مكنش تمام. جرب تبقى تحط من بنزينه تانيه وشوف الموضوع هيبقى عامل ازاى

[hmotors]

++1 مع الجميع

فعلاً البنزين فى حاجة مش طبيعية خالص لاحظت الموضوع ده بقالى 6 ايام ، سحب العربية ممتاز جداً مفيش فى اى حاجة. بس وبدون مبالغة كنت بدأت اشك العداد باظ والبنزين مش عارف بيروح فين.

تحياتى للجميع ونشوف الأيام الجاية الموضوع ده هيمشى الزاى.


.

[modii]

انا لسه استلمت عربيتي الكارينز جديد وطبعا ملحقتش اشوف الاستهلاك بس انا فولتها في مدينه نصر وروحت بيها طنطا مشيت حوالي 110 كيلو والتانك نزل اقل من ربعه مع العلم اني كنت ماشي متوسط سرعه 120 وعموما انا قريت مواضيع عن استهلاك البنزين في الكارينز لقيت انها فعلا بتحرق بنزين كتير معظم الناس قالت كده وفي ناس قالت المتوسط بتاعها حوالي لتر لكل 10 كيلو ... برضو الاستهلاك مش هيبان دلوقتي لسه علي متوصل 5000 كيلو تبدا تحكم علي الاستهلاك ....... بس انا شايف انو منطقي بالنسبه لوزن العربيه وحجمها ....

[محمد بدر]

أخوتى واحبائى فى الله
خالص تحياتى لكم
موضوع استهلاك بنزين الكارينز على وجه الخصوص من خلال تجربتى لها لمده عامين ومعظم السيارات الأخرى
فى موضوع هام جدا لازم نأخذه فى الأعتبار إلا وهو عامل محطة البنزين
هل رفع المسدس بعد أول فصله ولاتانى ولا رفع المسدس فوق ووجه الفوهة بدون حدوث فصل للمسدس أصلا وغير ده كله بيختلف حساسية المسدس من بنزينة إلى أخرى
فى ناس ممكن تقول الكلام ده كله مش هيفرق أكثر من لترات بسيطة جدا"
الكلام الصح وانا متأكد منه لأنه نتيجة عده تجارب ان التفويله بتفرق من 10 لتر واحياننا أكثر من ذلك وفى جميع الأحوال فى 10 ليتر الأخيرة مؤشر البنزين موضعه لم يتغير
وما هو الدليل على ذلك
فى حالة التفويلة جابت اخر التنك ممكن العربية تمشيك أكثر من 100 كيلو من غير تحريك المؤشر مليمتر واحد لدرجة ممكن تعتقد ان المؤشر تلف

[moha4tec]

بنزينه امارات مصر دى فيها ميل جامد جدا بيسبب ان العربيه مبتتفولش للاخر و بيتبقى حوالى من 10 الى 12 لتر لسه متملوش
و الله العظيم دا حصل معايا كذا مره فى البنزينه دى
دا بالنسبه للاستهلاك +انها عربيه تقيله

مون من بنزينة نضيفه +حط عبوة سوناكس منظف دورة وقود كامله .على تانك متفول بجد و اطلع طريق سفر و خلص التفويله على سرعات و احرق على ال2 و ال3 و ارجع فول تانى و شوف النتيجه .
باذن الله هتدعيلى .
مع انى ملاحظ ان البنزين فى اى بنزينه حتى النضيفه بقى اى كلام و العربيه مكتومه و السحب زفت .

[houseiny]

الف شكراأ لردود كل الشباب الله يجزيكم كل خير
هاحول أشوف الحلول دي ووربنا يكرم ، بس هل ممكن البنزين يكون مغشوش بالطريقة دي ، بجد ان اللتر يعمل 7 كيلو ، ده الجيب الرانجلر معملتهاش مع أخويا واللتر بيعمل معاه حوالي 9 كيلو ، ده هو حتى استغرب أوي من معدل الأستهلاك لما بقوله عليه حتي قالي انت متأكد انها 1600 مش ألفين ، وطبعاً لما ركبها جاله احباط من السحب وتقله هو طبعاً اتبسط من الطلعة الأولانبية ، بس جاله شلل من عند الستين تحس ان العربية بتيجي عند الستين وتتنح ، مع ان مراته معاه أوكتافيا طبعاً طلعتها رخمة وتقيلة ومستفزة بس مجرد متلضم في الغيار التاني بتطير ، حاسس ان العربية دي فيها حاجة في السوفت بتاعها ، او فعلاً في مشكلة في البنزين انا على العموم التنك خلص مني أنبارح قبل الأخر بحاجة بسيطة وعامل 400 كيلو مقفول بحوالي هنقولي 48 لتر ، مش كده يبقى حرام علي الحكومة بنت التيييت دي ، والبنزين المغشوش اللي بيجيبوه ده.

[محمد بدر]

على فكرة استهلاك 48 لتر فى 400 كم يعتبر إلى حد ما كويس مش سئ
مع الأخذ فى الأعتبار العوامل الخارجية
وعلى سبيل المثال انا كنت مسافر من السويس إلى القاهرة أول امس يعنى ضد التيار الكمبيوتر كان قارئ 10.8 لتر والسرعة لم تتعدى 120كم فى الساعة
وانا راجع السرعة لم تقل عن 120 كم تقريبا والكمبيوتر وصلت قرائته إلى 8.2 لتر لكل 100كم
فسرعة واتجاه الرياح ونسبه الميل فى الطريق كلها عوامل لها تأثير كبير

[Ahmed_Adham]

أخوتى واحبائى فى الله
خالص تحياتى لكم
موضوع استهلاك بنزين الكارينز على وجه الخصوص من خلال تجربتى لها لمده عامين ومعظم السيارات الأخرى
فى موضوع هام جدا لازم نأخذه فى الأعتبار إلا وهو عامل محطة البنزين
هل رفع المسدس بعد أول فصله ولاتانى ولا رفع المسدس فوق ووجه الفوهة بدون حدوث فصل للمسدس أصلا وغير ده كله بيختلف حساسية المسدس من بنزينة إلى أخرى
فى ناس ممكن تقول الكلام ده كله مش هيفرق أكثر من لترات بسيطة جدا"
الكلام الصح وانا متأكد منه لأنه نتيجة عده تجارب ان التفويله بتفرق من 10 لتر واحياننا أكثر من ذلك وفى جميع الأحوال فى 10 ليتر الأخيرة مؤشر البنزين موضعه لم يتغير
وما هو الدليل على ذلك
فى حالة التفويلة جابت اخر التنك ممكن العربية تمشيك أكثر من 100 كيلو من غير تحريك المؤشر مليمتر واحد لدرجة ممكن تعتقد ان المؤشر تلف

هوه فعلا فيه جزء من البنزين مش بيبان في المؤشر وده اسمه "الاحتياطي" وفي الغالب بيبقى 5 لتر وفي بعض العربيات بيوصل 8 مثلا وده اللي بيبدأ استهلاكه بعد ما لمبه نقص البنزين تشتغل. وفعلا ممكن الكميه اللي تتزود للعربيه بعد فصل المسدس توصل 5-10 لتر.

[houseiny]

على فكرة استهلاك 48 لتر فى 400 كم يعتبر إلى حد ما كويس مش سئ
مع الأخذ فى الأعتبار العوامل الخارجية
وعلى سبيل المثال انا كنت مسافر من السويس إلى القاهرة أول امس يعنى ضد التيار الكمبيوتر كان قارئ 10.8 لتر والسرعة لم تتعدى 120كم فى الساعة
وانا راجع السرعة لم تقل عن 120 كم تقريبا والكمبيوتر وصلت قرائته إلى 8.2 لتر لكل 100كم
فسرعة واتجاه الرياح ونسبه الميل فى الطريق كلها عوامل لها تأثير كبير

هو حضرتك ببتكلم على سبورتاج ولا كارينز ، لأن السبورتاج على حد علمي بموتور مختلف تماما ، لأن موتور السبورتاج gdi أنما موتور الكارينز هو موتور السيراتو

[meiirmeiir21]

موضوع إستهلاك الكارينز قتل بحثاً في المنتدي هنا ..أنا كنت كده في الأول ...كنت بهلك ربع التنك كل يوم رايح جاي للشغل من عين شمس للقرية الغبية :) حوالي 100 كم رايح جاي بعد أول 5000كم الإستهلاك بقي أحسن ...وديه نتيجة الأبحاث اللي أتعملت:



http://www.nilemotors.net/Nile/173096-a.html

أ/ Khaled_Nowaihy ستايل :)
وأرسلت لحضرتك الدعوة للانضمام لمجموعة مالكى الكارينز
http://www.nilemotors.net/Nile/group...ns-owners.html
فمرحباً بحضرتك معنا :) :)

[houseiny]

موضوع إستهلاك الكارينز قتل بحثاً في المنتدي هنا ..أنا كنت كده في الأول ...كنت بهلك ربع التنك كل يوم رايح جاي للشغل من عين شمس للقرية الغبية :) حوالي 100 كم رايح جاي بعد أول 5000كم الإستهلاك بقي أحسن ...وديه نتيجة الأبحاث اللي أتعملت:

http://www.nilemotors.net/nile/173096-a.html

أ/ khaled_nowaihy ستايل :)
وأرسلت لحضرتك الدعوة للانضمام لمجموعة مالكى الكارينز
http://www.nilemotors.net/nile/group...ns-owners.html
فمرحباً بحضرتك معنا :) :)

ياباشا عظيم الشرف ليا أني أنضم لناس محترمة زيكوا بجد والله ونعم الناس والصحبة

[محمد بدر]

هو حضرتك ببتكلم على سبورتاج ولا كارينز ، لأن السبورتاج على حد علمي بموتور مختلف تماما ، لأن موتور السبورتاج gdi أنما موتور الكارينز هو موتور السيراتو

حضرتك انا بتكلم بصفة عامة ان العوامل الخارجية لازم بيكون ليها تأثير كبير فى استهلاك البنزين بغض النظر عن نوع الموتور و حبيت ان اطلعكم على أخر تجربة عمليه خاصتا فى سوء الأحوال الجوية وسرعة الريح كانت كبيرة
وعلى فكرة استهلاك الكارينز للبنزين مش كبير بدرجة إللى تخوف انا كان معايا 2010 كان متوسط استهلاكها تقريبا 10 لتر للطوالى و12 لتر داخلى والأستهلاك ده مع التكييف

[محمد كمال الب]

يا باشا عادي جدا معدل الاستهلاك دا انا معايا الكارينز مانيوال 2013 و تقريبا نفس المعدل علي امل ان الموضوع دا يتحسن بعد صيانة 10000