مناقشة لاختيار افضل نوع كاوتش للسيراتو جنط 17

[fddf512]

طيب الاستاذ الي في الاستطلاع بتاعه كاتب انه عنده مقاس 225/17/45 ايه اخبار الكاوتش معاك ؟؟
نوعه العفشة المطبات الثبات كل المواضيع دي

[M.Hosni]

انا عندي مقاس 225/45/17 , غيرته أما العربية كانت عامله 17000 بسبب ان الكاوتش السيئ اللي بينزل مع العربية كان كل فردة فيها بلونة

جبت ساعتها Kumho ECSTA SPT , طقم 4 فرد و كانت وقتها الفردة بـ 475 جنيه

الحمد لله , كان أحسن بكتير من الأول , العفشة بقت أنعم شوية , و كمان الحمد لله مطلعش فيه بلالين غير في فردة واحدة بس و ده أصلا بعد اما الفردة كانت عاملة 43000 كم

ساعتها اشتريت فرديتين جداد بس بريدجستون نفس المقاس 225/45/17 , الحمد لله برده كويسين جدا , و ركبتهم ورا , العفشة بقت انعم شوية من اما كان الكاوتش الكومهو راكب

و كمان لسه فيه فردتين من الكومهو راكبين لحد دلوقتي عاملين 65000 كم , و ناوي أغيرهم بس رحت بريدجستون امبارح فرع العبور قاللي مش موجود المقاس دلوقتي , مستني اما يكون موجود ابقى اشتري فردتين جداد إن شاء الله

[fddf512]

انا عندي مقاس 225/45/17 , غيرته أما العربية كانت عامله 17000 بسبب ان الكاوتش السيئ اللي بينزل مع العربية كان كل فردة فيها بلونة

جبت ساعتها kumho ecsta spt , طقم 4 فرد و كانت وقتها الفردة بـ 475 جنيه

الحمد لله , كان أحسن بكتير من الأول , العفشة بقت أنعم شوية , و كمان الحمد لله مطلعش فيه بلالين غير في فردة واحدة بس و ده أصلا بعد اما الفردة كانت عاملة 43000 كم

ساعتها اشتريت فرديتين جداد بس بريدجستون نفس المقاس 225/45/17 , الحمد لله برده كويسين جدا , و ركبتهم ورا , العفشة بقت انعم شوية من اما كان الكاوتش الكومهو راكب

و كمان لسه فيه فردتين من الكومهو راكبين لحد دلوقتي عاملين 65000 كم , و ناوي أغيرهم بس رحت بريدجستون امبارح فرع العبور قاللي مش موجود المقاس دلوقتي , مستني اما يكون موجود ابقى اشتري فردتين جداد إن شاء الله

طيب انت سالت في التوكيل على المقاس دا وقالك عادي ممكن يركب مفيش مشكلة .. كمان انت محستش باي مشاكل في العفشة مثلا ؟

[M.Hosni]

لأ مسألتش التوكيل , انا عربيتي خليجي فالتوكيل مش فارق معايا

و الحمد لله مفيش مشاكل في العفشة لحد الآن , طبعا غير انها ناشفة , ده الطبيعي بتاعها

[moha4tec]

الهيونداى ال i30 و الالنترا الخليجى الهاى لاين بينزلو بمقاس 225/45/17 يعنى عادى متخافش
و السيراتو بتنزل مقاسات فبريكه ب 215/50/17 و 215/45/17
باذن الله مش هتعمل مشاكل
بس سؤال
الكوتش البريدجستون فرق معاك فى فرامل و ثبات العربيه اكتر من الكومهو و الا لا

[medo_elgezy]

انا له مركب لاسا تركى فينوما يا جماعة الفرد ديه جامدة و عن تجربة نقشتها جامدة و الفردة طرية جداا مع انها extra load w91 و خليت الاستيرنج ملبن و ناعم جداااااااا

[fddf512]

يا جماعه حد متاكد ان العربية السياتو بينزل فيها فبريكة مقاس 215-50-17 ؟؟؟؟؟؟

[romeldes]

طيب وسعر الكاوتش التركي دا كام ويا ريت تقولنا كده هو طري ولا ناشف يعني ظروفه ايه مع العفشة وكمان لو تقلنا ايه نظام صوته علي ولا لا ...

الفرده كانت ب 540 جنيه والكاوتش ناشف اللى حد ما وهو سرعات عاليه مع العلم ملوش اى صوت
كا توتال حبيت الجنط ال 17 بسببه والله مش كلام ولو عايز تشوفه انا تحت امرك ياباشا

[medo_elgezy]

Lassa Phenoma | the Lassa Phenoma reviewed and rated | the online tyre guide

[fddf512]

الفرده كانت ب 540 جنيه والكاوتش ناشف اللى حد ما وهو سرعات عاليه مع العلم ملوش اى صوت
كا توتال حبيت الجنط ال 17 بسببه والله مش كلام ولو عايز تشوفه انا تحت امرك ياباشا

متشكر يا باشا ، انا اكيد حشوفك قريب :) حتى علشان نعرف عليك

[fddf512]

ايه يا جماعه يالي مركبين 215/17/50 مفيش اي اخبار عن المقاس دا ؟

[moha4tec]

اخبار ال 215/50/17 اه ؟؟؟؟
و اه هى المقاسات التانيه اللى مش مزكوره و الاعضاء مركبينها ؟؟؟؟

[svneleven]

أنا كان معايا سيراتو لكن جنط 15 و أخويا معا كوبيه جنط 17 لكن المقاس الأصلي 215/45r17 طبعا هو ركب كاوتش محترم بيريللي و ما عندوش لا بلالين و لا يحزنون لكن طبعا العربية ناشفة. فأول حل انك تجيب ماركة محترمة و غالية. الحل الأحسن في رأيي عشان تكون في الأمان أنك تغير المقاس و بردو ماركة محترمة. أقرب مقاسين :
215/50r17 لكن ده هيعلي العربية حوالي 11 مم فهتكون العربية مريحة و تتطمن من البلالين لكن هتحس أن ثبات العربية قل عن الأول.
225/45r17 ده هيزود الثبات شوية عشان العرض زاد و نفس الوقت هيعلي 4.5مم يعني هيقلل خطر البلالين كتير و يطري العفشة شوية لكن مش زي المقاس اللي فات.
كل واحد يشوف المناسب ليه و يتوكل علي الله.
نسيت حاجة مهم جدا ضغط الكاوتش يكون مظبوط و يا ريت لا يقل عن 32 عشان تكون مطمن. ممكن تجيب مقياس لضغط العجل و تخليه في العربية عشان تتطمن علي الكاوتش كل كام يوم.

[fddf512]

انا بعتقد ان المقاس 215/50/17 لما يعلي العربية 11 ملي مش خحفرق كتير في الثبات وخصوصا و احنا مش بنسافر بالعربية كتير .. يعني 1 سم مش كتير ولا ايه ... محتاجين راي الخبراء بخصوص الاستخدام العادي

[svneleven]

انا بعتقد ان المقاس 215/50/17 لما يعلي العربية 11 ملي مش خحفرق كتير في الثبات وخصوصا و احنا مش بنسافر بالعربية كتير .. يعني 1 سم مش كتير ولا ايه ... محتاجين راي الخبراء بخصوص الاستخدام العادي

طبعا كتير لأن لو افترضنا أن ارتفاع العربية 150مم يبقس كده عليناها 11مم اللي هو 7% من الارتفاع الكلي لكن ممكن ما تعانيش من الحكاية ديه لأن أصلا السيراتو ديه زي العنكبوت في الأرض.