رعشة فى سيراتو 2010

[abdalhalboray]

ممكن طبعا يكون السبب فى الرعشه و كده
لكن استهلاك البنزين ممكن يتظبط شويه لو شيلت فيوز ال main ECU و كمان تشيك على الفرامل قفشه و الا العجل بيلف بحريه .
يعنى مثلا لو رحت بنزينه تغسل الشاسيه و كده ا.او رحت لحد بتاع كوتش .شوف العجل اللى مرفوع و انت منزل الهاند .و حركه بايدك و العربيه مبطله طبعا .هل بيتحرك بحريه و فيه قصور زاتى و الا مبيتحرك بصعوبه .
الموضوع بتاع الفرامل دا اتعمل فى .ولاد اللذينه فى اخر صيانه قرطو و رجلشوا التيل جامد عشان يقفش على الطنابير و التيل يخلص بسرعه .و من اعراض كده استهلاك بنزين عالى و طنابير كمان و سخونه جامده فى الطنابير و الجنط و كده .و كل دا يخلى الواحد كل شويه يجرى على المراكز و التوكيل
و فى الاخر طلعت الاستهلاك العالى من الفرامل و الله اعلم .
كمان جرب تشيل فيوز اللى قولتلك عليه .هتلاقى صوت العربيه نعم لمدة تفويله تقريبا او كذا يوم و الاستهلاك بقى افضل بكتير من الاول باذن الله او ممكن تفصل كابل البطاريه .بس الفيوز و الله اعلم افضل
بس هتضيع قنوات الراديو تقريبا
بس قولى الاول انت رجلك تقيله على البنزين ؟؟؟
بتعمل كام كم فى الصفيحه .
مشيك كله داخل المدينه و الا سفر
بتقرص كتير و كيك دون كتير و الا اه ؟؟؟
بتمون من وطنيه و امارات مصر و الا من بنزينه وحشه
السيراتو حساسه جدا للبنزين .
و ربنا معاك

[abdalhalboray]

شكرا للاخوة المتابعيين والمعنيين بالرد على الاستفسارات وحل المشاكل فشكر جزيلا
رجلى على البنزين خفيفة اوى حتى فى الغالب بمور العربية واسيبها تمشى على الغيار او امور وفى كل السير بالسيارة ال rpm لا يرتفع عن رقم 3.5 او 3 لفة فى الدقيقة
من ناحية البنزين اظن الموضوع ملوش علاقة لانه المشكلة دى من اول ما اشتريت العربية بتعمل كدا وبتسقف اوى
ومن ناحية الفرامل رفعت كل العجل وكلة بيلف بحرية
وانا شغلى على العربية %90 داخل المدن بس اجواء تراب كتيير والعربية اسبوع شغالة واسبوع مركونة (بظروف العمل )
من ناحية الصفيحة بتعمل 200كم لو مريح العربية خالص
اما لو تكييف والrpm بيعلى عن 3.5 الصفيحة تعمل 145 الى 185
بس اية علاقة الفيوز بالبنزين