عايز اشترى سيراتو اتوماتيك مستعملة ب 100 الف تجيب ايه

[MoH.SaLaDiN]

اللهم صل على محمد وعلى آله وصحبه أجمعين بعد التفكير العميق كده قررت انى اشترى سيراتو مستعمل بعد ماغليت اسعار الجديد بطريقة مبالغ فيها بس ليا شوية اسئلة كده محيرانى انا ان شاء الله حيكون معايا 100 الف وممكن ازود ب 5 الاف كمان ان امكن وعايز اخد رأيكم فى كذا حاجة

1 ايه افضل موديل نزل ممكن اجيبوا بالسعر ده
2 هل اشترى عربية وكيل ولا خليجى يعنى استفيد احسن بامكانيات الخليجى ولا خلينى مع الوكيل عشان حاحتاجه فى الصيانات الدورية و ضمان قطع الغيار
3 ايه العيوب والمميزات اللى فى العربية بشكل مختصر من وجهة نظركم ...... العيوب اللى لاحظت ان الناس مجمعة عليها ان العفشة ناشفة شوية وان الثبات وحش بعد 120 هل فى حلول للموضوع ده
4 بالنسبة لاسعار الصيانات وقطع الغيار ايه اخبارها مع العلم انى من الاسكندرية
5 واخيرا لو حد يرشح عربية تانية غيرها فى نفس السعر وياريت يقولى اسبابه عشان ان اصلا واخد الموضوع بالشكل وكان معايا فيليشيا فاى عربية جديدة حتبقى بالنسبة لي حلوة انا كل متطلباتى فى العربية ان تكون مريحة فى السواقة و اعطالها قليلة وقطع غيارها متوسطة التكلفة وشكلها شبابى بس بلاش هاتش باك و انا مش بتاع جرى وكده فالثبات عندى مش مهم بس عوامل الامان مهمة ولو يكون سعر اعادة البيع معقول
اسف على الاطالة

5

[svneleven]

ممكن تجيب الانترا 2010 كاملة أوتوماتيك أحسن من السيراتو 100 مره لكن طبعا شكل السيراتو أحلي حبتين.

[ahmedkhairy]

تجيب كورولا 2007 احسن 100 مرة

[nagy wassef]

شوف الريو الجديدة بس ايا كان هتشترى ايه متحطش 100 الف جنيه فى عربية مافيهاش ايمبوليزر (بالذات السيراتو و الحجات اللى سهل سرقتها ديه) ايمبوليزر ايمبوليزر ايمبوليزر

[mouraddesk]

بادئ ذى بدء ربنا يوفقك الالنترا و الانسر و التويوتا اعتقد احسن انا معايا سيراتو 2010 العربية استهلاكها عالى فى البنزين و القعده مش مريحه و الثبات مش حلو و مش وحش و خصوصا انى كنت راكب ميجان (لا وجه للمقارنه) بس استمتعت بركوب الالنترا 2008 جميلة و الباور كهربا و ده هيفرق معاك جامد و لو مصمم على السيراتو بلاش جنط 17 لان ال 15 مختلف جدا فى الركوب و لو ان شكل السيراتو فعلا احلى و اخيرا ربنا يوفقك للى فيه الخير.

[mhf_77]

كلمه ورد غطاها
بتفكر فى اعادة البيع هيبقى (كورى)
هتستمتع بالعربيه وموضوع اعادة البيع مش فى دماغك (اوربى )
عايز تمسك العصايا من النص ( يابانى)

[temo85]

اللهم صل على محمد وعلى آله وصحبه أجمعين بعد التفكير العميق كده قررت انى اشترى سيراتو مستعمل بعد ماغليت اسعار الجديد بطريقة مبالغ فيها بس ليا شوية اسئلة كده محيرانى انا ان شاء الله حيكون معايا 100 الف وممكن ازود ب 5 الاف كمان ان امكن وعايز اخد رأيكم فى كذا حاجة

1 ايه افضل موديل نزل ممكن اجيبوا بالسعر ده

السعر ده يجبلك 2011 و 2012

2 هل اشترى عربية وكيل ولا خليجى يعنى استفيد احسن بامكانيات الخليجى ولا خلينى مع الوكيل عشان حاحتاجه فى الصيانات الدورية و ضمان قطع الغيار

الخليجي افضل كإمكانيات و أقل فى السعر و متخفش من حته الوكيل و كبر دماغك من موضوع الضمان ده ملوش لزمه والله الضامن هو الله

3 ايه العيوب والمميزات اللى فى العربية بشكل مختصر من وجهة نظركم ...... العيوب اللى لاحظت ان الناس مجمعة عليها ان العفشة ناشفة شوية وان الثبات وحش بعد 120 هل فى حلول للموضوع ده

العفشة ناشفه فى جنط 17 طبعا حاول متجبهاش 17 الثبات كويس جدا لحد 150 انا بتكلم على اللى معايا جنط 15

4 بالنسبة لاسعار الصيانات وقطع الغيار ايه اخبارها مع العلم انى من الاسكندرية

اسعار الصيانات مش عاليه اوى و مش رخيصه اوى فى المتوسط بالنسبه للسيارات اللى فى فئتها و فى فرع فى العامرية تقريبا للوكيل و العربية سهله فى صيانتها مش معقدة اى مركز خدمه كويس هيعملك اللازم و اكتر

5 واخيرا لو حد يرشح عربية تانية غيرها فى نفس السعر وياريت يقولى اسبابه عشان ان اصلا واخد الموضوع بالشكل وكان معايا فيليشيا فاى عربية جديدة حتبقى بالنسبة لي حلوة انا كل متطلباتى فى العربية ان تكون مريحة فى السواقة و اعطالها قليلة وقطع غيارها متوسطة التكلفة وشكلها شبابى بس بلاش هاتش باك و انا مش بتاع جرى وكده فالثبات عندى مش مهم بس عوامل الامان مهمة ولو يكون سعر اعادة البيع معقول

كل اللى انت بتقوله ده موجود فى الاوكتافيا الفلوس اللى معاك ممكن تجيب اوكتافيا 2007 او 2008 a5 بس مش هتلاقي فيها حجتين اسعار قطع الغيار و ده فى كل الاوربي و شكلها برستيج مش شبابي بس عربية من الأخر محترمه بكل المقاييس ثبات و أداء و عمر افتراضي لقطع الغيار و صاج متين و اعلى عربية اوربي فى اعاده البيع , انا اعرف واحد جابها فى 2010 ب 95 مو2007 باعها فى ارتفاع الاسعار ده ب 105 وكان مطلع عينها و العربية ولا بتقول حاجه دى احسن حاجه فى الاوربي
غير كده يبقي يابانى كورولا او سيفيك لكن اللى يقولك النترا يبقي مفرقتش كتير هى هى السيراتو مفيش فرق جوهرى
يارب اكون أفدتك , و استخير ربنا و شوف
اسف على الاطالة

5

[moha4tec]

مفيش كلام يتقال اكتر من اللى الاعضاء قالوه .ربنا يوفقك و يرزقك بعربيه تريحك و فيها كل مواصفاتك .

[sherif shaheen]

السلام عليكم جميعا
أنا رأى إنك تجيب سيراتو أو إلنترا ﻷن دول العربيات إلى لسة نازل منها شكل جديد و معنى كده أنه هيكون فى ثبات فى أسعرهم لمدة ثلاث سنوات على اﻷقل
أما اليبانى الكورولا هتغير شكلها السنة دى او السنة الجاية على اﻷكثر و زيها اللانسر
أما الهوندا فقطع غيرها غالية
أما اﻷوكتافيا هى عربية جميلة بس ماتورها ضعيف على البدى بتعها
أما الفولكس فأنا كنت بسمع أن فى مشاكل فى الفتيس الجديد غثر أن قطع الغيار أكيد غالية زى البي إم و المرسيدس و بتهيألى إنها بتأخد بنزين 95
و فى الهاية ده رأى شخصي

[MoH.SaLaDiN]

ممكن تجيب الانترا 2010 كاملة أوتوماتيك أحسن من السيراتو 100 مره لكن طبعا شكل السيراتو أحلي حبتين.

هى الالنترا عربية جميلة برده بس ممكن تقولى اختارتها ليه عن السيراتو لان فعلا زى مانتا بتقول شكل السيراتو احلا بكتير

[MoH.SaLaDiN]

والله الكورولا عربية ممتازة بس بالنسبة لى انا شايف ان سعر المستعمل فيها مبالغ فيه باستعباط وكمان شكلها من جوة ومن برة قديم شوية وانا عايز اجيب حاجة شيك

[MoH.SaLaDiN]

شوف الريو الجديدة بس ايا كان هتشترى ايه متحطش 100 الف جنيه فى عربية مافيهاش ايمبوليزر (بالذات السيراتو و الحجات اللى سهل سرقتها ديه) ايمبوليزر ايمبوليزر ايمبوليزر

الريو الجديدة عدت ال 100 الف بكتير دلوقتى بس حسألك سؤال هو ايه البصمة اللى موجود فى السيراتو ده انا كنت فاكره هو الايمبوليزر وكمان فيه حاجة تانية هل العربيات اللى فيها ايموبليزر لم يسبق سرقتها قبل كده ولا كله محصل بعضه

[MoH.SaLaDiN]

بادئ ذى بدء ربنا يوفقك الالنترا و الانسر و التويوتا اعتقد احسن انا معايا سيراتو 2010 العربية استهلاكها عالى فى البنزين و القعده مش مريحه و الثبات مش حلو و مش وحش و خصوصا انى كنت راكب ميجان (لا وجه للمقارنه) بس استمتعت بركوب الالنترا 2008 جميلة و الباور كهربا و ده هيفرق معاك جامد و لو مصمم على السيراتو بلاش جنط 17 لان ال 15 مختلف جدا فى الركوب و لو ان شكل السيراتو فعلا احلى و اخيرا ربنا يوفقك للى فيه الخير.

القعدة مش مريحة .... طب ايه السبب هو العربية اللى مع حضرتك انهى فئة
بالنسبة للالنترا هى فعلا عربية جميلة برده بس كنت فاكر ان السيراتو احلى
طب جنط 17 مش حلو فى ايه معلش عشان معلوماتى فى العربيات مش جامدة اووى هى اللى انا اعرفه ان الفئات العالية كانت بتنزل بجنط 17 مش كده

[MoH.SaLaDiN]

كلمه ورد غطاها
بتفكر فى اعادة البيع هيبقى (كورى)
هتستمتع بالعربيه وموضوع اعادة البيع مش فى دماغك (اوربى )
عايز تمسك العصايا من النص ( يابانى)

بلاش الاوروبى خالص مع انه احسنهم بس سعر اعادة البيع يفرق معايا بالنسبة لليابانى فكرت فى الانسر الشارك بس مش عارف اللى معايا يجيب موديل كام وانهى فئة بس كان فيه كلام فيها عن ضعف الموتور مش عارف الكلام ده مظبوط ولا لا بس اخيرا الكورى يتميز باشكاله وابشنز عالية فهو مناسب ليا بس برده مش عايز اجيب عربية تتطلع فيها مشاكل وتتعبنى

[MoH.SaLaDiN]

1 ايه افضل موديل نزل ممكن اجيبوا بالسعر ده

السعر ده يجبلك 2011 و 2012
ده انا كنت فاكر اخرى 2010 طب لو حجيب موديل 2011 يجيب انهى فئة فيهم

2 هل اشترى عربية وكيل ولا خليجى يعنى استفيد احسن بامكانيات الخليجى ولا خلينى مع الوكيل عشان حاحتاجه فى الصيانات الدورية و ضمان قطع الغيار

الخليجي افضل كإمكانيات و أقل فى السعر و متخفش من حته الوكيل و كبر دماغك من موضوع الضمان ده ملوش لزمه والله الضامن هو الله

[COLOR="rgb(153, 50, 204)"]صراحة عندك حق انا احيانا بحس الضمان ده اشتغالة لان لو واحد مثلا عمل حادث مضطر يصلح العربية فى التوكيل عشان الضمان وطبعا التوكيل حيقصه فى فلوس محترمة عشان كده انا كنت بفكر فى عربية اصلاحها بره يكون سهل ومتوفلر فى اماكن كتيرة[/COLOR]

3 ايه العيوب والمميزات اللى فى العربية بشكل مختصر من وجهة نظركم ...... العيوب اللى لاحظت ان الناس مجمعة عليها ان العفشة ناشفة شوية وان الثبات وحش بعد 120 هل فى حلول للموضوع ده

العفشة ناشفه فى جنط 17 طبعا حاول متجبهاش 17 الثبات كويس جدا لحد 150 انا بتكلم على اللى معايا جنط 15

كويس انى عرفت من حضرتك المعلومة دى بالرغم من انى مش فاهم ايه السبب بس ان شاء الله مش حقع فى الغلطة دى لو جبت العربية

4 بالنسبة لاسعار الصيانات وقطع الغيار ايه اخبارها مع العلم انى من الاسكندرية

اسعار الصيانات مش عاليه اوى و مش رخيصه اوى فى المتوسط بالنسبه للسيارات اللى فى فئتها و فى فرع فى العامرية تقريبا للوكيل و العربية سهله فى صيانتها مش معقدة اى مركز خدمه كويس هيعملك اللازم و اكتر

طب ممتاز ان ليها مركز قريب دى حاجة مهمة

5 واخيرا لو حد يرشح عربية تانية غيرها فى نفس السعر وياريت يقولى اسبابه عشان ان اصلا واخد الموضوع بالشكل وكان معايا فيليشيا فاى عربية جديدة حتبقى بالنسبة لي حلوة انا كل متطلباتى فى العربية ان تكون مريحة فى السواقة و اعطالها قليلة وقطع غيارها متوسطة التكلفة وشكلها شبابى بس بلاش هاتش باك و انا مش بتاع جرى وكده فالثبات عندى مش مهم بس عوامل الامان مهمة ولو يكون سعر اعادة البيع معقول

كل اللى انت بتقوله ده موجود فى الاوكتافيا الفلوس اللى معاك ممكن تجيب اوكتافيا 2007 او 2008 a5 بس مش هتلاقي فيها حجتين اسعار قطع الغيار و ده فى كل الاوربي و شكلها برستيج مش شبابي بس عربية من الأخر محترمه بكل المقاييس ثبات و أداء و عمر افتراضي لقطع الغيار و صاج متين و اعلى عربية اوربي فى اعاده البيع , انا اعرف واحد جابها فى 2010 ب 95 مو2007 باعها فى ارتفاع الاسعار ده ب 105 وكان مطلع عينها و العربية ولا بتقول حاجه دى احسن حاجه فى الاوربي
غير كده يبقي يابانى كورولا او سيفيك لكن اللى يقولك النترا يبقي مفرقتش كتير هى هى السيراتو مفيش فرق جوهرى
يارب اكون أفدتك , و استخير ربنا و شوف

ربنا يبارك فيك انت فعلا افتدنى وعندك حق فى الاكتافيا بس للاسف الموديل حيكون قديم وانا عايز حاجة اخرها 2010 عشان حالتها تكون كويسة