عايز اشترى سيراتو اتوماتيك مستعملة ب 100 الف تجيب ايه

[MoH.SaLaDiN]

أنا هقولك رأيي المبدئي لأن العربيه تقريبا بقالها معي أسبوعين وعامل بيها 450 كيلو فقط
هي عربيه شيك فيها كثير من الفخامه وخصوصا في الداخل سحبها حلو وهيبان أكثر لما أقرص عليها ...استجابه الفتيس ممتازه (6 سرعات أماميه) وده مخلي العربيه هاديه جدا وهي ماشيه.
العفشه تعتبر ناشفه شويه لكن مش الوصف الشديد إللي خوف الناس منها(جنط 16)
الثبات و استهلاك البنزسن مش هقدر أحكم عليهم إلا بعد فتره بس عموما أنا مش ملاحظ مشاكل جوهريه إلى الأن فيهم(ملحوظه أنا سواقتي هاديه).
نصيحه: حاول تحدد أنت عايز إيه في العربيه ومهم بالنسبه ليك لآن في هذه الفئه لازم هيكون في حاجه على حساب حاجه.
لو عوز عربيه فيها كل حاجه اتجه للألماني مباشرة .... بس إدفع بقى.
أخير أتمنى أكون افدتك ولم أزيد في حيرتك.

يعنى انت اكدت المعلومات اللى عندى ان مشاكل العربية محصورة فى ان العفشة ناشفة شوية والثبات على السرعات العالية مش كويس اوى
بص هى بالنسبة لى المشاكل دى مش مهمة اوى لانى مش بجرى اصلا وقليل اوى لو سافرت وبالنسبة للعفشة هو اكيد موضوع ممكن يضايق طبعا بس انا الحمد مش من الناس اللى بتقعد تعمل مشاوير كتير يعنى حتقضى وقت كبير بتسوق وان كان كل عربية ليها مميزات وعيوب وانا العيوب دى بالنسبة ليا مش مهم انا كان يفرق معايا الشكل العام للعربية من الداخل والخارج وسعر اعادة البيع يكون كويس وتوافر قطع الغيار وسهولة عمل الصيانات الازمة والاعتمادية
انا بس حاحاول اشوف حاجة 2011 خليجى يارب تكون فى رنج السعر ده بس كان فيه ناس بتقول ان موديا 2011 كان نازل منه عربيات فتيس جديد واخرى فتيس قديم حد يعرف حاجة عن الموضوع ده

[dozo]

يعنى انت اكدت المعلومات اللى عندى ان مشاكل العربية محصورة فى ان العفشة ناشفة شوية والثبات على السرعات العالية مش كويس اوى
بص هى بالنسبة لى المشاكل دى مش مهمة اوى لانى مش بجرى اصلا وقليل اوى لو سافرت وبالنسبة للعفشة هو اكيد موضوع ممكن يضايق طبعا بس انا الحمد مش من الناس اللى بتقعد تعمل مشاوير كتير يعنى حتقضى وقت كبير بتسوق وان كان كل عربية ليها مميزات وعيوب وانا العيوب دى بالنسبة ليا مش مهم انا كان يفرق معايا الشكل العام للعربية من الداخل والخارج وسعر اعادة البيع يكون كويس وتوافر قطع الغيار وسهولة عمل الصيانات الازمة والاعتمادية
انا بس حاحاول اشوف حاجة 2011 خليجى يارب تكون فى رنج السعر ده بس كان فيه ناس بتقول ان موديا 2011 كان نازل منه عربيات فتيس جديد واخرى فتيس قديم حد يعرف حاجة عن الموضوع ده

فعلا 2011 فيها الفتيس القديم 4 سرعات و الجديد 6 سرعات و مختلفين فى الشكل كمان .
بس خللى بالك ما فيهاش ايموبيليزر لانه نزل من اول 2012 و ربنا يوفقك فى الاختيار .

[MoH.SaLaDiN]

طب هو فيه فرق كبير فى الفتيس على اداء العربية ولا لا لان اكيد الفتيس الجديد ده اعلى فى السعر

[MoH.SaLaDiN]

طب سؤال كده عالماشى هى نفس المشاكل بتاعت السيراتو موجودة فى الكارينز ولا الكارينز ليها مشاكل مختلفة انا عارف ان الكارينز فئة تانية خالص بس كنت عايز اسمع الاراء كده

[mahmoud9177]

سيراتوا 2011 فتيس قديم وخليجى هاى لاين بصمه فيها امبوليزر وعموما جنط 17 لومشيك هادى فى الحفر والمطباط والنقر متخفش منة لانة بيدى ثبات اكتر للعربية ولو حطيط نتروجين كمان يكون احسن وربنا يوفقك

[deko11]

ياعم انا لسه جايب قريب سيراتو خليجي 2012 بالمبلغ دا

العربية اوتوماتيك و ازاز فاميه وفتحة سقف وتارة ملطي وجنط 15 وفرامل abs والفتيس الجديد مش القديم اللي بيبوظ دا

العربية حلوة بس عيبها الوحيد اللي لاحظته لحد دلوقتي ان العفشه ناشفة

[Medicalist]

هى سعرها كام دلوقتى يا جماعه الخليجى الاوتوماتيك ؟ اقصد السيراتو الشكل القديم

[kokowasfy]

نصيخة شوفلك حاجة اوربى مش هتندم ابدااااااااااا

[MoH.SaLaDiN]

[QUOTE=mahmoud9177;3874852128]سيراتوا 2011 فتيس قديم وخليجى هاى لاين بصمه فيها امبوليزر وعموما جنط 17 لومشيك هادى فى الحفر والمطباط والنقر متخفش منة لانة بيدى ثبات اكتر للعربية ولو حطيط نتروجين كمان يكون احسن وربنا يوفقك[/QUOTE"
طب حضرتك رشحت الفتيس القديم عشان مناسب للسعر ولا عشان هو احسن وبالنسبة لجنط 17 الناس كلها قلقتنى منه

[MoH.SaLaDiN]

نصيخة شوفلك حاجة اوربى مش هتندم ابدااااااااااا

والله الاوروبى طبعا برقبه الكورى انا معاك بس فى مصر الكلام ده معكوس مش عارف ليه

[MoH.SaLaDiN]

ياعم انا لسه جايب قريب سيراتو خليجي 2012 بالمبلغ دا

العربية اوتوماتيك و ازاز فاميه وفتحة سقف وتارة ملطي وجنط 15 وفرامل abs والفتيس الجديد مش القديم اللي بيبوظ دا

العربية حلوة بس عيبها الوحيد اللي لاحظته لحد دلوقتي ان العفشه ناشفة

طب بعد اذنك خلصتها على كام وكانت ماشية قد ايه وكده لانى 2012 فئة فتحة السقف كلها فوق السعر ده الكلام ده من كونتاكت
وهل اشترتها من معرض ولا لا لان دلوقتى كله مغلى شوية على حس العربيات الجديدة
سؤال اخير هو الموديل اللى معاك فيه ايموبليزر ولا لا

[nagy wassef]

الايمبوليزر اختراع عبقرى.... الكمبيوتر بتاع العربية بيبقى ميت اساسا. طالما مش بمفتاحها. فا مستحيل يعرف يدورها حتى لو وصل للضفيرة و قعد يجرب 3 ايام. بردوا مش هتدور عشان الكمبيوتر اللى بيشغل العربية ميت تماما

[mhf_77]

الايمبوليزر اختراع عبقرى.... الكمبيوتر بتاع العربية بيبقى ميت اساسا. طالما مش بمفتاحها. فا مستحيل يعرف يدورها حتى لو وصل للضفيرة و قعد يجرب 3 ايام. بردوا مش هتدور عشان الكمبيوتر اللى بيشغل العربية ميت تماما

ياريت لو جربها ومشتغلتش معاه يسيبها ويمشى
المشكله انه اول حاجه (بيقطرها زى المرور) بيسحبها معاه وبعد كده يشوف هيعمل ايه معاها عنده فى مكانه

[deko11]

طب بعد اذنك خلصتها على كام وكانت ماشية قد ايه وكده لانى 2012 فئة فتحة السقف كلها فوق السعر ده الكلام ده من كونتاكت
وهل اشترتها من معرض ولا لا لان دلوقتى كله مغلى شوية على حس العربيات الجديدة
سؤال اخير هو الموديل اللى معاك فيه ايموبليزر ولا لا

العربية خلصت على 103 وكنت جايبها من معرض هي ماشية 21 الف كيلو

مافهاش ايمبوليزر للاسف بس هحاول اركبلها جهاز تتبع

[MoH.SaLaDiN]

العربية خلصت على 103 وكنت جايبها من معرض هي ماشية 21 الف كيلو

مافهاش ايمبوليزر للاسف بس هحاول اركبلها جهاز تتبع

دا سعر ممتاز والغريبة انه من معرض كمان
طب انت كشفت عليها فى التوكيل عشان تتأكد من الحالة ولا لا وغريبة ان مفيهاش ايمبوليزر مع ان ناس هنا كانت بتقول ان كل العربيات اللى بعد 2011 فيها ايموبليزر وخصوصا الهاى لاين