مظاهرة اما وكيل كيا فرع روكسي بسبب زيادة الاسعر

[big big]

مظاهرة اما وكيل كيا فرع روكسي بسبب زيادة الاسعر ونجبرهم يثبتو السعر علي الاقل للناس الي حجزت ده لو فشلنا في اقناعم بثبات الاسعار وتفسير ما حدث التجمع الساعة الواحده ظهرا امام فرع روكسي غدا الاحد الموافق 17-2-2013

[Hussein_Ramdan]

هيكون ردهم الموضوع عرض وطلب والى مش عجبو يسحب فلوسو
انا كنت حاجز السبورتاج وكنت دافع خمسين الف وسحبتهم بعديها بشهر بعد ما عرفت ذيادة الاسعار
احسن من المظاهر سحب الحجوزات هوما الى هيجو يبوسو ايدكو

[Land_Cruiser]

الموضوع يا فندم ما يتحلش بمظاهره لان العربيه مش سلعه اساسيه عليها دعم مثلا و إنما الحل يكون من خلال خطوتين :
١- حل ازمه الدولار و رقابه الاسعار من جانب الحكومه
٢- الايجابيه من الناس عن طريق الامتناع عن الشراء مش كل واحد يشتري بالسعر الغالي و يقول منهم لله مع ان محدش ضربه علي ايده علشان يشتري و يشجعهم علي الاستغلال اكتر

[big big]

محنا لما نروح ونهددهم بسحب الحجز هيجيبو ورا علي طول ياريت حلول ايجابية في متناول ايدينا الموضوع ده لو سمع التوكيلات كلها هتتلم وتظبط الاسعار ساعدونا نجيب حقنا بادينا طالما الحكومة نايمة في مية البطيخ منك الله يامرسي ادي الي خدناة من النهضة بتاعتك

[ابو ليلى]

طب هنهتف ونقول ايه ..... ياسيراتو فينك فينك توكيل كيا ببنى وبينك

[big big]

الموضوع مش محتاج تريئة حتي لو وقفة صامتة المهم نعبرلهم عن استيانا الشديد من زيادت الاسعار يحسو ان النا مش هتئبل بالمهزلة دي مش هنؤلهم ياسيراتو فينك فينك ياريت منستخفش بعقول بعض وشكر لحضرتك علي التريقة

[HSE_eng_ramy]

السلام عليكم
على الرغم من انى صوت بنعم عشان يمكن يكون حل بس فى حل اسهل لو الناس تجتمع انهم يسحبو المقدم ومن غير مظاهرات ولا حاجة (ده لو قدرنا نجتمع على رأى واحد) ووتروح تحجز عربية تانية افضل بكتير اوى وخليها تصدى عندهم بقى.
المشكلة الاكبر ان فى ناس حتشترى بالاسعار الجديدة مع الاسف على اساس انه ياخدها قبل ما تغلى تانى.
لما كيلو الطماطم فى usa زاد 1/2 دولار الناس عملت مقاطعة واستخدمو الصلصة كحل بديل لدرجة ان ثمنها نزل عما كانت بتتباع بيه عشان شعب واعى.
ربى انى لا اسألك رد القضاء ولكنى اسألك اللطف فيه ربنا معاكو ان شاء الله

[eng.khater]

الصراحه انا مع راي اﻻخوه الي بتقول الكل يسحب فلوسه وخللهم العربيه عشان عرفو ان العمليه مش هزار وخلبه يعرف يصرف الكمية المحدده له في السوق وانا عرفت ان في كمان تعديل للفئات بعد ما يخلصو ال sx الي بقت ب175 هيلغو الفئه دي وهيخلو اﻻعلي منها الي هيا ب183 وعلي كده خلاص العريبه هتبقي بالسعر دا و طبعا دا اسمه تهريج والصراحه انا شايف ان ااكل ﻻزم يقاطع وخليهم يشربو العربيات عشان يبقو يلعبو ببنا

[ابو ليلى]

الموضوع مش محتاج تريئة حتي لو وقفة صامتة المهم نعبرلهم عن استيانا الشديد من زيادت الاسعار يحسو ان النا مش هتئبل بالمهزلة دي مش هنؤلهم ياسيراتو فينك فينك ياريت منستخفش بعقول بعض وشكر لحضرتك علي التريقة

يااخى الفاضل ربنا يسمحنى لو كنت قاصد تريقة ولكن بمجرد ماقريت كلمة مظاهرة جه فى دماغى الهتاف ده اللى كان بيتقال فى التحرير ( ياحرية فينك فينك امن الدولة بينى وبينك ) ومن بعد ما كتبت المشاركة فكرت فى عمل موضوع بيحمل عنوانه نفس الهتاف ونصعده لحد ما يوصل للتوكيل علشان يعرف ان زيادة الاسعار المبالغ فيها دى غلط عليه ...
احنا بنحب كيا وصعب اللى يجى اليوم علينا ونشتم فيها ....
انا معاك فى موضوعك ولكن علشان يخرج بالصورة الايجابية
اللى انت عاوزها محتاج شغل كتير .... واسف مرة تانية لو كانت مشاركتى ضيقاتك

[Land_Cruiser]

الموضوع مش محتاج تريئة حتي لو وقفة صامتة المهم نعبرلهم عن استيانا الشديد من زيادت الاسعار يحسو ان النا مش هتئبل بالمهزلة دي مش هنؤلهم ياسيراتو فينك فينك ياريت منستخفش بعقول بعض وشكر لحضرتك علي التريقة

محدش هيتضامن مع الوقفه لا من الشعب و لا من وسائل الأعلام بل و الموضوع ممكن يبقي مثير للاستفزاز و السخريه من بعض الفئات التانيه اللي بيعملوا وقفات علشان عدم توافر السولار مثلا او مرتباتهم موقوفه او أهالي شهداء او ناس مش لاقيه العيش كلها أسباب قويه و بتشغل الرأي العام لان أصحاب المطالب شريحه كبيره كمان و حياتهم متوقفه علي مطالبهم و لك ان تتخيل بقي وسط ده كله ناس طالعه تقول لا لزياده اسعار السيراتو هيبقى شكلهم ايه؟
السياره في حد ذاتها سلعه تصنف كماليات لان ليها بدائل تانيه و حتي لو السياره أساسيه بالنسبه لحضرتك عندك انواع تانيه كتير ارخص مش لازم دي تحديدا يعني و بالتالي فاللي هيتحكم في الموضوع هو العرض و الطلب و صاحب النفس الاطول هو اللي هيكسب . الحل زي ما قلت لحضرتك قبل كده هو محاربه الغلاء بالاستغناء و بالتالي لما ناس كتير تقاطع الشراء منحني المبيعات هينزل و الرساله هتوصل و هتلاقيهم بيراجعوا نفسهم و بينزلوا السعر. طبعا في ناس هتشتري برضه و مش هتقاطع لكن في ناس هتقتنع بالفكره برضه و تقاطع فحضرتك ابدأ بنفسك و قاطع بدون وقفه و لا اعتصام و لا حاجه و لكن باخذ موقف ايجابي

[hugan]

مقاطعه العربيه وسحب الحجوزات هي افضل حل
وان كنت اشك ان في حد هايعمل كده
الناس معاها فلوس والدنيا زي الفل
والبلد مننعشه والامور فيها عال العال
يبقي مايرفعوش الاسعا رعلي مزاجهم ليه
يعني اللي خلي امام عيني يوم الجمعه عربيه مازدا 323 موديل 82 تتباع ب 28000
يبقي حرام السيراتو ماتو صلش ل 200000.

[dadapharma]

أنا كنت أستخرت ربنا فى الكيا ريو بس مفيش نصيب الحمد لله .. أنا كتبت شكوى هبعتها للشركة الأم لما أتأكد بنفسى من زيادة الأسعار..كتبت ان الزيادة غير مبررة ,خاصة ان كان فيه زيادة من كام شهر و انى مش هشترى العربية بالسعر ده

[S O P H O S]

ملاحظة بسيطة بكره 17 -3
مش 17 -2
علشان الناس تروح فالميعاد ان شاء الله

[sonybony]

هي الناس ناقصه استفزاز لما تلاقي مظاهرات ان واحد مش. عايز ياخد العربيه بمتين عايزها بميه وخمسين

[dozo]

سبحان الله .
هى الطبقه المتوسطه دى مكتوب عليها البهدله . السيراتو فى اى بلد للطبقه المتوسطه و اقل و تخيلوا بقى االى معاه 150 الف مبقاش طبقه متوسطه لانه مش حيعرف يجيبها .
المبلغ ده تخيلوا يجيب اوكتافيا زيرو فى اروبا (15.5 الف يورو ) و يفضل فلوس كمان و ايه بعد انهيار الجنيه امام العملات كلها. و الجمارك اللى بتزود نص تمن العربيه على تمنها الاصلى.
حقول ايه حسبى الله و نعم الوكيل .