مظاهرة اما وكيل كيا فرع روكسي بسبب زيادة الاسعر

[big big]

يااخى الفاضل ربنا يسمحنى لو كنت قاصد تريقة ولكن بمجرد ماقريت كلمة مظاهرة جه فى دماغى الهتاف ده اللى كان بيتقال فى التحرير ( ياحرية فينك فينك امن الدولة بينى وبينك ) ومن بعد ما كتبت المشاركة فكرت فى عمل موضوع بيحمل عنوانه نفس الهتاف ونصعده لحد ما يوصل للتوكيل علشان يعرف ان زيادة الاسعار المبالغ فيها دى غلط عليه ...
احنا بنحب كيا وصعب اللى يجى اليوم علينا ونشتم فيها ....
انا معاك فى موضوعك ولكن علشان يخرج بالصورة الايجابية
اللى انت عاوزها محتاج شغل كتير .... واسف مرة تانية لو كانت مشاركتى ضيقاتك

حصل خير ياباشا واضح اني انا فهمت الموضوع غلط عموما احنا اخوات انا بس محروء دمي عشان حرام الي بيتعمل في الناس الناس اربت تاكل بعضيها وهما مش حاسين بحاجه عشان كده انا اولت نحاول نحل المشكلة باقل الخسائر شكا مرة تاني لزوئك وكرمك

[ابو ليلى]

طب الحمد لله انك مش زعﻻن واسمحلى اخد الفكرة واعمل ببيها موضوع بس من غير مظاهرات على اﻻقل نفهم اﻻسباب

[mostafaenany]

حصل خير ياباشا واضح اني انا فهمت الموضوع غلط عموما احنا اخوات انا بس محروء دمي عشان حرام الي بيتعمل في الناس الناس اربت تاكل بعضيها وهما مش حاسين بحاجه عشان كده انا اولت نحاول نحل المشكلة باقل الخسائر شكا مرة تاني لزوئك وكرمك

هى الناس بتاكل فى بعضها خلاص, و انا معاك جداا ان اى زيادة حصلت مكنتش منطقية
حتى لو بيشتروا الدولار سوق سوداء مع انى متأكد انة مبيحصلش, بس المشكلة فعلا ان اى وقفة هتحصل هتستفز فئة كبيرة, انا مبقولش اللى بيشترى كورى غنى بالعكس كلنا مضطرين مش اكتر لان مفيش بديل رغم ان دلوقتى ممكن الكورى يموت فعلا, بس فكر فى اى حد معدى و فى وقفة قدام التوكيل بتطالب انة ياخد العربية ب ١٣٧ بدل ١٤٧ هيقول دى عالم فاضية
بس الحقيقة ان كل حاجة احنا بنشتريها زادت بس دة بان فى العربيات عشان انت بتشترى منتج اصلا غالى. اهمية ان يبقى فى رد فعل ان دى دولة المفروض فيها جهاز حماية مستهلك و المفروض فى رقابة مش اكتر

[Vetibrahim]

طب هل السبورتاج زادت تاني ولا لا ؟؟؟؟

[Vetibrahim]

طب هل السبورتاج زادت تاني ولا لا ؟؟؟؟

سالت التوكيل دلوقتي قالي ٢٠٠ اول فئة

[zicooo2008]

هيكون ردهم الموضوع عرض وطلب والى مش عجبو يسحب فلوسو
انا كنت حاجز السبورتاج وكنت دافع خمسين الف وسحبتهم بعديها بشهر بعد ما عرفت ذيادة الاسعار
احسن من المظاهر سحب الحجوزات هوما الى هيجو يبوسو ايدكو

انا من مؤيدى هذه الفكرة وبشدة :018a1d~146:

[big big]

لو الاغلبية شايفة كده ان سحب الحجوزات افضل من التظاهر انا معاكم وهكون اول واحد اروح اسحب حجز الريو تسمحولي هعمل استطلاع راي علي الموضوع ده

[mostafaenany]

لو الاغلبية شايفة كده ان سحب الحجوزات افضل من التظاهر انا معاكم وهكون اول واحد اروح اسحب حجز الريو تسمحولي هعمل استطلاع راي علي الموضوع ده

دة كلام عظيم.

[Habd]

انا لغيت الشراء خلاص كنت هاجيب سيراتو خليجى و عشان زادت 4 الالاف بعد ما خلصت كل حاجة وقفت الشرا وصرفت نظر منه مقاومة للاستغلال و منه مساعدة فى اقتصاد البلد بتقليل الاستيراد و بلاها عربية دلوقت

[Habd]

مقاطعه العربيه وسحب الحجوزات هي افضل حل
وان كنت اشك ان في حد هايعمل كده
الناس معاها فلوس والدنيا زي الفل
والبلد مننعشه والامور فيها عال العال
يبقي مايرفعوش الاسعا رعلي مزاجهم ليه
يعني اللي خلي امام عيني يوم الجمعه عربيه مازدا 323 موديل 82 تتباع ب 28000
يبقي حرام السيراتو ماتو صلش ل 200000.

دا تضخم مش حاجة حلوة للاسف

[A.Saad]

ليه روكسى
شوفوا فين المكتب الرئيسى للادارة مش التوكيل
يعنى مكتب رئيس مجلس الإدارة فى اى مكان والمظاهرة هناك

[big big]

بصو شوفو الي انتم عوزينة وانا معاكم بس المهم لازم نديهم درس معلكهم ان المصريين مش بندحك عليهم وكفايا استغلال وترجع حملة خليا تصدي ومديلها يعدي

[dadapharma]

طب رأيكم ايه ان احنا نبعت شكوى اعتراضية للشركة الأم؟؟ ممكن يكون ليها تأثير؟؟ أنا شخصيا قفلت من الريو خالص مع انى كنت بحلم بيها و الحمد لله على اختياره..

[AhmadNabil304]

أنا كمان كنت بفكر فيها بس خلاص كده.خليها عندهم.أظن فكرة الشكوي للشركه الأم هي الأحسن

[2CODE]

ده رقم الفاكس والتليفون

Tel. +82-2-3464-1114
Fax +82-2-3464-6800

ودي معلومات البريد وعناوين الشركة في كوريا للمراسلات البريدية
Kia Motors Corporation
231 Yangjae-dong, Seocho-gu
Seoul 137-938, South Korea
اي معلومات تاني في الخدمة ان شاء الله