تحذير من شارع فوزي معاذ بالاسكندريه و محاولة سرقه الكارينز

[hesham_one]

الحمد لله ربنا سترها معاك وحضرتك بخير اهم حاجه الواحد من كثره السرقات انا ركبت القطار ورحت بيه اسكندريه علشان اصيف علشان عربيتي مفهاش ايموبليزر دي نقطه مهمه الواحد المفروض كنت عرفتها قبل ما اشتري عربيتي 2012الحمد لله

شكرا يا فندم و ربنا يحفظلك عربيتك ان شاء الله

[amrelsaqqa]

حمد لله على سلامتك ، كويس اوى انها جت لحد كدة ، حسبى الله ونعم الوكيل

بس هو قفل الدركسيون اللى عندك شكله ايه ، وازاى الحرامى عرف يكسره ؟

انا بستعمل قفل زي ده كدة ، هل ده ممكن الحرامى يكسره بسهولة ؟





وازاى ابن الكلب ده عمل كل ده في العربية في منطقة زحمة وفيها ناس كدة !

[amr011111]

حمد لله على سلامتك ، كويس اوى انها جت لحد كدة ، حسبى الله ونعم الوكيل

بس هو قفل الدركسيون اللى عندك شكله ايه ، وازاى الحرامى عرف يكسره ؟

انا بستعمل قفل زي ده كدة ، هل ده ممكن الحرامى يكسره بسهولة ؟





وازاى ابن الكلب ده عمل كل ده في العربية في منطقة زحمة وفيها ناس كدة !

انا كمان بستخدم نفس القفل بس كنت بسمع ان ممكن الحرامى يفتح اى قفل عن طريق حقنة مية نار
بس بصراحه لو كده يبقى حرامى ابن ستين فى سبعين يعنى جاى ومعاه حقنة مية نار ومعاه كل حاجه

ياما يكون فيه طريقه تانيه

[saddam]

صديقي المواطن
أنا سعيد من أجل ربنا سترك بس أنا مستغرب من حاجة شاغلة بالي أنا ليا أصحاب ضالين مضلين والعياذ بالله نسأل الله لهم الهداية وبحاول معاهم بيقولولي الشعب المصري عندنا بيموت في الحشرية ولازم يبص على كل حاجة لدرجة لو حبوا ينحرفوا مع بنت في الشارع مش بيلاقوا في عموم الجمهورية خرم يركنوا فيه من غير محدش يتحشر ويقلهم إنتو بتعملو إيه حتى في وسط الصحرا برضو بيطلعلهم ناس إنما عربية حضرتك كسر زجاج باب ودخل العربية وكسر الفيبرة ونزل الكوتتاكت والسلوك ومحدش من جماعة الشعب المصري شعب متدين بطبعه مد راسه وقال له إنت بتعمل إيه ولا أقلك دلوأتي لو شاف حرامي بيسرق ومعهوش شلة حيسيبه براحته ويقلك وأنا مالي يللا روحي
الحمد لله إن عربيتك مراحتش وترجعها أحسن من أول كمان خدها لعزب في شارع السودان وبعدها نشوف حعملعالك إزاي والتكلفة ورد علينا عشان لو مظبطش اﻷداء ندلك للطريق الصح
ودمتم للنضال

[adelghanem]

ﺍﻟﻒ ﺣﻤﺪ ﻟﻠﻪ .ﺍﻟﻤﻬﻢ ﺍﻟﻌﺮﺑﻴﻪ ﻣﺘﺴﺮﻗﺘﺶ ﻮﺍﻟﺒﺎﻗﻰ ﻳﺘﻌﻮﺽ.
ﺣﺴﺒﻰﺍﻟﻠﻪ فى الحرامى ﻭﺭﺑﻨﺎ ﻳﻮﺭﻳﻨﺎ ﻓﻴﻪ يوم

[hesham_one]

حمد لله على سلامتك ، كويس اوى انها جت لحد كدة ، حسبى الله ونعم الوكيل

بس هو قفل الدركسيون اللى عندك شكله ايه ، وازاى الحرامى عرف يكسره ؟

انا بستعمل قفل زي ده كدة ، هل ده ممكن الحرامى يكسره بسهولة ؟





وازاى ابن الكلب ده عمل كل ده في العربية في منطقة زحمة وفيها ناس كدة !

لا القفل بتاعي شكل تاني اللي هو بيربط الدركسيون بالفرامل و الواضح انه استعمل مية النار معاه لاني لقيت القفل عليه اثار لون اصفر و مفكك من بعضه و فيه فتحه من عند مكان المفتاح

انا معرفش الصور بتترفع ازاي علي المنتدي بس لوعرفت هارفع لحضرتك الصورة بتاعت القفل لاني لسه محتفظ بيه.

[hesham_one]

صديقي المواطن
أنا سعيد من أجل ربنا سترك بس أنا مستغرب من حاجة شاغلة بالي أنا ليا أصحاب ضالين مضلين والعياذ بالله نسأل الله لهم الهداية وبحاول معاهم بيقولولي الشعب المصري عندنا بيموت في الحشرية ولازم يبص على كل حاجة لدرجة لو حبوا ينحرفوا مع بنت في الشارع مش بيلاقوا في عموم الجمهورية خرم يركنوا فيه من غير محدش يتحشر ويقلهم إنتو بتعملو إيه حتى في وسط الصحرا برضو بيطلعلهم ناس إنما عربية حضرتك كسر زجاج باب ودخل العربية وكسر الفيبرة ونزل الكوتتاكت والسلوك ومحدش من جماعة الشعب المصري شعب متدين بطبعه مد راسه وقال له إنت بتعمل إيه ولا أقلك دلوأتي لو شاف حرامي بيسرق ومعهوش شلة حيسيبه براحته ويقلك وأنا مالي يللا روحي
الحمد لله إن عربيتك مراحتش وترجعها أحسن من أول كمان خدها لعزب في شارع السودان وبعدها نشوف حعملعالك إزاي والتكلفة ورد علينا عشان لو مظبطش اﻷداء ندلك للطريق الصح
ودمتم للنضال

والله انا كمان مستغرب جدا زي حضرتك الشارع مليان عربيات و ناس و بنوك و كان فيه بوكسين شرطة الناحيه التانيه من الطريق و بيكلبشوا العربيات الواقفه في الممنوع حاجه غريبه جدا فعلا بس فضل ربنا عليا عظيم الحمد لله و بالنسبه لعنوان الكهربائي اللي حضرتك قولت عليه هو شارع السودان اللي ورا جامعه القاهرة ؟
شاكر مقدما لحضرتك ...

[Land_Cruiser]

انا كمان بستخدم نفس القفل بس كنت بسمع ان ممكن الحرامى يفتح اى قفل عن طريق حقنة مية نار
بس بصراحه لو كده يبقى حرامى ابن ستين فى سبعين يعنى جاى ومعاه حقنة مية نار ومعاه كل حاجه

ياما يكون فيه طريقه تانيه

سهل معرفه اذا كان فتح قفل الدركسيون عن طريق حقنه مياه نار و لا بحاجه تانيه لان حقنه مياه النار لازم تسيب اثر و لو حتي بسيط علي طاره الدركسيون من طرطشه مياه النار بينما لو كان فتحه بطفاشه او بآله حاده هتبقي الطاره سليمه تماما بينما في اثار عنف علي قفل الدركسيون او يكون سليم برضه و بالتالي يكون فتحه بطفاشه.

اللي بينرفزني في وسط كل اللبش ده و سرقه العربيات هو موقف التوكيلات من تركيب اجهزه انذار محترمه لزياده تأمين العربيات و اللي يا اما بيركبوا انواع تعبانه لانها هي المتوفره عندهم او بيرفضوا تركيبها اصلا و لو حد ركبها بره التوكيل بيقولوا كده العربيه خرجت بره ضمان الكهرباء و تخليه في موقف لا يحسد عليه فإما ان يعيش في قلق علي طول لكي يحافظ علي الضمان او ان يخرج بره الضمان للحفاظ علي العربيه كلها يعني ابسط حاجه و نظرا للظروف الحاليه انهم يركبوااو يسمحوا بتركيب اجهزه انذار ماركه محترمه تبع الضمان و يتم التركيب بمعرفتهم و بكده يبقوا عملوا حاجه مفيده للناس و لو لمره واحده حتي

[hesham_one]

ﺍﻟﻒ ﺣﻤﺪ ﻟﻠﻪ .ﺍﻟﻤﻬﻢ ﺍﻟﻌﺮﺑﻴﻪ ﻣﺘﺴﺮﻗﺘﺶ ﻮﺍﻟﺒﺎﻗﻰ ﻳﺘﻌﻮﺽ.
ﺣﺴﺒﻰﺍﻟﻠﻪ فى الحرامى ﻭﺭﺑﻨﺎ ﻳﻮﺭﻳﻨﺎ ﻓﻴﻪ يوم

شكرا استاذ عادل ربنا يحفظنا جميعا ان شاء الله

[Ramy.Gamal]

قدر الله و ما شاء فعل و الحمد لله ان ربنا لطف بيك و معرفش يدورها و ربنا يرحمنا جميعا من شر الأشكال الضاله

[hossam_elwani]

لعله خير الحمد لله ان العربيه اتلحقت

[hesham_one]

قدر الله و ما شاء فعل و الحمد لله ان ربنا لطف بيك و معرفش يدورها و ربنا يرحمنا جميعا من شر الأشكال الضاله

شكرا جزاك الله خيرا

[hesham_one]

لعله خير الحمد لله ان العربيه اتلحقت

شكرا جزاك الله خيرا

[hesham_one]

النهارده رحت لكهربائي و شاف الوضع و اداني رقم واحد بتاع ابواب في شربين و قالي ان شاء الله هيرجع الكونتكت زي ماكان هتصل بيه و اشوف ايه اللي هايحصل و اعرفكوا الجديد ان شاء الله

[2CODE]

الحمد لله ان عربيتك فيها ايموبليزر دلوقتي كل كيا الشكل الجديد نزل فيها الايموبلايزر اساسي في كل الفئات بعد ثورة 25 يناير واللي بيحصل في البلد