إعـــــــلان

Collapse

.

,
See more
See less

تجميع لبعض حوادث السيراتو : حد عنده تفسير فى تعويم السياررة وفقد السيطرة

Collapse
X
 
  • Filter
  • الوقت
  • Show
Clear All
new posts

  • تجميع لبعض حوادث السيراتو : حد عنده تفسير فى تعويم السياررة وفقد السيطرة

    اولهم الحاددث بتاعى
    كل ما تذكرة انى فقدت السيطرة تماما على العربية بلا سبب؟؟

    http://www.nilemotors.net/Nile/38073...post3875244474

    http://www.nilemotors.net/Nile/191408-2010.html


    http://www.nilemotors.net/Nile/255194-a.html


    http://www.nilemotors.net/Nile/333433-a.html



    http://www.nilemotors.net/Nile/384971-a.html

  • #2
    حضرتك جايب خمس حالات لحوادث سيراتو
    طب السؤال البلد فيها كام عربية سيراتو ........ اكيد كتير
    وطبيعى لما تكون عربية منشرة تحس ان حوادثها كتير
    انا معايا سيراتو وعارف ان فيها عيوب ........... انما الحوادث بتكون قضاء وقدر
    [B] ليت الشباب يعود يوما[/B]

    Comment


    • #3
      حادثة حضرتك كانت نتيجة المرور على ظلط ورمل ودة عامل مؤثر جدا لفقد السيطرة على العربية خصوصا ان حضرتك كنت على سرعه 160 كما ذكرت

      كمان الموضوع بتاع الحادث العجيب داخل ملف على سرعه 140 والله اعلم بمدى مهارة السائق علشان يدخل ملف بالسرعة دى

      الموضوع الثالث عندة عجلة فرقعت كما ذكر

      الموضوع الرابع الراجل كان عندة عيب فى الفرامل نتيجة خطا من الكهربائى الراجل شكر فى تماسك العربية وقال بالنص ............ رأى بقى فى اداء العربية اثناء وبعد الحادث:
      - بصراحة العربية وهى بتلف على السرعة دى كانت متماسكة تماما يعنى ولا عجلة رفعت ولا مالت اوى وحسيت انها هتتقلب ولا حاجة من دى خالص
      - سرعة رد فعل الايرباج بظبوطة تمام يعنى فتح قبل ما اتأثر بالخبطة بأجزاء من الثانية ولا اتأخر ولا فتح بدرى.
      - الشاسيه بتعها قوى ما شاء الله ودا باين من داخل الكابينه وهى سليمة تماما والقوايم مفيهاش اى مشكلة حتى الابواب بتفتح وتقفل اكن العربية زيرو.
      - المقصات طلعت سليمة والجنوط والكاوتش والعجل بيلف يمين وشمال عادى جدا مفيش مشكلة
      هما بس رحلوا شوية لورا مش شدة الخبطة.
      يعنى الراجل مرجعش السبب فى الحادث للعربية

      والموضوع الخامس ان سبب الحادث ان السائق طلع على الرملة فى ملف على سرعه 120 ....... يعنى الحمدلله عز وجل انه لسة عايش وكمان العربية سليمة ومحصلهاش حاجة والحمدلله وكمان الراجل قال بالنص فى موضوعه ........كنت المفروض اروح اغير المساعدين اللى ورا و كسلت بقالى 3 شهور و فعلا كانت بتخلى العربيه تميل فى الملفات جامد مع انى مركب شدادات و مكنتش بتميل زى كده قبل كده بس انا اللى اهملت فى تغيير المساعدين..........

      يا باشا السيراتو عربية كويسة يمكن فيها عيوب بس اى عربية فيها عيوب والكمال لله عز وجل
      بس عيوبها متوصلش انها تقلب ولا تفقد السيطرة عليها بلا سبب
      وكل الحوادث الى حضرتك ذكرتها كان فيها خطأ بشرى
      [B] ليت الشباب يعود يوما[/B]

      Comment


      • #4
        اناشفت حدثة سيراتو علي كوبري اكتوبر 3 يوم العيد الصبح فوق رمسيس الي بيعدي رمسيس رايح علي غمرة بص يمينك هتلقي السور الحديد طاير كانت عربية سيراتو دخله فيها

        وحدثة تانية بس من فترة مش كبيرة بتاع شهر او شهرين دخله المطار الي علي الدائري لقيت سيراطو نطةلوحة اعلان كبيرة ازي وصلت لي الوحة معرفش الوحة تحتيها مسلح وحديد ومرفوعة بتاع كام متر عالي لفوق
        عربية زبالة بلاستك الفرنا ثبات عنها
        عودت من جديد

        Comment


        • #5
          المشاركة الأصلية كتبت بواسطة mahmoud.69 مشاهدة المشاركة
          اناشفت حدثة سيراتو علي كوبري اكتوبر 3 يوم العيد الصبح فوق رمسيس الي بيعدي رمسيس رايح علي غمرة بص يمينك هتلقي السور الحديد طاير كانت عربية سيراتو دخله فيها

          وحدثة تانية بس من فترة مش كبيرة بتاع شهر او شهرين دخله المطار الي علي الدائري لقيت سيراطو نطةلوحة اعلان كبيرة ازي وصلت لي الوحة معرفش الوحة تحتيها مسلح وحديد ومرفوعة بتاع كام متر عالي لفوق
          عربية زبالة بلاستك الفرنا ثبات عنها
          عربية اية الى زبالة يا حضرة
          وفيرنا اية الى اثبت من السيراتو مع احترامى لملاك الفيرنا

          حضرتك معاك دايو يعنى لا فيرنا ولا سيراتو وداخل تشتم وتعيب فى العربية
          كل حادث ولة ظروفة وياما عربيات المانى ويابانى وكورى عملت حوادث
          دة مش معناه انها عربيات زبالة

          وعموما لو عايز تعرف العربيات الزبالة ادخل على اليوتيوب وشوف تقييمات الامان والسلامة للسيراتو وللدايو
          وحضرتك مبتشوفش غير حوادث السيراتو
          ومبتشوفش حوادث الفيرنا والدايو
          [B] ليت الشباب يعود يوما[/B]

          Comment


          • #6
            انا شوفت سيراتو مقلوبة على الدائرى بعد نزلة المحور بس مش عارف اية ملامسات الموضوع بس كتر قلبى العربية دى يخلى الواحد يقلق بس الحمد للة على كل شى كلو قسمة و نصيب

            Comment


            • #7
              ياجماعة أستاذ AHMED12345678 بيتكلم كلامزى الفل
              السيراتو ال 2010 عربية ممتازة
              كانت معايا وعملت بيها حادثة شديدة برده وإتدمرت
              بس ربنا جعلها سبب إنى أكون عايش
              وبرده الحادثة بتاعتى سبب بشرى ..
              [CENTER][rmade]http://nileup.com/up/uploads/nilemotors_13995643141.jpg[/rmade][/CENTER]
              Kingrab ساابقا

              Comment


              • #8
                يا استاذي الفاضل هي السيراتو بس اللي بتعوم ؟؟؟؟؟؟؟؟؟؟؟؟؟؟؟؟؟ ادخل شوف الموضوع ده



                ياريت نتكلم كلام موضوعي وحقيقي اي عربية ممكن تعوم لو انت غلطت وانت بتسوق

                يعني متكسرش مثلاً الدريكسيون على سرعة عالية وتزعل لو العربية عامت !!!!!!!!!!!! وانت معندكش DSC او ESP يبقى الغلط من مين السواق اللي كسر الدركسيون بسرعة ولا العربية !!!!!!!!!!

                يعني واحد ماشي بسرعة 160 وزعلان انه عمل حادثة طيب عايز تعمل حادثة على سرعة كاااااااااام ؟؟؟؟؟؟؟ لما توصل 200 يعني علشان تبقى مستريح ؟؟؟؟؟؟؟؟؟؟؟؟

                استغفر الله ياما نشوف العجب في المصريين !!!!!!!!!!

                Comment


                • #9
                  في الغالب كلها حوادث بسبب السرعه الجامده
                  في طرق لاتصلح
                  [SIGPIC][/SIGPIC] ياتقول كلام في محله يا تقول حلو ياحلو
                  [url]/photos/a.879931698703941.1073741827.879900435373734/879931905370587/?type=1[/url]

                  Comment


                  • #10
                    الموضوع ده فكرنى بايام زمان بعد انتشار السيراتو بسرعة فى البلد كان الكل بيشتم فى العربية برضه وتسمع كلام غريب كانهم بيتكلمو
                    عن عربية انت مش راكبها ومع ذلك كانت مبيعاتها بتزيد والنتيجة واضحة بعد مرور 3 سنين من انتشارها ....كانت ايام
                    العربية لا يوجد فيها عيب قاتل ولا عيب خفى ولكن تحتاج لانتباهك الكامل وانت سايق ...
                    موضوع العومان ده حصل معايا شخصيا وكنت رايح تحت عربية نقل ولكن الحمد لله العربية لمت تانى وكان خطا فى انى دوست فرامل فجاة
                    لما لقيت النقل كابس عليا وجنبى نقل اصغر وانا فى النص وتردد لحظات شمال ولا يمين ....الحمد لله
                    وفى كل الحوادث لابد من وجود خطا بشرى اى كان نوع العربية .. ومع الطرق المصرية حدث بلا حرج
                    افهم عربيتك كويس ومتطلبش منها اكتر من طاقتها هترتاح ... وارجع اقول كمان وكمان السيراتو تحتاج لمعاملة خاصة .
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة ابو ليلى مشاهدة المشاركة
                      الموضوع ده فكرنى بايام زمان بعد انتشار السيراتو بسرعة فى البلد كان الكل بيشتم فى العربية برضه وتسمع كلام غريب كانهم بيتكلمو
                      عن عربية انت مش راكبها ومع ذلك كانت مبيعاتها بتزيد والنتيجة واضحة بعد مرور 3 سنين من انتشارها ....كانت ايام
                      العربية لا يوجد فيها عيب قاتل ولا عيب خفى ولكن تحتاج لانتباهك الكامل وانت سايق ...
                      موضوع العومان ده حصل معايا شخصيا وكنت رايح تحت عربية نقل ولكن الحمد لله العربية لمت تانى وكان خطا فى انى دوست فرامل فجاة
                      لما لقيت النقل كابس عليا وجنبى نقل اصغر وانا فى النص وتردد لحظات شمال ولا يمين ....الحمد لله
                      وفى كل الحوادث لابد من وجود خطا بشرى اى كان نوع العربية .. ومع الطرق المصرية حدث بلا حرج
                      افهم عربيتك كويس ومتطلبش منها اكتر من طاقتها هترتاح ... وارجع اقول كمان وكمان السيراتو تحتاج لمعاملة خاصة .
                      معلش الناس بتقول اخطاء بشرية ، ماهو اي حادثة في الدنيا لازم اخطاء بشرية محدش قال العربية هتعمل الحادثة مع نفسها والا يبقى ما تتركبش اصلا ( ولو ان في عربيات كدة فعلا بس ما علينا ! )

                      الفكرة العربية بتتلكك على اقل حركة ولا بتمسك نفسها ؟
                      انا كان معايا بيجو 504 رغم انها عربية قديمة ، وطبعا ليها حدود ما ينفعش مثلا تدخل بيها ملف بسرعة عالية ، انما حصل كذا موقف كدة طوارئ يعنى مرة نزلت من كوبري بسرعة عالية واكتشفت ان في دخلة يمين المفروض ادخلها وهتفوتنى ، عملت حركة غبية بس الحمد لله ربنا ستر كسرت جامد ودخلت الدخلة قطم مرة واحدة والعربية ما اتهزتش من ورا نهائى وحسيت انى جاي على العربية جامد بس في الاخر دخلت معايا عادى جدا .. ( في موقف زي ده الواحد بيلوم نفسه بس بيحترم العربية اوى اوى ) في مرة تانية ، كنت لسة مصلح العربية كان عندى عيب الار بي ام بيلعب لوحده ( مشكلة سلوك بوجيهات ) فانا طالع وباصص على العداد ، ومش مركز وعمال ازود السرعة والار بي ام عشان اجرب ، وفجأة لقيتنى داخل على ملف ، هو مش ملف اصلا هو كأنه يوتيرن ، ملف غبى بجد ، بتشوف الجزيرة قدامك مش على شمالك في الملف ده لو انت داخله يمين ، الملف ده لو حد عارفه في الدخلة الشمال بتاعت شبين الكوم من طريق الساادات ، المهم الملف ده المفروض يتاخد على 25 بالكتير ، اتخن عربية تاخده على 40 ، المهم ببص لقيتنى داخل عليه والعربية على 60 ، حاولت افرمل بالمعقول على قد ما اقدر بس في الاخر مكنش قدامى غير انى اكسر الدركسيون جامد وادخل الملف وزي ما يحصل ... المهم ربنا ستر وعدت ولو انى حسيت ان العربية كأنها هتتقلب يعنى العربية ميلت بس في نفس الوقت ما لعبتش منى نهائى ، والكسرة الجامدة دى عملت زي تفريغ هوا لدرجة ان كاوتش الباب ناحية اليمين كله اتخلع لوحده !!!!!!!! ، بعدها وقفت على جنب لحد ما اهدي نفسى من الموقف ..


                      العربية اللى بعدها
                      تويوتا كورولا عربية غير ثابتة وكذا مرة اقسم بالله على سرعات 30-40-60 ويحصل مواقف عبيطة وكذا مرة حصل ان العربية ضهرها يلعب لوحده كدة ( نتيجة اخطاء بشرية ) بس على سرعات هبلة جدا ... هنا الفرق

                      انت ممكن تغلط الغلط ، بس في عربية تخليك تقول: يااااه ايه الغباء اللى انا عملته ده ، الحمد لله بس هى العربية ازاى مسكت نفسها كدة .. ؟
                      وفي عربية تانية ، تقول ايه ده !!! ، هو اانا عملت ايه اصلا عشان العربية تأفور في رد فعلها كدة !!!!!!؟؟؟؟



                      ده اللى بنتكلم فيه ، ويكفينى اخر جملة ان السيراتو تحتاج معاملة خاصة ، ده اللى احنا بنتكلم فيه ومش بنقلل او بنعيب في العربية ، وطبعا كثرة الحوادث دى طبعا ليها حق تثير علاامات استفهام عند صاحب الموضوع واكيد حضراتكم فاكرين الحادثة بتاعت الاخ غازى والعربية اتقلبت برضه من مجرد نقرة على الطريق وكانت العربية لسة نازلة جديد ، يعنى عامل الانتشار والنسبة والتناسب مكنش موجود وقتها ..


                      ملحوظة مهمة انا ما جربتش السيراتو قبل كدة تجربة فعلية ، سقتها جوة البلد بس ، بس بقول ان وجهة النظر قد تكون صحيحة مش اكتر ، وده مش حكمى الشخصى على العربية

                      متأسف للاطالة وربنا يحفظنا جميعا ويستر طريقنا .....

                      Comment


                      • #12
                        يا عزيزى انا معنديش اى مشكلة فى مهاجمة العربية ولكن مشكلتى ان حد يهاجم لمجرد السمع مش اكتر وبدون تفنيد او دليل فقط عن سمع
                        هيكون لينا مناقشة اكتر بأذن الله وتحياتى ...
                        [SIGPIC][/SIGPIC]

                        Comment


                        • #13
                          العربيه ثباتها فعلا مش كويس و توزيع الوزن فيها سئ و اي حركه مفاجئه بتخليها تعوم بس مش زي الفرنا يعني !! هي اثبت من عربيات كتير في فئتها زي الكورولا مثلا و الالنترا الاديمه و فرامل العربيه قويه جدا ما شاء الله
                          ممكن لو انت ماشي في طريق نظيف تحس انها اثبت من عربيات كتير منها الانسر مثلا لكن لو في ملفات او نقر او مطبات هواء او حركات مفاجئه طبعا هتحس بالفرق الكبير جدا لصالح الانسر بسبب نظام التعليق
                          ربنا يكفينا شر الحوادث العربيه فعلا مش عربيت جري لان الجري بيها تهلكه انا عملت بيها كل حاجه و اتقلبت و انا ماشي عل ١٢٠ !!
                          سبحان الله و الحمد لله و لله اكبر
                          https://www.facebook.com/medo.akef

                          Comment


                          • #14
                            كل حادث ليه اسبابه. .

                            انا من كتر ماشوفت ولاتقولي لامبورجيني ولا تقولي مرسيدس وبي ام. .

                            كله ساعة القدر بيتساوي.

                            الحوار بتاع السيراتو والالنترا والتويوتا والكروز وغيره قتل بحثا كل عربية ليها استخدامها ومعاملة مختلفة. ..

                            احنا اللي بنستخدم كل حاجة ف غير محلها. . وانا من ضمن الناس دي. . منجيش نشتم ف اللي اخترع ولا اللي باع بقا
                            فى السرعه الهلاك و بيعلى الاستهلاك و يا فتى كفياك انك بتتنفس هواك
                            و ربك هداك للبعد عن الهلاك و اللى مش شايفاه عنيك الهى رب العرش يحميك<!-- google_ad_section_end -->

                            Comment


                            • #15
                              المشاركة الأصلية كتبت بواسطة ahmed12345678 مشاهدة المشاركة
                              عربية اية الى زبالة يا حضرة
                              وفيرنا اية الى اثبت من السيراتو مع احترامى لملاك الفيرنا

                              حضرتك معاك دايو يعنى لا فيرنا ولا سيراتو وداخل تشتم وتعيب فى العربية
                              كل حادث ولة ظروفة وياما عربيات المانى ويابانى وكورى عملت حوادث
                              دة مش معناه انها عربيات زبالة

                              وعموما لو عايز تعرف العربيات الزبالة ادخل على اليوتيوب وشوف تقييمات الامان والسلامة للسيراتو وللدايو
                              وحضرتك مبتشوفش غير حوادث السيراتو
                              ومبتشوفش حوادث الفيرنا والدايو
                              (حضرة)الظاهر ان اسلوب هينزل لي مستوي متدني حضرتك انا ليه اسم وسلس في القرأة وكمان
                              انا لما غلط في السيراتو اظن غلط في عربية مغلطتش فيك وكمان دي سلع ولولا اختلاف الازواق لا بارت السلع
                              تاني شيئ انا لوعايز اشتري سيراتو كنت اشتريت ومازلت لو عايز اشتريها هاشتريها امتلاك العربيات مبقاش في اسهل منه
                              بس ماحطش كل الي معايه في عربية وقفة في الشارع في ظل الظروف الامنية دي اما انا معاية دايو وبعيب علي الفرنا !!!
                              علي اساس ان الفرنا احلي مثﻵ عربية لاثبات ولافرامل وبشهادة ملاكها وانا بشتري الدايو كانت في فيرنا في المعرض الي اشتريت منه الدايو الفيرنا برة وجوة بي الكامل و2007 اه والله زي مابقولك وكملة وسعرها 45 الف وكنت سعتها الدايو وقفة جمبها مع العلم الي معاية مش كملة زي الفيرنا ورشة جمب من الخارج يعني كنت اشتريت فيرنا احسن بس اخترت الدايو وكنت سعتها اغلي منها وموديلها اقل منها 2005 بصراحة افضل اختيار العملية مش بالكم العمليه بي انهي عربية هتقضي لك الغرض والمطلوب منها .
                              منكرش لوكنت اشتريت الفرنا كنت زماني كسبان فيها فلوس لي انهادلوقاتي رفعت بس ياعالم كنت هكون عايش لغاية ما ابعها ولا هتكون سليمة لغاية ما هبعها
                              عودت من جديد

                              Comment

                              Working...
                              X