كيا كارينز خليجي

[houseiny]

الحمد لله ربنا من عليه بفضله ورزقني بكيا كارينز خليجي مواصفات كالاتي :
اربعة زجاج كهرباء اوتو في الاربع ابواب - سبع كراسي - تكييف دوال - مرايات ضم مع اضاءة ليد مع الفتح باسفل المراية زائد اشارات ليد بالمرايا - بلوتوث بالطارة - كاسيت كامل من غير شاشة تاتش - مثبت سرعة زائد محدد سرعة (كروز كنترول كامل) - تحكم في مستويات الدركسيون من الكاسيت كوفورت او سبورت او نورمال بزرار في الطارة - زرر تحكم في القوائم الخاصة بكمبيوتر السيارة من الطارة - زرار تحكم في اضاءة السيارة من الداخل زرار تحكم في مستوي الاضاءة بتاعت الفوانيس تعلى وتوطي ارتفاع العدسة - اضاءة بروبجيكتور في الفوانيس - فوانيس داخل الفانوس الرئيسي بتنور مع لف الطارة يمين وشمال عشان تدبي اضاءة زيادة مع اللف - فوجات - حساسة اضاءة - حساس مطر - مساحة خلفية برشاش مياه - مساحات متعاكسة زي البيجو والسيات - عازل صوت في الكبوت - صوت الموتور هادي جداً وانت واقف فعلا مبتسمعوش كأن العربية مبطلة - العيب اللي ضايقني بعد ما استلمت واحد ايرباج - احرزمة الامان سلسة جداً في الاستخدام مع انذار رخم اوي بلمبة متفصلش الا لما تلبس حزام الامان - ايموبليزر - فوانيس خلفية ليد - سبويلر خلفي بلمبات ليد - ليد لايت بالفوانيس الامامية تقدر تفصلها مش اجباري بس 3 ليد مش خمسة زي الهاي لاين - جنط سبور 17 بوصة - العفشة ناعمة جداً - البور مية وبيتقل مع السرعة زي الياباني والالماني - مساحات تخزين في العربية بهبل تحت الكراسي الامامية والكنبة الوسطي - 2 مخزن سري امام الكنبة الوسطي في الارضية تقدر تحط فيهم طفاية الحريق وصلة البطارية والعدة بتاعتك - فتحة تكييف خلفية للصف التاني مخرج باور للكنب الوسطي - مخرج باور بالشنطة اضاءة ليد بالشنطة - شنطة واسعة جداً يمكن اوسع من الكارينز القديمة ( اللي كانت معايا من سنة) - الموتور قوي جداً في التجميع وبجد محستش بتقل العربية معاه - العريية ثابته على السرعات مزودتش عن 120 عشان لسه بلين - مخزن بالشنطة تحط فيه شوية حاجة وتحط فيه الستارة بتاعت الشنطة - 2 حزام امان زياة في الشنطة عشان لو فردت الكرسيين الزياة - حامل اكواب ومخادع في الشنطة عشان الصف التالت - مخدع بحامل اكواب الكنبة الوسطى - مسند وسط بمساحة تخزين كويسة جداً بين الكرسيين الاماميين - 2 حامل اكواب بين تلكرسيين الاماميين - درج امام الفتيس فيه ولاعة ومخرج باور ويو اس بي ومخرج اوكس- وبيتقفل عشان متبقاش الدنيا مكركبة قدامك - فتيس ستيب ترونيك بجد سلس جداً ورائع في التجميع - درج التابلوه فيه تبريد - التابلوه اسود في فضي - والعربيه من الداخل اسود - الكراسي فرش قماش كلين تكس - مريحة جداً وسهلة جداً في التنضيف - شماسات بيها مرايات وجرابات للرخص في التنين وفوقيهم 2 اباجورة لاضاءة - فانوس القراءة الامامي مكون من 3 قطع - 2 لمبة وجراب نضارة واسع جداً يخد اي مقاس نضارة وجزء تالت فيه مراية مقعرة عشان تشوف الاطفال في الخلف - الكراسي في الكنبة الوسطي فيها نظام ايزو فكس لكراسي الاطفال - تحكم في الكاسيت من الطارة الكاسيت راديو ويو اس بي واسطوانات ووصلة اوكس اللي قلنا عليها قبل كده - وفيه ميزة حلوة جداًان فيه ميموري داخلية تقدر تنسخ اي اغنية او قران من اي اسطوانة او فلاشة وتخزنة فيه وتشغلها بعد كده بيشيل لحد 800 ميجا - تقدر تشغل اي حاجة على الموبيل من خلال البلو توث يعني من غير اي وصلات - سينسور بارك - مش فاكر حاجة تاني دلوقتي - لو افتكرت حاجة تاني هاقول ----- اه السعر 187000 - قسطت من خلال ابو ظبي الاسلامي وامنت مع اليانز - واشتريت ضمان تريبل ايه ب2500 جنيه 3 سنوات - اللون فضي - ادعولي بقى ان ربنا يحفظهالي ويكفينا شر ولاد الحرام والحرامية وشر العين - ربنا يبارك فيكم - بجد مكنتش مقتنع بيها اوي عشان خاطر الارتفاع عن الارض - لكن بفضل الله ارتفاعها معقول مش زي القديمة بس كويسة مع المطبات وبجد بشكر المهندس مصري اكست - اللي عامل موضوع عنها هو بجد اللي اقنعني بيها بنسبة 90 % - والف شكر لكل عضو في المنتدي ساعد في اتخاذ القرار - بجد كيا ابدعت السنة دي في السيراتو والكارينز - بصراحة انا كنت قلقان من عدم انتشار العربية لكن دلوقتي بدأت تظهر في الشارع كتير وكنا 5 بنرخص في نفس اليوم في المرور - والحمد لله كلهم مبسوطين منها - اسف للاطالة والرغي الكتير بس حبيت انقل الموضوع بالتفصيل على قد ما اقدر عشان نفيد المنتدي زي مافادنا كتيييييير اوي - ربنا يبارك فيكم

[J A G U A R]

رغم انك وجعتلى عينى .. بس الف مبروك ومشكور على نقل التجربه ..

[MaZaGAngeE]

الف مبروك و ربنا يباركلك فيها

[houseiny]

رغم انك وجعتلى عينى .. بس الف مبروك ومشكور على نقل التجربه ..

معلش ياباشا ، الموضوع مفتقد للتنسيق ، اتنمي من الادارة تساعدني في تنسيقه
وربنا يبارك فيك يا باشا

[houseiny]

الف مبروك و ربنا يباركلك فيها

الله يبارك فيك يا باشا

[sonybony]

الف مبروك ومجهود جميل في نقل المواصفات

[masryxt]

الف الف مبروك وربنا يكفيك شرها وشر العين

ان شاء الله كل ماهتمشي بيها هاتزداد اقتناع وتعرف انك اخترت عربية من العربيات المميزة جدا

[moe gawad]

الف مبروك يا باشا, وربنا مايوريك مراكز الصيانه ابداً ابداً :)

[houseiny]

الف مبروك ومجهود جميل في نقل المواصفات

ربنا يبارك فيك يا باشا

[houseiny]

الف الف مبروك وربنا يكفيك شرها وشر العين

ان شاء الله كل ماهتمشي بيها هاتزداد اقتناع وتعرف انك اخترت عربية من العربيات المميزة جدا

الف شكر ليك يا بشمهندس وربنا يبارك في حضرتك

[houseiny]

الف مبروك يا باشا, وربنا مايوريك مراكز الصيانه ابداً ابداً :)

ربنا يبارك فيك يا هندسة ، يا باشا منقدرش نستغني عنهم

[Khaled_Nowaihy]

الف مبروك وربنا يعطيك خيرها ويكفيك شرها
أهم حاجة نفسى أعرفها هى تسارع العربية من الثبات وخصوصا مع التكييف
هل تشعر انها (بطة) زى ما بيقولوا على الشكل القديم وللا (فرس) !!!!!!!! ؟؟؟؟؟؟؟؟؟؟

[houseiny]

الف مبروك وربنا يعطيك خيرها ويكفيك شرها
أهم حاجة نفسى أعرفها هى تسارع العربية من الثبات وخصوصا مع التكييف
هل تشعر انها (بطة) زى ما بيقولوا على الشكل القديم وللا (فرس) !!!!!!!! ؟؟؟؟؟؟؟؟؟؟

ربنا يبارك في حضرتك ، وشكرا للدعوة الجميلة ربنا ميحرمناش منك
بخصوص التسارع لسه مجربتش عشان لسه بلين ، ومشغلتش تكييف ، لكن بصراحة سحبها حلو جداً احسن من القديمة بكتيييييير ، القديمة دي حمادة والجديدة دي حمادة تاني خالص ، لان الموتور القديم كان دي او اتش سي 124 حصان الجديدة موتور جي دي اي موتور 135 حصان ، كيا السنة دي اختلفت تماما عن كل السنين اللي فاتت وتقدر تحطها بكل ثقة مع الياباني بدون اي فروق مع فرق جمال التصاميم لصالح كيا

[houseiny]

الف مبروك وربنا يعطيك خيرها ويكفيك شرها
أهم حاجة نفسى أعرفها هى تسارع العربية من الثبات وخصوصا مع التكييف
هل تشعر انها (بطة) زى ما بيقولوا على الشكل القديم وللا (فرس) !!!!!!!! ؟؟؟؟؟؟؟؟؟؟

ربنا يبارك في حضرتك ، وشكرا للدعوة الجميلة ربنا ميحرمناش منك
بخصوص التسارع لسه مجربتش عشان لسه بلين ، ومشغلتش تكييف ، لكن بصراحة سحبها حلو جداً احسن من القديمة بكتيييييير ، القديمة دي حمادة والجديدة دي حمادة تاني خالص ، لان الموتور القديم كان دي او اتش سي 124 حصان الجديدة موتور جي دي اي موتور 135 حصان ، كيا السنة دي اختلفت تماما عن كل السنين اللي فاتت وتقدر تحطها بكل ثقة مع الياباني بدون اي فروق مع فرق جمال التصاميم لصالح كيا ، في فرق جوهري كمان في الفتيس بين القديمة والجديدة الفتيس القديم كان 4 سرعات الجديد 6 سرعات والاتنين ستيب ترونيك

[Dr_Moustafa]

ألف مبروك العربيه
ربنا يديك خيرها ، ويبعد عنك شرها


إزاى تأكدت من وجود immobilizer ؟

هل يوجد فى لوحة العدادات لمبه زى دى بتنور عند فتح الكونتاكت ؟