كيا كارينز خليجي

[Hazem Osman]

جزاك الله خير على المقارنة الجميلة بين الكارينز القديمة والجديدة ...وفي رأي الجديدة أجمل بمراحل
وكان ليا استفسار عند حضرتك .. الكارينز اللى عندنا فى الامارات موش 7 كراسى 5 بس ال7 موجودة في 2000 سى سى وكمان البانورما وفتحة السقف للأسف... بس حضرتك بتقول خليجى و7 كراسي؟
وربنا يباركلك فيها

[houseiny]

جزاك الله خير على المقارنة الجميلة بين الكارينز القديمة والجديدة ...وفي رأي الجديدة أجمل بمراحل
وكان ليا استفسار عند حضرتك .. الكارينز اللى عندنا فى الامارات موش 7 كراسى 5 بس ال7 موجودة في 2000 سى سى وكمان البانورما وفتحة السقف للأسف... بس حضرتك بتقول خليجى و7 كراسي؟
وربنا يباركلك فيها

ربنا يبارك في حضرتك - هي كل بلد ليها مواصفات - السعودية والكويت ومصر واسرائيل وسوريا والاردن بتنزل 7 كراسي 1600 سي سي - دبي بتنزل 5 كراسي و7 كراسي - كل وكيل وبيطلب الواصفات اللي تناسبه - اللي مستورد هنا في مصر من قبل شركات غير الوكيل هي السعودي والاردني والسوري

[houseiny]

الف مبروك

الله يبارك في حضرتك

[houseiny]

الف مبروك على السيارة الجديدة و ربنا يبارك فيها
واضح ان حضرتك عندك سابق معرفة بالكارينز القديمة
فلي سؤال: في أكثر من موضع على هذا المنتدى قرأت الكثير يشكر في نعومة عفشتها..ثم فوجئت بمن يؤكد على عكس ذلك..فياترى ما هو القول الفصل في هذا الأمر بالمقارنة بالجديدة؟ على الرغم اني قرأت ان القديمة المفروض انها انعم لانها مالتي لينك على خلاف الجديدة
تحياتي

يا باشا ان تحت أمر حضرتك ، بص يا يا سيدي انا كان معايا الكارينز 2013 السنة اللي فاتت وقعدت معايا 9 شهور وبعتها لظروف والحمد لله ربنا عوضني بالافضل منها - لكن القديمة عربية لا غبار عليها - واسعة جداً - ثابتة جدااااااااا - عفشة ناعمة جداااااااااااا لان زي ما حضرتك قولت مالتي لينك - الجديدة بقى يا سيدي الفاضل بالرغم من انه تورشن بيم مش ملتي لينك الا انها ناعمة جداً برضه _ مش بنعومة القديمة القديمة مكنتش بحس المبطبات خالص - الجديدة بحس بيها بس على خفيف اوي متوجعش الجسم يعني وده لان السيت اب بتاع العفشة الجديدة زي الالماني بالظبط المساعد من بره والسوستة من جوة وده بيدي نعومة اكتر للعفشة ومن الواضح ان كيا بشرائها تكنولوجي من بي ام دبليو فرق معاها كتير في مستوي السيارات الجديدة للسنة دي - زائد ان في حاجة مهمة جداً في العربية انها مبنية على شاسيه جديد ساعد في انه يديها ابعاد جديدة توزع الاوزان وتوزع الصدمات فمبتحسش بالهبد في جسمك ولا في العربية - كيا السنة دي بدات تطلع من توب السيارات الاقتصادية وبدأت تقف على اول سلمة من سلم سيارات المحترفين - زي فورد وبي ام ومرسيدس وفولكس ورينو ونيسان وبيجو وتويوتا - الا ان كيا السنة بدات تسبق تويوتا بخطوة - وده لانهم مبقوش يستخسروا في عربيتهم وبدءو يجيبه محترفي السيارات ويشغلهم معاهم زي بيتر شراير الالماني الاصل ومصمم أودي لفترات طويلة وفي مهندس كده اللي طور موتور جي دي اي الجديد في كيا مش عارف اسمه إيه ده برضه الماني على حد علمي والناس دي بتاخد فلوس زوربيح وبالتالي كيا بدأت تصرف كويس أوي عشان تاخد مردود ده في عربياتها ومبيعاتها وكله على قلبنا بس في النهاية هو مش عايز يتقال عليه سيارة اقتصادية تاني او ده كوري يا عم.