التغير من الجيتا الى السيراتو

[hany63]

بصراحة وبعد رأي الاعضاء الكرام
احب اقولك بلاش لانك هتندم بجد وعن تجربة
وهتحس بفرق في كل حاجة من اول ما تشغلها الصبح لاول ضغطة فرامل
مينفعش تنزل عن الالماني ولما تنزل تنزل درجة واحدة للياباني مش تنزل لاخر السلم للكوري
انا كان معايا كورولا 99 وغيرتها وجبت النترا .. وللاسف رغم ان الكورولا موديل قديم الا اني حسيت بفروق فظيعة
واولها العفشة والراحة الداخلية والفرامل والثبات
ف نصيحة لوجة الله
لو هتغير خليك في الياباني
عندك التويوتا والماذا والنيسان
انما كوري بلاااااااااااااااااااش .. وبلاش يغرك الشكل

كلام مظبوط عشان انا برضه كنت راكب باسات و جبت السيفيك ٢٠١٠بسبب فتيس الباسات و حسيت الاحساس ده في الاول مع العلم ان السيفيك تعتبر اكتر الياباني ثباتا و ممتعه في سواقتها فمابالك لو كنت نزلت للكوري

[horas3000]

انا مع الراي اللي بيقول بلاش
بفرق الفلوس ظبط و روش عربيتك و احييها تاني
و انت برضه الكسبان

[TeMoON]

انا مش هتكلم عن فروق الالماني و الكوري بس عشان تبقى عارف حتة الثبات حتى لو ماشي في وسط البلد بسرعه بطيئه بتفرق احساس ان العربيه واخده وضعها ده لازم تاخده في الاعتبار
انا رائيي المتواضع خليك في الوسط الانسجنيا تعتبر خيار معقول انشالله تجيب اول فئه
لو الميزانيه لا تسمح عندك السيفيك بنفس التكلفه انا واثق انك لو عملت تيست درايف ليها هتعجبك جدا انا معايا الشكل اللي قبله vti اللي كل الناس بتقول فيه شعر و لما سقت الشكل الجديد مكنتش عايز انزل على العموم مش هتخسر حاجه لو جربتها و لعلمك انا زيك بزهق بسرعه و العربيه كان اخرها ٣ سنين انما الهوندا بالذات ما يتفرطش فيها
لو مش متقبل الهوندا نفسيا عندك برضه الكورولا هتبقى معقوله و بالتوفيق

اسمحلي اقول لحضرتك أن اوبل مابحبهاش نهائي ومنصور يتفاتلو بلاد وانا بدور علي عربيه رخيصه والياباني كله مابحبوش وكفاية شكل التويوتا الجديد الي شايفة سيء و الهوندا لا الفكرة اني عاوز اشتري عربيه مصاريف رخيصة

[Hosam_Optrawy]

ممكن تكون شهادتى مجروحه لان العربيه معايا

بس انا مش شايفها جريمه للدرجه دى

السيراتو اتطورت وإتحسنت كتير عن الشكل اللى قبله , الحاجه الوحيده اللى ممكن أعلق عليها ان سعرها بقى أوفر بس دا بقى العادى في كل العربيات دلوقتى

اما الجيتا فهى مش العربيه اللى ماتتقارنش بالسيراتو للدرجه دى وخصوصا انها الشيب القديم

وعلى فكره انا كان معايا E90 330i 2006 قبل السيراتو ومانتحرتش بعد السيراتو ولا حاجه :) بس الواحد لازم يبقى عقلانى ومنطقى ومايفكرش يقارن بين عربيتين زى دول

اما الجيتا والسيراتو فشايفهم مش بعاد عن بعض ويتقارنوا عادى يعنى لو الاتنين قدامى بنفس السعر هاختار السيراتو

انا معاك في شراء السيراتو بس مش معاك فانها تبقى حاجه مؤقته وتوفر إقتصاديا لأن أولا أسعار صيانات وقطع غيار الكوري الأصليه مبقتش رخيصه زى زمان ثانيا هاتخسر مبلغ مش قليل بعد ال 3 سنين اللى بتقول عليهم خصوصا لو هاتجيب أعلى فئه

وبالتوفيق

[TeMoON]

حضرتك لو مش عجبك الاسترا عشان منصور .... بص على الفلوينس الجديده .... توكيل محترم وعربيه فخمه .... بس تقيله في البيع شويه ..... امما بالنسبه لقطع الغيار .... اعتقد كل العربيات الجديده قطع غيارها غاليه حتى لو كوري .... فانوس السيراتو الليدات ب 6000 جنيه مثلا

ممكن تبص على الكورولا او السيفيك او الفلوانس كلهم ممتازين وبفضلهم عن السيراتوا كاعوامل امان
وقطع الغيار كله سعره عالى حتى الكورى والكورولا والسيفيك اعتقد بتباعوا بسهوله مفيش مشكله

بصراحة وبعد رأي الاعضاء الكرام
احب اقولك بلاش لانك هتندم بجد وعن تجربة
وهتحس بفرق في كل حاجة من اول ما تشغلها الصبح لاول ضغطة فرامل
مينفعش تنزل عن الالماني ولما تنزل تنزل درجة واحدة للياباني مش تنزل لاخر السلم للكوري
انا كان معايا كورولا 99 وغيرتها وجبت النترا .. وللاسف رغم ان الكورولا موديل قديم الا اني حسيت بفروق فظيعة
واولها العفشة والراحة الداخلية والفرامل والثبات
ف نصيحة لوجة الله
لو هتغير خليك في الياباني
عندك التويوتا والمازدا والنيسان
انما كوري بلاااااااااااااااااااش .. وبلاش يغرك الشكل

كلام مظبوط عشان انا برضه كنت راكب باسات و جبت السيفيك ٢٠١٠بسبب فتيس الباسات و حسيت الاحساس ده في الاول مع العلم ان السيفيك تعتبر اكتر الياباني ثباتا و ممتعه في سواقتها فمابالك لو كنت نزلت للكوري

انا مع الراي اللي بيقول بلاش
بفرق الفلوس ظبط و روش عربيتك و احييها تاني
و انت برضه الكسبان

اسمحلي اقول لحضرتك أن اوبل مابحبهاش نهائي ومنصور يتفاتلو بلاد وانا بدور علي عربيه رخيصه والياباني كله مابحبوش وكفاية شكل التويوتا الجديد الي شايفة سيء و الهوندا لا الفكرة اني عاوز اشتري عربيه مصاريف رخيصة

ممكن تكون شهادتى مجروحه لان العربيه معايا

بس انا مش شايفها جريمه للدرجه دى

السيراتو اتطورت وإتحسنت كتير عن الشكل اللى قبله , الحاجه الوحيده اللى ممكن أعلق عليها ان سعرها بقى أوفر بس دا بقى العادى في كل العربيات دلوقتى

اما الجيتا فهى مش العربيه اللى ماتتقارنش بالسيراتو للدرجه دى وخصوصا انها الشيب القديم

وعلى فكره انا كان معايا E90 330i 2006 قبل السيراتو ومانتحرتش بعد السيراتو ولا حاجه :) بس الواحد لازم يبقى عقلانى ومنطقى ومايفكرش يقارن بين عربيتين زى دول

اما الجيتا والسيراتو فشايفهم مش بعاد عن بعض ويتقارنوا عادى يعنى لو الاتنين قدامى بنفس السعر هاختار السيراتو

انا معاك في شراء السيراتو بس مش معاك فانها تبقى حاجه مؤقته وتوفر إقتصاديا لأن أولا أسعار صيانات وقطع غيار الكوري الأصليه مبقتش رخيصه زى زمان ثانيا هاتخسر مبلغ مش قليل بعد ال 3 سنين اللى بتقول عليهم خصوصا لو هاتجيب أعلى فئه

وبالتوفيق

[TeMoON]

والله يا شباب انا مش عارف اقولكم ايه بس فى حاجه
اولا انا ما بحبش اليابانى نهائى رغم انه من اجمل العربيات
ثانيا بالنسبه للفرنساوى انا تاريخى اسود معاه
ثالثا انا كان نفسى اركب مرسيدس او بى ام بس الظروف السوده الى فيها البلد من حيث الاقتصاد والامان وكل المشاكل الى حضراتكم عارفينها انى دا يخلينى انى اركب عربيه رخيصه والى هى عجبتنى السيراتو لان معانا الهاى لاين القديمه وشايفها كويسه وغير كدا انا ما بحبش اركب عربيه ماتكونش هاى لاين فا بالنسبالى السيراتو افضل وانا فى العادى اصلا مشوارى كله 30 او 35 كيلو يوميا او اقل كمان مشوار الشغل وتحركاتى قليله فا الهاى لاين فى اليابانى هتعدى 200 الف جنيه ولو ب 1000 جنيه وانا بصراحه مش هدفع فى عربيه فوق 200 الف غير فى المانى فقط لاغير فا انا شايفها عربيه معقوله مش هتقول لا لانها كبيره وواسعه وظريفه انا كان حلمى لما انزل من الجيتا اركب e class or 5 series بس للاسف بلدنا كل يوم من سيئ لاسوء فا دا خلانى افكر فى السيراتو لانى شايفها معقولة ومش وحشه يعنى ما بين اليابانى وما تحتها وربنا يكرم وتقضى فترتها معايا وبعد كدا ربنا يكرم ونشوف حاجه تانيه وجايز البلد ينصلح حالها ساعتها هنجيب المرسيدس او بى ام دبليو او فولكس تانى بس بعد ما تكون كارثه الفتيس اتحلت نهائى واسف للاطاله

[horas3000]

بص هو جايز اكون متشائم حبيتين
بس اذا استنيت لحد ما حال البلد ينصلح
فاسمحلي اقول لك انسي تركب 5 و لا e

[TeMoON]

بص هو جايز اكون متشائم حبيتين
بس اذا استنيت لحد ما حال البلد ينصلح
فاسمحلي اقول لك انسي تركب 5 و لا e

هو دا نفس احساسى بردو ان البلد عمرها ما هتنصلح حالها بس على الاقل حالتى الاقتصاديه تتصلح شويه لانى عندى اولويات بما انى متزوج وعندى طفله فا هما اولاااااا بكل شيئ انما انا لو بطولى والله والله والله لكنت اشتريت الخامسه مستعمله وكبرت دماغى بس المسؤليه والالتزام بيجبرو الواحد على التوفير

[horas3000]

هو دا نفس احساسى بردو ان البلد عمرها ما هتنصلح حالها بس على الاقل حالتى الاقتصاديه تتصلح شويه لانى عندى اولويات بما انى متزوج وعندى طفله فا هما اولاااااا بكل شيئ انما انا لو بطولى والله والله والله لكنت اشتريت الخامسه مستعمله وكبرت دماغى بس المسؤليه والالتزام بيجبرو الواحد على التوفير

كده عين العقل
و ادعي من كل قلبك ان حالتك الاقتصاديه ميكونش ليها علاقه مباشره بحال البلد

[ridars]

انا قريت تعليقاتك و شايف انك مقتنع يالسيراتو اجماليا هيا افضل مودبل فى الكورى و مش هتغلب في بيعها انشاء اللة وانت حركتك خفيفة فا العربية كا شكل شيك جدا و موتور كويس و مظونش ان بقى فية طريق فى مصر تجري فية بأمان اكتر من 120 فا توكل على الله اشتريها و ربنا يباركاك فيها

[TeMoON]

انا قريت تعليقاتك و شايف انك مقتنع يالسيراتو اجماليا هيا افضل مودبل فى الكورى و مش هتغلب في بيعها انشاء اللة وانت حركتك خفيفة فا العربية كا شكل شيك جدا و موتور كويس و مظونش ان بقى فية طريق فى مصر تجري فية بأمان اكتر من 120 فا توكل على الله اشتريها و ربنا يباركاك فيها

شكرا علي ردك أخ ridars والله انا بحسبها كدا بردو زي ما انت بتقول وزيادة عليها انها تكون عربيه اقتصادية

[esam_ayad]

العربية دى قعدت معايا فترة و انا متعود على الالمانى فقط ,, الشغل كان مديهالنا موديل 2013 اول فئة ..انا قاعد فى جدة فالعربية خليجى نظيفة .
بص هى جوة المدينة كويسة ,,و طبعا عشان خفيفة فالاكسليريشن حلو .. تكييف جميل مافيهوش تكنولوجى , يعنى لو باظ سهل يتغير . العربية واسعة من جوة و مريحة نسبيا .
على السفر بقى , احساس فظيع ان العربية هتتقلب منى !!!! , بخاف اجرى بصراحة ( 100 - 120 كم ) , و لو جيمس مثلا عدت من جنبك بسرعة لازم تمسك الدراكسيون كويس ( غير الالمانى طبعااااااااااا كنت بطير على 200 و لا الهواااا )
الخلاصة , جوة المدينة تمشى - لو بتسافر كتير لا .

أسف جدا اني أقول لحضرتك ان كلامك كله غلط ( والله مش اهانه ليك لكن ردا علي كلامك فقط)
معلش سيراتو ايه اللي بتلعب علي سرعة 100 ولا 120 ؟
انا معايا سيراتو2014 هاي لاين جنوط 17 وأنا لسه كنت بجري بيها علي 160 وعادي جدا جدا وكنت بسابق بيها عربيه فورد جي تي (طبعا هي اللي كسبتني) والجي تي عدت مني زي الطلقه وعربيتي كانت ماسكه حارتها وعادي جدا جدا ولا الهوا.

[amgomaa]

أسف جدا اني أقول لحضرتك ان كلامك كله غلط ( والله مش اهانه ليك لكن ردا علي كلامك فقط)
معلش سيراتو ايه اللي بتلعب علي سرعة 100 ولا 120 ؟
انا معايا سيراتو2014 هاي لاين جنوط 17 وأنا لسه كنت بجري بيها علي 160 وعادي جدا جدا وكنت بسابق بيها عربيه فورد جي تي (طبعا هي اللي كسبتني) والجي تي عدت مني زي الطلقه وعربيتي كانت ماسكه حارتها وعادي جدا جدا ولا الهوا.

هو بالفعل احسن متغيرش الجيتا ولو هتغير ممكن السيفيك ممتازه وفيها vsc بس بالنسبه لحوار السيراتو الشكل الجديد تلعب بعد 100 اوفر شويه العربيه علي الطريق لحد 160 مفيش اي تأثير علي الثبات وانا بقول 160 لانى مبزودش عن 120 اساسا

Sent from my GT-S5282 using Forum Runner

[esam_ayad]

اه معلش افتكرت حاجه كمان
كنت مره ماشي براحتي خالص علي سرعة 100 أول ماإشتريت السياره وواخد الحاره التانيه وفي امان الله وفجأه ييجي واحد سايق عربيه جيب بسرعه جدا مش فاكر هي ايه بس اعتقد يإما جمس يوكن او تويوتا سيكوويا وياخد الحاره اللأولي زي الصاروخ ويعدي من جنبي في لحظه واحده علي سرعة لا تقل عن 160 ولله الحمد عربيتي كل اللي حصلها انها اتهزت في مكانها فقط لا غير وأنا اللي اتخضيت وأنا كمان كنت ماسك الدركسيون بإيد واحده

[esam_ayad]

بالنسبه للفرامل ياباشا فهي لو فئة الهايلاين أو الفول اوبشن فهي ديسكات اماميه وخلفيه وده بيخليها قويه كفايه انها تفرمل بقوة بالإضافه لميزة الـ abs
والنهارده بالصدفه كنت طالع قرفان من الشغل ولما الإشاره فتحت قرصت علي البنزين وطلعت فوق الستين بحاجه بسيطه وكنت ماسك الموبايل بكتب رساله لصاحبي وفجأة الطريق وقف تماما ولقيت بيني وبين الكورولا اللي قدامي متر واحد تقريبا مش اكتر ولله الحمد حطيت رجلي علي الفرامل وبصيت ورايا لحسن حد يلبس فيا وسبت العربيه اللي هالبس فيها ولله الحمد العربيه وقفت في ثانيتين ومش فشخره لكن ثقه اولا في الله وثقه في فرامل السيراتو الرائعه.