الحمد لله ربنا نجاني من حادثة عالطريق الزراعي

[a_elbosaty]

الحمد لله عملت حادثة عالطريق الزراعي عند مدخل بنها. دخلت بالعربية في البلوك الإسمنتي عند المدخل. طبعا كنت سرحت وانا سايق. عربيتي سيراتو٢٠١١ وكانت النتيجة تدمير الجنب الأمامي يسار وتقريبا كل العفشة حواليه وكسر في القنطرة.والاير باج فتح طبعا. ودتها للمهندس هاني سبيد كار وهايبدا فيها بكرة ان شاء الله.
نصيحة فعلا أوعى تسوق وانت مش نائم كويس قبلها. وربنا يسترها علينا كلنا.

[amrelsaqqa]

لا حول ولا قوة الا بالله ، الحمد لله انها جت على قد كدة ومكنش في نقل على الطريق وقتها ، هو اصلا طريق قاتل من غير حاجة ، حضرتك خبطت على سرعة كام تقريبا ؟

انا لما عملت حادثة دخلت في الرصيف عشان اتفادى اخبط في النص النقل اللى كسر قدامى فجأة وغيرت المقص والشمعدان بس الحمد لله والفضل لله الايرباج ما فتحش والعربية ما حصللهاش حاجة

حمد لله على سلامتك وان شاء الله بسيطة

[Ahmed.Essam]

الحمدلله انك بخير والحمدلله انها جت على أد كده قدر الله وما شاء فعل

[J A G U A R]

الف سلامه على حضرتك وربنا يعوضك

والله انا على طول بسافر وان نايم ساعات قليله جدا وساعات بكون مطبق بس الواحد بيحاول يركز على قد ما يقدر وربنا يسترها على الجميع .

[أزمراي]

الف سلامه .. وحصل خير ..
وربنا يعوضك عن تلفيات السياره ...

[a_elbosaty]

لا حول ولا قوة الا بالله ، الحمد لله انها جت على قد كدة ومكنش في نقل على الطريق وقتها ، هو اصلا طريق قاتل من غير حاجة ، حضرتك خبطت على سرعة كام تقريبا ؟

انا لما عملت حادثة دخلت في الرصيف عشان اتفادى اخبط في النص النقل اللى كسر قدامى فجأة وغيرت المقص والشمعدان بس الحمد لله والفضل لله الايرباج ما فتحش والعربية ما حصللهاش حاجة

حمد لله على سلامتك وان شاء الله بسيطة

ربنا يكرمك. اعتقد أني كنت معدي سرعة ال٨٠ كم عالاقل. والحمد لله جات معاك على آد كدة. أنا بقى فتحت معاية شوية. الجنب الشمال عفشته كلها ضايعة تقريبا. بحاول ارفع صور ومش عارف:

[a_elbosaty]

الحمدلله انك بخير والحمدلله انها جت على أد كده قدر الله وما شاء فعل

الحمد لله. وربنا يسترها مع الجميع.

[a_elbosaty]

الف سلامه على حضرتك وربنا يعوضك

والله انا على طول بسافر وان نايم ساعات قليله جدا وساعات بكون مطبق بس الواحد بيحاول يركز على قد ما يقدر وربنا يسترها على الجميع .

ربنا يخليك. أنا كمان باجي على نفسي كتير وأسوق وانا مطبق. بس عن تجربة فعلا بلاش. مش كل مرة تسلم الجرة.

[a_elbosaty]

الف سلامه .. وحصل خير ..
وربنا يعوضك عن تلفيات السياره ...

الله يسلمك. الحمد لله على كل شيء

[mhkorayem]

1000 سلامه والحمد لله انك بخير
ان شاء الله مع المهندس هاني هتستلم العربيه زي الاول واحسن
بس خد بالك بقى بعد كده وربنا معاك

[insurancebroke]

قدر الله وما شاء فعل
وربنا يعوض عليك

[prooo]

ربنا يعوض عليك ..... حمدلله على سلامتك

[ابو ليلى]

الف سلامة والحمد والشكر لله انك بخير والباقى يتعوض
قلى المعاينة الاولى ايه اللى هيتغير بالتحديد وهتجيب استيراد ولا وكيل ؟

[shiko85]

الحمد لله على سلامتك و حاول فعلا تنام كويس قبل السفر

[TeMoON]

الف حمد لله على سلامه حضرتك وقدر الله وما شاء فعل والحمد لله انها جات على اد كدا والمهم ان حصرتك بخير