Tweet
الحمد لله استلمت نيو سيراتو EX FO من اسبوعين, امبارح كانت اول قيادة طويله, القاهرة -اسكندريه عن طريق العلمين و العوده اسكندرية-القاهرة من الطريق الصحراوى اللى فيه تقريبا اكتر من 25كم مدقات قبل بوابات اسكندريه , كنت عايز اخلص ال 1000 كم الاولى و لاحظت الاتى, يا ريت اللى معاه العربيه يقول رأيه, و لكم الشكر:
1- العربيه جميله و ممتعه فى القيادة, ثابته و ماسكه نفسها على الطريق.
2- دواسة البنزين تقيله شويه فى الحركه من الثبات, يعنى على الطريق بعد اى مطب لما بدوس بنزين بحس ان الدواسه تقيله شويه , انا كعب رجلى بيبقى على الارض و المشط على الدواسه و لما رجلى كلها بتبقى على الدواسه ال RPM بيعلى و صوت الماتور بيعلى و العربيه بتفط , حاسس انى مش عارف اسوق, عايز اعرف استخدام الدواسه الصح.
3- فيه صوت طقطقه مع الفرمل لو العربيه نازله عى منزل و الطريق واقف, يعنى لما بمشى شويه و اقف شويه بيبقى المشى بالفرامل , فى الحاله ديه بسمع صوت طقطقة.
4-بعد ما مشيت فى طريق اسكندريه- القاهرة اللى مليان حصى و طوب , قلت ارفع العربيه و اشوف لو فيه حاجه مش طبيعيه, الحمد لله, مفيش حاجه , بس لاقيت ان مفيش تصفيح للموتور, وكمان لاقيت فيه صدى فى جزء من الكوبلن و بالتحديد الجزء اللى جنب كوتشة الكوبلن اللى فى النص, هل ده طبيعى و لا اقوللهم عليه فى صيانة ال 1000 .
5-ناس كتير من ملاك العربيه قالوا ان عفشتها ناعمه, بس الحقيقه العفشه ناشفة شويه, انا بحس بأى تغير فى جودة الطريق, يعنى العربية ديه تعتبر اختبار كويس لجودة الاسفلت, فما بالكم بالمدقات, الكاوتش كنت ظابطه ع 32, هل العفشه بتنعم بعد الصيانه .
6- حطيت وصلة USB فى ال USB port عشان اشحن الموبايل, هل ده افضل ولا اجيب شاحن سيارة و اركبه ف الولاعة.
7- شغلت مثبت السرعه ال cruise لما بزود السرعه بال (+) و ال (-) الRPM بيعلى ل 2 مره واحده و ينزل .
و شكرا جزيلا للى نصح بشراء العربيه
1- العربيه جميله و ممتعه فى القيادة, ثابته و ماسكه نفسها على الطريق.
2- دواسة البنزين تقيله شويه فى الحركه من الثبات, يعنى على الطريق بعد اى مطب لما بدوس بنزين بحس ان الدواسه تقيله شويه , انا كعب رجلى بيبقى على الارض و المشط على الدواسه و لما رجلى كلها بتبقى على الدواسه ال RPM بيعلى و صوت الماتور بيعلى و العربيه بتفط , حاسس انى مش عارف اسوق, عايز اعرف استخدام الدواسه الصح.
3- فيه صوت طقطقه مع الفرمل لو العربيه نازله عى منزل و الطريق واقف, يعنى لما بمشى شويه و اقف شويه بيبقى المشى بالفرامل , فى الحاله ديه بسمع صوت طقطقة.
4-بعد ما مشيت فى طريق اسكندريه- القاهرة اللى مليان حصى و طوب , قلت ارفع العربيه و اشوف لو فيه حاجه مش طبيعيه, الحمد لله, مفيش حاجه , بس لاقيت ان مفيش تصفيح للموتور, وكمان لاقيت فيه صدى فى جزء من الكوبلن و بالتحديد الجزء اللى جنب كوتشة الكوبلن اللى فى النص, هل ده طبيعى و لا اقوللهم عليه فى صيانة ال 1000 .
5-ناس كتير من ملاك العربيه قالوا ان عفشتها ناعمه, بس الحقيقه العفشه ناشفة شويه, انا بحس بأى تغير فى جودة الطريق, يعنى العربية ديه تعتبر اختبار كويس لجودة الاسفلت, فما بالكم بالمدقات, الكاوتش كنت ظابطه ع 32, هل العفشه بتنعم بعد الصيانه .
6- حطيت وصلة USB فى ال USB port عشان اشحن الموبايل, هل ده افضل ولا اجيب شاحن سيارة و اركبه ف الولاعة.
7- شغلت مثبت السرعه ال cruise لما بزود السرعه بال (+) و ال (-) الRPM بيعلى ل 2 مره واحده و ينزل .
و شكرا جزيلا للى نصح بشراء العربيه
Comment