ملحوظات اول قياده ل نيو سيرتو

[J A G U A R]

النقطه بتاعه العفشه دى ممكن تكون بسبب ضغط الكاوتش
والف مبرووك

[MohammedAladel]

فيه زرار فى الدريكسيون لو ضغط عليه لفوق يزود السرعه بمقدار 2كم/ساعه يعنى لو ماشى على سرعة 80 يطلع 82 و لو ضغط عليه لتحت يقلل السرعه 2كم/ساعه

آه .... زى عندى فى الميجان برضه إنت ممكن تستخدمه كمثبت سرعة وكمحددد سرعة

مثبت السرعة بيخلى العربية تجرى لوحدها من غير ما تضغط أنت على دواسة البنزين وبعدين توصل للسرعة المطلوبة وتفضل ماشية عليها بدون ما تضغط انت

أما محدد السرعة بيخليك انت اللى تسوق بس بتحدد سرعة متزدش عنها مهما دست مثلا 120 ودى ميزة جامدة بس لو موقف طارئ ودست بنزين جامد هتزود معاك عادى وبعدين ترجع تانى للسرعة اللى انت محددها

[hisham_epe]

آه .... زى عندى فى الميجان برضه إنت ممكن تستخدمه كمثبت سرعة وكمحددد سرعة

مثبت السرعة بيخلى العربية تجرى لوحدها من غير ما تضغط أنت على دواسة البنزين وبعدين توصل للسرعة المطلوبة وتفضل ماشية عليها بدون ما تضغط انت

أما محدد السرعة بيخليك انت اللى تسوق بس بتحدد سرعة متزدش عنها مهما دست مثلا 120 ودى ميزة جامدة بس لو موقف طارئ ودست بنزين جامد هتزود معاك عادى وبعدين ترجع تانى للسرعة اللى انت محددها

اللى بيحصل عندى انى لما بوصل لسرعة معينه و عايز اثبتها بدوس على cruise و بعدين بدوس على set فالسرعه بتثبت مثلا 90كم/ساعه , لو عاوز ازود السرعه ممكن ازودها بطريقتين اما انى ادوس بنزين فالسرعه تزيد لكن لو رفعت رجلى ترجع تانى ل 90 او انى ازود ب (+) و ده بيزود السرعه 2كم/س مع كل دوسه, و نفس الفكره لو عاوز اقلل السرعه عن طريق الفرامل او (-).

[MohammedAladel]

اللى بيحصل عندى انى لما بوصل لسرعة معينه و عايز اثبتها بدوس على cruise و بعدين بدوس على set فالسرعه بتثبت مثلا 90كم/ساعه , لو عاوز ازود السرعه ممكن ازودها بطريقتين اما انى ادوس بنزين فالسرعه تزيد لكن لو رفعت رجلى ترجع تانى ل 90 او انى ازود ب (+) و ده بيزود السرعه 2كم/س مع كل دوسه, و نفس الفكره لو عاوز اقلل السرعه عن طريق الفرامل او (-).

تمام تمام دى الوظيفة الأولى اللى هى تثبيت السرعة وبعدين بترفع رجلك عادى وتسيبها تمشى على السرعة اللى حددتها .... أو بتزود من الزرار + وتنقص من -

فيه خاصية تانى اسمها تحديد السرعة speed limiter ودى انت بتسوق فيها طبيعى جدا بس بتحدد سرعة متزيدش عنها ولكن لو ضغطت بنزين فجأة هتزيد عن الحد اللى حددته من قبل لأنه الكنترول ب يفهم إنك عايز تجرى أو فى موقف طارئ


أنا فى الميجان عندى زرار بضغطتين الضغطة الأولى تشغل معاك ال cruise control الضغطة التانية تشغل speed limiter

[hisham_epe]

تمام تمام دى الوظيفة الأولى اللى هى تثبيت السرعة وبعدين بترفع رجلك عادى وتسيبها تمشى على السرعة اللى حددتها .... أو بتزود من الزرار + وتنقص من -

فيه خاصية تانى اسمها تحديد السرعة speed limiter ودى انت بتسوق فيها طبيعى جدا بس بتحدد سرعة متزيدش عنها ولكن لو ضغطت بنزين فجأة هتزيد عن الحد اللى حددته من قبل لأنه الكنترول ب يفهم إنك عايز تجرى أو فى موقف طارئ


أنا فى الميجان عندى زرار بضغطتين الضغطة الأولى تشغل معاك ال cruise control الضغطة التانية تشغل speed limiter

كويسه جدا الخاصيه ديه(speed limiter), لأنها بتخليك سايق عادى و بتحدد السرعه عشان متسرحش و السرعه تزيد عشان الرادار, فبتحقق حاجتين, الاولى انك بتفضل متحكم فى العربيه و التانيه ان السرعه ماتزيدش عن ال limit.

[bakkarahmed]

الحمد لله استلمت نيو سيراتو EX FO من اسبوعين, امبارح كانت اول قيادة طويله, القاهرة -اسكندريه عن طريق العلمين و العوده اسكندرية-القاهرة من الطريق الصحراوى اللى فيه تقريبا اكتر من 25كم مدقات قبل بوابات اسكندريه , كنت عايز اخلص ال 1000 كم الاولى و لاحظت الاتى, يا ريت اللى معاه العربيه يقول رأيه, و لكم الشكر:
1- العربيه جميله و ممتعه فى القيادة, ثابته و ماسكه نفسها على الطريق.
2- دواسة البنزين تقيله شويه فى الحركه من الثبات, يعنى على الطريق بعد اى مطب لما بدوس بنزين بحس ان الدواسه تقيله شويه , انا كعب رجلى بيبقى على الارض و المشط على الدواسه و لما رجلى كلها بتبقى على الدواسه ال RPM بيعلى و صوت الماتور بيعلى و العربيه بتفط , حاسس انى مش عارف اسوق, عايز اعرف استخدام الدواسه الصح.

الدواسه دي امرها سهل في صيانه الالف يبقوا يظبطوها اما بالنسبه للاستجابه هيا فيها تاخير بسيط جدا وهايظبط مع الوقت لان الكمبيوتر والفتيس باخدوا طبع سواقتك

3- فيه صوت طقطقه مع الفرمل لو العربيه نازله عى منزل و الطريق واقف, يعنى لما بمشى شويه و اقف شويه بيبقى المشى بالفرامل , فى الحاله ديه بسمع صوت طقطقة.

الطقطقه دي لو هيا زي طقطقه الاحتكاك لما تمسك فرامل وتسيب فده طبيعي علشان تطبيع التيل وهايختفي لما الفرامل تطبع

4-بعد ما مشيت فى طريق اسكندريه- القاهرة اللى مليان حصى و طوب , قلت ارفع العربيه و اشوف لو فيه حاجه مش طبيعيه, الحمد لله, مفيش حاجه , بس لاقيت ان مفيش تصفيح للموتور, وكمان لاقيت فيه صدى فى جزء من الكوبلن و بالتحديد الجزء اللى جنب كوتشة الكوبلن اللى فى النص, هل ده طبيعى و لا اقوللهم عليه فى صيانة ال 1000 .

صدي الكوبلن كنت باشوفه زمان في معظم العربيات المستعمله وبتبقي موديل سنتين فاتوا مثلا ومااعتقدش انه مؤثر... بس قولهم عليه في الصيانه

5-ناس كتير من ملاك العربيه قالوا ان عفشتها ناعمه, بس الحقيقه العفشه ناشفة شويه, انا بحس بأى تغير فى جودة الطريق, يعنى العربية ديه تعتبر اختبار كويس لجودة الاسفلت, فما بالكم بالمدقات, الكاوتش كنت ظابطه ع 32, هل العفشه بتنعم بعد الصيانه .

العفشه ناشفه شويه انما مش مدمره زي بتاع الشيب اللي فات ولا حتي زي الالنترا الجديده... ومع الوقت السوست والمساعدين بيريحوا شويه
6- حطيت وصلة USB فى ال USB port عشان اشحن الموبايل, هل ده افضل ولا اجيب شاحن سيارة و اركبه ف الولاعة.
مااعرفش افيدك فيها
7- شغلت مثبت السرعه ال cruise لما بزود السرعه بال (+) و ال (-) الRPM بيعلى ل 2 مره واحده و ينزل .
ماتشغلش المثبت في التليين لمسافه طويله لان الصح انك ماتثبتش علي سرعه واحده لمسافه طويله
لو دوست + بيسقط نقله وده الميكانزم في العربيه والمفاجأه انك لو فضلت دايس عليه 3 ثواني هايسقط نقلتين
ولو انت مثبت السرعه بالفعل وطالع مطلع هاتلاقيها سقطت نقله لواحدها
كل ده طبيعي
ربنا يكفيك شرها ويباركلك فيها

و شكرا جزيلا للى نصح بشراء العربيه

[hisham_epe]

انا بصراحه مش عارف اقولك ايه, جزاك الله كل خير, و ربنا يباركلك
بالنسبه للصدا,
1- ايه الاجراء اللى ممكن اخده لو قالولى ان ده طبيعى,
2- و هل اغير الكوبلن ولا كفايه يشيلو الصدى و يحطوا مانع صدى,
3- و هل الصدى مؤثر لأن فيه حد قالى ان الكوبلن حديد مقوى و الصدى مش هيخترقه و ان ده الطبقه الخارجيه بس
4- و اخيرا فيه ايه تانى ابص عليه ممكن يكون مصدى .

[rafikesmat]

باشا هو انت عربيتك مش مصفحة من تحت لو خليجى المفروض مصفحة ماعدا الموتور و بتكون مصفحة بكبقة بلاستيك عشان الصدا

[hisham_epe]

الف مبروك و ربنا يرزقك خيرها و يجنبك شرها
الصدا من حقك انهم يغيرولك الكوبلن فانتةمش مسئول عن سوء التخزين او النقل

جزاك الله خيرا, ان شاء الله هقولهم عليه فى التوكيل و اشوف هايقوله ايه, انا حجزت فى ابو رواش و معاد الحجز بعد اسبوع

[hisham_epe]

باشا هو انت عربيتك مش مصفحة من تحت لو خليجى المفروض مصفحة ماعدا الموتور و بتكون مصفحة بكبقة بلاستيك عشان الصدا

العربيه فعلا مصفحه من تحت ما عدا تحت الموتور او بالتحديد ما بين العجلتين الاماميتين و الصدى موجود على اسطوانه لفه حوالين عمود الكوبلن جنب كوتشه فى نص عمود الكوبلن, انا ما بصيتش على اجزاء تانيه لأن الوقت كان ضيق
الموضوع قلقنى و غالبا هارفعها فى بنزينه تانى و ابص عليها بهدوء
العربيه وكيل مش خليجى

[hisham_epe]

النقطه بتاعه العفشه دى ممكن تكون بسبب ضغط الكاوتش
والف مبرووك

شكرا لاهتمامك
انا ظبط الكاوتش اول ما اخدتها من المعرض زى اللى مكتوب على باب السواق 32 امامى و خلفى

[rafikesmat]

بص يا باشا انا راى ان دة ممكن يكون سوء تخزين من الوكيل لان صعب اوى يخصل صدا فى اى جزا فى خلال 2000 كيلو روح التوكيل تانى مع العلم انة مش موثر على حاجة مدام فى المكان دة

[hisham_epe]

بص يا باشا انا راى ان دة ممكن يكون سوء تخزين من الوكيل لان صعب اوى يخصل صدا فى اى جزا فى خلال 2000 كيلو روح التوكيل تانى مع العلم انة مش موثر على حاجة مدام فى المكان دة

تمام ربنا يكرمك
هل فيه اجزاء تانيه ابص عليها و حضرتك بتقول 2000كم , يعنى ممكن يحصل بعد ال2000
و هل فيه حد حصل معاه الموضوع ده فى اى عربيه تانيه
و ايه اللى يخليه يحصل فى عربيه و عربيه تانى لأ مع ان كل العربيات متخزنه فى نفس المكان و بنفس طريقة التخزين
انا بسأل عشان عايز اعرف اصل الموضوع, يعنى هل ممكن ان القطعه المصديه ديه تكون اصلا رديئه فبالتالى العوامل الجويه بتأثر فيها بسرعه و فى الحاله ديه هغير الكوبلن ولا ده مكان ممكن يحصل فيه صدى لأى عربيه حاجه common يعنى.

[rafikesmat]

بص يا باشا متقلقش نفسك مفيش تاثير واضح ممكن يحصل معاك او تحس بية بس انا بتكلم عشان العربية زيرو فحرام يعنى دة حقك روحلهم وحاول معاهم انهم يغيرو القطعة دية

[bakkarahmed]

موضوع الصدا ده بسيط وغير مؤثر ....اي حد يروح بنزينه ويتفرج علي العربيات من تحت (العربيات الجديده) هايلاقي الصدا بتاع الكوبلن ده عادي
بس قولهم عليه في التوكيل من باب التلكيك
الواحد من كتر ما بيسمع عن التوكيل استنتج ان المهندسين وظيفتهم انهم يطمنوا الزبون ويهمشوا شكوته مش وظيفتهم تصليح واقناع العميل