إستفسار سريع عشان هاشتري بكره

[Fouad Ezz]

السلام عليكم


معروض على كيا كارينز الشكل القديم موديل 2013 هاي لاين ... بس فى كام إستفسار لو سمحتم؟

أولا السيارة عاملة 26 ألف كيلو ... وشكل صالونها من جوة محترم جدا وغير مهان ...
لكن العربية مرشوشة من برة .. صاحبها بيقول .. تجاريح وخرابيش وتم رشها فى التوكيل على حساب التأمين
الشيء ده مقلقنى ,, وخاصة أنه طالب فيها 145 ألف ... ودة أقل من المطلوب فى مثيلاتها على النت .. ماأعرفش أسعر الواقع إية؟

ثانيا السيارة ليس بها باكتيات نيكل أو أكر نيكل أو مرايات ضم
فقط بها إشارات بالمرايات وتحكم طارة ... كدة تبقى هايلاين؟

ثالثا .. لوحبيت أكشف عليها فى التوكيل ... إية أقرب توكيل من مدينة نصر وهل لازم حجز قبلها ولا لأ؟

أرجو إبداء الرأي والمشورة سريعا

[eng.khater]

مبروك ان شاء الله اما اقرب فرلع ليك عندك فرع لكيا عند مصنع بتروجاس اول طريق العين السخنة قبل ماتعدي الطريق الدائري و ممكن تكلم التوكيل تحجز و هتاخد معاد تروح فية اما السعر دا نقدرش افيدك فية الصراحة بس ان شاء الزملاء يفدوك

[ENG.MaRk]

أنا شايف إن سعرها مناسب و مش أقل من مثيلاتها بفارق كبير (وارد صاحبها يكون مسافر مثلا و محتاج يبيعها بسرعة) ...إخواتها معروضين ب 160,000 و ده سعر مبالغ فيه أوي ...لو فابريقة فعلا يبقي ده مكسب ليك بس اكشف عليها كويس ... أعتقد ديه تاني فئة أوتو عشان الهاي لاين كانت معايا و كان المرايات ضم كهرباء و كان فيها حساسات ركن و كاميرا و نواكل !!!

[ahmed9003]

فيه مركز معتمد لكيا فى التجمع التالت لماتدخل من الدائرى من جنب اكاديمية الشرطة وتاخد الطريق لاخره وتاخد اجبارى يمين وبعدين اول يوترين شمال وتسأل عن توكيل حتلاقيه على بعد 250 متر من اليو ترين جوا محطة بنزين

ونصحيتى لحضرتك بلاش التسرع فى الشراء .. لو العربية من نصيبك حتستناك عشان كده اكشف عليها براحتك واسأل عن السعر مرة واتنين واستخير عشان تبقى مطمن وانت بتشترى

وربنا يوفقك للى فيه الخير ان شاء الله

[hesham fawzy h]

فى واحد على طريق السويس تحت كوبري الجيش على ناصية داخلة 4.5

[hesham fawzy h]

مكتوب علية كيا بس معرفش دة اية

[Mohamed_Ayman]

مكتوب علية كيا بس معرفش دة اية

ده القاهرة اوتو .. مركز خدمة معتمد.. وهو كويس على فكرة .. وعندهم خدمة الكشف عن السيارات المستعملة.. بالتوفيق ان شاء الله.

[Sherif Khalifa]

غالية جدا على انها 2013 مرشوشة

[amr011111]

عربيه مستعمله موديل 2013 ب 145 الف جنيه
انا عندى اقتناع ان الواحد يجيب عربيه مستعمله سعرها الزيرو غالى زى البى ام
انما الاحسن لك انك تضشوف عربيه زيرو ب 145 الف جنيه وتبقى اول واحد تركبها وعارف تاريخها ولا كشف ولا بتاع

[Fouad Ezz]

عربيه مستعمله موديل 2013 ب 145 الف جنيه
انا عندى اقتناع ان الواحد يجيب عربيه مستعمله سعرها الزيرو غالى زى البى ام
انما الاحسن لك انك تضشوف عربيه زيرو ب 145 الف جنيه وتبقى اول واحد تركبها وعارف تاريخها ولا كشف ولا بتاع

مفيش زيها بـ 145 زيرو
الموجود سيدان عادي

[Fouad Ezz]

غالية جدا على انها 2013 مرشوشة

بعد فصال ومناهدة وصلنا لـ 143
حضرتك شايف بلاشها خالص عشان رشة
ولا السعر ينزل لغاية كام؟

[Fouad Ezz]

أنا شايف إن سعرها مناسب و مش أقل من مثيلاتها بفارق كبير (وارد صاحبها يكون مسافر مثلا و محتاج يبيعها بسرعة) ...إخواتها معروضين ب 160,000 و ده سعر مبالغ فيه أوي ...لو فابريقة فعلا يبقي ده مكسب ليك بس اكشف عليها كويس ... أعتقد ديه تاني فئة أوتو عشان الهاي لاين كانت معايا و كان المرايات ضم كهرباء و كان فيها حساسات ركن و كاميرا و نواكل !!!

إتضح إن فعلا الـ 2013 كانت بتنزل كدة... من غير نواكل أو مرايات ضم
http://www.nilemotors.net/Nile/336505-130-2013-a.html

[Fouad Ezz]

طب دلوقتى .. أنا لوصرفت نظر عن العربية دى ... قدامي واحدة تانية لـــــــــــــــــــــٌقــطة ... كحالة زيرو بمعنى الكلمة
لكن موجودة فى دمياط .. فى معرض إسمة البقري ... وطالب 155 ألف موديل 2012
إزاي أروح دمياط واعاين وأشتري ... لوحدى .. ومعرفش حد أو حاجة هناك ...
هل من أراء؟
حد من إخوانا هنا من دمياط أو بورسعيد ... يجى معايا ويساعدنى وله الأجر والثواب؟

[hesham fawzy h]

يا فؤاد بية الاسعار ابى حضرتك بتتكلم فيها دى مش لقط خالص

مثلا : لقطة فى الكارنز يعنى مو 2012 ماشية اقل من 30 الف كم ب 120:125

[hesham fawzy h]

والاسعار الى بقولك عليها دى موجودة كتير

بس اهم حاجة فة الشراء بلاش استعجال

و دور كتير .. علشان الاستعجال سبب اللبس