إستفسار سريع عشان هاشتري بكره

[Fouad Ezz]

يا فؤاد بية الاسعار ابى حضرتك بتتكلم فيها دى مش لقط خالص

مثلا : لقطة فى الكارنز يعنى مو 2012 ماشية اقل من 30 الف كم ب 120:125

أنا أقصد بلقطة ... (حالة العربية) .. أنا بادور على حاجة مافيهاش خربوش .. أكنى باستلم من المعرض وماتكونش راشة أو مغيرة حاجة أو ملعوب فيها ...

إللى فى دمياط عاملة 14 ألف كيلو ... مرفوعة سنتين ... بأكياس وإستيكر المصنع ...
الكلام فى التليفون قالى 155 ... طبعا ده معرض ومأفور فى السعر ...
لما أروح ونتكلم فى الفلوس .. ممكن توصل 150 مثلا

هى كانت بـ 134 أيام ما الدولار كان بـ 5.70 يعنى كانت تساوي 23500
بحساب تغير العملة بس شوف دلوقتى تبقى حوالى 170 ألف .....
والتجار والناش إللى عندهم الكارينز معتمد على أنها مش موجود منها جديد وبالتالي .. الحالة النادرة ليها سعرها ....
أنا شوفت عربيات 2013 ناقصة أوبشنز كتير عن 2012 ومليانة تجاريح ورش ..والناس مصممة على 145 ...

أعتقد فرق الحالة والكمياليات يستاهل 5 ألاف جنية ومشوار لحد دمياط

[hesham fawzy h]

انا عايز اقولك حاجة ماتخدش اسعارك من على النت ولا السوق علشان النت كل واحد بيطلب بمزاجة اى كلام يعنى .. و السوق اغلبيتة تجار و نصابين

ف انت ممكن تنزل تسستم صاحب معرض او ااى شغالين فية يوقعولك كارنز لقطة زى ما انت عايز و بالسعى الى انت عايزة الى هو مثلا 125 الف .. فى مقابل مثلا هتزودة فى السمسرة شوية يعنى مثلا تديلو الفين ولا حاجة و تسستم العيال الى شغالين معاة

و بالتوفيق

[MR . Gold]

طب دلوقتى .. أنا لوصرفت نظر عن العربية دى ... قدامي واحدة تانية لـــــــــــــــــــــٌقــطة ... كحالة زيرو بمعنى الكلمة
لكن موجودة فى دمياط .. فى معرض إسمة البقري ... وطالب 155 ألف موديل 2012
إزاي أروح دمياط واعاين وأشتري ... لوحدى .. ومعرفش حد أو حاجة هناك ...
هل من أراء؟
حد من إخوانا هنا من دمياط أو بورسعيد ... يجى معايا ويساعدنى وله الأجر والثواب؟

ياباشا واضح ان حضرتك مستعجل للشراء وبكدة ممكن تخسر كتير ويتنصب عليك نصيحة لحضرتك ياتجيبها زيرو الشكل الجديد يااما تشتري من اي حد تثق فية وفية معارض كتير في القاهرة مستعمل وبعضهم محترمين ممكن حضرتك تنزل تلف لفة كدة وهاتشوف طلبك موجود ولالاء .. وربنا يوفقك

[yyy]

لكن موجودة فى دمياط .. فى معرض إسمة البقري ... وطالب 155 ألف موديل 2012

الاسعار دي مبالغ فيها جدا و ال بيقول الاسعا ردي معتمد علي انو يلاقي حد ملوش خبره و يدبس فيها

[Mohamed_Ayman]

طب دلوقتى .. أنا لوصرفت نظر عن العربية دى ... قدامي واحدة تانية لـــــــــــــــــــــٌقــطة ... كحالة زيرو بمعنى الكلمة
لكن موجودة فى دمياط .. فى معرض إسمة البقري ... وطالب 155 ألف موديل 2012
إزاي أروح دمياط واعاين وأشتري ... لوحدى .. ومعرفش حد أو حاجة هناك ...
هل من أراء؟
حد من إخوانا هنا من دمياط أو بورسعيد ... يجى معايا ويساعدنى وله الأجر والثواب؟

بص يا باشا بالنسبة للبقرى أعرف انه بيجيب عربيات نظيفة فعلا بس سعره بيكون عالى شويتين حتى بعد الفصال.

بالنسبة لدمياط ، أنا لو كنت هناك كنت قابلتك ، على كل حال الموضوع بسيط ، لو رايح بعربية هتاخد طريق مصر الاسماعلية وتكمل فيه ، لو مواصلات يبقى شرق الدلتا أنسب حاجة من الترجمان أو ألماظة.

ربنا ييسر لك الخير ، وبالتوفيق

[Sherif Khalifa]

حضرتك وصلت انك عندك استعداد تدفع لحد 150 الف

اول فئة اتوماتيك (الشكل الجديد) بحوالى 180 الف

يعنى حوالى 30 ممكن يتقستو
و لك الاختيار الان

[Fouad Ezz]

حضرتك وصلت انك عندك استعداد تدفع لحد 150 الف

اول فئة اتوماتيك (الشكل الجديد) بحوالى 180 الف

يعنى حوالى 30 ممكن يتقستو
و لك الاختيار الان

الكماليات والوسع والإرتفاع لصالح الشكل القديم ...
انا إتفرجت على الجديدة ممتازة ... لكن مش عملية .. عشان أنا طبيعة تعاملى مع العربية مهملة شوية ... غير أن أحيانا ممكن أضطر أحملها شغل ....
عشان كدة أنا ميال للشكل القديم ... وعايز حاجة تكون (شبة زيرو) بمعنى الكلمة ... مش مجرد مستعملة وخلاص ...

[Tmhami]

الكماليات والوسع والإرتفاع لصالح الشكل القديم ...
انا إتفرجت على الجديدة ممتازة ... لكن مش عملية .. عشان أنا طبيعة تعاملى مع العربية مهملة شوية ... غير أن أحيانا ممكن أضطر أحملها شغل ....
عشان كدة أنا ميال للشكل القديم ... وعايز حاجة تكون (شبة زيرو) بمعنى الكلمة ... مش مجرد مستعملة وخلاص ...

فكر فى كيا سول , أول فئه ب 156 عاليه و عمليه و فيها كماليات كتير بس من غير abs

حرام أنك تدفع 150 كاش فى عربيه كورى 2012 و كمان من دمياط ,
لو حابب انا شغلى فى التجمع ممكن أقابلك و تجرب العربيه أنا معايا كيا سول 2015

[Fouad Ezz]

فكر فى كيا سول , أول فئه ب 156 عاليه و عمليه و فيها كماليات كتير بس من غير abs

حرام أنك تدفع 150 كاش فى عربيه كورى 2012 و كمان من دمياط ,
لو حابب انا شغلى فى التجمع ممكن أقابلك و تجرب العربيه أنا معايا كيا سول 2015

متشكر جدا لذوق حضرتك ... أنا فعلا .. بفكر فيها ...
وانا عارف إن سعر الكارينز اوفر جدا .. عشان كدة باخد أراء الناس