مشاكل تواجهنى فى فتيس نيو سيراتو 2014..

[OssamaAnis]

عندى مشكله فى السيراتو 2014 لما بهدى بالعربيه بحس بكلبشه زى ماتكون نقله فتيس عكسى ...فهل دة طبيعى ؟؟؟ ورعشه عند التشغيل صباحا وتختفى لما تسخن العربيه... وفيها رعشه بعد 90 الى 120 ...مع العلم انى قمت بالترصيص وفوجئت بوجود الفرد دون رصاص نهائئ...والعربيه عامله 4150

[migoph]

راجع التوكيل طبعا

خليجي ولا وكيل ؟ واي فئة ؟ وهل هيه جنط ١٥ ولا ١٦ ولا ١٧

وهل الاحساس ده علطول ولا بيظهر فترات و يختفي

[OssamaAnis]

العربيه خارج الضمان علشان هى خليجى أردنى وبعمل الصيانات فى مركز خدمة خارجى . اما المواصفات فهى هاى لين جنط 16 طنابير حلة خلفى ..وفتحة سقف.و بدون مثبت سرعه و abs ....الرعشه مستمرة صباحا فقط وعند سرعه 90 وكانت فيها صوت فى الفرامل وعملوه فى صيانه 1000 ومارجعش تانى.. رحتلهم النهاردة فى المركز وحطو العربيه على الجهاز بس مفيش اى حاجه فى الفتيس وانا بقولو انا بحس بالفرامل وانا بهدى على 40 بتنقل غيار اقل وبحس بيه رد وقالى دة طبيعى فى العربيه دى فعايز اتاكد من كلامه واسال حد معاة العربيه دى اى فئه علشان فتيس وموتور وعفشه واحدة ولاختلاف فى الكماليات فقط ...

[migoph]

انته كنت المفروض خليته في مركز الخدمه جرب العربيه و يشوف ده طبيعي ولا لا

[medo_sirion]

زي ماقلتلك كده لعندك مشكله فى قعده من قواعد الماتور لاما قعده الفتيس وطبعا ارجع قعده الفتيس علشان النتشه

[Dr_Smart]

اعتقد ان تسقيط نقله مع الفرمله دي حاجه طبيعية

[Mohamedjetta]

اعتقد ان تسقيط نقله مع الفرمله دي حاجه طبيعية

انا بقول برضو كده

[profimh]

بالننسبةلل حضرتك ذكرته موجود فى اختها الإلنترا و طبيعى جدا و بيحصل من غير فرملة انت مجرد تسيبها من عند 60 خالص بتحس بالنقلة لما تقل سرعتها ل 40 طبعا لان ال rpm اقل طبعا فبتنقل هى طبيعى للغيار اللى تحت
بس نظرا لان نسب gear ratio فيها فرق زيادة بين الغياريين بيخليك تحس بالنقلة فمتقلقش منها ده طبيعى
انا معاك هو مقلق عند إحساسه لاول مرة بس المهم أنه طبيعى

[soltanfriend]

بالننسبةلل حضرتك ذكرته موجود فى اختها الإلنترا و طبيعى جدا و بيحصل من غير فرملة انت مجرد تسيبها من عند 60 خالص بتحس بالنقلة لما تقل سرعتها ل 40 طبعا لان ال rpm اقل طبعا فبتنقل هى طبيعى للغيار اللى تحت
بس نظرا لان نسب gear ratio فيها فرق زيادة بين الغياريين بيخليك تحس بالنقلة فمتقلقش منها ده طبيعى
انا معاك هو مقلق عند إحساسه لاول مرة بس المهم أنه طبيعى

انا معايا النترا 2015 ومش بيحصل خالص تسقيط نقلات محسوس تماما
انا واحد صاحبي كان معاه نيسان صني 2011 زيرو وكان بيقرص عليها من يوم ما اشتراها حتي في التليين بعد 6000 كيلو العربيه نقلاتها بقت ملحوظه جدا

[profimh]

انا معايا النترا 2015 ومش بيحصل خالص تسقيط نقلات محسوس تماما
انا واحد صاحبي كان معاه نيسان صني 2011 زيرو وكان بيقرص عليها من يوم ما اشتراها حتي في التليين بعد 6000 كيلو العربيه نقلاتها بقت ملحوظه جدا

طيب إعمل اللى بقلك عليه عند ال 60 مثلا سيبها خالص تكمل من غير بنزين و لا فرامل و انت هتحس بالنقلة و ده طبيعى زى ما شرحت هتلاقى العربية نزلت للغيار اللى اقل و هتحس انها حصلها تلجيمة فرملة خفيفة و ملحوظة زى كده لما تستخدم الفتيس لتقليل سرعة او بيسموها فرملة فتيس ساعات.
معلش طولت عليك

[amr abuelmgd]

جرب اي عربيه زيها و شوف الفرق احسن

[OssamaAnis]

كلامك صح يا أستاذ ابراهيم انا جربت اللى بتقولو وسيبتها وحسيت بالتلجيمه دى واتضايقت جدا واتنرفزت على العربيه وجبتها ستيبترونك وقرصت على الغيارات لحد 5 وجيت افرمل جامد لقيتها اتظبطت شويه ورجعت تانى ومبقتش فاهم لها حاجة خالص ....بس اللى انتى بتقولو عن gear ratio كان موجود فى الاوبل استرا والناس اشتكت وحلوها بعمل update للسوفت وير بتاع العربيه وبتروح التلجيمه ...بس هل يمكن تحديث السوفت وير بتاع كنترول الفتيس للسيراتو ؟؟؟

[Khaled Elanany]

انا عندي نفس العربية و نفس الموضوع حتى بتاع الفرامل ، بس الرعشة بتاعة الصبح و الماتور بارد ديه لسه ظاهره معايا و مستغربها و بتحصل لما الدنيا بدقت تبرد و لما اجي ادورها الصبح

[houseiny]

باشا بالنسبة لموضوع التلجيمة بتاعت الغيار لما بتنزل عند سرعة 60 دي عندي برضه في الكارينز الشيب الجديد ، وده موجود في معظم الستيب ترونيك الست سرعات في الكيا الجديد ، وده على حد معلوماتي لان العربية 6 غيار وبتسقط اوتو مع تقليل السرعات ، وده نظام بيساعد مع الفرامل عشان تساعد في تقليل المسافة المطلوبة للفرملة ، بالنسبة للرعشة ، بصراحة مش عايز افتي فيها عشان معرفش ، بس ساعات بتحصل في معظم العربيات لما بتكون الدنيا برد ، على العموم راجع قواعد الموتور والفتيس ، لان حضرتك بتقول انها بتظهر بعد سرعة 90 ، يعني مش مع التسخين بس ، حضرتك راجع قواعد الموتور ممكن تكون عايزه تتربط او فيها عيب صناعة.

[profimh]

كلامك صح يا أستاذ ابراهيم انا جربت اللى بتقولو وسيبتها وحسيت بالتلجيمه دى واتضايقت جدا واتنرفزت على العربيه وجبتها ستيبترونك وقرصت على الغيارات لحد 5 وجيت افرمل جامد لقيتها اتظبطت شويه ورجعت تانى ومبقتش فاهم لها حاجة خالص ....بس اللى انتى بتقولو عن gear ratio كان موجود فى الاوبل استرا والناس اشتكت وحلوها بعمل update للسوفت وير بتاع العربيه وبتروح التلجيمه ...بس هل يمكن تحديث السوفت وير بتاع كنترول الفتيس للسيراتو ؟؟؟

بالنسبة لى فى الالنترا ملقيتش any update لسوفت العربية عند الوكيل
بس مش عاوزك تتنرفز و لا حاجة الموضوع ببساطة اتظبط معاك عشان انت كنت بتفرمل يعنى التلجيمة و انت بتفرمل مش محسوسة و حسنت اداء الفرامل بالنسبالك و ده اللى انا قلتهولك انك مش هتحسها الا لما تسيبها من غير بنزين او فرامل