الكاوتش الأمامى إنتهى بعد 20 الف كم ... كيا سيراتو الجديده

[Hosam_Optrawy]

في مفاجأه غريبه ماكنتش متوقعها ، بعد إستعمال 20 الف كم في سنتين

إكتشفت بالصدفه ان الكاوتش الأمامى في عربيتى منتهى تماما ولا كأنى مشيت عليه 60 الف وأكتر !!! للأسف نسيت أصوره قبل ما أغيره

الكاوتش اللى نازل فيها Nexen وإسم الموديل CP643a ، مش من الحاجات المعروفه أوى في Nexen وإكتشفت برضه إن مش كل السيراتو بتنزل بيه فيه منهم بينزل ب Kumho و Hankook يمكن عشان عربيتى كانت من أول الإنتاج جايز بعد كدا إتغير

المهم انا أصلا إكتشفت الحكايه دى وانا في التوكيل عشان كنت باصلح الازاز اللى ورا شمال ماكنش شغال ، فالمهندس اللى بيستلم منى بيبص كدا عالكاوتش لقاه كدا فبيقولى انت الكاوتش اللى قدام عندك خلاص اتاكل خالص ولازم يتغير انت بتمشى كتير ؟ قولتله لا دانا لسه ماكملتش ال 20 الف أصلا ، طبعا شوفت المنظر اتصدمت وانا ماكنش في دماغى اشيك عليه بعد الفتره الصغيره دى

فعرض عليا أغيرهم عندهم بالمره وهما عندهم الكاوتش وسعره معقول مقارنة ببره ، قولت ماشى عشان يبقى كله نفس النقشه مع انى قفلت من الموديل دا

بعد ما مشيت ورجعتلهم بعد الضهر كانوا خلصوها خلاص المفاجأه التانيه غيرهم ب Nexen بس موديل تانى إسمه N8000 ، طبعا كنت خلاص دفعت والكاوتش ركب ومشيوا بيه كانوا بيجربوا العربيه فخلاص أمر واقع مش هاعرف أرجعه

كنت حابب ان كله يبقى نفس النقشه بس بصراحه ال N8000 أصلا يعتبر أفضل حاجه في ال Nexen ونقشته شبه ال Kumho Ecsta ومواصفات الفرده أحسن من اللى كانت راكبه ZR17 وتراكشن AA وطبعا Made in Korea

اللى عربيته نازله ب Nexen ونفس الموديل اللى كان عندى يشيك عليه وربنا يستر عالجميع

الحمد لله

[amr011111]

اللى يخلى الكاوتش يتاكل بالسرعه ديه هوه عيب زوايا عندك
طالما الامامى اتاكل والخلفى لا

[Hosam_Optrawy]

اللى يخلى الكاوتش يتاكل بالسرعه ديه هوه عيب زوايا عندك
طالما الامامى اتاكل والخلفى لا

اعتقد كنت هاحس لو في حاجه في الزوايا كانت العربيه تحدف او الكاوتش يصرخ مع الفرامل

ولو افترضنا انه عيب زوايا هل الكاوتش بيتاكل من الأطراف ولا بكامل المداس بتاعه ؟

عموما هابقى اكشف عليها احتياطي

[amr011111]

هوه المفروض من الاطراف انما لو من المداس مش بتحصل غير لما تكون جلب المقصات بايشه خالص بس ده هيخلي اللى عنده الموضوع ده ميقدرش يمشى بالعربيه اصلا

[moha sasa]

في مفاجأه غريبه ماكنتش متوقعها ، بعد إستعمال 20 الف كم في سنتين

إكتشفت بالصدفه ان الكاوتش الأمامى في عربيتى منتهى تماما ولا كأنى مشيت عليه 60 الف وأكتر !!! للأسف نسيت أصوره قبل ما أغيره

الكاوتش اللى نازل فيها nexen وإسم الموديل cp643a ، مش من الحاجات المعروفه أوى في nexen وإكتشفت برضه إن مش كل السيراتو بتنزل بيه فيه منهم بينزل ب kumho و hankook يمكن عشان عربيتى كانت من أول الإنتاج جايز بعد كدا إتغير

المهم انا أصلا إكتشفت الحكايه دى وانا في التوكيل عشان كنت باصلح الازاز اللى ورا شمال ماكنش شغال ، فالمهندس اللى بيستلم منى بيبص كدا عالكاوتش لقاه كدا فبيقولى انت الكاوتش اللى قدام عندك خلاص اتاكل خالص ولازم يتغير انت بتمشى كتير ؟ قولتله لا دانا لسه ماكملتش ال 20 الف أصلا ، طبعا شوفت المنظر اتصدمت وانا ماكنش في دماغى اشيك عليه بعد الفتره الصغيره دى

فعرض عليا أغيرهم عندهم بالمره وهما عندهم الكاوتش وسعره معقول مقارنة ببره ، قولت ماشى عشان يبقى كله نفس النقشه مع انى قفلت من الموديل دا

بعد ما مشيت ورجعتلهم بعد الضهر كانوا خلصوها خلاص المفاجأه التانيه غيرهم ب nexen بس موديل تانى إسمه n8000 ، طبعا كنت خلاص دفعت والكاوتش ركب ومشيوا بيه كانوا بيجربوا العربيه فخلاص أمر واقع مش هاعرف أرجعه

كنت حابب ان كله يبقى نفس النقشه بس بصراحه ال n8000 أصلا يعتبر أفضل حاجه في ال nexen ونقشته شبه ال kumho ecsta ومواصفات الفرده أحسن من اللى كانت راكبه zr17 وتراكشن aa وطبعا made in korea

اللى عربيته نازله ب nexen ونفس الموديل اللى كان عندى يشيك عليه وربنا يستر عالجميع

الحمد لله

- فى النوبيرا والفيرنا مثلاً الناس بتبتدى ترمى الكاوتش والجنط عند 30 ألف كيلو.

[migoph]

عزيزي حسام

اخبارك

يا رب بخير

كل السيراتو الجديده بتنزل ب nexen انا مشفتش سيراتو جديده الا وفيها نكسن وهوه فعلا سئ غير ان صوته عالي علي الطريق

سيراتو ٢٠١٠ كانت بتنزل ب هانكوك وكان ممتاز عن تجربه

والريو ، الجديده بتنزل ب كونتننتال ،، واظنه افضل من ال نكسن

والله اعلم

[Hosam_Optrawy]

هوه المفروض من الاطراف انما لو من المداس مش بتحصل غير لما تكون جلب المقصات بايشه خالص بس ده هيخلي اللى عنده الموضوع ده ميقدرش يمشى بالعربيه اصلا

لا العربيه كانت طبيعيه جدا وماكنتش حاسس بأى حاجه غريبه

المداس بالكامل مش بس ممسوح لأ دانت ممكن تمسك حته صغيره تشدها تطلع في إيدك

- فى النوبيرا والفيرنا مثلاً الناس بتبتدى ترمى الكاوتش والجنط عند 30 ألف كيلو.

30 الف دا قليل كمان المفروض مش اقل من 40

عزيزي حسام

اخبارك

يا رب بخير

كل السيراتو الجديده بتنزل ب nexen انا مشفتش سيراتو جديده الا وفيها نكسن وهوه فعلا سئ غير ان صوته عالي علي الطريق

سيراتو ٢٠١٠ كانت بتنزل ب هانكوك وكان ممتاز عن تجربه

والريو ، الجديده بتنزل ب كونتننتال ،، واظنه افضل من ال نكسن

والله اعلم

الحمد لله ياباشا

انا شوفت سيراتو 2014 وكيل نازله بكونتينينتال وطبعا احسن من نكسن

- - - - - - - - - - -

انا قعدت افكر ايه ممكن يكون السبب مش لاقى

في تفسير وحيد بس برضه مش مقتنع بيه اوى انه يدمر فردتين

في حته كدا حوالى 50 - 100 متر باعدى عليها كل يوم وهو طريق مش متسفلت عباره عن تراب وطوب ابيض اللى عامل زى الجير قبل السفلته

معقول يكون هو السبب ؟ وليه الفردتين اللى قدام بس ليه مش ال 4

[MR . Gold]

بس انا عربيتي سيراتو خليجي 2014 نازلة بكاوتش كونتينتتال والحقيقة وانا بتفرج علي كذا عربية في المعرض وانا بشتري عربيتي كان فية عربيات بردو خليجي نازلة بكاوتش نكسن والحقيقة انا اللي اختارت سيارتي اللي نازلة بكاوتش كونتينتتال لان اعرف العربيات الاروبي وخصوصا الاوكتافيا بتنزل بالكونتينتتال علشان كدة فضلت اختياري لكاوتش كونتينتتال وانا بشتري العربية .. وربنا هو الحارس والحافظ

[borio1704]

أنا الكاوتش عندي نكسن بردو..

بردو الكاوتش الأمامي اتاكل بسرعة شوية.. بس مش لدرجة إني أغيره..

عند ال25 ألف جبت الفرد اللي ورا قدام وكانوا لسه بحالتهم.. وبصراحة حسيت كإني جبت جوز جداد.

المهم... أتوقع إن حضرتك بتدخل ملفات بسرعة عالية شوية.. خصوصا لو الملفات ضيقة.. وده أكيد بيأثر جدا على تآكل الكاوتش.

وما تنساش إن جزء كبير من الوزن متركز في الأمام.


...

[migoph]

النكسن اصلا ناشف شويه بدليل صوته علي الطريق عالي ولو طريق سئ بتحسه مزعج

ممكن بسبب انه ناشف مع الملفات وكده بيتاكل والله اعلم

فعلا كان هانكوك افضل او كونتننتال مش عارف كيا عملت كده ليه

علي فكره كنت شايف اعلان ل كيا سيراتو في فرنسا كان الكاوتش نكسن برضه

[migoph]

انا كان معايا سيراتو ٢٠١٠ من الزيرو و كنت بايعها من ٣ شهور عامله ٣٠ الف كيلو وكانت كاوتشتها كالزيرو هانكوك كومهو


الكاوتش ال نكسن كنت ماشي في حته تقريبا فيها كسر زجاج

بصيت في الكاوتش لقيت حته صغيره من الزجاج شاقه في النقشه بتاعه الكاوتش وبايته جواها

فعلا سئ جدا النكسن ده

[medo_sirion]

الغريبه بقي في الموضوع ده ان التوكيل غيرلك الماوتش لولا لما كلمتهم قالواي انهم بطلوا يبيعوا كاوتش ولو عاوز رقم وكلاء للكاوتش ممكن يدوني ارقمهم ازاي بقي غيرولك الكاوتش وياريت تزكر الفرع الي اتعاملت معاه

[migoph]

الغريبه بقي في الموضوع ده ان التوكيل غيرلك الماوتش لولا لما كلمتهم قالواي انهم بطلوا يبيعوا كاوتش ولو عاوز رقم وكلاء للكاوتش ممكن يدوني ارقمهم ازاي بقي غيرولك الكاوتش وياريت تزكر الفرع الي اتعاملت معاه

الكلام ده في قطر مش في مصر

[medo_sirion]

معلش مكنتش اعرف بس كفايا عرفت الناس بالورشه الي عندنا الي مسميه نفسها توكيل

[Hosam_Optrawy]

أنا الكاوتش عندي نكسن بردو..

بردو الكاوتش الأمامي اتاكل بسرعة شوية.. بس مش لدرجة إني أغيره..

عند ال25 ألف جبت الفرد اللي ورا قدام وكانوا لسه بحالتهم.. وبصراحة حسيت كإني جبت جوز جداد.

المهم... أتوقع إن حضرتك بتدخل ملفات بسرعة عالية شوية.. خصوصا لو الملفات ضيقة.. وده أكيد بيأثر جدا على تآكل الكاوتش.

وما تنساش إن جزء كبير من الوزن متركز في الأمام.


...

ممكن برضه بس الى استغربتله ان المسافه قليله اوى عشان يتاكل كدا

انا كان معايا سيراتو ٢٠١٠ من الزيرو و كنت بايعها من ٣ شهور عامله ٣٠ الف كيلو وكانت كاوتشتها كالزيرو هانكوك كومهو


الكاوتش ال نكسن كنت ماشي في حته تقريبا فيها كسر زجاج

بصيت في الكاوتش لقيت حته صغيره من الزجاج شاقه في النقشه بتاعه الكاوتش وبايته جواها

فعلا سئ جدا النكسن ده

مش كل النكسن سئ في موديلات منه كويسه

معلش مكنتش اعرف بس كفايا عرفت الناس بالورشه الي عندنا الي مسميه نفسها توكيل

مش ورشه ولا حاجه لان التوكيل هنا برضه يعتبر اشتغلنى قاللى هاغيرلك بنفس النوع والموديل والنقشه لقيتهم مركبين نكسن بس موديل تانى

كان ممكن ادور عليه بره بس انا كنت عارف ان صعب الاقيه فقولت كويس ان عندهم اغيره