لازم نعترف بامانة

[shifoo68]

لازم نعترف بامانة ان السيراتو الشكل الجديد الجنط 17 متعب وناشف فعلا ويوجد دبة جامدة فى اى نقر او بلاعة عالية ولكن هو مدى للعربيى شياكة تحفة وثبات حلو ,,,, هل الدبة او النشوفية او الهبدة دى ممكن تروح مع تغيير الكاوتش ونوعة ,,,,, مع العلم انى عامل عندى نيتروجين وضبطة على 32 علشان بخرج بالعربية يوم واحد او 2 فى الاسبوع,,,,, غير كدة العربية تمام

[Hosam_Optrawy]

شكلك ماجربتش الجنط ال 17 في الشكل القديم :)

طيب الكاوتش عندك نوعه ايه وانهى موديل

[HishamShafai]

و الشكل القديم كمان , أنا لسة شارى سيراتو 2010 راكب فيها جنط 17 و برضه أحس نفس الإحساس في الشوارع الداخلية و لا أستمتع بها إلا عندما أطلع على طريق سريع خاصة إننى كنت واخد على نعومة اللانوس و كانت حنينة في المطبات و الحفر.

[ali ashraf]

الجنط 17 فاشل فى مصر

السلام عليكم ....عن تجربتى الشخصية الجنط 17 غير عملى فى شوارع مصر بالمرة, كما لو كان امبليفير بيزيد من قوة المطب و احساسك به و عملت المستحيل علشان اتخلص من العيب ده معرفتش, انا مش متخصص فى السيارات و لا الاطارات بس بنقل تجربتى يا ريت حد ممكن يفسر لنا الكلام ده

[hany63]

هيا قاعده و مجربها في كل العربيات
عايز شكل و شياكة و ثبات الجنط 17 يكسب بس العزل يقل و العفشه تبقى ناشفه بغباء و احتمالية البلالين تزيد
عايز حاجه عمليه و عفشه ملبن و تحس ان العربيه سحبتها خفيفه في مقابل ثبات اقل سنه و شكل معقول يبقى جنط 15 او 16 بالكتير

[shifoo68]

شكلك ماجربتش الجنط ال 17 في الشكل القديم :)

طيب الكاوتش عندك نوعه ايه وانهى موديل

دى اول مرة لية اركب جنط 17 وكان معايا سيراتو 2008 بس تقريبا جنط 15 أو 16 مش فاكر والكاتب حضرتك الفابريكة بتاعتها ونوع نيكسن

[shifoo68]

السلام عليكم ....عن تجربتى الشخصية الجنط 17 غير عملى فى شوارع مصر بالمرة, كما لو كان امبليفير بيزيد من قوة المطب و احساسك به و عملت المستحيل علشان اتخلص من العيب ده معرفتش, انا مش متخصص فى السيارات و لا الاطارات بس بنقل تجربتى يا ريت حد ممكن يفسر لنا الكلام ده

شكرا لرد حضرتك هو فعلا غير عملية فى شوارع مصر وعايز طرق مفتوحة بس ثباتها يجننعر وللأسف كل العربيات اللى جاية من برة بقيت ب تبدأ بجنط 17 وفى 18 وفى كمان 19 ودة يبقى هلاك وصدقينى بفكر ابيع بس محتار اركب اية فى ظل الأسعار المجنونة اللى الواحد بسمع عنها دلوقتى

[devil_storm]

انا برده معايا النترا ٢٠١٢ جنط ١٦ و العفشه ناشفه و بتهبد في المطب تحس انها حتتكسر، علي فكره انا جربت سيراتو الشكل القديم جنط ١٥ و الشكل الجديد جنط ١٧ و الاتنين انعم من عربيتي!! و كل ما اشتكي في التوكيل يقلولي العفشه سليمه و هي كده!

[migoph]

انا كان معايا سيراتو ٢٠١٠ جنط ١٥

و بصراحه سيراتو ٢٠١٥ جنط ١٧ انعم منها بمراحل

وان كانت في النقر والطرق الغير ممهده بتبقي نشفة بس اظن ده حال كل العربيات الجديدة

وعموما الجنط ال ١٧ بيعوز معامله خاصه و حرص شويه

برضه الكاوتش النكسن الي نازل في السيراتو الجديده ده بصراحة سئ جدا وناشف وصوته عالي علي الطريق

[shifoo68]

انا كان معايا سيراتو ٢٠١٠ جنط ١٥

و بصراحه سيراتو ٢٠١٥ جنط ١٧ انعم منها بمراحل

وان كانت في النقر والطرق الغير ممهده بتبقي نشفة بس اظن ده حال كل العربيات الجديدة

وعموما الجنط ال ١٧ بيعوز معامله خاصه و حرص شويه

برضه الكاوتش النكسن الي نازل في السيراتو الجديده ده بصراحة سئ جدا وناشف وصوته عالي علي الطريق

كلام حضرتك صح مية فى المية وخصوصا فى جزيرة الكاوتش وحش قوى فعلا كل الناس بيقول سيراتو جنط 15 أو 16 مهما كان الشكل أنعم فى الغفشة قوى من ال 17

[devil_storm]

علي فكره السيراتو الجديده ناعما جدا و مش ناشفه خالص حتي اللي بجنط ١٧، و الكوتش النيكسن برده كويس و ناعم و ده عن تجربه بالامانه مش كلام، اصل انا في فتره من الفترات شكيت ان سبب النشوفيه اللي عندي في الالنترا الكوتش فبدلت الاربع جنوط اللي فيها بجنوط السيراتو الجديده جنط ١٧ لمده كام يوم و جربنا العربيتين الالنترا و السيراتو بعد التبديل

النتيجه
ملقتش اي فرق عندي و العربيه منشفتش زياده ولا نعمه ولا حسيت باي فرق بالجنط ال ١٧ بتاع السيراتو و الكوتش النكسين ... في السيراتو برده مفيش اي فرق نهائي و العربيه منعمتش زياده بالجنط ال ١٦ بتاعي لما اتحط مكان ال ١٧

و التجربه تمت في الحفر و الشوارع المكسره و عيون القطط و الشوارع النظيفه كمان لاختبار الثبات

[احمد المصرى]

راىى الشخصى ان المقاس 17 فى الجنوط مش مناسب لمصر اطلاقا خالص انا شخصيا غيرت لجنط 16 علشان اريح دماغى خالص

[Omar Sarray]

يعنى الواحد يجيب هاى لاين 17 الجنط ويدبس كده مش معقوله يعنى كل ناس ادبست فى العربيات وكده محدش حيشترى عربيات

[medo_elgezy]

اعرفكم بنفسى انا دكتور محمد الجيزى و الحمد لله من اوائل ملاك سيراتو فى مصر و خاصة الخليجى الكاملة بجنط 17 و علشان كان ليا تجربة سابقة مع الجنط ال17 فى الهوندا 98 فا عارف اتعامل معاه و المشكلة ان معظم الشعب المصرى متعود على مقاس 14 و 15 بس ميعرفش يعنى ايه 17 لو بروفيل و يتصدم بيه بعد ما يركب الحته الزيرو و يقولك العافشة ناشفة و العربية بترزع و السيراتو عافشتها ناشفة لا بلعكس العربية دية معايا بسم الله ما شاء الله تحفة و كفاية ان الحمد لله مفهاش مشاكل تكنيكال و لا بنزين هية بس ان الجنط 17 يعنى حديد كتير و كوتش قليل يعنى ثبات على الطريق و شياكة بس قلة راحة فى البلد بالذات لو طرق مبهدلة و عن تجربتى انا العربية حياتها كلها سفر ما بين بورسعيد القاهرة 6 اكتوبر و مع الى انا شفته عن عفشة السيراتو و الى ناس كتير مش فاهماه ان مساعدينك غاز مساعدين ناشفة مقابل عمر افتراضى اطول من الزيت و نصيحة الجنط ال17 لو مركبتش او ماكنش ليك تجربة معاه و متعرفش تتعامل معاه ازاى و سواقة العربية الى راكب عليها 17 مش زى الباقى و نوع الكوتش بيفرق جداااااااااااااا فى نعومة العربية يعنى اختيارك لازم يكون دقيق جدا فى اختيار نوع الكوتش و طبعا تخيطه فى السعر علشان السعر بيتراوح ما بين 3000 لغاية 5000 للانواع النضيف المريحة الى بتعيش يبقى بلاش منه احسن و اركب 16 او 15 علشان هتبقى عفشتك انعم علشان حجم كوتشك اكبر بالنسبة لحجم الجنط

[HishamShafai]

اعرفكم بنفسى انا دكتور محمد الجيزى و الحمد لله من اوائل ملاك سيراتو فى مصر و خاصة الخليجى الكاملة بجنط 17 و علشان كان ليا تجربة سابقة مع الجنط ال17 فى الهوندا 98 فا عارف اتعامل معاه و المشكلة ان معظم الشعب المصرى متعود على مقاس 14 و 15 بس ميعرفش يعنى ايه 17 لو بروفيل و يتصدم بيه بعد ما يركب الحته الزيرو و يقولك العافشة ناشفة و العربية بترزع و السيراتو عافشتها ناشفة لا بلعكس العربية دية معايا بسم الله ما شاء الله تحفة و كفاية ان الحمد لله مفهاش مشاكل تكنيكال و لا بنزين هية بس ان الجنط 17 يعنى حديد كتير و كوتش قليل يعنى ثبات على الطريق و شياكة بس قلة راحة فى البلد بالذات لو طرق مبهدلة و عن تجربتى انا العربية حياتها كلها سفر ما بين بورسعيد القاهرة 6 اكتوبر و مع الى انا شفته عن عفشة السيراتو و الى ناس كتير مش فاهماه ان مساعدينك غاز مساعدين ناشفة مقابل عمر افتراضى اطول من الزيت و نصيحة الجنط ال17 لو مركبتش او ماكنش ليك تجربة معاه و متعرفش تتعامل معاه ازاى و سواقة العربية الى راكب عليها 17 مش زى الباقى و نوع الكوتش بيفرق جداااااااااااااا فى نعومة العربية يعنى اختيارك لازم يكون دقيق جدا فى اختيار نوع الكوتش و طبعا تخيطه فى السعر علشان السعر بيتراوح ما بين 3000 لغاية 5000 للانواع النضيف المريحة الى بتعيش يبقى بلاش منه احسن و اركب 16 او 15 علشان هتبقى عفشتك انعم علشان حجم كوتشك اكبر بالنسبة لحجم الجنط

[justify]
تحياتى لك د/محمد , أنا د/هشام و جديد في السيراتو و الجنط عندى 17 , ياريت تقول لنا نصائحك للتعامل مع الجنط 17 و أفضل أنواع الكاوتش إللى ممكن يخفف من مشاكله خصوصا مع شوارعنا و حفرنا و كذلك أفضل ضغط للهواء و عادة والا نيتروجين أم مش حتفرق , أكرر تحياتى.
[/justify]