هل كيا كارنز 2015 هاى لاين بها وحدات رفع

[nooooorelgana]

اخوانى الأحباب الأفاضل السلام عليكم ورحمة الله تعالى وبركاته
الحمد لله وفقنى الله لشراء كيا كارنز 2015 هاى لاين والحمد لله السياره ممتازه
ولكن هناك بعض الاستفسارات من حضراتكم وسامحونى لو هتعبكم يعنى
هل هذه السيارة بها وحدات رفع ولو الاجابه لا هل من الممكن تركيب وحدات رفع بها فى التوكيل بدون التأثير على ضفيرة الكهرباء
سؤال اخر لو سمحتم اشعر بدبه فى المطبات خصوصا فى الخلف فهل هناك حل لها ام ان هذا الأمر طبيعى مع اننى لا اراه طبيعيا ابدا
واخيرا جزاكم الله خيرا وسامحونى اتعبتكم معى

[lancer06]

السلام عليكم ورحمة الله وبركاتة
مرحبا أخى الكريم
ألف مبروك وربنا يباركلك فيها
الهاى لاين طبعا فيها وحدات رفع
ولو مش شغالة هتلاقيك ضاغط على اللوك بتاعها (زرار فى وحدة تحكم رفع وخفض الزجاج بيمنع التحكم فى الزجاج الا من خلال السائق علشان لو فى أطفال )
وبلنسبة للخبطة فى المطبات والكسر دا طبيعى فى الكيا لأن عفشتها ناشفة

[Omar Sarray]

اه فيها وحده رفع تقريبا فى كل فئات تقريبا

[nooooorelgana]

جزاكم الله خيرا ولكن هل هذا مؤكد حيث اننى لا استطيع تشغيلها فى حال وجودها وايضا عندى لو سمحتم سؤال اخر هل بها انذار وكيف اشغل الصوت الخاص به وجزاكم الله خيرا

[nooooorelgana]

اين انتم يا اخوانى

[nooooorelgana]

يا جماعه هل اجد ردا علي سؤالى من خبراء الكيا جزاكم الله خيرا

[Khaled_Nowaihy]

اخوانى الأحباب الأفاضل السلام عليكم ورحمة الله تعالى وبركاته
الحمد لله وفقنى الله لشراء كيا كارنز 2015 هاى لاين والحمد لله السياره ممتازه
ولكن هناك بعض الاستفسارات من حضراتكم وسامحونى لو هتعبكم يعنى
هل هذه السيارة بها وحدات رفع ولو الاجابه لا هل من الممكن تركيب وحدات رفع بها فى التوكيل بدون التأثير على ضفيرة الكهرباء
سؤال اخر لو سمحتم اشعر بدبه فى المطبات خصوصا فى الخلف فهل هناك حل لها ام ان هذا الأمر طبيعى مع اننى لا اراه طبيعيا ابدا
واخيرا جزاكم الله خيرا وسامحونى اتعبتكم معى

وعليكم السلام عليكم ورحمة الله وبركاته
أولا مبروك عليك وربنا يعطيك خيرها ويكفيك شرها

أنا معايا موديل 2010 ومافيهاش وحدات رفع
وكنت ناوى اجيبه واركبه فى التوكيل رفضوا بحجة انه بيعمل مشاكل فى دايرة الكهرباء
مع ان أحد الأعضاء الكرام كان ركبهم فى عربيته خارج التوكيل

فى الغالب لو عربيتك فيها وحدات رفع هاتشتغل تلقائيا لما تقفل العربية بالريموت

دبدبة العربية من الخلف ممكن يكون طبيعى لأن التعليق الخلفى للموديل الجديد يختلف عن القديم وأعتقد الحل انك تقلل ضغط الكاوتش الخلفى شوية


أقترح تقرأ الموضوعين دول ممكن يفيدوك كتير

http://www.nilemotors.net/Nile/445113-a.html

http://www.nilemotors.net/Nile/383289-2014.html

[nooooorelgana]

شكرا يا اخى الحبيب الفاضل على ردك الطيب

[masryxt]

انا معايا هاي لاين 2014 وكيل
مافيهاش وحدات رفع

[nooooorelgana]

شكرا اخى الحبيب علي الاهتمام ... سؤال آخر لو سمحتم يا اخوانى على حد علمى المتواضع انها ليس بها إنذار أيضا وفى الحقيقه انا مش مصدق هذا الأمر ولا نستوعب إطلاقا ازاى سيارة ثمنها 220 الف وليس بها وحدات رفع ولا إنذار ... ما علينا .. السؤال بقه يا أحبائي فى الله هل لو ركبنا وحدات رفع وأانذار فى هذه السياره يؤثر علي السياره وتحديدا يمثل حمل علي ضفيرة الكهرباء بها ... وان كان لا يؤثر هل ممكن تدلونى على كهربائي محترم يعمل لى الكلام ده بره التوكيل ولا يفضل اعمله داخل التوكيل ....... فى انتظار ردكم الكريم وجزاكم الله عنى خيرا

[nooooorelgana]

اين انتم يا اخوانى الاحبه .. برجاء الرد علي سؤالى

[lancer06]

السلام عليكم ورحمه الله
اخى الكريم الانزار فى الكيا بيشتغل لم الباب يتفتح من غير الريموت
وبيكون صوته صوت الكلاكس بيشتغل ويفصل
مفيش مشكله من تركيب وحده رفع اشترى ماركه كويسه ومتقلقش

[nooooorelgana]

اخى الحبيب اشكر لك اهتمامك وردك العطر علي سؤالى ... هل من الممكن ان تدلنى علي ما هى افضل الانواع واسعارها ومن اين يمكننى شراؤها ويا سلام ان دللتنى علي كهربائى محترم لتركيبها ربنا يجعل ذلك في ميزان حسناتك

[lancer06]

السلام عليكم ورحمه الله وبركاته
مرحبا اخى
فى نوع اسمه spy وتمنه من ٢٠٠ الى ٢٥٠ تقريبا والمصنعيه ٥٠ جنيه
وانت بتشترى اسئله هل الازار بيترفع كله مع بعض ام واحد واحد

لان لو بيرفع مع بعضه هيسبب حمل على البطاريه والضفيره

راكب عندى بيرفع واحد واما يخلص يرفع اللى جمبه وهكذا

وسامحنىً مش هقدر افيدك فى اللى هيركبهولك لان محل اقامتىً دمياط مش القاهره

وتحت امرك لو احتجت حاجه

[nooooorelgana]

اخى الحبيب الفاضل lancer 06 اشكرك جدا على اهتمامك وردك الطيب على سؤالى ولكن انا حاولت افتح السياره بالمفتاح وليس بالريموت ولكن لم يحدث اى شئ ولا اى صوت فهل نعمى ذلك انه ليس عندى انذار فى السياره علما بأنها هاى لاين وكيل