السيراتو اللي في السعوديه تفرق عن اللي هنا ؟

[ahmad--ezzat]

صباحكم فل
بقالي فتره متابع اسعار السيراتو اللي ف السعوديه بحكم اني ناوي اجيب واحده لاني مقيم هناك خصوصا ان في عروض عليها ممتازه
وسعرها بالنسبه للالنترا رخيصه جدا وده خلاني اشك ف جودتها لاني سمعت من عضو في المنتدي بيقول ان النسخه اللي ف السعوديه موتورها متغير ومبيستحملش
العربيه ستاندرد سعرها ٤٣ الف ريال
في حين ان الالنترا الستاندرد فوق الخمسين

حد عنه فكره عن السيراتو اللي المملكه ايه اخبارها

[Hosam_Optrawy]

الخليجى والمصرى واحد ، الفرق في الاوبشنز فقط

[wael30003]

انا امتلك واحدة والسعر اللى بتقوله ده وهمى .....انا معايا سيرانو ٢٠١٥ب ٥٣٥٠٠
وممكن يكون سعرها السنة دى نزل حوالى ٢٠٠٠ريال بس موضوع ٤٣٠٠٠ده مش موجود خالص ....مستحيل

[dr_alone133]

السعر حقيقى
وموجود كمان فى معرض الفلاح بمبلغ 41 الف فقط
فيه تصفية على موديلات 2015

وسبب انخفاض سعره عنها الانتر بسبب أن الانتر فالسعودية مرغوب اكتر
وسعر إعادة البيع لهيونداى أعلى

ممكن تتواصل معايا لو احتاجت أى مساعدة

[ibrahim sallam]

dr_alone133 سعر الماتريكس 2005 تعمل كام هناك يا دكتور وكذلك الاي تن

[ahmad--ezzat]

انا امتلك واحدة والسعر اللى بتقوله ده وهمى .....انا معايا سيرانو ٢٠١٥ب ٥٣٥٠٠
وممكن يكون سعرها السنة دى نزل حوالى ٢٠٠٠ريال بس موضوع ٤٣٠٠٠ده مش موجود خالص ....مستحيل

حضرتك اتسرعت شويه في الشراء في معارض كتيير جدا جدا بتبيعها ب ٤٢ للاستاندرد و ٥٣ للنص فل اللي فيها جنوط وتكييف خلفي ومثبت سرعه

السعر حقيقى
وموجود كمان فى معرض الفلاح بمبلغ 41 الف فقط
فيه تصفية على موديلات 2015

وسبب انخفاض سعره عنها الانتر بسبب أن الانتر فالسعودية مرغوب اكتر
وسعر إعادة البيع لهيونداى أعلى

ممكن تتواصل معايا لو احتاجت أى مساعدة

الله يخليك ياباشا..هو حضرتك ف السعوديه ؟
وايه رايك ف وكيل الجبر لاني سمعت عنه حجات مش تمام

[dr_alone133]

dr_alone133 سعر الماتريكس 2005 تعمل كام هناك يا دكتور وكذلك الاي تن

عذرا اخى الكريم
معنديش معرفش أسعارهم هنا كام
انا عارف أسعار السيراتو علشان اشتريتها
وشكرا

[dr_alone133]

م. أحمد عزت
انا فعلا بجدة

وسعر السيراتو بالرياض أقل من جدة ب الف أو اتنين
طبعا فالمعارض لأن سعرها فى الوكالة أغلى

الوكيل مش اد كدا
ده من كلام ناس اتعملت معاه وليس من تجربه شخصية
قريبا هروح اعمل صيانه 5000 ك وأبقى اشوف معاملتهم
وان شاء الله خير
تحياتى

[borio1704]

موتور السيراتو ال1600هو نفسه موتور الإيلانترا .. والتوكيل بينزل الأسعار فعلا على بواقي الموديلات القديمة.. وغالبا هتلاقي الموديلات القديمة هي الاستاندارد بس.

بس السيراتو الاستاندارد فاضية قوي لدرجة مستفزة.. مفيهاش أي حاجة من مميزات السيراتو كعربية من الفئة المتوسطة... يعني مجرد موتور واربع عجلات مع زجاج كهرباء وتكييف وراديو..

مفيش abs.. مفيش كنية خلفية بتتفتح.. مفيش ريموت.. مفيش فرش شيك.. مفيش إشارات في المرايات.. مفيش جراب للنظارة.. مفيش بلوتوث.. مفيش فتحة تهوية تحت ااكرسي.. مفيش فتحة تكييف خلفية.. مفيش مرايات ومقابض بلون العربية.. مفيش دلايات للرفرف.. مفيش جنوط.. ده غير إنك ممكن تلاقيها مانيوال..

والملاحظة الكبيرة إنها انتشرت جدا كتاكسي خصوصا في جدة.. فنصيحة ما تجيبهاش لونها أبيض علشان سعرها ما ينزلش وانت بتبيع.

أنا جبت تاني فئة.. وما تزيدش عن الاستاندارد فير حاجات بسيطة زي الريموت والبلوتوث والجنوط مع الدلايات.. ( كانت بحوالي 59 ألف وهي جديدة )

نصيحة.. لو ناوي على السيراتو.. هات الفئة الثالثة ( جديدة موديل 2016 بحوالي 67 ألف ريال )


...

[borio1704]

م. أحمد عزت
انا فعلا بجدة

وسعر السيراتو بالرياض أقل من جدة ب الف أو اتنين
طبعا فالمعارض لأن سعرها فى الوكالة أغلى

الوكيل مش اد كدا
ده من كلام ناس اتعملت معاه وليس من تجربه شخصية
قريبا هروح اعمل صيانه 5000 ك وأبقى اشوف معاملتهم
وان شاء الله خير
تحياتى

صيانة ال5000 مفيهاش حاجة غير تفيير الزيت.. ودي ممكن تعملها في أي مركز صيانة سريعة تابع لهم.. مش لازم تدخل جوه التوكيل وتستنى طابور طويل.

في مركز "كيا اكسبريس" في محطة بترومين على طريق الأندلس قبل شارع فلسطين.. ولو انت في الشمال.. روح الصيانة السريعة في المركز الرئيسي بتاعهم في "شبك المطار".. وليهم مركز تاني قريب منه قوي في شارع سلطان بن سلمان تقاطع شارع الستين..

ولو انت ناحية الجنوب. . في مركز بتاعهم في السليمانية عند محطة القطار الجديدة.

الصيانة السريعة مفيش منها مشاكل.. إنما المشكلة في الصيانتت الكبيرة زي ال20 وال40 ألف.. بصراحة بحس إن الفنيين بيطنشوا في تغيير بعض الحاجات.. يمكن علشان بقوا مضغوطين جدا من بعد ما بقت مبيعات كيا كبيرة جدا في آخر 3 سنين وعدد مراكز الصيانة مش مكفي.


...

[ahmad--ezzat]

موتور السيراتو ال1600هو نفسه موتور الإيلانترا .. والتوكيل بينزل الأسعار فعلا على بواقي الموديلات القديمة.. وغالبا هتلاقي الموديلات القديمة هي الاستاندارد بس.

بس السيراتو الاستاندارد فاضية قوي لدرجة مستفزة.. مفيهاش أي حاجة من مميزات السيراتو كعربية من الفئة المتوسطة... يعني مجرد موتور واربع عجلات مع زجاج كهرباء وتكييف وراديو..

مفيش abs.. مفيش كنية خلفية بتتفتح.. مفيش ريموت.. مفيش فرش شيك.. مفيش إشارات في المرايات.. مفيش جراب للنظارة.. مفيش بلوتوث.. مفيش فتحة تهوية تحت ااكرسي.. مفيش فتحة تكييف خلفية.. مفيش مرايات ومقابض بلون العربية.. مفيش دلايات للرفرف.. مفيش جنوط.. ده غير إنك ممكن تلاقيها مانيوال..

والملاحظة الكبيرة إنها انتشرت جدا كتاكسي خصوصا في جدة.. فنصيحة ما تجيبهاش لونها أبيض علشان سعرها ما ينزلش وانت بتبيع.

أنا جبت تاني فئة.. وما تزيدش عن الاستاندارد فير حاجات بسيطة زي الريموت والبلوتوث والجنوط مع الدلايات.. ( كانت بحوالي 59 ألف وهي جديدة )

نصيحة.. لو ناوي على السيراتو.. هات الفئة الثالثة ( جديدة موديل 2016 بحوالي 67 ألف ريال )


...

67 الف !!!!
انا اجيب الاوبتيما نص فل افضل...استحاله ادفع ف السيراتو كل ده بصراحه
طالاما دخلت ف الالستنيات يبقي قدامي الف اختيار ومنهم الالتيما الستاندرد

http://haraj.com.sa/119596900/%D9%83%D9%8A%D8%A7_%D8%A7%D9%88%D8%A8%D8%AA%D9%8A%D9%85%D8%A7_2015%D9%86%D8%B5_%D9%81%D9%84_%D8%B3%D9%82%D9%81_%D8%AD%D8%AF%D9%8A%D8%AF_%D8%AC%D9%86%D9%88%D8%B7_%D9%83%D8%B1%D9%88%D9%85_%D9%85%D8%AB%D8%A8%D8%AA_%D8%B3%D8%B1%D8%B9%D9%87_ABS_%D8%A863800_%D8%B4%D8%A7%D9%85%D9%84_%D8%A7%D9%84%D9%84%D9%88%D8%AD%D8%A7%D8%AA_/

[dr_alone133]

صيانة ال5000 مفيهاش حاجة غير تفيير الزيت.. ودي ممكن تعملها في أي مركز صيانة سريعة تابع لهم.. مش لازم تدخل جوه التوكيل وتستنى طابور طويل.

في مركز "كيا اكسبريس" في محطة بترومين على طريق الأندلس قبل شارع فلسطين.. ولو انت في الشمال.. روح الصيانة السريعة في المركز الرئيسي بتاعهم في "شبك المطار".. وليهم مركز تاني قريب منه قوي في شارع سلطان بن سلمان تقاطع شارع الستين..

ولو انت ناحية الجنوب. . في مركز بتاعهم في السليمانية عند محطة القطار الجديدة.

الصيانة السريعة مفيش منها مشاكل.. إنما المشكلة في الصيانتت الكبيرة زي ال20 وال40 ألف.. بصراحة بحس إن الفنيين بيطنشوا في تغيير بعض الحاجات.. يمكن علشان بقوا مضغوطين جدا من بعد ما بقت مبيعات كيا كبيرة جدا في آخر 3 سنين وعدد مراكز الصيانة مش مكفي.


...

الف شكر يا غالى على المعلومات الجميله ده
ربنا يبارك لك ويحفظك

[wael30003]

حضرتك اتسرعت شويه في الشراء في معارض كتيير جدا جدا بتبيعها ب ٤٢ للاستاندرد و ٥٣ للنص فل اللي فيها جنوط وتكييف خلفي ومثبت سرعه

الله يخليك ياباشا..هو حضرتك ف السعوديه ؟
وايه رايك ف وكيل الجبر لاني سمعت عنه حجات مش تمام

انا رحت الوكالة وانا فى الانتظار اتكلمت مع واحد سورى اشتكى لى منهم مر الشكوى لدرجة انا قالهم هشتكى لوزارة التجارة .....ردوا عليه .....انا خلاص بقين معروفين هناك ...بس العربية معايا كويسة بس لما اعمل يوترن اسمع صفارة احتكاك فرامل ...ودة مش بعتبرها عيب
....كان معايا لوجان وكان فيها نفس الصوت ....فاشتريت دماغى ...واتوعدت عليه خلاص.....حاجة تانية الفرامل بدون abs مش تمام....لازم تشترى فئة اللى فيها abs

[wael30003]

السعر حقيقى
وموجود كمان فى معرض الفلاح بمبلغ 41 الف فقط
فيه تصفية على موديلات 2015

وسبب انخفاض سعره عنها الانتر بسبب أن الانتر فالسعودية مرغوب اكتر
وسعر إعادة البيع لهيونداى أعلى

ممكن تتواصل معايا لو احتاجت أى مساعدة

معلش انا قرايت على النت السعر ده ....لكن انت رحت بنفسك وسألت او حد تعرفه اشترى بالسعر ده ....لكن لما الاقى الفرق كبير كده بصراحة مش مصدق ....اخر سعر لقيته ل ٢٠١٥- ٥٠الف وموديل ٢٠١٦ - ٥٢٠٠٠
انا اشتريت ٢٠١٥فى يناير مش دلوقتى قبل التصفيات

[borio1704]

67 الف !!!!
انا اجيب الاوبتيما نص فل افضل...استحاله ادفع ف السيراتو كل ده بصراحه
طالاما دخلت ف الالستنيات يبقي قدامي الف اختيار ومنهم الالتيما الستاندرد
حراج السيارات | كيا اوبتيما 2015نص فل سقف حديد جنوط كروم مثبت سرعه abs ب63800 شامل اللوحات

الأهم من العروض هو شروط الدفع

حضرتك عارف إن نظام تقسيط العربيات في السعودية "إسلامي" بنظام التأجير المنتهي بالبيع..

اللي بيحصل هو كالتالي:

حضرتك هتدفع مقدم بسيط (شامل إجراءات المرور) مايزيدش عن 5000 ريال.. وتستلم العربية بعدها.. بس العربية هتتسجل باسم البنك.. وسيادتك تعتبر سائق مصرح له بركوبها.
بعد كده تدفع الأقساط.. وهي مش قسط إنما قيمة إيجار العربية شهريا...
وفي آخر مدة التقسيط.. تقدر تنقل العربية باسمك بس بعد ما تدفع مبلغ كبير شوية.. يعادل تقريبا 10 أقساط..

فلو مش ناوي تقعد في السعودية أكتر من 5 سنين... هات العربية اللي تقدر تدفع قسطها وبس.. وابقى رجعها للبنك في الآخر.. أو شوف حد ياخدها ويكمل أقساطها .


وطبعا مش هوصيك إن العربية لازم تكون مؤمنة تأمين شامل ضد أخطاء الغير...

وما تنساش إن قيمة الفايدة بتفرق كتير في الأقساط...
البنك العربي هنا في السعودية ممكن تاخد منه عربية بـ2% فايدة ( ربح )... في حين إن أماكن تانية الربح فيها ممكن يوصل 6%.


مرة كان فيه واحد مصري هنا في جدة اشترى سيراتو 2013 فل أوبشن 1600... سعرها 71 ألف.. كان عايز يعمل تنازل علشان مضطر يرجع مصر نهائي.. بس الموضوع كان صعب جدا وتقريبا محدش أخدها بسهولة علشان إجمالي السعر النهائي وصل 110 ألف ريال... ( 6% فايدة مركبة )

فما يغركش الأرقام اللي بتشوفها... ممكن تلاقي حاجات كتير مستخبية.


...