السيراتو اللي في السعوديه تفرق عن اللي هنا ؟

[wael30003]

موتور السيراتو ال1600هو نفسه موتور الإيلانترا .. والتوكيل بينزل الأسعار فعلا على بواقي الموديلات القديمة.. وغالبا هتلاقي الموديلات القديمة هي الاستاندارد بس.

بس السيراتو الاستاندارد فاضية قوي لدرجة مستفزة.. مفيهاش أي حاجة من مميزات السيراتو كعربية من الفئة المتوسطة... يعني مجرد موتور واربع عجلات مع زجاج كهرباء وتكييف وراديو.

مفيش abs.. مفيش كنية خلفية بتتفتح.. مفيش ريموت.. مفيش فرش شيك.. مفيش إشارات في المرايات.. مفيش جراب للنظارة.. مفيش بلوتوث.. مفيش فتحة تهوية تحت ااكرسي.. مفيش فتحة تكييف خلفية.. مفيش مرايات ومقابض بلون العربية.. مفيش دلايات للرفرف.. مفيش جنوط.. ده غير إنك ممكن تلاقيها مانيوال..

والملاحظة الكبيرة إنها انتشرت جدا كتاكسي خصوصا في جدة.. فنصيحة ما تجيبهاش لونها أبيض علشان سعرها ما ينزلش وانت بتبيع.

أنا جبت تاني فئة.. وما تزيدش عن الاستاندارد فير حاجات بسيطة زي الريموت والبلوتوث والجنوط مع الدلايات.. ( كانت بحوالي 59 ألف وهي جديدة )

نصيحة.. لو ناوي على السيراتو.. هات الفئة الثالثة ( جديدة موديل 2016 بحوالي 67 ألف ريال )


...

كلامك مضبوط ماعدا فيها بلوتوث
وانت نسيت cd
وusb
انا ركبت ريموت سنتر لوك ب ١٧٠ريال ووفرت ٤٠٠٠ريال
٤٠٠٠ريال مقابل جنوط وريموت سنتر وطارة مالتى فنكشن بس
وانا مش محتاج غير الريموت
بس انا ان شاء الله هشترى الفئة اللى فيها abs
العرببة من غير abs عبارة عن زحاليق دريم بارك

[ahmad--ezzat]

بس انا ان شاء الله هشترى الفئة اللى فيها abs
العرببة من غير abs عبارة عن زحاليق دريم بارك

بالظبط..ناس كتير اشتكت من فرامل السيراتو بدون abs واصبح من الحجات الاساسيه ف السياره...السؤال بقي
نظام الايجار المنتهي بالتمليك
هل انت ممكن تكون مالك اول في النهايه لما تكمل اقساط شخص اخر مثلا تنازل عن عربيته ليك ولا مينفعش

[borio1704]

بالظبط..ناس كتير اشتكت من فرامل السيراتو بدون abs واصبح من الحجات الاساسيه ف السياره...السؤال بقي
نظام الايجار المنتهي بالتمليك
هل انت ممكن تكون مالك اول في النهايه لما تكمل اقساط شخص اخر مثلا تنازل عن عربيته ليك ولا مينفعش

لو عايز تبقى مالك أول.. لازم تبقى المالك حتى قبل ما البنك يشتريها من التوكيل.. ودي بتدفعلها حوالي ألف ريال علشان يتعمل عقدين بيع زيادة .. واحد من الوكيل ليك.. والتاني منك للبنك.



...

[wael30003]

لو عايز تبقى مالك أول.. لازم تبقى المالك حتى قبل ما البنك يشتريها من التوكيل.. ودي بتدفعلها حوالي ألف ريال علشان يتعمل عقدين بيع زيادة .. واحد من الوكيل ليك.. والتاني منك للبنك.



...

مضبوط بس بتدفع حوالى من ١٥٠٠الى ٢٠٠٠ حسب الشركة اللى هتشترى منها