«كيا» ستينغر 2018 تخطف الأنظار في معرض أمريكا الشمالية

[tasaka]

واضح إن حضرتك عشت في الخليج فترة طويلة :).. العربيات دي كانت مالية الخليج أيام ما كانت مصر عايشة في الفيات والبيجو والمرسيدس

عموما.. لو عايز تتعرف على الجديد عند تويوتا.. ادخل على الموقع الياباني بتاعهم toyota.jp .. بس ادخل من على جوجل كروم علشان الترجمة.. لإنه مكتوب بالياباني طبعا

صفحة الـcar lineup من هنا https://toyota.jp/carlineup/ .. متقسمة إلى 3 فئات.. العربيات العادية والعربيات التجارية والعربيات المجهزة..
العربيات العادية لوحدها فيها 51 موديل.

علشان تعرف اسم العربية بالانجليزي ابقى خد بالك من الكلام اللي بيتكتب في أسفل الصفحة على الشمال لما تشاور على العربية بالماوس..

لا فتره بسيطه .. سنتين او ثلاثه فقط

انا ركبت من تويوتا .. الكراون .. الكامرى .. السيليكا ( العاديه 1.8 ) موش السيليكا سوبرا
و لاند كروزر ( اثناء العمل للمواقع )
و لكزس جربتها مره واحده ( سياره اخى )

[tasaka]

الحقيقة أنا لحد دلوقتي مش قادر أحدد كيا بتصنف نفسها ازاي في شركات السيارات..

عندهم تنوع كبير جدا وداخلين في كل أنواع وفئات السيارات تقريبا... حتى السيارات الكهربائية.

كون إنهم ينافسوا مرسيدس أو لكزس.. ممكن ما تكونش المنافسة بشكل مباشر... إنما بوجود عربيات بمستوى الفخامة ده عامل زي ما يكون إثبات للذات أكتر منه كونه منافسة.

الوضع ده بيفكرني بتويوتا ونيسان زمان من حوالي 30-40 سنة... لما كانوا بيعملوا عربيات فخمة جدا بالمقارنة مع الألماني بس محدش بره اليابان بيثق فيها علشان مش متخيلين إن اليابان توصل للمستوى ده...

https://www.youtube.com/watch?v=Iu3q3H4npa0

https://www.youtube.com/watch?v=F0CpVRfgkrA

[tasaka]

ومحدش اقتنع إلا اللي جرب الياباني في السبعينات والثمانينات.. علشان كده لكزس اكتسحت في أمريكا.
أنا شخصيا شفت تويوتا كراون وكان عندنا تويوتا كريسيدا (ده كمان غير نيسان سيدريك ونيسان لوريل وهوندا أكورد ومازدا 929 ....)...

انت نسيت انعم عربيه يابانى ( زعلت لما بعتها ) .. الجالانت سوبر صالون ( اواخر الثمانينيات ) .. انعم ( موش افضل ) عربيه يابانى بلا منافس وقتها .. و اجمل تصميم صالون وقتها .. و شاشه عدادات ديجيتال و تكييف تاتش و مثبت سرعه .. كانت سابقه عصرها بكتير .. و كانت طبعا افضل من الجالانت اللى جاء بعدها فى التسعسنيات ( الضعف على الاقل )

يعنى من كتر نعومتها .. لو انشغلت دقيقتين او ثلاثه مع حد جنبك فى الكلام .. ممكن بسهوله تلاقى نفسك ماشى 160 او 170 من غير ما تحس ازاى ده حصل

عيبها القاتل .. خطره جدا عند دخول ملفات حاده جدا شبه 90 درجه على سرعات عاليه .. كنت حاتقلب بيها و رفعت و بقت على عجلتين بس .. لكم ثابته جدا جدا على الخط المستقيم


الاكورد بتاع التسعينيات .. ادق توجيه سياره على اى سرعه احسن من الالمانى كمان ( من وجهه نظرى ) .. افضل من الكراون كمان .. يعنى مفيش خوف من دحول اى ملف على اى سرعه و كمان تعديل التوجيه جوه الملف ( يعنى مثلا ممكن تدخل الملف على الواسع و تطلع منه على الضيق ) ..

جربت الكلام ده عده مرات و السرعه كانت حوالى 160 .. اداء مميز جدا على السرعات العاليه دى افضل ميزه فى الهوندا الاكورد بصراحه


الكراون بالاضافه لكل ميزاتها .. كان فيها ميزه عجيبه .. الجسم ( موش العفشه .. او القضبان المقاومه للالتواء ) ليه قدره التواء عاليه جدا .. و تحسها اوى فى ملفات شديده على العاصى على السرعات .. و ده يدلك على مستوى الجوده لخامات الشاسيه و برضه تصميم العفشه

[tasaka]

https://www.youtube.com/watch?v=cPi_eBQXXP0

[svneleven]

الصراحة مناقشتكو جميلة و ثرية بالمعلومات و تنم عن حس عالي و فهم ذوق في العربيات. عامة انا بقول من زمان ان الكوريون قادمون. و دلوقتي كمان بقول ان الصينيون قادمون. الناس دي عارفه هي بتعمل ايه. عارفة ازاي تكسب. مش كل همها التكنولوجيا زي عربيات الالمان و الاوروبيين بصفة عامة و طبعا ده بيسبب مشاكل كتير تسبب عدم الاعتمادية اللي بنتكلم عليها. المشكلة ان ناس كتير تقولها الكلام ده يقولك ما فيش زي الالماني و الاوروبي و مش واخد باله ان الدنيا اتغيرت و قواعد اللعبة اختلفت كتير.

[tasaka]

كله من ذوقك .. و نفس الاحساس و الله .. دائما لازم اقرأ اى رد انت بتكتبه .. لان فهمك و ذوقك عالى فى العربيات

الصين حاليا نصف انتاج العالم تقريبا .. يعنى كمان 10 سنين بالكتير سيتسببوا فى افلاس شركات كبيره ..

لان تكلفتهم حتقل جدا بانتاج هذا الكم الرهيب ده .. و لان الصانعين الصينيين يتشاركوا فى كتير من الاحيان نفس الخامات و المكونات

و بالتالى سيصبح عتدهم اختيار اضافى .. بدلا تقليل سعر السياره و تقديم مستوى متوسط بسعر رخيص .. ممكن يتجهوا الى اضافه تكنولوجيا عاليه و بنفس السعر الرخيص لسياراتهم .. بدلا من المنافسه بانقاص الاسعارعلما انه سيكون ايضا خيار متاح للمنافسه فى الفئات المتوسطه

الصين لها ميزه مهمه و هى قدرتهم على الهندسه العكسيه .. يعنى بيوفروا كتير فى تكاليف الابحاث و التطوير .. و برضه مفيش مانع يسرقوا تصميمات



برغم انى من مشجعى الاسيوى و اليابانى تحديدا و لا افضل الاوروبى .. بس حقيقه تظل السيارات الالمانيه افضل جدا من الاسيوى كقياده و ثبات .. لكن احتا بعد مابنركب الاسيوى فتره بننسى الفارق عن الالمانى

[Colin Chapman]

2018 Kia Stinger GT vs 2017 Alfa Romeo Giulia QV

https://www.youtube.com/watch?v=5cD3dMTMO0M