السيفياويه

[max_ziro]

ياريت يا باشا دة شرف لى ولله
إن شاء الله انا اساسى رايح الفورميلا يوم 22
ياريت لو نتقابل هناك ..

[max_ziro]

اية يا شباب فينكم ؟؟
...

[a2morsy]

ماكس باشا ازيك
بما انك سيفياوى كبير كنت عايز اعرف سعر السيفيا اوتو 2001
لانها معروضه عليا ومحتار لانى معرفش سعرها على فكره هى فول اوبشن وحالتها حلوه جدا
ممكن الافاده .....ولك جزيل الشكر

[max_ziro]

ولله هقولك على حاجة بسيطة اولا الاوتو بتاعها عايز معاملة خفيفة
تانى حاجة العربية فبريكة ولا لا
2001 اغلبة فية اية بى اس و اير باج فيها دول ولا لا
العربية دى للعلم تقفيل مصرى
فيها اى اضافات ولا لا
بس عموما اى سيفيا دلوقتى ف ظروف السوق الوحشة دى ممكن تعمل من 40 ل 45 ولله اعلم عشان ظروف السوق مش مستقرة
و اتمنى اكون افتك
انا شاريها من 7 شهور ب 47500
و جالى فيها 52000 دة من 3 شهور
و دلوقتى مش بجرب اتمن ولا اسئل عن سعرها عشان ميجليش احباط هههههههه ...

[max_ziro]

و انا معاك فى اى حاجة يا باشا و انت تأمر بس ...

[gaballa1971]

ماكس باشا مساء الفل
معلش عندى سؤال احسن انا لسه جديد فى العربيات الأتوماتيك عندى لمبة o/D بعد ما ادور العربية وامشى بتفضل تولع وتطفى يعنى بتعمل flashing ايه العمل والمشكلة فين ياريت بسرعة تقولى احسن مش عارف امشى عليها ولا اعمل ايه
وشكرا يا باشا على كل ما تقدمه

[max_ziro]

بص يا سيدى عندك زرار فى الفتيس هو المسئول عن فتح و غلق الاوفر درايف
ممكن و دة وارد جدا ان يكون الزرار بيشعر و طبعا عشان انا معايا مانيول ف مش هعرف ارد عليك ب الصور انما انت ممكن بسهولة كبيرة تجيب اسبراى تنظيف بتاع بوردة الكمبيوتر ابو 5 جنية و نص و رش على الزرار و انت مبطل العربية و استنى 10 دقائق كدة احتياطى يعنى لحد مينشف و بعدين جرب دوس على الزرار وانت مبطل بردو احتياطى يعنى و اعد افتحة واقفلة افتحة و اقفلة كام مرة و إن شاء الله يتعمل
و ممكن طريقة تانية اكيد هتلاقى العصاية عندك فيها مسمارين فكهم يعنى فك العصاية و رش على الزرار دة علطول بس إن شاء الله هيتعمل منغير متفك حاجة
ربنا معاك و طمنا كدة عملت اية...
انا فى الخدمة يا باشا ..

[gaballa1971]

ايه السرعة دى يا باشا انا مش مصدق ربنا يخليك بكره ان شاء الله هجرب الكلام ده ورد عليك ربنا يباركلك وينجحك
ويجعلك نصير الغلابة

[zenga3131]

أنا معايا سيفيا موديل 2001 بس سحبها مش جامد هو مش وحش بس بردو مش جامد و أنا لسة منضف الرشاشات من أسبوع و محستش بفرق و أنا عندي زنة كدة فالشكمان من تحت و أنا عارف أن دي ال مصفة اللي فالشكمان ولحمتها قبل كدة فهل دي تأثر في السحب و استهلاك البنزين لأنو مش كويس أوي بردو و بحس لأن صوت المتور عالي شوية
و كنت عايز أعرف أه اللي ممكن يكون مأثر فسحب العربية
و Thnxxxxxxxx

[EZABY]

البوجيهات يا زنجا جديده ولا ايه
جرب تغيرها
هي عربيتك مانيوال ولا اوتو وقوللي كده استهلاكها قد ايه في البنزين
واهلا بيك معانا

[zenga3131]

أنا عربيتي مانيوال و لسة مغيرالبوجيهات لما نضفت الرشاشات من أسبع كده
بس بردو معرفتش أه السبببب

W 3moman Thnx 4 Replay Ya Ezabyy

[EZABY]

مش عارف بقى
بس بص انت لو متعود تحط بنزين من مكان معين حاول تغيره لحسن ولاد الحلال كتيييير

[max_ziro]

جرب تكبس جامد على الدواسة متخفش هتستحمل ..
وبعدين انت بتقول سحبها مش حلو يعنى مثلا لو ممكن تدينى مثال يعنى مثلا اقل من العربية كذا ..
شديت مع كذا وطلع منى
كدة يعنى
.... و احنا معاك يا باشا ..

[max_ziro]

يا جماعة ونبى عايز منكو خدمة
معلش هتقل عليكو عشان انا فى الامتحانات و مش عارف اسافر
ياريت لو حد يسالى دراع النور بتاع السيفيا بكام
استيراد او جديد مش فارقة
و معلش هتقل عليكو لو حد يسالى تمن القطمة الاستيراد كام
و الف شكر ليكو يا جماعة
ياريت ونبى تردو على سريعا عشان انا ماشى منغير عالى ...
شكرا يا شباب

[max_ziro]

شكرا يا جماعة محدش رد و كلة طنش عموما انا اتصرفت و جبتها الحمد لله ...
فينكم يا سيفياوية فينكم ؟؟؟