تقييم كيا نيوسيراتو (الجزء الثاني)... بالصور

[want_better]

السلام عليكم ورحمة الله وبركاته
الله يبارك لك فيها ويرزقك خيرها وخير ما جبلها عليه (دعاء الدابة الجديدة ...)
ولي سؤال بسيط
أنا ماشوفتش في الصور مؤشر حرارة مع العدادات هو في مكان تاني ولا مش موجود ؟
شكرا

[aboomarr]

تقريبا لما اتفرجت ع العربيه سالت برضو عن مؤشر الحرارة وقاللى بيظهر فشكل ارقام تقريبا

[Haitham10]

الف مبروك لصاحب الموضوع
وبعيدا عن الخناقات انا حاسس ان الناس ماصدقت لقيت عربيه تبعد بيها عن الهيونداي والميتسوبيشي او الحيرة في هذه الفئه السعرية وياريت نسيب كل حاجه تتجرب وعيوبها ومميزاتها تظهر مع الوقت العربيات عباره عن مميزات وعيوب والناس اذواق واحتياجات كل واحد بيختار الي يناسبه وشكرا

[himatros]

تسلم ايدك ورجلك وكل حاجة فيك ربنا يباركلك فيها
وفعلا الواحد يبدا يفكر اننه يشتريها مندلوقتي

[yoko]

عداد الحرارة في شاشة المعلومات
وهية عربية تحفة أنا لسا شايفها في التوكيل النهاردة

[yramadan]

قابلت واحد امبارح فى الشارع لا أعرفه وسألته عن رأيه فى السيراتو الجديدة وكان راكب ال se
قال لى : العربية تقيلة وسحبها بطيء و العفشة ناشقة و حاسس ان هناك سخونية طالعة من تحت رجليه ثم قال لى بأختصار انا حاسس انى راكب 28

انا قلت اقول لكم ما سمعته بالأمانة

بصراحة انا قررت أصرف نظر عن هذه العربية و لو موقتا حتى يبان الأداء بتعها بحق و حقيقى

فلو كانت هذه هى الشكوي بعد 1000 كيلو ماذا سيكون الوضع بعد 50000 كيلو

[de3bis]

قابلت واحد امبارح فى الشارع لا أعرفه وسألته عن رأيه فى السيراتو الجديدة وكان راكب ال se
قال لى : العربية تقيلة وسحبها بطيء و العفشة ناشقة و حاسس ان هناك سخونية طالعة من تحت رجليه ثم قال لى بأختصار انا حاسس انى راكب 28

انا قلت اقول لكم ما سمعته بالأمانة

بصراحة انا قررت أصرف نظر عن هذه العربية و لو موقتا حتى يبان الأداء بتعها بحق و حقيقى

فلو كانت هذه هى الشكوي بعد 1000 كيلو ماذا سيكون الوضع بعد 50000 كيلو

ايه الكلام الغريب هو كل شوية نلاقى رأى شكل نحتاج رأى الناس اللى معاها العربية فعلا لنستطيع ان نرسى على رأى

[ahraah]

هو مفيهاش عزل و لا اية :)
ممكن مش عارف يظبط التكيف و بيديلو هوا سخن من الرجل :)

[bassem.naguib]

يا استااااذ غازززززززززززززي

انت فين ... لعل المانع خير

[ASD peugeot]

ما شاء الله ربنا يحفظهالك

[de3bis]

قابلت واحد امبارح فى الشارع لا أعرفه وسألته عن رأيه فى السيراتو الجديدة وكان راكب ال se
قال لى : العربية تقيلة وسحبها بطيء و العفشة ناشقة و حاسس ان هناك سخونية طالعة من تحت رجليه ثم قال لى بأختصار انا حاسس انى راكب 28

انا قلت اقول لكم ما سمعته بالأمانة

بصراحة انا قررت أصرف نظر عن هذه العربية و لو موقتا حتى يبان الأداء بتعها بحق و حقيقى

فلو كانت هذه هى الشكوي بعد 1000 كيلو ماذا سيكون الوضع بعد 50000 كيلو

أنا مش عارف يا أخى "yramadan" ايه الحكاية بالضبط أنت مكرر مشاركتك دى فى أكثر من موضوع عل الرغم من تأكيد مالكى العربية بالمنتدى على عدم صحة هذه المعلومات وإن العربية ممتازة و لا يوجد بها أى من هذه العيوب
أنت يا إما من مالكى اليابانى و عايز تكرهنا فيها يا اما من شركة منافسة للكيا

[Ahmed Samy]

أنا مش عارف يا أخى "yramadan" ايه الحكاية بالضبط أنت مكرر مشاركتك دى فى أكثر من موضوع عل الرغم من تأكيد مالكى العربية بالمنتدى على عدم صحة هذه المعلومات وإن العربية ممتازة و لا يوجد بها أى من هذه العيوب
أنت يا إما من مالكى اليابانى و عايز تكرهنا فيها يا اما من شركة منافسة للكيا :t_thum1[1]:

يا عزيزي بلاش نقدم سوء الظن ...

انا فعلا شفت نفس المشاركة في موضوع تاني ...و جال نفس احساسك في البداية

بس راجعت نفسي ....

بس ليه ما يكونش اللي قاله كده (صاحب العربية) هو اللي ليه غرض ما ...الله اعلم بيه

او عربية الراجل ده فعلا مش كويسه ...ممكن قوي و ده ما يعيبش السيراتو كلها

وممكن تقييم الراجل مش حيادي ...(الله اعلم كان راكب ايه قبلها)

ما ينفعش لو سمعنا اي نقد للعربية نجري و نكذب صاحبه او نقول انه له غرض ....

قوللي ليه ...

الحاجات دي ما بتستخباش ...و العربية ما شاء الله حلوة
ومكسرة الدنيا ...بكلامنا او من غيره

و بكلام غيرنا او برضه من غيره ...

و انا واحد من اللي حاجزين ...سمعت اكتر من كده و ولا همنى

لأني عارف كويس انا باشتري ايه ومستعد لدفع تمن اختياري و تفكيري

اللي عمره ما خيبني و الحمد لله

خليها على الله

[de3bis]

خليها على الله

فعلا يا استاذ " Ahmed Samy " عندك حق بلاش نقدم سوء الظن ...


الحاجات دي ما بتستخباش ...و العربية ما شاء الله حلوة
ومكسرة الدنيا ...بكلامنا او من غيره

و بكلام غيرنا او برضه من غيره ...

و انا واحد من اللي حاجزين بس كتر الإنتظار خلانى متحفز على الأخر و معنديش أى إستعداد لتكسير المجاديف.

على العموم أنا بأعتذر على سوء الظن

[yramadan]

أنا مش عارف يا أخى "yramadan" ايه الحكاية بالضبط أنت مكرر مشاركتك دى فى أكثر من موضوع عل الرغم من تأكيد مالكى العربية بالمنتدى على عدم صحة هذه المعلومات وإن العربية ممتازة و لا يوجد بها أى من هذه العيوب
أنت يا إما من مالكى اليابانى و عايز تكرهنا فيها يا اما من شركة منافسة للكيا :t_thum1[1]:

الله يسامحك و الله انا لا أملك أى عربية و كنت ناوى أجيب السيراتو الجديدة و كنت عمال أسأل عنها لأن المبلغ ليس بالقليل

لكننى أستغربت من بداية الكلام عن بعض المشاكل فى العربية عند ال 1000 كيلو حتى من الأستاذ غازى

ثم لاحظت اختفاء مالكى العربية من المنتدى واحد تلو الأخر ثم كانت الملاحظة السابقة

وانا قلت ما سبق فى أكثر من مكان علشان أتاكد لكن للأسف لا يوجد شيء واقعى سوي تأكيدات ان العربية حلوة

[de3bis]

يا سيدى ما أنا تأسفت لك و تانى مرة ماتزعلش منى انا غلطان لك .
خلاص صافى يا لبن ؟؟