تقييم كيا نيوسيراتو (الجزء الثاني)... بالصور

[yramadan]

انا لسه مكلم كيا حالا و قالولي ان الكارينز مفيش اي معلومات عنها دلوقتي و لكن بعد اسبوعين هنعرف كل التفاصيل , كده انا هستني و مش حاحجز النيو سيراتو

انا كلمتهم مرتين مرة قالوا لى لا نعرف أي شيء ومرة اخرى قالوا ستنزل اول فئة منها مانيوال فى خلال 20 يوم و بسعر من 98000 الى 100000

[ghazy12]

لو سمحت استفسار الباور بيفصل ولا زي الالنترا مش بيفصل على السرعات العالية

الباور هيدروليك, مش كهرباء زي الالنترا, و على السرعات العالية الباور بيتقل (سواء سيراتو او النترا), و الأهم من كل ده... مفيش حاجة اسمها باور بيفصل, الباور بيتقل مع زيادة السرعة و ده طبيعي....

تقرير منصف وحيادي

شكرا على ردك يا باشا...

ربنا يباركلك ويملاها بركة

العربية دي هتاخد من السوق شريحة كبيرة ولمدة طويلة

وماينفعش واحد راكب ألماني أو ياباني يقييمها

ياباني قديم ماشي
كوري ماشي

كلامك مظبوط و ربنا يبارك فيك...

ألف ألف ألف ألف من هنا لغاااااااية بكره مبروووووووووووك يا باشا

بس كنت عايز أسأل بس في حاجه حتجنني ازاي بس عربية جديدة وبتحدف شمال

هو البلد دي ما ينفعش يكون فيها وكيل محترم لغاية الآخر ،، يعني الواحد يدفع الفلوس دي كلها

والعربية لسه زيرو يدخلها الصيانه

الله يبارك فيك يا باشا... و شكرا على ردك

هو مش قوي كده.. بس العربية مش بتحدف بمعنى الكلمة, بس بتميل ناحية الشمال خفيف, يعني أول مراحل ظيط الزوايا... انا خدت بالي منها عشان انا مركز قوي مع العربية في كل تفصيلة كبيرة او صغيرة...

ما شاء الله ربنا يباركلك فيها ويكفيك شرها ويديك خيرها

ربنا يبارك فيك... شكرا

السلام عليكم انا عندى بعض الأسئلة ان امكن:
1- ازاى العربية خشنة ياعنى اية و ازاى بتحس بيها.
2- العربية فيها انذار والا لأ و هل يمكن تركيبة فى التوكيل و لا برة التوكيل و بكام.
3- عايز اعرف انت حجزت ىوم كام و استلمت امتى و هل دفعت فلوس اوفر السعر و لا تعرف حد فى التوكيل علشان يسلمك انا حاجز بقالى اكتر من شهر و لسة مافيش اخبار بصراحة التوكيل غير منظم فى المواعيد و غير جدى فى التسليم.
الف شكر و الف مبروك على العربية .

1- بتحس أكتر لو عديت على نقره او حتة مكسرة.... كده
2- العربية مافيهاش انذار, و ممكن يتركب (بره او جوه التوكيل) بس طبعا في التوكيل هيكون غالي عشان لازم تشتري الجهاز من هناك... في التوكيل (450 جنيه),, خارج التوكيل (200 جنيه) بالتركيب و الاكراميات كمان
3- انا حاجز العربية من قبل ما تنزل في اول شهر 2... و مدفعتش غير 115900 (ثمن العربية بس), أعرف ناس فس التوكيل فعلا بس مش ده السبب اللي خلاهم يسلموني بدري, السبب اني حاجز من زمان, و الأولوية للأسبق في الحجز في التوكيل, و في ناس استلمت كتييير (الدفعة الأولى)..

التوكيل عليه ضغط حجوزات رهييب, اعذروهم عشان انا متأكد ان مش بمزاجهم لسبب واحد, ان من مصلحتة انه يسلمك بكل بساطة عشان ينزلوا في التارجت... و أي توكيل منزل عربية جديدة او مرة و عليها ضغط, بيحصل فيه كده و أكتر... توكيل مرسيدس اول ما نزل الـ C CLASS الجديدة كان تحجز و تستلم بعد 8 شهور من كتر الضغط اللي عليهم... غصب عنهم

الله يبارك فيك يا باشا و ان شاء الله تستلم قريب قوي..

انا كلمتهم مرتين مرة قالوا لى لا نعرف أي شيء ومرة اخرى قالوا ستنزل اول فئة منها مانيوال فى خلال 20 يوم و بسعر من 98000 الى 100000

ده طبيعي عشان عايزين يكتموا على الموضوع, زي اللي حصل مع النيو سيراتو... بس انا عرفت من ناس جوه التوكيل بشكل عام ان العربية نازلة ان شاء الله في الرينج ده فعلا, بس بعد تسليم دفعات النيوسيراتو اللي فيها الهاي لاين..

[ghazy12]

أستاذ غازي كنت عاوز أتأكد من حاجة لو سمحت....إيه الزيادة في أعلى فئة و عربيتك؟.

الزياده بين عربيتي (SX) بدون فتحة سقف, و الهاي لاين, لصالح الهاي لاين الآتي..

1- البصمة (فتح العربية باللمس)
2- المفتاح الذكي (السمارت كي)
3- زرار لتشغيل المحرك مش مفتاح (START/STOP ENGINE)
4- فرش جلد طبيعي كامل
5- فتحة سقف كهرباء

ربنا يباركلك فيها يارب

الله يبارك فيك...

[kareemhisham]

طب ممكن يا استاذ غازى تستفسرلنا عن سعر اعلى فئة هاتنزل من الكارينز و تقولنا ؟؟

[Hesham_91]

تقيم جامد جدا .. ماشاء الله العربية ممتازة ربنا يباركلك فيها :)

[yramadan]

طب ممكن يا استاذ غازى تستفسرلنا عن سعر اعلى فئة هاتنزل من الكارينز و تقولنا ؟؟

بالله عليك يا أستاذ غازى أسأل لنا معارفك عن السعر التقريبى لها لما تنزل أوتوماتيك و امتى ان شاء الله متوقع نزولها- حضرتك بتقول بعد تسليم السيراتو الهاى لين يعنى فيها شهرين مثلا


جزاك الله خيرا وبارك فيك وفى عربيتك و أسرتك وأدخلك الجنة بلا حساب ولا سابقة عذاب

[khawas]

الف مبروك يا باشمهندس و ربنا يكفيك شرها

انا استلمت ال EX و لسه تحت الاختبار مقارنة ب النيسان صني 98 اللي كانت معايا .... ما علينا

كنت عايزك تقولنا معلومات عن قطع الغيار

[momenhamdy]

باشمهندس غازي انا عايز اسألك سؤال يمكن يكون اتسأل قبل كدا و ممكن مكنش اخت بالي من الاجابة و لكن انا حسألوا وارجو منك الاجابة

العربيه انا شايف انها واطيه اوي علي الارض بالمقارنه بالجين 2 و انت عارف ان من ضمن مميزات البروتون انها عاليه و مش بتحك في المطبات و علشان كدا انا لفت نظري ان العربيه واطيه نسبياً علي الارض

هل النيو سيراتو واطيه علي الارض و بتحتاج حرص شديد و انت طالع علي المطب علشان متحكش و لا المسأله عادية ؟؟

وتقبل تحياتي

[yramadan]

الف مبروك يا باشمهندس و ربنا يكفيك شرها

انا استلمت ال EX و لسه تحت الاختبار مقارنة ب النيسان صني 98 اللي كانت معايا .... ما علينا

كنت عايزك تقولنا معلومات عن قطع الغيار

الله يكرمك تقول لنا عن انطباعك و تقييمك لها حيث ان ناوي أجيب ال EX برضوه ويمكن أجلتها شويه لغاية ما أشوف الكيا كارينز هترسى على ايه

[drshata]

ربنا يباركلك فيها يارب ويديك خيرها ويكفيك شرها

[Sherif007]

سلام عليكم

انا اشستلمت ال Ex امبارح....بس مش معاها مفتاح بريموت....خايف يكون انضحك علية

مستغرب ازاى تنزل كدة....

حد عندة فكرة؟

[mragh]

أعتقد إن ال-ex ملهاش ريموت

[TeMoON]

حارجني بذوقك دائما كده، اقول ايه انا بعد الرد الراقي ده
و نفسي يوم كده اكلمك علشان نظبط موضوع نادي مالكي السيراتو علشان بجد نفسي نعمله.....
ممكن نكونه مع بعض؟

انا كدا كدا معاكم فيها ماليش دعوة انا الحمد لله من اول حاجزى الهاى لاين فا انا نكون اول 3 اعضاء فية وكل واحد حاجز نيو سيراتو يتفضل يتشرف معانا ولما اغلب الناس تستلم نتقابل لحد ما كل الناس تستلم عربيتها وتتم المقابلة وتسلم ايدك يا بشمهندس محمد غازى على المعلومات الجميلة للعربية دى انا اعجبت بالعربية اكتر من الاول وخلاص نفسى استلم انهردة قبل بكرة دا انا مش هموت على البى ام دبليو زى ما هموت على استلام العربية دى لانى معجب بيها جدا لانها غيرت مفهومى عن الكورى تغير تام
:k49:

[yramadan]

اين انت يا أستاذ غازى ؟

[bemocarlo]

ربنا يبارك فيك وفي عربيتك يا باشمهندس.تقريرك ممتاز وحيادي ومحترف.الف شكر.
bemo,ire