كيا كارينز الأعصار الجديد من كيا-قول رأيك

[yramadan]

الموقع ده فيه بعض التفاصيل عن مواصفات كيا كارينز وفئاتها المختلفة:

http://www.kia.co.uk/New-Cars/Range/MPVs/Carens/Specification/Audio.aspx

واضح من الموقع الآتي:

• العربية نازلة بموتور 1600 بنزين و2000 بنزين و2000 ديزل
  الــ 1600 سي سي متوفرة بـ 5 مقاعد فقط وناقل حركة يدوي فقط "وأكيد هي دي اللي هاتنزل دلوقتي عشان الجمارك طبعاً"
  الــ 1600 سي سي في منها نص كماليات وكاملة
  الفئة الكاملة تزيد بالآتي:
  • جنوط 16 بدل 15
  • مقابض الأبواب والشبكة الأمامية مطلية بالكروم
  • مرايات جانبية بنفس لون السيارة
  • قضبان السقف ROOF RAIL
  • إشارات جانبية بالمرايات
  • عجلة الدركسيون ومقبض الفتيس مكسوة بالجلد
  • سنترال لوك بريموت كنترول
  • حساسات ركن Parking Sensors

• وتشترك الفئتين في وجود راديو سي دي/ أم بي ثري، 6 سماعات، تكييف، باور ستيرينج، عجلة القيادة قابلة للإمالة، الكنبة الخلفية قابلة للطي، حامل أكواب أمامي وخلفي، أكياس هواء للسائق والراكب الأمامي مع زرار فصل للمقعد الأمامي، أكياس "ستائر" هواء جانبية، فرامل ABS\EBD، أحزمة الأمان الأمامية سابقة الشد، إيموبلايزر

• بالنسبة لمواصفات المحرك فهو 1591 سي سي ثنائي الكامة ذو أربع اسطوانات بتكنولوجيا CVVT، يولد 130 حصان عند 6300 لفة، وأقصى عزم 157 نيوتن متر عند4200 لفة، ونسبة الانضغاط 10.5:1 والفتيس يدوي من خمس سرعات أمامية وسرعة خلفية

• • بالنسبة لأبعاد السيارة فهي كالتالي:
  • الطول الكلي 4545 سم
  • العرض الكلي 1820 سم
  • الارتفاع الكلي 1700 سم
  • قاعدة العجلات 2700 سم

• استهلاك البنزين 9 لتر داخل المدينة و 6.2 لتر خارجها "7.2 متوسط"
• ونوع البنزين 95 خالي من الرصاص
• أقصى سرعة 110 ميل/س "حوالي 185كم/س"
• الوصول من صفر إلى 62ميل/س "حوالي 105 كم/س" في 11.6ثانية

طبعاً دي المواصفات بتاعة برة وسعرها 12 ألف استرليني للكاملة و11 ألف للنص كماليات
الوكيل بقى هايشيل أيه ويحط أيه ------- الله أعلم!

كده كلام الوكيل اللى قاله لى هيبقى مضبوط

فهو قال لى انها هتنزل على أواخر مايو والدفعة اللى جايه مانيوال فقط ومش عارف حاجة عن الأوتوماتيك وقالى سعلر المانيوال هيكون بين 98000 و 100000

مش عارف استنى لما نشوف الكارينز هتعمل ايه ولا أتكل على الله وأجيب السيراتو وان كنت بدأت أخاف من تعليق الأعضاء على أن العفشة ناشفة جدا حتى اللى معاه جنط 16

بصراحة موضوع العفشة مهم جدا فأنا مش هدفع 109000 جنيه واحس كأنى راكب شاهين او لادا (من حيث العفشة فقط طبعا)

[fahmy]

لالازم بنزين 95 دة خراب بيوت

[heshaaam]

السعر مناسب لاحظو ان الماتريكس 92 وكذلك السوران فهى لازم تبقى احلى وف نفس مستوى السعر الماتريكس عندها ارضية يبقى لازم الكارينز تعلى ف الاوبشن مادام هى اغلى وتعلى كتير وتتفوق كمان ع السوران ده لو عايزة تبيع هو شكلها وموتورها اقوى من الماتريكس وممكن تنزل ناقصة حساس الركن ولا تكون 7 راكب ولو زودا ع كده يبقى افترا فرق العشرة الاف جنيه لازم يبقى ف حاجات زيادة عن الماتريكس غير الموتور والشكل ده طبيعى ودى اذواق فلو زودو كام اوبشن هتغطى ع الماتريكس

[elgabry1977]

انا شفت العربيه النهارده يا جماعه عند معرض الطارق في كارفور اسكندريه(كنت في شغل هناك) و معرض عربيتي في شارع الهرم و دا انطباعي عنها
1-العربيه شكلها الخارجي فخم جدا جدا ( خصوصا اللون الاسود) احسن ميت مره من الماتريكس
2-العربيه واسعه من جوا
3- الشنطه صغيره و لا تتناسب مع حجم العربيه ( تقريبا شنطة النيو سيراتو اكبر)
4-التابلوه الفنش بتاعه سيء( شبيه العربيات الصيني)
5-جنوط 15
6- مفيش ABS و لا ايرباجز
7-امكانية طي المقاعد الخلفيه ( العربيه5 مقاعد و لا يوجد منها 7 مقاعد)
8-الموتور 1600, 124 حصان
9-ناقل حركه يدوي و الاوتوماتيك هينزل كمان شهر
10- مفتاح عادي بدون ريموت
11- 4 زجاج كهرباء
12-لا يوجد فوج لايتس
13- سي دي mp3 ( كانوا شايلينوا في معرض الطارق)
14- التكيف بكر
15- الطاره عاديه مش مالتي فنكشن
16-معرض الطارق قاللي سعرها 100 الف و بتاع الهرم قاللي 103 و التسليم فوري و الاوتوامتيك تقريبا تزيد 10 الاف جنيه
لو فيه اي سوال او استفسار انا في الخدمه

[hossam3amer]

اكيد مفيش منها 7 راكب من فضللك؟

انا محتاج عربية 7 راكب جداااااااااا للشغل وكنت هاجيب الرينو اللوجان لولا انى سمعت عن دى

بس لو مش نازل منها 7 راكب يبقى بلاش استنى ولا اية رايكوة؟؟؟؟؟؟؟؟؟؟؟ظ

[Ahmed Samy]

الوداع ماتريكس
منافسة حامية مع السينيك

شرط السعر لا يتعدى 110000

[elgabry1977]

اكيد مفيش منها 7 راكب من فضللك؟

انا محتاج عربية 7 راكب جداااااااااا للشغل وكنت هاجيب الرينو اللوجان لولا انى سمعت عن دى

بس لو مش نازل منها 7 راكب يبقى بلاش استنى ولا اية رايكوة؟؟؟؟؟؟؟؟؟؟؟ظ

الكل قاللي كده برده علشان تتاكد كلم الوكيل علي 19542

[yramadan]

أتصلت اليوم بمحمد زكى 19420 وقال لى انه عنده الكارينز المانيوال توكيل كالأتى :
1600 Cc و 124 حصان 4 زجاج كهرباء جنط 15 ب 99.900 وقال لى الأوتوماتيك هينزل عل شهر سبعة و هيكون أقل من 112000 وأحتمال ينزل معه باقى الأوبشن ريموت ايرباج فوج لايت

[Demirell]

أنا لغاية دلوقتي مش قادر أصدق سعرها ده.....ده أنا كنت مقتنع إنها مش هاتقل عن 150 ألف بأي حال من الأحوال!

بصراحة نصير فعلاً يستحق التحية والإحترام على الحركة دي.....عربية زي دي لو كان غبور اللي منزلها كان باعها بـ 170 ألف وللا حاجة! (زي السوناتا اللي بيجمّعها عنده وبتبدأ من 155 ألف!)

الكارينز دي أصلاً أنا من زمان وأنا معجب بيها جداً....شكلي كده هحاول أقنعهم عندي في البيت إننا نبيع الـ SX4 اللي ملهاش لازمة دي ونجيبها

بصراحة الـ SX4 الهاتشباك دي منظر وخلاص....يعني أصغر من الكارينز بمراحل و رغم كده بتتباع بـ 115 المانيوال و 118 الأوتوماتيك!!

وللا السوران الأرجنتيني اللي تقفيلها أي كلام خالص وبتبدأ من 90 ألف!

فا بجد يعني الكارينز سعرها كده في الجون فعلاً.....برافو مستر نصير!!

[kareemhisham]

غريبة يا جماعة كل الناس شافتها برة التوكيل و كلمتوا حد غير التوكيل عشان تستفسروا ؟؟ انا عارف ان المعلومات صحيحة طبعا بس الواحد يحب يبقى الكلام من التوكيل فياريت حد يدينى نمرت التوكيل الكبير الممكن يكون فى حد عارف على امل ان يكون عنده معلومات اكتر و ياريت كمان نمرت الفى المعادى ,, انا شفت عنده العربية بس كنت مستعجل

[elgabry1977]

غريبة يا جماعة كل الناس شافتها برة التوكيل و كلمتوا حد غير التوكيل عشان تستفسروا ؟؟ انا عارف ان المعلومات صحيحة طبعا بس الواحد يحب يبقى الكلام من التوكيل فياريت حد يدينى نمرت التوكيل الكبير الممكن يكون فى حد عارف على امل ان يكون عنده معلومات اكتر و ياريت كمان نمرت الفى المعادى ,, انا شفت عنده العربية بس كنت مستعجل

19542 يا باشا

[إبراهيم.صادق]

انا شفت العربيه النهارده يا جماعه عند معرض الطارق في كارفور اسكندريه(كنت في شغل هناك) و معرض عربيتي في شارع الهرم و دا انطباعي عنها

8-الموتور 1600, 124 حصان

أتصلت اليوم بمحمد زكى 19420 وقال لى انه عنده الكارينز المانيوال توكيل كالأتى :
1600 Cc و 124 حصان

الموقع ده فيه بعض التفاصيل عن مواصفات كيا كارينز وفئاتها المختلفة:

http://www.kia.co.uk/New-Cars/Range/MPVs/Carens/Specification/Audio.aspx

واضح من الموقع الآتي:

بالنسبة لمواصفات المحرك فهو 1591 سي سي ثنائي الكامة ذو أربع اسطوانات بتكنولوجيا CVVT، يولد 130 حصان عند 6300 لفة،
ونوع البنزين 95 خالي من الرصاص

لازم بنزين 95 دة خراب بيوت

بيتهيألي كده يبقى الوكيل منزلها بموتور غير اللي موجود على الموقع "http://www.kia.co.uk/New-Cars/Range/MPVs/Carens"
وده معناه انه ممكن يكون الموديل اللي نازل عندنا بينفع معاه بنزين 92 ، مش كده ولا أيه؟؟

[yramadan]

رحت امبارح توكيل كيا اللى فى روكسى ووجدت الكارينز هناك الفضى والأسود

شوفوا انا لست خبير فى العربيات لكن هديكو انطباعى الشخصى :

شكلها الخارجى يخطف العين فهى أكبر من الماتريكس و أقل قليلا من البيجو 307 الستاشن

الجنوط 15 الومنيوم - الزجاج الخلفى أسود - المرايات بلون مختلف عن العربية

الفرش مش أد كده لكن كده كده الواحد بيركب فرش جديد فمش فارقة

الزجاج كهرباء و التابلوه حلو مقبول - وطبعا مانيوال

بصو هى ككماليات مش كتير زى السيراتو لكن شكلها مبهر

نيجى للسعر وهو 99.900 و الأوتوماتيك هتكون ب 110.000 وهتنزل أخر 7

بصراحة انا قررت استنى شويه لأننى احنمال بنسبة 95% اغير رأيى من السيراتو الى هذه العربية التحفة خاصة بعد مشاكل السيراتو اللى بدأت تظهر

مش عارف ايه رأيكم

[yramadan]

باريت لو أي حد يعرف حاجة عن الكارينز القديمة يقول لنا

وهل ياتري هتنزل 1600 فقط فى مصر

[Demirell]

المرايات بلون مختلف عن العربية

يعني المرايات سودة مش بنفس لون العربية؟؟