كيا كارينز الأعصار الجديد من كيا-قول رأيك

[shahata]

هل الموتور هو نفس موتور النيو سيراتو ؟

[yramadan]

يعني المرايات سودة مش بنفس لون العربية؟؟

نعم سوداء مش بنفس لون العربية

[kareemhisham]

يا جماعة انا كلمت التوكيل ,, و طلعوا مش عارفين حاجة ,, الراجل كان بيقولى انو مش عارف اى اوبشنز و ميعرفش اى حاجة عن الاوتوماتيك ,, دا انا حتى سألتوا فيها ايرباجز و abs ولا لأ ,, قالى معرفش حاجة عن الوبشنز و ميعرفش اى حاجة عن الموديلات الجاية ,, قالى تابع معانا الاعلانات ,, و اخد اسمى و نمرت تليفونى و قالى هانوافيك بالجديد

[yramadan]

هو محدش راضى يتكلم عن هذه العربية ليه مع انى شايف ان شكلها تحفة

[kareemhisham]

استنى بس لغاية ما الوكيل يعمل اعلان و هتلاقى ناس كتير عرفتها و عرفت سعرها و هتسمع كلام كتير ,,
عامة ,, انا شوفت عربية كبيرة اول امبارح شايلا كذا واحدة من الكارينز ,, و العربية يا جماعة شكلها مغرى جدا و كبيرة جدا

[magdi mina]

انا شوفتها فى كارفور اسكندرية .. عجبتنى جدا .. وهى 5 ركاب وامكانية اضافة اثنين كمان فى الخلف .. عن طريق الشركة .. 0(وكلة بثمنة ) والاوتوماتيك حتنزل اخر السنة ب..... 110000 ج. ( مية وعشرة الف ) ..فعلا حلوة قوى .

[o_mohy73]

I made search on net about this car and all reviews spack about 2000c.c so i think we should see it first and measure performance before any decition !

[m_a_gamal]

أنا سألت النهارده عن العربية وقالوا لي ان الموجود دلوقتي المانوال وثمنها 100000 فيها باور و Cd وزجاج كهرباء وسنتر وجنوط سبور 15" والأوتوماتيك ب 110000 تحجز دلوقتي وتستلم كمان شهرين والبياع قال لي كل ال 1600 5 راكب وال 2000 بس هي اللي 7 راكب

[aratux]

أنا لسة راجع منن معرض روكسى
عندهم المانيوال بس, و قالى لسة الأوتوكاتيك ما نزلتش
ب 99800
روووووووووووووووووووووعة
شيييييييييييييييييييييييييييييييييك
فخخخخخخخخخخخخخخخخخخمة

فعلا وقفت مبهور بيها و دماغى لفت
عيبها إن مافيهاش أوبشن كتيرزى النيو سيراتو
بس من جوة واسعة بشكل خرافى
5 كراسى فقط, و بالتالى ده بيديلك شنطة كبيييرة

بس مستغرب حركة الهاندبريك اللى بشداد و دواسة ده!!!

[kareemhisham]

عملين اعلان فى الجرنال قايلين فى ان فى منها اوتوماتيك ,, اظن الوتوماتيك هينزل فى اوتوماك

[kareemhisham]

أنا سألت النهارده عن العربية وقالوا لي ان الموجود دلوقتي المانوال وثمنها 100000 فيها باور و Cd وزجاج كهرباء وسنتر وجنوط سبور 15" والأوتوماتيك ب 110000 تحجز دلوقتي وتستلم كمان شهرين والبياع قال لي كل ال 1600 5 راكب وال 2000 بس هي اللي 7 راكب

هو موضوع الحجز دة للمنيوال ولا الاوتوماتيك ؟؟

[hany667]

السلام عليكم وأرق التحية

اليوم شاهدت هذه السيارة فى محطة الرمل وكانت واقفة بجوار ماتريكس بصراحة

السيارة راااائعةةة الشكل وبجد لا تقارن نهائيا بالماتركس

المهم قعدت اتفرج عليها انا والاولاد لأننى محتاج سيارة عائلية ومنذ فترة بدور عن

سيارة مناسبة شكلا ومضمونا" المهم السيارة اللى شاهدتها كانت لسة لم تعلق نمر

يعنى لسة طازة خالص وكانت 7 راكب منذ قليل اتصلت بالطارق اعرف إية الحدوتة

بالظبط كانت إجاباتهم كالاتى:-

السيارة مانيوال بـ 100000 وكمالياتها معروفة ماعدا فوج لايت مش موجود ولا اير باج

ولا abs وكمان 5 راكب فقط فسألتهم عن اللى لسة انا شايفها 7 راكب قالوا انها

خليجى واستيرادها ليس عن طريقهم ومن غير ضمان طيب وأخبار الاوتوماتيك أفادوا

بأنة متوقع سعره فى حدود 110000 وبرضة 5 راكب والكماليات إحتمال تزيد بفوج لايت

واير باج فقط وأفادوا أيضا" بأنة يمكن تعديل السيارة لتصبح 7 راكب بتكلفة 8000 جنية

لأن التعديل سوف يتم فى التوكيل وان هناك كلام أن السيارة احتمال تنزل بجميع

الكماليات وفتحة سقف واير باج وفرامل ABS وخلافة بمبلغ 247000 قلت لة عارف لو

نزلت بالسعر دة مهما كانت الكماليات يبقى مش حتبيعوا منها ولا عربية وقلت لة ياريت

يبلغ الشركة أن السيارة من غير إضافة بعض الكماليات المعتادة من فرامل ABS وفوج

لايت وخلافة وعدم وجود 7 راكب سوف تواجة منافسة صعبة ولن تكون حصان السباق

الأفضل فى فئتها.

أسف بشدة للإطالة على حضراتكم وأرق تحياتى

أخوكم محاسب / هانى سعيد

[heshaaam]

للاسف بيستعبطو هما عشان عملو شكل انضف من الماتريكس يفتروا ف السعر طب مالسوران شكلها جميل وفولكس فاجن يعنى اسعارها عالية ومع ذلك ارخص من الكارينز مفروض اللى ينزل جديد يضحى بسعر وكماليات ف ظل الازمة

[kareemhisham]

السلام عليكم وأرق التحية

اليوم شاهدت هذه السيارة فى محطة الرمل وكانت واقفة بجوار ماتريكس بصراحة

السيارة راااائعةةة الشكل وبجد لا تقارن نهائيا بالماتركس

المهم قعدت اتفرج عليها انا والاولاد لأننى محتاج سيارة عائلية ومنذ فترة بدور عن

سيارة مناسبة شكلا ومضمونا" المهم السيارة اللى شاهدتها كانت لسة لم تعلق نمر

يعنى لسة طازة خالص وكانت 7 راكب منذ قليل اتصلت بالطارق اعرف إية الحدوتة

بالظبط كانت إجاباتهم كالاتى:-

السيارة مانيوال بـ 100000 وكمالياتها معروفة ماعدا فوج لايت مش موجود ولا اير باج

ولا abs وكمان 5 راكب فقط فسألتهم عن اللى لسة انا شايفها 7 راكب قالوا انها

خليجى واستيرادها ليس عن طريقهم ومن غير ضمان طيب وأخبار الاوتوماتيك أفادوا

بأنة متوقع سعره فى حدود 110000 وبرضة 5 راكب والكماليات إحتمال تزيد بفوج لايت

واير باج فقط وأفادوا أيضا" بأنة يمكن تعديل السيارة لتصبح 7 راكب بتكلفة 8000 جنية

لأن التعديل سوف يتم فى التوكيل وان هناك كلام أن السيارة احتمال تنزل بجميع

الكماليات وفتحة سقف واير باج وفرامل ABS وخلافة بمبلغ 247000 قلت لة عارف لو

نزلت بالسعر دة مهما كانت الكماليات يبقى مش حتبيعوا منها ولا عربية وقلت لة ياريت

يبلغ الشركة أن السيارة من غير إضافة بعض الكماليات المعتادة من فرامل ABS وفوج

لايت وخلافة وعدم وجود 7 راكب سوف تواجة منافسة صعبة ولن تكون حصان السباق

الأفضل فى فئتها.

أسف بشدة للإطالة على حضراتكم وأرق تحياتى

أخوكم محاسب / هانى سعيد

اولا لو العربية دى منزلتش بabs ناس كتير هتصرف نظر عنها و انا اولهم ,, و لازم على الاقل 2 ايرباجز ,, عوامل الامان المفروض تبقا standard
اما بالنسبة للهتبقا ب247000 دى هتبقا ال2000cc و دى موجودة من قبل كدة

[m_a_gamal]

انا لسه شايف العربية عند المهندس كار اللي في 6أكتوبر، والحقيقة هي جامدة جدا وواسعة جدا جدا وشنطتها كبيرة قوي، بس ما فيهاش ABS ولا Airbags والسي دي راكب هنا في مصر مش نازلة بيه وماركته LG ومقاسه كبير double DIN