السنيو سيراتو ولا الاسكودا الاي 4

[Ghamrawy]

موديل و شكل جديد و تكنولوجيا جديدة احسن من شكل قديم و تكنولوجيا قديمة و تمحيك فى الالمانى ...السيراتو تكسب

[TOOLA]

أستاذى الفاضل,

صعب تلاقى اجابة سؤالك بعقلية السادة الاعضاء, لان كل واحد بيحسبها من وجهة نظره و احتيجاته و ظروفه, بس الموضوع بسيط ان شاء الله:
1- لو انتا زاى حالاتى و حال أخوة كتير هنا, بتعمل مشاوير كتير و بتسافر كتير (يعنى تعملك فى سنة بتاع 30,000 ك) و ممكن سواقتك تكون عنيفة شوية, يبقى ال اوكتافيا هتبقى أقيملك و هتستحملك ان شاء الله لان طبيعى عمرها الافتراضى أطول.

2- لكن لو مشاويرك مش ٌقد كده (فى حدود 15,000 ك فى السنة) و محتاج حاجة رفاهية عالية و أكيد شياكة و ستستطيع المحافظة عليها يبقى توكل على الله فى السيراتو.

و ربنا يوفقك للانسب ان شاء الله

[ahmed_mabrook]

السلام عليكم
فى حاجة متهيالى مهمة الوكيل .
وكيل اسكودا زى زفت بعد ما كنت نويت على A5 صحابى معاهم العربية طبعا العربية تحفة بس الوكيل سىء جدا قطع غيار مش موجودة
لسة واحد صحبى بيحكلى ان الكمبروسر بتاع التكيف باظ قبل الضمان ما يخلص باسبوعين الوكيل قلة الكمبروسر مش موجود وعبال ما يجى تكون طلعت من الضمان فتغيرة على حسابك بعد خناقات وفقواز
اسكودا افضل بس الواحد بردوا لازم يتاكد ان عربتة تتصان كويس فا علشان كدة سيراتو احسن ده راى

[M.ABDEEN]

النيو سيراتو بها رفاهية عالية جدا من ال a4 وايضا امكانيتها اعلى بس المتانة اقل من الاوكتافيا فالسيراتو هنا تكسب لكن لو a5 الاوكتافيا تكسب بس هي تكنولوجيا قديمة تفتقر الشكل والرفاهيات وقوة المحرك مقارنة بالسيراتو والاختيار يبقى لك

[marawansabry]

انا افهمك ,, بص انا هقولك على وسائل الرفاهية الموجودة فى السيراتو و مش موجودة فى الA4 و الموجودة فى الA4 و مش موجودة فى السيراتو

الموجود فى السيراتو و مش موجود فى الA4 :
تكييف تتش ,, طارة مالتى و جلد ,, الفتيس اوتوماتيك تيبترونيك و جلد ,, باركينج سينسورز ,, شاشة بتوضح انهى باب مفتوح و استهلاك البنزين و فاضل اد ايه و التانك يفضى ...... الخ) ,, جنوط سبور "17 (انا بعتبرها رفاهية) ,, CD changer ,, وسائد هوائية للسائق و القاعد جنبه ,, فوانيس ضباب ,, تطعيمات كروم من الداخل ,, و عجلة قيادة يتم تعديل اوضاعها ,, و الشكل العصرى الانا بعتبره رفاهية بردوا

اما بقا الموجود فى الاوكتافيا مش موجود فى السيراتو:
مثبت سرعة ,, فوانيس ضد الكسر ,, ...........................................

ياريت لو قدرت بقا حضرتك تفهمنى ازاى الA4 دى رفاهية يبقا كتر خيرك

بص يا جميل انا ميش متحيز للالماني ضد الكوري بالعكس مكنتش طلبت وجهة نظركم المحترمة ، وطبعا لازم يبقي فية الراي والراي المقابل ، الا كانت كل الناس اشترت الماني او كلها اشترت كوري ، المهم طبعا النيو سيراتو رفهيتها اكبر انا فاهم ، بس لما تتكلم على قطع غيار معمرة ، عفشة فوق الممتازة ، ثبات واعتمادية عالية علما بان فيها كمبيوتر برضة للرحلات وفية توضيح للابواب المفتوحة ويديك انذار لو باب مفتوح وفيها مثبت سرعة وكمان امكانية تحريك الطارة اضف لذلك التكييف الثلاجة والمساحة الخلفية بالرشاشات ، بالاضافة لامكانية تعديل وضع كرسي السائق
بس برضة دا ميش تحيز والله ، بس فعلا الاختيار صعب .. ولا انت ميش معايا.
حاجة كمان ان البضاعة موجودة في الاوكتافيا .. لو عندك بقي خلق تستحمل مطوحة توكيل كيا .. دا في ناس حاجزة بقلها شهر واسبوع ومستلمتش لغاية دلوقتي .. هيا على العموم اراء .. وشكرا على اهتمامك ورضك

[marawansabry]

بص انت مش هتلاقي الاوبشنز الكثيرة الي في نيو سيراتو موجودة في الاوكتافيا بس هتلاقي في الاوكتافيا ثبات وامان اكثر وعمر افتراضي اعلي واعطال اقل
فانتا بقي لازم تفاضل بين ده كلوا
وانا بصراحة بتحيز للاسكودا ايه 4
عشان انا بصراحة مبحبش الكوري مع احترامي لكل الي راكبينه بس انا مبحسش بحلاوة القيادة غير في الالماني

بص هو طبعا الكوري حاليا ما شاء الله ممتاز .. وبدليل ان النيو سيراتو مكسرة الدنيا في اوربا .. بس عندك حق برضة الالماني اقوي وامتن ومعمر اكتر .. حاجة والله محيرة

[sakrquraish]

انا عندي برده نفس الحيرة بين A4 و النيوسيراتو بس زاد عليهم النيسان التيدا اللي تعتبر منافس قوي في الفئة السعرية ديه الصراحة التلاتة يحيروا.

[marawansabry]

انا عندي برده نفس الحيرة بين A4 و النيوسيراتو بس زاد عليهم النيسان التيدا اللي تعتبر منافس قوي في الفئة السعرية ديه الصراحة التلاتة يحيروا.

بص يا جميل هما عملين تقييم جميل قوي في نيسان على التيدا .. خش شوفة كدة .. بس متهيألي ان التيدا هتبقي مشكلتها انها منتشرتش قوي وبيقولوا والله اعلم ان صاجها خفيف.

خليك معايا في نفس الحيرة بتاعت الاي 4 والنيو سيراتو .. لول

[sakrquraish]

أرسل بواسطة marawansabry "ان التيدا هتبقي مشكلتها انها منتشرتش قوي وبيقولوا والله اعلم ان صاجها خفيف."
اعتقد ان صاجها لن يكون اضعف من السيراتو .
ممكن اصافة لانسر بومة كاختيار مطروح

[marawansabry]

أرسل بواسطة marawansabry "ان التيدا هتبقي مشكلتها انها منتشرتش قوي وبيقولوا والله اعلم ان صاجها خفيف."
اعتقد ان صاجها لن يكون اضعف من السيراتو .
ممكن اصافة لانسر بومة كاختيار مطروح

بص انا والله معرفش صاج النيو سيراتو عامل اية .. ممكن مهندس غازي يفيدنا .. بس اية رايك اروح انا وانت ناخد 2 اوكتافيا اي 4 وناخد التالتة عليهم هدية .. لول

[Dr.Mohamed]

طب وايه رايكم فى النيو هوندا سيتى
هو ماحدش بيفكر فى العربيه دى ليه يا جماعه
انا شفتها عربيه جامده و شكلها و خاماتها ممتازه
غرببه !!

[max_ziro]

ولله يا جماعة انا مشتغرب من كلامكم
متانة اية بس
و الوزن بتاع النيو سيراتو تقريبا نفس وزن الاوكتافيا ممكن يكون اكبر
و كمان التكنولوجيا ولله لحد علمى ان النيو سيرانو فيها كل حاجة ممكن واحد يحلم بيها ف عربية و امكانيات و امان ملهمش حل و شكل قمة ف الروعة و عصرى جدا جدا ازاى تتقارن بعربية قديمة عشان مجرد اسمها انها تكنولوجيا المانى و يارتها تكنولوجيا جديدة لا دى تكنولوجيا انقرضت خلاص دة غير شكل العربية العواجيزى
ولله انا مقصدش ان الاوكتافيا عربية وحشة انما من وجهة نطرى ان مينفعش تقارن عربية قديمة ب عربية جديدة خالص خالص ..
يارب مكنش زعلت حد ..

[ahmed_mabrook]

ممكن تضغط على نفسك وتكمل الفلوس توصلها لى 150 الف وتجيب سيفيك

[kareemhisham]

اه صحيح ,,
سكودا رومستر ,, عربية تحفة ,, ضخمة من جوا ,, اوبشنز ,, تكنولوجيا المانى جديدة ,, من الاخر كدة ملهاش عيوب ,,
المهم شكلها يعجبك عشان شكلها مش تقليدى










jeremy clarkson المشهور بتاع برنامج توب جير قال "don't call it ugly , call it quite brilliant" وكاتب عنها كلام زاى الفل
ودة الموقع
http://otoreview.blogspot.com/2007/09 /jeremy-clarkson-on-skoda-roomster.html
الباسيك لاين بتاعها ب87الف و دى مانيوال
الفل اوبشن الفيها اوبشنز زاى السيراتو كدة بس مانيوال ب115الف
و فى ب115الف اوتوماتيك بس فيها اوبشنز اقل شوية
و فى الب130 دى الهاى لاين اوتوماتيك فيها كل حاجة
و السقف البانوراما زاى الفى الصورة موجود فى التانية و الرابعة
و دى ورقة المواصفات كان Dr.druggist هو الجايبها






صدقنى انا مش ببالغ العربية فعلا ممتازة
و ياريت تقولى رأيك

[marawansabry]

اه صحيح ,,
سكودا رومستر ,, عربية تحفة ,, ضخمة من جوا ,, اوبشنز ,, تكنولوجيا المانى جديدة ,, من الاخر كدة ملهاش عيوب ,,
المهم شكلها يعجبك عشان شكلها مش تقليدى










jeremy clarkson المشهور بتاع برنامج توب جير قال "don't call it ugly , call it quite brilliant" وكاتب عنها كلام زاى الفل
ودة الموقع
http://otoreview.blogspot.com/2007/09 /jeremy-clarkson-on-skoda-roomster.html
الباسيك لاين بتاعها ب87الف و دى مانيوال
الفل اوبشن الفيها اوبشنز زاى السيراتو كدة بس مانيوال ب115الف
و فى ب115الف اوتوماتيك بس فيها اوبشنز اقل شوية
و فى الب130 دى الهاى لاين اوتوماتيك فيها كل حاجة
و السقف البانوراما زاى الفى الصورة موجود فى التانية و الرابعة
و دى ورقة المواصفات كان Dr.druggist هو الجايبها






صدقنى انا مش ببالغ العربية فعلا ممتازة
و ياريت تقولى رأيك

والله انت راجل ذوق جدا .. ومتشكر على اهتمامك وردك .. هي مواصافتها رائعة فعلا .. وهتبد تنتشر .. بس بصراحة شكلها ميش حلو خالص .. شكلها سخيف قوي .. ولا هي فان ولا هي ميني فان ولاهي دفع رباعي .. يعني حاجة غريبة كدة .. كوكتيل غريب .. ومن الشنطة شكلها صعب قوي .. بتفكرني بالعربيات بتاعت الشيبسي والعصير .. بس هي مواصافات جامدة جدا .. والموتور من الجيل الجديد .. بس شكلها غلط خالص
بص الف شكر يا جميل والله كلك ذوق .. وكفاية اهتمامك ومتبعتك