لية الالنترا احسن من النيو سيراتو؟

[popzzzzz]

بعد تفكيير كبير اخترت الالنترا بدل النيو سيراتو لكذا سبب

1- الالكتريك باور : كل العربياتت الجديدة باور كهرباء ودى تكنلوجيا جديدة جدا وانا شغال فى شركة مرسيدس وكل العربيات باور كهرباء وحتى النيو سيراتو خارج مصر باور كهرباء

2- الموتور والفتيس : نفس الموتور الى فى الالنترا هو الموتور والفتيس الى فى النيو سيراتو وفى الاوتوماتيك النيو سيراتو ستبترونيك ودة عبارة عن كنترول يونيت زى السينسور عشان لما تحب تسقط نقلة بئيدك
اما الموتور هو هو والفرق فى hp دة عشان كيا بتئولك 124 hp عند 6.300 ودة مستحيل ان اى واحد يجمع على الغيار لغاية عدد اللفات دى ولا حتى 6.200 زى الالنترا عشان صعب تجمع دة كلة دة بالنسبة للموتور

3- الفرامل : انا معايا الانترا مانيوال ولو كنت جبت سيراتو كنت هجبها مانيوال بس الفرامل فى الالنترا فى الخلف ديسكات وفى السيراتو طنابير ودى بتفرق جامد فى قوة الفرامل والنيو سيراتو ديسكات فى الخلف فى الهاى لاين بس

بقى الحجات فى الاتنين يعتبرو زى بعض دة غير ان الالنترا معلروفة من زمان لكن النيو سيراتو محدش يعرف عنها حاجة دة غير ان الالنترا من جوة احسن بكتير من السيراتو من حيث الشكل والخامات

مستنى ردودكم

[kareemhisham]

ناس كتير مش بيفرق معاها الحاجات دى ,, فالنيو سيراتو بتشد الواحد بشكلها و الاوبشنز الفيها ,, دا طبعا غير التوكيل المؤرف بتاع هيونداى ( غبور )

[M.ABDEEN]

فعلا كلام حضرتك 100 100 بس السيراتو موتورها جديد وشكل جديد وعالية عن الارض واثقل في الوزن عن الالنترا فضلا عن التوكيل المحترم ليها اللي عامل شغل عالي وربنا يوفقك

[pharonicking]

الاتنين شبه بعض"

[Hosam_Optrawy]

السيراتو مميزاتها اكتر بكتير من الانترا

[dasboot]

معلش يا سيدي الفاضل ليا كام تعليق كده:
1-الفتيس مختلف مش هوه هوه, فتيس السيراتو GATES BS
2-في فرق في الموتور رغم انه نفس الفئة, لكن فرق في التيونينج بتاعه (Cam Timing, w Valve timing w el headers)
3-فرامل السيراتو ABS-EBD و الفرامل ورا ديسكات من اول SX إللي هي 116,000
4-الEPS إللي هو الباور الكهرباء في الإلنترا فيه مشكلة انه مالوش SPEED SENSOR, يعني مش بيفصل مع التسارع, و بالتالي فوق ال120 هتبقي ماسك الدركسيون بإيديك و سنانك
5- الوكيل المحترم غبور غني عن التعريف
6-ميزة الإلنترا الوحيدة هي السعر الأقل من السيراتو

[myr999]

لما تركب 2 بس ورا وتعدى مطب حتعرف اد اية غلطت لما تروح التوكيل وتتعامل معاملة غبور حتعرف اد اية غلطت لم تضغط فرامل على سرعة 120 كم حتعرف اد اية غلطت لما تمسك دركسيون جلد وامامك تابلوة اجمل واشيك بالون الفضى متنغمة مع يد الفتيس والدركسيون حتعرف اد اية غلطت لما تلاقى انك لا تستطيع ان تزيد سرعتك عن 120 كم ( العربية غير ثابتة فرامل غير امنة ) حتعرف اد اية غلطت مش حنتكلم عن الكماليات الكثيرة فى الفئات الاعلى وبعدين روح قول هذا الكلام فى موفع هيونداى مش فى الكيا بس خلاص

[thisisman]

لو كلام الاخ dasboot صح يبقى مفيش مقارنه خالص بين الاتنين بقى

[TeMoON]

يا جماعة انا هقول فى الموضوع دا كلمة واحدة
كفاية غبور انة وكيل العربية دى ودى تخلى العاقل مايفكرش يقرب من غبور والكلام دا عن تجربة

[Ahmed Samy]

بعد تفكيير كبير اخترت الالنترا بدل النيو سيراتو لكذا سبب

1- الالكتريك باور : كل العربياتت الجديدة باور كهرباء ودى تكنلوجيا جديدة جدا وانا شغال فى شركة مرسيدس وكل العربيات باور كهرباء وحتى النيو سيراتو خارج مصر باور كهرباء

2- الموتور والفتيس : نفس الموتور الى فى الالنترا هو الموتور والفتيس الى فى النيو سيراتو وفى الاوتوماتيك النيو سيراتو ستبترونيك ودة عبارة عن كنترول يونيت زى السينسور عشان لما تحب تسقط نقلة بئيدك
اما الموتور هو هو والفرق فى hp دة عشان كيا بتئولك 124 hp عند 6.300 ودة مستحيل ان اى واحد يجمع على الغيار لغاية عدد اللفات دى ولا حتى 6.200 زى الالنترا عشان صعب تجمع دة كلة دة بالنسبة للموتور

3- الفرامل : انا معايا الانترا مانيوال ولو كنت جبت سيراتو كنت هجبها مانيوال بس الفرامل فى الالنترا فى الخلف ديسكات وفى السيراتو طنابير ودى بتفرق جامد فى قوة الفرامل والنيو سيراتو ديسكات فى الخلف فى الهاى لاين بس

بقى الحجات فى الاتنين يعتبرو زى بعض دة غير ان الالنترا معلروفة من زمان لكن النيو سيراتو محدش يعرف عنها حاجة دة غير ان الالنترا من جوة احسن بكتير من السيراتو من حيث الشكل والخامات

مستنى ردودكم

اسمحلي اقول انطباعي عن مشاركة حضرتك ...

حضرتك بتحاول تقنع شخص ما (يا احنا ,يا نفسك) بإن السيراتو مش أحسن من الإلانترا فقط

لكن مافيش اي حاجة من اللي حضرتك قولتها بتقول ان الالنترا أحسن من السيراتو ..

- المكنة غير ....و دي حقيقة مش كلام ... موضوع الهورس باور على اللفات العالية اللي حضرتك ذكرته معناه برضه ان الموتور أقوى و لا يعني أي ميزة للإلانترا

- الفتيس غير زي ما dsaboot قال و حضرتك وضحت انه أحسن من بتاع الالانترا وبدون تعليق .

- الفرامل في السيراتو ديسكات ورا .. وحتى لو مش ديسكات ...حضرتك بتقول انها بتفرق "جامد" لأ هي مش جامد ولا حاجة الا في وجود أنظمة الثبات زي EBD و ESC أو ESP لأنها بتحسن أداء النظام ..و يمكن النظام ده ما يكونش موجود أساسا فب الالانترا المانيوال ..

في الفرملة العادية في خط مستقيم ..وزن العربية بيندفع للأمام بسبب القصور الذاتي ..يعنى الحمل بيزيد على العجل الأمامي و بيخف على العجل الخلفي و الفرامل اللي بتشيل أكتر هيا الأمامية علشان كده في غير وجود انظمة الثبات الاليكترونية يبقى وجود الديسكات الخلفية ذو تأثير أقل فعالية (بس هيا موجودة في السيراتو برضه).


أما موضوع معروفة من زمان و السيراتو ماحدش يعرف عنها حاجة فده الي حسسنس ان حضرتك بتحاول تقنع نفسك بيها لأنك لسه قايل بنفسك (مكنة واحدة و فتيس واحد) و كنت فاكرهم زي بعض ...يبقى خايف منها ليه ؟؟؟

موضوع الصالون الداخلي ...انا الحقيقة ماركبتش الالانترا غير مرتين و مش فاكر خاماتها ايه ...بس السيراتو خاماتها مش قد كده و دي حقيقة

[Haitham10]

معلش يا سيدي الفاضل ليا كام تعليق كده:
1-الفتيس مختلف مش هوه هوه, فتيس السيراتو gates bs
2-في فرق في الموتور رغم انه نفس الفئة, لكن فرق في التيونينج بتاعه (cam timing, w valve timing w el headers)
3-فرامل السيراتو abs-ebd و الفرامل ورا ديسكات من اول sx إللي هي 116,000
4-الeps إللي هو الباور الكهرباء في الإلنترا فيه مشكلة انه مالوش speed sensor, يعني مش بيفصل مع التسارع, و بالتالي فوق ال120 هتبقي ماسك الدركسيون بإيديك و سنانك
5- الوكيل المحترم غبور غني عن التعريف
6-ميزة الإلنترا الوحيدة هي السعر الأقل من السيراتو

بحب الناس الي عارفه بتتكلم عن ايه وزود عليهم ان الالنترا واطيه جدا جدا
مع اني بحبها بس الحق يتقال فعلا:b4_592:

[dasboot]

اسمحلي اقول انطباعي عن مشاركة حضرتك ...

حضرتك بتحاول تقنع شخص ما (يا احنا ,يا نفسك) بإن السيراتو مش أحسن من الإلانترا فقط

لكن مافيش اي حاجة من اللي حضرتك قولتها بتقول ان الالنترا أحسن من السيراتو ..

- المكنة غير ....و دي حقيقة مش كلام ... موضوع الهورس باور على اللفات العالية اللي حضرتك ذكرته معناه برضه ان الموتور أقوى و لا يعني أي ميزة للإلانترا

- الفتيس غير زي ما dsaboot قال و حضرتك وضحت انه أحسن من بتاع الالانترا وبدون تعليق .

- الفرامل في السيراتو ديسكات ورا .. وحتى لو مش ديسكات ...حضرتك بتقول انها بتفرق "جامد" لأ هي مش جامد ولا حاجة الا في وجود أنظمة الثبات زي EBD و ESC أو ESP لأنها بتحسن أداء النظام ..و يمكن النظام ده ما يكونش موجود أساسا فب الالانترا المانيوال ..

في الفرملة العادية في خط مستقيم ..وزن العربية بيندفع للأمام بسبب القصور الذاتي ..يعنى الحمل بيزيد على العجل الأمامي و بيخف على العجل الخلفي و الفرامل اللي بتشيل أكتر هيا الأمامية علشان كده في غير وجود انظمة الثبات الاليكترونية يبقى وجود الديسكات الخلفية ذو تأثير أقل فعالية (بس هيا موجودة في السيراتو برضه).


أما موضوع معروفة من زمان و السيراتو ماحدش يعرف عنها حاجة فده الي حسسنس ان حضرتك بتحاول تقنع نفسك بيها لأنك لسه قايل بنفسك (مكنة واحدة و فتيس واحد) و كنت فاكرهم زي بعض ...يبقى خايف منها ليه ؟؟؟

موضوع الصالون الداخلي ...انا الحقيقة ماركبتش الالانترا غير مرتين و مش فاكر خاماتها ايه ...بس السيراتو خاماتها مش قد كده و دي حقيقة

و كمان مهندس و سيكاترست :)

ماشاء الله يا مان

و ضيف علي دول حاجه صغيره كده لسه مكتشفها امبارح بليل, و هي ان السيراتو كمان سنتين هتبقي SuperCharged 2.4L و ده موتور Hyundai Tibrun و برضو كيا هتعدله, و هو رسميا حتي الأن المحرك جه 170HP و التوقعات بتقول انه بعد التعديل و الSuperCharging ممكن يوصل ل 300HP~350HP
و هيركب علي النيو سيراتو عادي علشان نفس الشاسيه :)

انا هابدأ احوشله من دلوقتي

[Ahmed Samy]

و كمان مهندس و سيكاترست :)

ماشاء الله يا مان

و ضيف علي دول حاجه صغيره كده لسه مكتشفها امبارح بليل, و هي ان السيراتو كمان سنتين هتبقي supercharged 2.4l و ده موتور hyundai tibrun و برضو كيا هتعدله, و هو رسميا حتي الأن المحرك جه 170hp و التوقعات بتقول انه بعد التعديل و الsupercharging ممكن يوصل ل 300hp~350hp
و هيركب علي النيو سيراتو عادي علشان نفس الشاسيه :)

انا هابدأ احوشله من دلوقتي

انت تحوش للـــkoupe بقى

نازلة اخر الصيف

[dasboot]

انت تحوش للـــkoupe بقى

نازلة اخر الصيف

ما هو ده موتور الCoupe و هو قصاد الTibrun بس انا هاستفيد من مزايا السيدان و مميزات الكوبيه :)
و ممكن اشوف واحده هاي لاين عامله حادثه ادخلها قطع غيار و اقلبها هاي لاين لأ و كمان بتاعه بره البلوتوث و ESC مادام سلموني SX زي ال.......
و اعمله سوبرتشارج بالكيت بتاعه الTIBRUN

و بعدها والدتي هاتدخل تصحيني علشان انزل الكيلة

[Haitham10]

كفايه انتو الاتنين عقدتوني الناس بتتخانق هنا علي 20 حصان فرق
كفاااااايه